ᐊᑈᔅᑕᓇᒡ 21:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᒧᔭᒻ ᒪᒃ ᒥᓯᐛ ᐊᐛᓐ ᐊᓐᑕ ᒋᕈᓯᓕᒥᒡ ᐊ ᐛᐛᓇᔨᑕᐧᒃ ᒋ ᐃᑕᔨᑕᑯᓐ᙮ ᓂᓇᐧᑯᐤ ᒋ ᐅᒋᐸᔨᑐᐅᒡ ᐊᐛᓐᒋ᙮ ᐊᑯ ᒂ ᒪᑯᓇᑭᓄᐅᑦ ᑈᓪ, ᒂ ᐎᐎᑕᐸᑕᑭᓄᐅᑦ ᐊᓐᑕ ᐊᔭᒥᐊᐅᒋᐛᐱᒡ᙮ ᑎᐛᒡ ᒪᒃ ᒋ ᐊᑎ ᒋᐸᐛᑭᓄᐎᒡ ᐊᓐᒡ ᒋᓴᐊᔭᒥᐊᐅᒋᐛᑉ ᔅᑐᐧᑭᓂᒡ᙮

ᐊᑈᔅᑕᓇᒡ 21:30 Iomraidhean Croise

ᒪᑎᔪᐤ 2:3

ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐱᔭᑕᐧᒃ ᐅᔭ, ᓇᔅᒡ ᒋ ᒥᑯᔅᑲᑕᔨᑎᒻ ᑭᔭ ᒥᓯᐛ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ᑕᒡ ᑭᔭ ᐎᔨᐛᐤ ᒋ ᒥᑯᔅᑲᑕᔨᑎᒧᒡ᙮

ᒪᑎᔪᐤ 21:10

ᐃᔅᐱ ᒪᒃ ᒋᓴᔅ ᑕᑯᓯᐧᒃ ᐊᓐᑕ ᒋᕈᓯᓕᒥᒡ ᒥᓯᐛ ᐊᓐᒡ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑯᔅᑯᐱᔪᒡ ᐊ ᐃᔅᒋᔄᒡ, “ᐊᐛᓐ ᐅ ᑲ ᑎᑯᓯᐧᒃ ?”

ᓗᒃ 4:29

ᐊᑯ ᒂ ᐱᓯᑯᒡ ᒂ ᐎᐎᑎᓴᐛᒡ ᒋᓴᓴ ᐊᓐᑕ ᐅᑦ ᐃᑕᐅᓄᐛᒡ ᐅᒡ᙮ ᐊᓐᑕ ᒪᒃ ᒥᒋᒪ ᐊᓂᔭ ᐅᑕᓇᒧᐛᐤ ᒋ ᑎᑯᓂᔪᐤ ᐊ ᒋᔅᒐᑲᔨᒡ᙮ ᐊᑯᑕ ᒪᒃ ᑲ ᐃᑐᑕᐊᒡ ᐊᒋ ᐎ ᐊᒧᐛᐱᓇᒡ᙮

ᐊᑈᔅᑕᓇᒡ 19:29

ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮

ᐊᑈᔅᑕᓇᒡ 26:21

ᐊᐅᒄ ᒪᒃ ᐅᔭ ᒪᒂᒡ ᑲ ᐃᑐᒡ ᐊᓐᒡ ᒍᐤ ᐃᔪᒡ ᑲ ᐸᒋ ᒪᑯᓂᒡ ᒪᒂᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᑕᐅᒡ, ᐊᑯ ᒂ ᐎ ᐸᒋ ᓂᐸᐃᒡ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮