ᐊᑈᔅᑕᓇᒡ 21:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᑈᓪ ᒪᒃ ᒋ ᑕᑈᑎᒻ ᐊᓂᔭ ᑲ ᐃᑎᓱᒪᑭᓄᐅᑦ᙮ ᒥᓐ ᐎᔭᐱᓂᔨᒡ ᒋ ᐎᒐᐛᐤ ᐊᓂᔭ ᓇᐅᐤ ᓇᐸᐛ ᒐᒋ ᐸᔭᒋᐊᑭᓄᔨᒋ ᐛᔅ ᐊᐅᒄ ᐅᔭ ᑲ ᐃᓯ ᐎᑕᑭᓄᐎᒡ ᒐᒋ ᐃᑐᑎᒧᐛᑭᓄᐅᒡ ᐊᓐᑕ ᒍᐤ ᐊᔭᒥᐊᐅᒥᓯᓇᐃᑭᓂᒡ᙮ ᒋ ᐃᑐᑕᐤ ᑭᔭ ᐎᔾ ᑈᓪ ᐊᓐᑕ ᒍᐤ ᐃᔪᐛ ᐅᒋᓴᐊᔭᒥᐊᐅᒋᐛᐱᒡ᙮ ᐃᔅᐱ ᒪᒃ ᑲᒋ ᐃᓯ ᐊᐃᑎᒡ ᑕᓐ ᐊᓂᔭᔪᐤ ᑲ ᐎ ᐃᑎᒡ, ᐊᑯ ᒂ ᐎᑎᒧᐛᑦ ᑈᓪ ᐊᓂᔭ ᐊᓐᑕ ᐊᔭᒥᐊᐅᒋᐛᐱᒡ ᑲ ᐊᐱᑎᓯᔨᒋ ᑕᓐ ᑕᑐᐤ ᒋᓯᑲᐛ ᐃᔭᒄ ᒋᒋᐛ ᒋᐸ ᒋᔅᑕᐱᔪᐤ ᐊᓂᔭ ᑲ ᐎ ᐃᓯ ᓂᓇᑭᑐᐛᔨᑎᒥᐃᑯᒡ ᒐᒋ ᐃᑎᒡ᙮ ᑭᔭ ᐊᑯᑕ ᐊᓐ ᒋᐸ ᑎᑯᓂᔪᐤ ᑕᓐ ᒋᐸ ᐃᓯ ᒥᑐᔅᑕᐊᒪᐅᒡ ᒐᒂᔪᐤ ᒥᓯᐛ ᐊᓐᑕ ᐊ ᑎᓯᒡ, ᑈᓪ ᑭᔭ ᐊᓂᔭ ᑲ ᐸᒋ ᐎᒐᐛᑦ᙮

ᐊᑈᔅᑕᓇᒡ 21:26 Iomraidhean Croise

ᒠᓐ 11:55

ᒋ ᐸᓱᓇᑯᓐ ᒪᒃ ᐊᓐ ᒍᐤ ᐎᒪᔅᑲᒐᐅ-ᒥᑯᓴᐅᓐ᙮ ᒥᒐᑦ ᐊᐛᓐᒋ ᒋ ᐸᒋ ᐃᑐᑕᐅᒡ ᒋᕈᓯᓕᒥᒡ ᓂᓇᐧᑯᐤ ᐅᑕᓇᒡ ᐊ ᐅᑐᑕᒡ ᐊ ᐸᒋ ᑎᑯᓯᒡ ᒐᒋ ᐃᑐᑕᒡ ᑕᓐ ᑲ ᐃᓯ ᐎᔅᑕᔨᒡ ᐊᔭᒥᐊᐅ ᐎᓱᐛᐅᓂᒡ ᒋᐸ ᐃᑐᐅᒡ ᒐᒋ ᐸᔭᒋᓯᒡ᙮

ᐊᑈᔅᑕᓇᒡ 21:24

ᐎᒐᐅᒡ ᒪᒃ ᐅᒡ ᓇᐸᐅᒡ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ ᐊ ᐸᔭᒋᐃᓱᒡ, ᒐ ᒋᓯᐧᑭᒧᑦ ᐊᓂᔭ ᒋᐸ ᐃᔅᐱᔅ ᒋᓯᐧᑲᓱᐅᒡ, ᑭᔭ ᒋᐸ ᒧᓯᑭᓄᐎᔪᐤ ᐅᔅᑎᒂᓄᐛᐛ᙮ ᐊᑯ ᒪᒃ ᒐ ᐛᐸᑎᔨᐛᔨᓐ ᒋᐱᒪᑎᓯᐅᓂᒡ ᐊᔅᒄ ᐊ ᒋᔅᑕᔨᑎᒧᑦ ᒧᓱᔅ ᐅᐎᓱᐛᐅᓐ ᑭᔭ ᒐ ᒋᔅᒐᔨᑕᒂᒡ ᐊᒋ ᑭᑭᒋᔭᐛᑕᒋᒧᐅᓇᓄᐅᒡ ᐊᓐ ᑲ ᐃᑕᒋᒥᑯᔨᓐ ᐊᑲ ᐊᐱᑕᔨᑎᒧᑦ ᒧᓱᔅ ᐅᐎᓱᐛᐅᓐ᙮

ᐊᑈᔅᑕᓇᒡ 24:18

ᐊᑯᑕ ᒪᒃ ᐊᓐᑕ ᒪᒂᒡ ᑲ ᑕᐅᒡ ᑲ ᐛᐱᒥᒡ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑲ ᐅᒋᒡ᙮ ᓴᔅ ᓂᒋ ᐃᑐᑎᒺᓐ ᑕᓐ ᑲᒋ ᐃᑎᓇᓄᐅᒡ ᒐᒋ ᐸᔭᒋᐃᓱᓇᓄᐅᒡ᙮ ᐊᓐ ᒪᒃ ᒪᒂᒡ ᓇᒪ ᐅᒋ ᒥᒐᑐᐅᒡ ᐊᐛᓐᒋ ᐊᓐᑕ ᑭᔭ ᓇᒪ ᒐᒂᓐ ᐅᒋ ᐃᓯ ᒥᒋᐱᔪᐤ᙮

1 ᑯᕆᓐᑎᔭᓇ 9:20

ᐊᓐᑕ ᒍᐤ ᑲ ᐃᑎᔅᑲᓇᓯᒡ ᐃᔪᒡ ᐊ ᑕᒡ ᐊ ᑕᔭᓐ, ᒧᔭᒻ ᒍᐤ ᐃᔪᐤ ᓂᑦ ᐃᑕᔨᑕᑯᐃᓱᓐ᙮ ᓇᔅᒡ ᐃᔭᒂ ᓂᓇᑭᑐᐛᔨᑎᒧᒡ ᐎᓱᐛᐅᓂᔪᐤ ᑭᔭ ᓂᔾ ᒪᒃ ᐊᐅᑯᓐ ᐊ ᐃᑎᔭᓐ ᐊᑎ ᐊᑲ ᒪᒋᒂᐱᐧᑲᑎᑯᔭᓐ ᐊᓐ ᐎᓱᐛᐅᓐ᙮ ᐅ ᒪᒃ ᓂᑦ ᐃᑎᓐ ᒐᒋ ᐎᒋᐃᒂᐤ ᐊᓐᒡ ᑲ ᐃᑕᔨᑕᒡ ᒐᒋ ᐱᒪᒋᐅᒡ ᐊ ᓂᓇᐃᑕᒡ ᐎᓱᐛᐅᓂᔪᐤ᙮ ᓂ ᐎ ᐎᒋᐊᐅᒡ ᒐᒋ ᑕᑈᔭᔨᒪᒡ ᒋᓴᓴ᙮