ᐊᑈᔅᑕᓇᒡ 21:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐱᔅᒐ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᓯᓴᕆᔭ ᑲ ᐅᒋᒡ ᓂᒋ ᐎᒐᐅᑯᓇᓂᒡ, ᐊᑯ ᒂ ᐃᑐᑕᐃᔨᒥᒡ ᐊᓐᑕ ᓇᐸᐛ ᒥᓇᓱᓐ ᐊ ᐃᓯᓂᐧᑲᓱᔨᒋ ᐊ ᑕᔨᒋ᙮ ᐊᑯᑕ ᐊᓐ ᓂᐸ ᐃᑕᐛᓇᓐ ᐎᒋᒡ᙮ ᐊᓐᑕ ᓴᐃᐳᕋᔅ ᒋ ᐅᒋᐤ ᐅ ᒥᓇᓱᓐ᙮ ᓴᔅ ᐛᔅᑭᒡ ᒋ ᑕᑈᔭᔨᒪᐤ ᐎᔾ ᒋᓴᓴ᙮

ᐊᑈᔅᑕᓇᒡ 21:16 Iomraidhean Croise

ᑎᐱᑦ ᐅᓂᑭᒧᐅᓇ 92:14

ᐃᔭᐱᒡ ᒋᑭ ᒥᓂᓱᐅᒡ ᐊ ᒋᓴᐃᔪᐅᒡ; ᒋᑭ ᐎᔨᔪᐅᒡ ᑭᔭ ᒋᑭ ᒥᔪ ᓂᑕᐅᒋᐅᒡ;

ᐊᑈᔅᑕᓇᒡ 10:24

ᒥᓐ ᐎᔭᐱᓂᔨᒡ ᐊᑯ ᒂ ᑎᑯᓯᓂᒡ ᐊᓐᑕ ᐊᓂᔭ ᐅᑕᓇᔪᐤ ᓯᓴᕆᔭ ᑲ ᐃᓯᓂᐧᑲᑕᔨᒡ, ᐊᑯᑕ ᒪᒃ ᐊᓐᑕ ᑲ ᐊᓱᐛᐱᒥᑯᒡ ᑯᕐᓂᓕᔭᓴ ᑭᔭ ᐊᓂᔭᔪᐛ ᑲ ᐎᓴᒪᔨᒋ ᐎᐧᑲᓂᓯᔪᐛ ᑭᔭ ᐎᒐᐛᑭᓂᔪᐛ ᒐᒋ ᓂᑐᑐᐛᔨᒋ ᐱᑕᕋ᙮

ᐊᑈᔅᑕᓇᒡ 10:48

ᒋ ᐃᑎᓱᐛᐤ ᒪᒃ ᒐᒋ ᓯᑲᐃᑐᐛᑭᓄᔨᒋ ᐅᔭ ᒋᓴᔅ ᙭ᑕ ᐅᑦ ᐃᓯᓂᐧᑲᓱᐅᓂᔨᒡ᙮ ᐅᒡ ᒪᒃ ᑲ ᑕᑈᑕᒡ ᒋ ᑯᒂᒋᒪᐅᒡ ᐱᑕᕋ ᐛᐃᐱᔅᒋᔅ ᒥᓐ ᒐᒋ ᑕᔨᒋ ᐊᓐᑕ ᐊ ᑕᒡ᙮

ᐊᑈᔅᑕᓇᒡ 11:19

ᐃᔅᐱ ᒪᒃ ᑲ ᓂᐸᐊᑭᓄᐅᑦ ᔅᑎᐱᓐ, ᒋ ᓂᓇᐧᑲᒋᐊᑭᓄᐅᒡ ᐊᓐᒡ ᑲ ᑕᑈᑕᒡ, ᒥᓯᐛ ᒪᒃ ᓂᓇᐧᑯᐤ ᒋ ᐃᑎᓯᒧᒡ᙮ ᐱᔅᒐ ᒪᒃ ᐛᔪᐤ ᒋ ᐃᑐᑕᐅᒡ ᒧᔭᒻ ᐊᓐᑕ ᐊᔅᒋᒡ ᐳᓂᓯᔭ ᑭᔭ ᓴᐃᐳᕋᔅ ᑲ ᐃᓯᓂᐧᑲᑕᔨᒋ ᑭᔭ ᐊᓐᑕ ᐅᑕᓇᒡ ᐊᓐᑎᔭᒃ, ᒥᒄ ᒪᒃ ᐊᓂᔭ ᒍᐤ ᐃᔪᐛ ᒋ ᐛᐎᑎᒧᐛᐅᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 15:39

ᐊᑯ ᑲ ᒥᒋᐱᔨᒡ ᐸᕐᓇᐸᔅ ᑭᔭ ᑈᓪ ᐅᔭ ᐅᒋ, ᐊᑯ ᑕᑎᐸᓐ ᒂ ᐃᑐᑕᒡ᙮ ᐸᕐᓇᐸᔅ ᒋ ᔅᑐᑕᐊᐤ ᐊᓂᔭ ᒠᓐ-ᒪᕐᑲ, ᐊᓐᑕ ᓴᐃᐳᕋᔅ ᐊᑯᑕ ᑲ ᐃᑕᓯᒡ ᐊ ᒥᓴᔨᒡ ᐅᑎᓂᔪᐤ ᐊ ᐊᐱᒋᑕᒡ᙮

ᐊᑈᔅᑕᓇᒡ 15:7

ᓇᐅᔅ ᒪᒃ ᒋ ᐃᔭᔨᒧᑎᒧᒡ ᐅᔭ ᐊᑯ ᐱᑕᕐ ᒂ ᐅᒋ ᐱᓯᑯᑦ ᐊ ᐃᔅᒋᔄᑦ, “ᓂᐧᑲᓂᓯᑐᒄ, ᒋ ᒋᔅᒋᓯᓇᐛᐤ ᒋᓴᒪᓂᑐᐤ ᐊᒋ ᐅᑎᓂᑦ ᒐᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᐅᒋ ᐸᑕᒡ ᑭᔭ ᒐᒋ ᑕᑈᑕᒡ᙮

ᐊᑈᔅᑕᓇᒡ 21:8

ᐊᑯ ᒪᒃ ᐎᔭᐸᒡ ᐊᑯ ᒂ ᔅᑐᑕᔭᒡ ᐊᓐᑕ ᐊᓐ ᐅᑕᓇᐤ ᓯᓴᕆᔭ ᒂ ᐃᓯᓂᐧᑲᑕᒡ ᑲ ᐃᑐᑕᔭᒡ᙮ ᐱᓕᑉ ᒪᒃ ᐊ ᐃᓯᓂᐧᑲᓱᑦ ᓇᐸᐤ ᐊᓐᑕ ᐊ ᑕᑦ ᐊᐅᒄ ᐅ ᐎᒋᒡ ᑲ ᐃᑕᐅᒋᑦ᙮ ᑲ ᑭᒐᔅᒋᒧᑦ ᒋ ᐃᑕᐱᑎᓯᐤ ᐅ ᐱᓕᑉ ᑭᔭ ᐊᐅᒄ ᐅ ᐸᐃᒄ ᐊᓐᒡ ᓂᔄᐅᑕᒡ ᑲ ᑎᓯᒡ ᑲ ᐅᑎᓇᑭᓄᐎᒡ ᒐᒋ ᓇᑕᒪᒐᒡ ᐊᓐᑕ ᐊᔭᒥᐊᐅᒋᐛᐱᒡ ᒋᕈᓯᓕᒥᒡ᙮

ᐊᑈᔅᑕᓇᒡ 4:36

ᐊᐅᑯᓐ ᑲ ᐃᑎᑦ ᒍᓯᑉ, ᐊᓐ ᓕᐸᐃ ᐃᔪᐤ ᑲ ᐃᑎᔅᑲᓇᓯᑦ, ᓴᐃᐳᕋᔅ ᒥᓂᔅᑎᑯᒡ ᒋ ᐱᒪᑎᓯᒐ ᐅ ᓇᐸᐤ᙮ ᐊᓐᒡ ᒪᒃ ᐊᑈᔅᑕᓇᒡ ᐸᕐᓇᐸᔅ ᒋ ᐃᓯᓂᐧᑲᑕᐅᒡ ᐅᔭ ᒍᓯᑉ᙮ ᐊᓐ ᒪᒃ ᐃᓯᓂᐧᑲᓱᐅᓐ ᑲ ᓯᒋᒪᑦ ᐊᐛᔪᐛ ᒐᒋ ᓱᒋᑲᐳᔨᒋ ᐃᓯ ᐱᔭᑭᔅᒋᑕᑯᑕᑭᓄᐤ᙮

ᐊᑈᔅᑕᓇᒡ 8:40

ᐱᓕᑉ ᒪᒃ ᐊᓱᑕᓯᒡ ᒋ ᐅᒋ ᑕᐤ, ᐊᑯᑕ ᐊᓐᑕ ᐅᒋ ᐊᓱᑕᓯᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᒥᓯᐛ ᐅᑕᓇᐛ ᐱᐃᒻ ᑲ ᑎᑯᓯᐧᒃ ᓯᓴᕆᔭᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:7

ᑭᔭ ᐊᓐᒡ ᓂᐧᑲᓂᓯᒡ ᐊᓐᑎᕈᓂᑲᔅ ᑭᔭ ᒍᓂᔭᔅ ᓂ ᐛᒋᔭᒪᐅᒡ᙮ ᐊᑯᑕ ᑭᔭ ᐎᔨᐛᐤ ᑲ ᑕᒡ ᒪᒂᒡ ᑲᒪᑯᓄᐛᓯᐅᒋᐛᐱᒡ ᑲ ᑕᐅᒡ᙮ ᓇᔅᒡ ᒥᔪ ᒋᔅᑕᔨᒥᑯᐅᒡ ᑯᑎᑲ ᐊᑈᔅᑕᓇ᙮ ᐎᔨᐛᐤ ᓂᔅᑎᒻ ᒋ ᑕᑈᔭᔨᒪᐅᒡ ᒋᓴᓴ ᐊᔅᒄ ᐊᑲ ᓂᔾ ᐅᒋ ᑕᑈᔭᔨᒥᒋ᙮

ᐸᐃᓕᒪᓐ 1:9

ᒥᒄ ᒪᒃ ᓴᒋᐃᐛᐅᓐ ᓂ ᐃᑐᑕᑯᓐ ᐃᔭᐱᒡ ᒐᒋ ᑯᒂᒋᒥᑕᓐ᙮ ᓇᒪ ᒋᑭ ᐅᒋ ᐊᔨᐧᑭᒥᐃᑎᓐ ᐊ ᐎᑎᒪᑕᓐ ᑕᓐ ᒋᐸ ᐃᑎᓐ ᐊᑎ ᐊ ᒋᓴᐃᔪᔭᓐ ᑭᔭ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᐊᒋ ᐊᔨᒧᒥᒃ ᒋᓴᔅ᙮