ᐊᑈᔅᑕᓇᒡ 20:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋ ᑕᐤ ᒪᒃ ᐊᓐᑕ ᐅᔅᒋᓂᒋᓱᐤ ᔪᑎᑲᔅ ᐊ ᐃᓯᓂᐧᑲᓱᑦ᙮ ᐊᓐᑕ ᓯᐳᐛᔅᑕᔨᑕᑭᓂᔪᐤ ᐊ ᑎᑯᓂᔨᒡ ᐊᓐᑕ ᒪᒃ ᐊ ᑲᑎᐸᓯᔨᒡ ᐊᑯᑕ ᑲ ᐊᐱᑦ᙮ ᒋ ᔪᑕᑯᑕᔭᐤ ᒪᒃ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᐊᓂᔭ ᒪᒃ ᐊ ᐃᔅᐱᔅ ᓇᐅᔅ ᐃᔨᒥᔨᒋ ᑈᓚ ᒐᒃ ᒋ ᓄᑕᐧᑯᓱᐤ ᐊᓐ ᓇᐸᔅ ᐊᑯ ᒂ ᐎᐎᐱᔨᑦ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᒋᒋᐛ ᒪᒃ ᒋ ᐃᔅᐸᓇᔪᐤ ᐊᓐᑕ ᑲ ᐅᒋ ᐊᒥᐱᔨᑦ᙮ ᐃᔅᐱ ᓇᑐᐛᐱᒪᑭᓄᐅᑦ, ᓴᔅ ᓇᒪ ᐅᒋ ᐱᒪᑎᓯᐤ᙮

ᐊᑈᔅᑕᓇᒡ 20:9 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:36

ᐃᔭᒂᒥᒄ ᒪᒃ, ᐃᔭᒂ ᒐᔅᑲᑯᐅᔭᒂ ᐊ ᓂᐸᔭᒄ ᓯᔅᒋᑯᒡ ᑎᑯᓯᒐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:26

ᐊᑯ ᐊᓐ ᒥᒋ ᐊᒐᐧᒄ ᒂ ᐅᒋ ᐊᓯᒂᑦ, ᒂ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ᓂᐱᑦ ᐊᐅᑯᓐ ᑲ ᐃᓯᓇᑯᓯᑦ ᐊᓐᑕ ᐊ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ᐃᔅᒋᔄᑦ, “ᓇᒪ ᐱᒪᑎᓯᐤ᙮”

ᐊᑈᔅᑕᓇᒡ 14:19

ᐱᔅᒐ ᒍᐤ ᐃᔪᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᐊᓐ ᐅᑕᓇᐤ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ, ᑭᔭ ᐱᔅᒐ ᐊᓐᑕ ᐊᐃᑯᓂᔭᒻ ᒋ ᐅᑐᑕᐅᒡ, ᐊᑯ ᑲ ᓴᐧᑯᒋᒪᒡ ᐊᓂᔭ ᐃᔪᐛ ᒐᒋ ᐎᒋᐃᑯᒡ ᐊ ᐎ ᓂᐸᐊᒡ ᑈᓚ᙮ ᐊᑯ ᑲ ᐸᐱᒧᓯᓇᑕᐛᒡ ᐊᑯ ᑲ ᐎᐎᑕᐸᑕᒡ ᐊᓐᑕ ᐊᓂᔭ ᐅᑕᓇᔪᐤ ᐊᒋ ᐃᑕᔨᒪᒡ ᐊ ᓂᐱᔨᒋ ᐊᓂᔭ ᑈᓚ᙮

ᐊᑈᔅᑕᓇᒡ 20:10

ᐃᔅᐱ ᒪᒃ ᒧᓯᑕᑦ ᑈᓪ ᑕᓐ ᐊ ᐃᔅᐱᔨᒡ ᒋ ᓂᑎᒋᐛᐤ, ᐊᑯ ᒂ ᐅᒋᒋᐧᑯᓂᐱᔪᐅᑦ ᐅᐱᒪ ᐊ ᑕᔨᒋ ᐊᓂᔭ ᓇᐸᓴ ᑭᔭ ᒂ ᐊᑎ ᐛᐅᒋᑯᐃᐛᐱᑕᑦ᙮ ᐊᑯ ᒂ ᐃᔅᒋᔄᑦ, “ᐊᑲᐎᔾ ᐊᔨᒪᔨᑎᒧᒄ, ᓇᒪ ᓂᐳᐤ᙮”

ᐊᑈᔅᑕᓇᒡ 20:7

ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮

ᐊᑈᔅᑕᓇᒡ 20:8

ᐊᓐᑕ ᒪᒃ ᐊᓐ ᑲ ᒪᒧᐎᔭᒡ ᐃᔅᐱᒥᑎᑯᒡ ᒋ ᒥᒐᓇ ᐛᔅᑕᓂᐱᒪᑭᓇ᙮