ᐊᑈᔅᑕᓇᒡ 20:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓂᔅᑐ ᐱᓯᒺ ᒪᒃ ᒋ ᑕᐤ ᐊᓐᑕ᙮ ᐃᔅᐱ ᒪᒃ ᐊᔭᔅᑯᐎᑦ ᒐ ᐃᔅᒋᒪᑦ ᐊᓐᑕ ᓯᕆᔭᒡ, ᐊᓂᔭ ᐅᓄᐛ ᒍᐤ ᑲ ᐃᑎᔅᑲᓇᓯᔨᒋ ᐊᓐᑕ ᑲ ᑕᔨᒋ ᒋ ᐎ ᓂᐸᐃᑯᐤ, ᐊᑯ ᒂ ᐎᔭᔨᑕᐧᒃ ᑲᐤ ᐊᓐᑕ ᒪᓯᑐᓂᔭᒡ ᒐ ᐃᑐᑕᑦ᙮

ᐊᑈᔅᑕᓇᒡ 20:3 Iomraidhean Croise

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᐊᑈᔅᑕᓇᒡ 16:12

ᐊᑯᑕ ᐊᓐᑕ ᑲ ᐅᒋ ᐱᒧᑕᔭᒡ ᐊᓐᑕ ᐊ ᐃᑐᑕᔭᒡ ᐱᓕᐸᐃᒡ ᐊᓐ ᑲ ᒥᓴᒡ ᐅᑕᓇᐤ ᐊᓐᑕ ᒪᓯᑐᓂᔭ ᐊᔅᒋᒡ ᑲ ᑎᒂᒡ, ᕈᒻ ᐃᔪᒡ ᒋ ᑎᐸᔨᑎᒧᒡ ᐊᓂᔭ ᐅᑕᓇᔪᐤ᙮ ᐛᐃᐱᔅᒋᔅ ᐊᓐᑕ ᓂᒋ ᑕᓇᓐ᙮

ᐊᑈᔅᑕᓇᒡ 16:9

ᐊᓂᔭ ᒪᒃ ᑕᐱᔅᑲᔨᒡ ᑈᓪ ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ᙮ ᒧᔭᒻ ᐊ ᐛᐱᒪᑦ ᓇᐸᐛ ᒋ ᐃᓯᓂᒻ ᐊᓐᑕ ᒪᓯᑐᓂᔭ ᐊᔅᒋᒡ ᐅᒡ ᐊ ᓂᐳᔨᒋ ᐊ ᐃᑎᑯᑦ, “ᐸᒋ ᐃᑐᑕᒄ ᐅᑕ ᒪᓯᑐᓂᔭᒡ, ᒐ ᐸᒋ ᐎᒋᐃᔭᒡ᙮”

ᐊᑈᔅᑕᓇᒡ 18:18

ᒥᒐᑐᐤ ᒋᓯᑲᐛ ᒋ ᑕᐤ ᑈᓪ ᐊᓐᑕ ᑯᕆᓐᑦ ᐊᓐᑕ ᐊᔭᒥᐊᐤ ᐎᐧᑲᓂᓯᒪᐛ ᐊ ᑕᔨᒋ᙮ ᐊᑯ ᒐᒃ ᒂ ᒋᑕᓯᒡ, ᐊᓐᑕ ᓯᕆᔭ ᒋ ᐃᔅᒋᒪᐅᒡ, ᐳᕆᓯᓚ ᑭᔭ ᐊᑯᐎᓚ ᒋ ᐎᒐᐅᑯᐤ᙮ ᐊᔅᒄ ᒪᒃ ᐊᑲ ᐅᒋ ᐃᔅᒋᒪᒡ ᐊᓐᑕ ᓴᓂᑯᕆᔭᒡ, ᑈᓪ ᒋ ᑲᔅᒋᐸᑎᒻ ᐅᔅᑎᒂᓐ ᒧᔭᒻ ᒍᐤ ᐃᔪᐛ ᑲᒋ ᐃᑎᔨᒋ ᒐᒂᔪᐤ ᐊᒋ ᑕᔨᒋ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑕᐧᒃ᙮

ᐊᑈᔅᑕᓇᒡ 19:21

ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮

ᐊᑈᔅᑕᓇᒡ 20:1

ᐃᔅᐱ ᒪᒃ ᑲ ᐊᑎ ᒋᐱᑥᐛᑕᑭᓄᐎᒡ ᑕᓐ ᑲ ᐃᑥᐛᑕᑭᓄᐎᒡ ᑭᔭ ᑲ ᒋᐛᔨᒋ ᐊᓂᔭᔪᐛ ᐃᔪᐛ, ᑈᓪ ᒋ ᐎᓴᒪᐤ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮ ᐊᑯ ᒂ ᓯᒋᒪᑦ ᓱᒃ ᒐ ᐎ ᐊᔨᒋᑲᐳᔨᒋ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔅᐱ ᒪᒃ ᑲ ᐛᒋᔭᒪᑦ ᐊᑯ ᒂ ᔅᑐᑕᑦ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐃᑐᑕᑦ᙮

ᐊᑈᔅᑕᓇᒡ 20:19

ᐊᒋ ᐊᑐᔅᑯᐅᒃ ᐅᑎᐸᔨᒋᒐᐤ ᑎᐱᑕᔨᒧᐅᓂᒡ ᐃᔅ ᑭᔭ ᓇᓂᑯᑎᓂᔾ ᐊᒋ ᐃᓯᓇᑯᓯᔭᓐ ᐊ ᒪᔭᓐ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᐊᔨᒥᐅᔭᓐ ᒪᓐ ᐊᓂᔭ ᑲ ᐃᔅᐱᔅ ᒧᔅ ᒋ ᐎ ᑎᑯᓂᔨᒡ ᐊ ᐎᑐᑐᐅᒡ ᐊᓐᒡ ᒍᐤ ᐃᔪᒡ᙮

ᐊᑈᔅᑕᓇᒡ 20:2

ᐊᓂᔭ ᒪᒃ ᐊ ᐊᑎ ᐱᒧᑕᑦ ᐊᓐᑕ ᐊᓂᔭ ᐊᔅᒋᔪᐤ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᒋ ᐊᑎ ᐛᐱᒪᐤ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᓂᓇᐧᑯᐤ ᐅᑕᓇᒡ ᑲ ᐊᑎ ᑕᔨᒋ ᐊᓐᑕ ᐃᑕᒐ᙮ ᐊᐅᒄ ᐅᔭ ᒥᓐ ᑲ ᓯᒋᒪᑦ ᒐᒋ ᐊᔨᒋᑲᐳᔨᒋ ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑭᔭ ᐊ ᐃᓯ ᐱᒪᑎᓯᔨᒋ᙮ ᒐᒃ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ᐊᑎ ᑕᑦ᙮

ᐊᑈᔅᑕᓇᒡ 21:3

ᐃᔅᐱ ᒪᒃ ᐎᔭᐸᑎᒪᒡ ᐊᓐ ᒥᓂᔅᑎᒄ ᓴᐃᐳᕋᔅ ᑲ ᐃᓯᓂᐧᑲᑕᒡ ᓴᐅᓄᒡ ᐃᑕᒐ ᓂᒋ ᐃᓯ ᐎᒪᐊᓇᓐ ᐊᑯ ᑯᐃᔅᒄ ᐊᓐᑕ ᓯᕆᔭ ᐊᔅᒋᒡ ᐊᑯᑕ ᒂ ᐃᑕᔅᑎᒥᑎᓱᔭᒡ᙮ ᐊᓐ ᒪᒃ ᐅᑕᓇᐤ ᑕᐃᕋ ᑲ ᐃᓯᓂᐧᑲᑕᒡ ᐊᓐᑕ ᓯᕆᔭ ᐊᔅᒋᒡ ᑲ ᑎᒂᒡ ᐊᑯᑕ ᑲ ᓇᑎᑭᒪᐊᒪᒡ ᐊᑯᑕ ᑭᔭ ᑲ ᐊᒂᓇᓱᓇᓄᐅᒡ᙮

ᐊᑈᔅᑕᓇᒡ 25:3

ᒋ ᓯᒋᒪᐅᒡ ᐸᔅᑕᓴ ᒐᒋ ᓂᔅᑯᒧᔨᒋ ᒐᒋ ᐸᒋ ᐃᑐᑕᐊᑭᓄᔨᒋ ᑈᓚ ᐊᓐᑕ ᒋᕈᓯᓕᒥᒡ᙮ ᐛᔅ ᒋᒧᑦ ᒋ ᐎᔭᔨᑎᒧᒡ ᒐᒋ ᐊᔅᑭᒧᐛᒡ ᑈᓚ ᐊ ᐎ ᓂᐸᐊᒡ ᐊᓐᑕ ᒋᕈᓯᓕᒥᒡ ᐸᒋ ᐃᑐᑕᐊᑭᓄᔨᒐ᙮

2 ᑯᕆᓐᑎᔭᓇ 1:15

ᑲ ᐃᔅᐱᔅ ᒋ ᒐᔅᑎᓇᑕᔨᑎᒥᐃᑯᔭᓐ ᒥᓯᐛ ᐅ, ᓂᒋ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᒧᐱᔅᑕᑎᑯᒡ᙮ ᐊᑯ ᒪᒃ ᒋᐸ ᓇᐃᐱᔪᐤ ᓂᔄᐤ ᒐᒋ ᐎᒋᐃᑎᑯᒡ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮

2 ᑯᕆᓐᑎᔭᓇ 7:5

ᐛᔅ ᐃᔅᐱ ᑲ ᑎᑯᓯᓂᔭᒡ, ᐊᓐᑕ ᐊᓐ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᓂᔅᑎᒻ ᑲ ᑕᔭᒡ ᓇᒪ ᐛᐛᒡ ᓂ ᐅᒋ ᐊᔅᑕᔭᔅᑯᓯᓇᓐ᙮ ᓇᔅᒡ ᑕᑈ ᓂᓇᐧᑯᐤ ᒋ ᐃᓯ ᐛᐅᔅᑕᐱᔪᐤ᙮ ᒋ ᑕᐅᒡ ᐊᓐᒡ ᐊ ᒥᒋᐱᔨᒥᒡ᙮ ᓂᒋ ᐎ ᓴᒋᓯᓇᓐ ᒪᒃ᙮

ᑲᓚᓯᔭᓇ 1:21

ᐊᑯ ᒪᒃ ᒥᓐ ᐊᓐᑕ ᓯᕆᔭ ᑭᔭ ᓯᓕᓯᔭ ᑲ ᐃᓯᓂᐧᑲᑕᒋ ᐊᔅᒋᔭ ᓂᒋ ᐃᑐᑕᓐ᙮