ᐊᑈᔅᑕᓇᒡ 20:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐃᔅᐱ ᒪᒃ ᑲ ᑎᑯᓯᓂᔨᒋ ᐊᑯ ᒂ ᐃᔨᒪᐊᑦ᙮ ᒋ ᐃᑕᐤ, “ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐱᒪᑎᓯᔭᓐ ᑲ ᐃᔅᐱᔅ ᐊ ᑕᔭᓐ ᐅᑕ ᐊᐃᓴ ᐊᔅᒋᒡ ᐱᐃᒻ ᑲ ᔅᑐᑕᔭᓐ᙮

ᐊᑈᔅᑕᓇᒡ 20:18 Iomraidhean Croise

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 19:10

ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 20:16

ᑈᓪ ᒪᒃ ᒋ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ᒋᓯᑲᔨᒡ᙮

ᐊᑈᔅᑕᓇᒡ 20:4

ᒋ ᒥᒐᑎᔪᐛ ᒪᒃ ᐊᓂᔭ ᑲ ᐎᒐᐅᑯᑦ᙮ ᓱᐸᑕᕐ ᒋ ᐃᓯᓂᐧᑲᓱᔪᐛ ᐊᓂᔭ ᐸᐃᒄ᙮ ᐸᐃᕋᔅ ᒋ ᐃᓯᓂᐧᑲᓱᔪᐛ ᐅᑕᐎᔭ ᐅ ᓱᐸᑕᕐ᙮ ᐸᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐅᒋᒡ᙮ ᐊᑯ ᒥᓐ ᓂᓱ ᐊᐛᔪᐛ ᐊᓐᑕ ᑕᓴᓗᓇᐃᑲᒡ ᐊ ᐅᒋᔨᒋ ᒋ ᐎᒐᐅᑯᐤ ᑈᓪ, ᐊᐅᑯᓐ ᐊᕆᔅᑕᕐᑲᔅ ᑭᔭ ᓴᑲᓂᑕᔅ᙮ ᐊᑯ ᒥᓐ ᐊᓐᑕ ᑎᕐᐱ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐸᐃᑯᓯᔪᐛ ᐊᓐᑕ ᐊ ᐅᒋᔨᒋ ᐊ ᐎᒐᐅᑯᑦ, ᐊᐅᒄ ᐅᔭ ᑲᐃᔭᔅ᙮ ᑎᒧᑎᔨᒋ ᑭᔭ ᒋ ᐎᒐᐅᑯᐤ᙮ ᐊᑯ ᓂᓱ ᒥᓐ ᐊᐛᔪᐛ ᐊᓐᑕ ᐊᐃᓴ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐅᒋᔨᒋ ᒋ ᐎᒐᐅᑯᐤ, ᐊᐅᒄ ᐅᔭ ᑕᐃᑭᑲᔅ ᑭᔭ ᑐᕈᐱᒪᔅ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑎᒧᑎ 3:10

ᒋᔾ ᒪᒃ ᑎᒧᑎ ᓂ ᒐᔅᑎᓇᐅᓐ ᒐ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ᐛᐸᑕᓐ ᑕᓐ ᑲ ᐃᓯ ᑕᑈᑎᒪᓐ, ᑕᓐ ᑲ ᐃᓯ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ᓂᓇᐧᑯᐤ ᓂᒋᔅᑭᒪᓐ᙮