ᐊᑈᔅᑕᓇᒡ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᒋ ᑕᐅᒡ ᒪᒃ ᒍᐤ ᐃᔪᒡ ᐊᓐᑕ ᒋᕈᓯᓕᒥᒡ ᓇᔅᒡ ᐊ ᐊᔭᒥᐊᐛᑎᓯᒡ ᒥᓯᐛ ᓂᓇᐧᑯᐤ ᐊᔅᒋᒡ ᐊᒋ ᐅᑐᑕᒡ᙮

ᐊᑈᔅᑕᓇᒡ 2:5 Iomraidhean Croise

ᐊᒃᓱᑕᔅ 23:16

ᑲ ᒪᒧᓴᒋᓂᑭᓄᐅᒡ ᑲ ᓂᑕᐅᒋᒡ ᒥᒋᒻ ᐃᓯᓂᐧᑲᑕᐤ ᓂᓱ ᐛᒋ ᑎᒂᒡ ᒪᑯᓴᐅᓐ᙮ ᒪᒂᒡ ᐊ ᒥᑯᓴᓄᐅᒡ ᒋᑭ ᐎ ᐱᔅᑎᓂᒧᐅᓇᐛᐤ ᐅᔅᑭᒡ ᑲ ᓂᑕᐅᒋᒡ ᒥᒋᒻ ᑲ ᒪᒧᓴᒋᓂᒪᒄ ᐊᓂᔭ ᑲ ᐊᐱᒋᑕᔭᒄ ᓂᑕᐅᒋᒋᑭᓂᔅᒐ᙮ ‘ᒥᑯᓴᓐ ᐛᔅᑲᐃᑭᓇ’ ᐃᓯᓂᐧᑲᑕᐤ ᓂᔅᑐ ᐛᒋ ᑎᒂᒡ ᒪᑯᓴᐅᓐ᙮ ᐊᐅᑯᓐ ᒐ ᐃᑐᑎᒪᒄ ᒋ ᒪᒧᓴᒋᓂᒪᒄ ᒋ ᒥᒋᒧᐛᐤ ᑭᔭ ᐊᓂᔭ ᒥᓂᓴ ᒥᓯᐛ ᐊ ᐃᓯᓇᒂᒋ᙮

ᒪᑎᔪᐤ 24:14

ᐅ ᒪᒃ ᒥᔽᒋᒧᐅᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑲ ᑎᐸᑐᑕᔨᒡ ᒋᑭ ᑭᒐᔅᒋᒧᓇᓄᐤ ᐅᑕ ᒥᓯᐛ ᐊᔅᒋᒡ ᒥᓯᐛ ᐊᐛᓐ ᒐᒋ ᐸᑕᐧᒃ, ᑭᔭ ᐃᔭᒄ ᒐ ᐃᔎᐱᔨᒡ᙮”

ᓗᒃ 17:24

ᐛᔅ ᐃᔪᐤ ᐅᑯᓯᓴᓐ ᐊᓐ ᒋᓯᑲᒐ ᑲᐤ ᒐ ᑎᑯᓯᓂᔨᒋ ᑕᐱᔅᑯᓐ ᐊ ᐛᔅᑕᐱᔨᒡ ᑲᒋ ᐃᓯᓇᒂᒡ ᒥᓯᐛ ᑲᒋ ᐛᔅᑐᐛᒡ ᒋᓯᒄ, ᐊᐅᑯᓐ ᒧᔭᒻ ᒐ ᐃᓯᓇᒂᒡ᙮

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᓗᒃ 24:18

ᐊᑯ ᐊᓐ ᐸᐃᒄ ᑲᓕᐅᐸᔅ ᐊ ᐃᓯᓂᐧᑲᓱᑦ ᒂ ᐎᑎᒧᐛᑦ ᐊ ᐃᑕᑦ, “ᐊᐅᒄ ᐊ ᒋᔾ ᒥᒄ ᐱᔭᐃᑯᓯᔨᓐ ᐊᓐᑕ ᒋᕈᓯᓕᒥᒡ ᐊᑲ ᒋᔅᒐᔨᑎᒥᓐ ᐅᔭ ᒐᒂᔪᐛ ᑕᓐ ᑲ ᐃᔅᐱᔨᒋ ᓇᒪ ᓇᔅᒡ ᐛᔅᑭᒡ ?”

ᒠᓐ 12:20

ᒋ ᐎᒐᒐᐅᒡ ᒪᒃ ᑯᕆᒃ ᐃᔪᒡ ᐊ ᐃᑐᑕᓄᐎᒡ ᐊᓐᑕ ᒋᕈᓯᓕᒥᒡ ᐊ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᒪᒂᒡ ᐊᓂᔭ ᑲᒋ ᐊᔭᒥᐊᐤ ᒥᑯᓴᓄᐎᒡ᙮

ᐊᑈᔅᑕᓇᒡ 10:2

ᒋ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ᐎᒋᐊᐤ ᐊᓂᔭ ᑲ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ᐊᔭᒥᐊᐤ᙮

ᐊᑈᔅᑕᓇᒡ 10:7

ᐃᔅᐱ ᒪᒃ ᑲᒋ ᔅᑐᑕᔨᒋ ᐊᓂᔭ ᐊᓐᒋᓇ ᑲ ᐃᔨᒥᐃᑯᑦ, ᐊᑯ ᑯᕐᓂᓕᔭᔅ ᒂ ᐎᓴᒪᑦ ᓂᓱ ᐅᑦ ᐊᐸᒐᐊᑭᓐ, ᑭᔭ ᐸᐃᒄ ᐊᓯᒪᑭᓂᓴ ᐊ ᐊᔭᒥᐊᐛᑎᓯᔨᒋ, ᐊᓂᔭ ᒧᔅ ᑲᒋ ᓂᓇᑭᑐᐛᔨᒥᑯᑦ᙮

ᐊᑈᔅᑕᓇᒡ 13:50

ᒥᒄ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑐᑐᐛᐅᒡ ᐊᓂᔭ ᓇᐸᐛ ᑭᔭ ᐃᔎᐛ ᓇᔅᒡ ᑲ ᒋᔅᑕᔨᒪᑭᓄᔨᒋ ᐊᓐᑕ ᐅᑕᓇᒡ ᒐᒋ ᒋᔄᓯᔅᑐᐛᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒐᒋ ᓂᓇᐧᑲᒋᐊᔨᒋ᙮ ᑭᔭ ᒋ ᐎᐎᑎᓴᐅᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᐊᓐᑕ ᐊᓂᔭ ᐊᔅᒋᔪᐤ᙮

ᐊᑈᔅᑕᓇᒡ 2:1

ᐃᔅᐱ ᒪᒃ ᐊᓐ ᐊ ᒋᓯᑲᒡ ᐸᓐᑎᑯᔅᑦ ᑲ ᐃᓯᓂᐧᑲᑕᒡ ᐛᑎᒋᐱᔨᒡ ᒥᓯᐛ ᒪᒧᐤ ᒋ ᑕᐅᒡ ᐊᓐᒡ ᑲ ᑕᑈᑕᒡ᙮

ᐊᑈᔅᑕᓇᒡ 22:12

“ᒋ ᑕᐤ ᒪᒃ ᓇᐸᐤ ᓇᓂᑎᒻ ᐊᓐᑕ ᑕᒪᔅᑲᔅ ᐊᒋ ᐎᒋᑦ ᐊᓇᓇᔭᔅ ᐊ ᐃᓯᓂᐧᑲᓱᑦ᙮ ᒋ ᑕᑈᔭᔨᒪᐤ ᒋᓴᒪᓂᑐᐛ ᐅ ᓇᐸᐤ ᑭᔭ ᓇᔅᒡ ᐃᔭᒂ ᒋ ᐃᓯ ᓂᓇᑭᑐᐛᔨᑎᒥᐃᑯᐤ ᒍᐤ ᐊᔭᒥᐊᐎᓱᐛᐅᓂᔪᐤ᙮ ᓇᔅᒡ ᒪᒃ ᒋ ᒋᔅᑕᔨᒥᑯᐤ ᒥᓯᐛ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮

ᐊᑈᔅᑕᓇᒡ 8:2

ᐱᔅᒐ ᒪᒃ ᐊ ᐊᔭᒥᐊᐛᑎᓯᒡ ᓇᐸᐅᒡ ᒋ ᓇᐃᐧᑯᐛᐅᒡ ᔅᑎᐱᓇ, ᓱᒃ ᐊ ᒪᒡ᙮

ᐊᑈᔅᑕᓇᒡ 8:27

ᒋ ᐱᓯᑯᐤ ᒪᒃ ᑭᔭ ᒋ ᔅᑐᑕᐤ ᐱᓕᑉ, ᒋ ᓂᔅᑯᐛᐤ ᑯᐸᓇᐛ ᐃᑎᔪᐱᔭ ᐊ ᐃᓯ ᒋᐛᔨᒋ, ᒋᕈᓯᓕᒥᒡ ᐊ ᐅᑐᑕᔨᒋ ᐊᒋ ᓇᒋ ᐊᔭᒥᐊᔨᒂᓂ ᐊᓐᑕ, ᓇᔅᒡ ᐊ ᒋᔅᑕᔨᑕᑯᓯᑦ ᑲ ᑎᐸᔨᒥᑯᑦ ᑲᓐᑕᔅ ᒋ ᐃᓯᓂᐧᑲᑕᑭᓄᐤ, ᐃᑎᔪᐱᔭ ᐃᔪᒡ ᐅᒋᓴᐅᒋᒪᔎᒧᐛᐛ, ᐊᓐ ᑲ ᓇᑭᑐᐛᔨᑎᒺᑦ ᒋᓴᐅᒋᒪᔎᐛ ᐅᓱᓇᔭᓂᒥᔪᐤ ᑭᔭ ᐊ ᐃᓯ ᑎᐸᔨᑎᒥᔨᒋ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮