ᐊᑈᔅᑕᓇᒡ 2:45 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁵ ᒋ ᐊᑕᐛᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯ ᒂ ᒪᑎᓂᒪᑐᒡ ᐊᓂᔭᔪᐤ ᓱᓇᔭᔪᐤ ᒥᓯᐛ ᐊᓐᑕ ᐊ ᑎᓯᒡ᙮ ᒥᒄ ᑕᓐ ᐊ ᐃᓯ ᓄᑕᐱᔨᑦ ᐊᐛᓐ ᐊᐅᑯᓐ ᑲ ᐃᓯ ᒥᔭᑭᓄᐅᑦ᙮

ᐊᑈᔅᑕᓇᒡ 2:45 Iomraidhean Croise

ᑎᐱᑦ ᐅᓂᑭᒧᐅᓇ 112:9

ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ; ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ; ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᓗᒃ 16:9

ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 19:8

ᓴᑭᔭᔅ ᒪᒃ ᒋ ᐱᓯᑯᐤ ᐊᑯ ᒂ ᐃᑕᑦ ᐅᑎᐸᔨᒋᒐᐛ, “ᓂᑐᑐᐎ ᒪ ᐅᑎᐸᔨᒋᒐᐤ᙮ ᐊᐱᑐᐤ ᓂᑭ ᒥᔭᐅᒡ ᐊᔅᐱᔅ ᑭᓄᐛᔨᑎᒪᓐ ᒐᒂᓐ ᐊᓐᒡ ᑲ ᒋᔅᑎᒪᑎᓯᒡ᙮ ᑲ ᒋᒧᑎᒧᐛᐅᒐ ᐊᐛᓐ ᐊᑐᐎᔅ ᓇᐛᐤ ᓂᑭ ᑕᐱᒥᔭᐤ᙮”

ᐊᑈᔅᑕᓇᒡ 11:29

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒥᓯᐛ ᐸᐸᐃᒄ ᐊ ᑎᓯᒡ ᒂ ᐎᔭᔨᑕᒡ ᓱᒃ ᒐ ᐎᒋᐊᒡ ᑕᓐ ᐊ ᐃᓯ ᓂᑐᐛᔨᑎᒥᔨᒡ ᐊᓂᔭ ᐎᐧᑲᓂᓱᐛᐛ ᐊᓐᑕ ᒍᑎᔭ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 4:34

ᓇᒪ ᒪᒃ ᐛᒋ ᐸᐃᒄ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐅᒋ ᒋᔅᑎᒪᑎᓯᐅᒡ᙮ ᐛᔅ ᑕᑐᐤ ᐊᐛᓐ ᑲ ᑎᐱᔨᐛᐅᓯᑦ ᐊᔅᒋᔪᐤ ᑭᔭ ᒥᒋᐛᐱᔪᐤ ᒋ ᐊᑕᐛᒐᐤ᙮ ᒋ ᐸᑕᐅᒡ ᒪᒃ ᐊᓂᔭᔪᐤ ᓱᓇᔭᔪᐤ ᑲ ᐃᔅᐱᑲ ᑕᑈᔭᔨᒪᒡ ᒋᓴᓴ ᔅ ᐅᓯᑕᒡ ᐊᓂᔭ ᒐᒂᓇ ᑲᒋ ᐊᑕᐛᒐᒡ᙮

ᐊᑈᔅᑕᓇᒡ 4:35

ᐊᑯ ᒂ ᒥᔭᒡ ᐊᓂᔭᔪᐛ ᐊᑈᔅᑕᓇ ᐊᓂᔭ ᓱᓇᔭᔪᐤ᙮ ᐊᑯ ᑲ ᒪᑎᓂᒧᐛᒡ ᐊᓂᔭᔪᐛ ᑕᑐᐤ ᐊᐛᔪᐛ ᑲ ᒋᔅᑎᒪᑎᓯᔨᒋ᙮

2 ᑯᕆᓐᑎᔭᓇ 9:1

ᓇᒪ ᐊᑎᓇᔅᒡ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᐊ ᐱᔅᑎᓂᒐᓄᒡ ᐊᓐᑕ ᐊ ᐅᒋ ᐎᒋᐊᑭᓄᐎᒡ ᐊᓐᒡ ᑲ ᑕᑈᑕᒡ ᒍᑎᔭᒡ ᑲ ᑕᒡ᙮

2 ᑯᕆᓐᑎᔭᓇ 9:9

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓐ ᐊᐛᓐ ᑲ ᐛᔪᐅᒡ ᐎᒋᐊᑦ ᐊᓂᔭ ᑲ ᒋᔅᑎᒪᑎᓯᔨᒋ ᑲᒋᒡ ᒋᑭ ᒋᔅᒋᓯᓇᓄᔪᐤ ᐅᒥᔪᑐᑎᒪᒐᐅᓐ᙮

1 ᒠᓐ 3:17

ᐛᐱᒪᒐ ᐊᐛᓐ ᐊ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ᐃᔅᒋᔄᑦ ᐊ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮