ᐊᑈᔅᑕᓇᒡ 2:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᐊᑈᔅᑕᓇᒡ 2:4 Iomraidhean Croise

ᒪᑎᔪᐤ 10:19

ᐃᔅᐱ ᒪᒃ ᐱᑎᑲᐃᑯᔭᒂ ᐊᓐᑕ, ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᒋᔄᔭᒄ, ᐛᔅ ᐃᔅᐱ ᐅᑎᒋᐱᔨᒐ ᐊᓐ ᒐ ᐃᑐᑕᑯᔭᒄ ᒋᑭ ᒥᔨᑯᓇᐛᐤ ᑕᓐ ᒐ ᐃᔅᒋᔄᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:17

ᑲ ᑕᑈᑕᒡ ᒋᑭ ᒥᔭᑭᓄᐎᒡ ᓱᐧᑲᑎᓯᐅᓂᔪᐤ ᒐᒋ ᐃᑐᑕᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ᙮ ᒥᒋ ᐊᒐᒂ ᒋᑭ ᐎᐎᑎᓴᐛᐅᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᑭᔭ ᓂᓇᐧᑯᐤ ᐃᔨᒧᐅᓇ ᒋᑭ ᐃᓯ ᐃᔨᒧᐅᒡ᙮

ᓗᒃ 1:15

ᐅᑎᐸᔨᒋᒐᐛ ᒋ ᐅᑎᓂᑯᐤ ᐊᓐ ᐊᐛᔅ ᐛᔅ ᒋᔅᑕᔨᑕᑯᓂᔪᐤ ᑕᓐ ᐛ ᐃᑕᐱᒋᐃᑯᑦ᙮ ᓇᒪ ᓂᑕ ᒋᑭ ᐅᒋ ᒥᓄᐤ ᓱᒥᓇᐳᔪᐤ ᑭᔭ ᐃᔅᑯᑕᐛᐳᔪᐤ᙮ ᐛᔅ ᑲ ᐸᔭᒋᓯᔨᒋ ᐊᒐᒂ ᓇᔅᒡ ᒋᑭ ᐱᒥᐱᔨᐃᑯᐤ ᐊᑎ ᐊᔅᒄ ᒪᒂᒡ ᐅᑲᐎᔭ ᑭᓄᐛᔨᒥᑯᒐ ᐅᔅᐱᔭᔨᒡ᙮

ᓗᒃ 1:41

ᐃᔅᐱ ᒪᒃ ᐃᓕᓴᐸᑦ ᑲ ᐛᒋᔭᒥᑯᑦ ᒪᕆᔨᒋ ᒋ ᒧᓯᐊᐤ ᐊ ᐅᒋ ᔭᔭᒋᔨᒋ ᐅᑦ ᐊᐛᓯᒪ᙮ ᐊᑯ ᐃᓕᓴᐸᑦ ᑲ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ᙮

ᓗᒃ 1:67

ᓴᑲᕋᔭ ᒪᒃ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ᙮ ᐊᐅᒄ ᒪᒃ ᐅᔭ ᒋᓴᒪᓂᑐᐛ ᑲ ᒥᔨᑯᑦ ᒐᒋ ᐃᔅᒋᔄᑦ,

ᓗᒃ 12:12

ᐛᔅ ᑲ ᐸᔭᒋᓯᑦ ᐊᒐᐧᒄ ᒋᑭ ᒋᔅᑯᑎᒪᒄ ᑕᓐ ᐊᓐ ᒋᐸ ᐃᔅᒋᔄᓐ ᐊᓐ ᒪᒂᒡ ᐃᓯ ᓂᒋᔅᑭᒥᓇ᙮”

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᓗᒃ 4:1

ᐊᓐᑕ ᒪᒃ ᒋᓴᔅ ᑲ ᐅᑐᑕᑦ ᒠᕐᑕᓐ ᓯᐱᒡ, ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᐊᑯ ᒂ ᐃᑐᑕᐃᑯᑦ ᐊᓐᑕ ᐸᐧᑯᑎᔅᑭᒥᑲᒡ᙮

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 20:22

ᐊᑯ ᐊᓐᑕ ᐊ ᑕᔨᒋ ᑲ ᐃᓯ ᐃᔭᔭᑦ ᒂ ᐃᑕᑦ, “ᐅᑎᓇᐧᒄ ᑲ ᐸᔭᒋᓯᑦ ᐊᒐᐧᒄ᙮

ᐊᑈᔅᑕᓇᒡ 1:5

ᐛᔅ ᒠᓐ ᒋ ᓯᑲᐃᑕᒐᐤ ᓂᐱᔪᐤ ᐊ ᐊᐱᒋᑕᑦ᙮ ᐊᑯ ᒪᒃ ᓴᔅ ᐎᐱᒡ ᒋᑭ ᓯᑲᐃᑕᑯᓇᐛᐤ ᑲ ᐸᔭᒋᓯᑦ ᐊᒐᐧᒄ᙮”

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 10:46

ᒋ ᒋᔅᒐᔨᑎᒧᒡ ᐊᒋ ᒥᔭᑭᓄᐎᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᒋ ᐸᑐᐛᐅᒡ ᐊ ᒂᔅᒋ ᐃᔨᒥᔨᒋ ᑭᔭ ᐊ ᒪᒥᒋᒪᔨᒋ ᒋᓴᒪᓂᑐᐛ᙮ ᐊᑯ ᐱᑕᕐ ᒂ ᐃᔅᒋᔄᑦ,

ᐊᑈᔅᑕᓇᒡ 10:47

“ᐅᒡ ᐃᔪᒡ ᒋ ᒥᔭᑭᓄᐎᒡ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᑭᔭ ᒋᔭᓄᐤ ᑲ ᐃᓯ ᒥᔨᑯᐅᔭᐧᒄ ᑲ ᐸᔭᒋᓯᑦ ᐊᒐᐧᒄ᙮ ᐊᑯ ᒪᒃ ᓇᒪ ᐊᐛᓐ ᒋᐸ ᐅᒋ ᒋᐱᒐᐊᐤ ᒐᒋ ᓯᑲᐃᑐᐛᑭᓄᔨᒋ ᓂᐱᔪᐤ᙮”

ᐊᑈᔅᑕᓇᒡ 11:15

“ᐃᔅᐱ ᒪᒃ ᑲ ᐸᑎᒪᓐ ᑕᓐ ᑲ ᐃᑎᑯᒂ ᑯᕐᓂᓕᔭᔅ ᐊᓂᔭ ᐊᓐᒋᓇ, ᐊᑯ ᑲ ᒋᒋ ᐃᔨᒥᔭᓐ᙮ ᒪᒂᒡ ᒪᒃ ᐊ ᐃᔨᒥᔭᓐ ᑲ ᐸᔭᒋᓯᔨᒡ ᐊᒐᐧᒄ ᒋ ᐸᒋ ᔭᓯᑐᑕᑯᐅᒡ ᒧᔭᒻ ᒋᔭᓄᐤ ᐅᔅᑭᒡ ᑲ ᒥᔨᑯᐅᔭᐧᒄ ᑲ ᐸᔭᒋᓯᑦ ᐊᒐᐧᒄ᙮

ᐊᑈᔅᑕᓇᒡ 11:24

ᐛᔅ ᐅ ᓇᐸᐤ ᐸᕐᓇᐸᔅ ᓇᔅᒡ ᒋ ᑯᐃᔅᑯᑕᑎᓯᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᐊᑯ ᒪᒃ ᐊᑐᐎᔅ ᒥᒐᑦ ᐃᔪᒡ ᑲ ᑕᑈᔭᔨᒪᒡ ᐅᑎᐸᔨᒋᒐᐤ ᒋᓴᓴ᙮

ᐊᑈᔅᑕᓇᒡ 13:52

ᐊᓐᒡ ᒪᒃ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᐊᓐᑎᔭᑭᒡ ᑲ ᑕᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 13:9

ᐊᑯ ᒪᒃ ᓴᓪ, ᐊᓐ ᑈᓪ ᑲ ᐃᓯᓂᐧᑲᑕᑭᓄᐅᑦ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ, ᒋ ᑭᓄᐛᐱᒪᐤ ᐊᓂᔭ ᑲ ᒪᒥᑕᐛᑎᓯᔨᒋ ᓇᐸᐛ,

ᐊᑈᔅᑕᓇᒡ 15:8

ᒋᓴᒪᓂᑐᐤ ᒪᒃ ᒋᔅᒐᔨᒪᐤ ᒥᓯᐛ ᐊᐛᔪᐛ ᑕᓐ ᐊᓐ ᐊ ᐃᑕᔨᑕᑯᓯᔨᒋ᙮ ᒋ ᓄᑯᑕᐤ ᐊ ᓂᑐᐛᔨᒪᑦ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᑕᑈᔭᔨᒥᑯᑦ ᒧᔭᒻ ᐊᓂᔭ ᒍᐤ ᑲ ᐃᓯ ᑕᑈᑎᒥᔨᒋ ᐛᔅ ᒋ ᒥᔭᐤ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑕᐧᒄ᙮

ᐊᑈᔅᑕᓇᒡ 19:6

ᐊᑯ ᑈᓪ ᒂ ᑕᒋᓇᑦ, ᒂ ᐱᒋᔅᑲᑯᒡ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᒂᔅᒋᐃᔨᒧᐅᒡ, ᑭᔭ ᒋ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 2:11

ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᐊᑈᔅᑕᓇᒡ 2:3

ᐊᑯ ᒂ ᐅᒋ ᓄᑯᓂᔨᒡ ᐃᔅᑯᑕᓯᓴ ᐊ ᑭᒐᒥᑕᔨᒋ ᐊ ᐃᓯᓇᑯᓂᔨᒋ ᐊ ᐊᑎ ᒪᑎᓄᐛᐱᔨᒋ, ᒥᓯᐛ ᐸᐸᐃᒄ ᐊᐛᓐ ᐊ ᑕᑦ ᐸᐃᒄ ᐅᔭ ᒋ ᑎᑯᓂᔪᐤ᙮

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 4:8

ᐊᑯ ᒪᒃ ᐱᑕᕐ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ, ᒋ ᐃᑕᐤ, “ᒋᔨᐛᐤ ᑲ ᓂᑲᓂᔅᑯᐛᑯᒡ ᐃᔪᒡ, ᑭᔭ ᑲ ᓂᑲᓇᔨᑕᑯᓯᔭᒄ,

ᐊᑈᔅᑕᓇᒡ 6:3

ᒋᔨᐛᐤ ᓂᐧᑲᓂᓯᑐᒄ, ᐅᑎᓇᐧᑯᒡ ᓂᔄᐅᑕᒡ ᓇᐸᐅᒡ ᐊᓐᑕ ᐊ ᑎᓯᔭᒄ ᐊᓐᒡ ᐊ ᒥᔽᒋᒪᑭᓄᐎᒡ ᐊᓂᔭ ᐅᒋ ᐊ ᑯᐃᔅᑯᑕᑎᓯᒡ ᑭᔭ ᓇᔅᒡ ᐊ ᑭᒐᑕᐛᔨᑕᒡ ᑭᔭ ᐊ ᓴᑭᔅᒋᓇᔅᑲᑯᒡ ᑲ ᐸᔭᒋᓯᔨᒋ ᐊᒐᒂ᙮ ᐊᐅᑯᓐᒡ ᐅᒡ ᒐ ᒥᔭᑯᒡ ᐅᔭ ᐊᑐᔅᒐᐅᓂᔪᐤ ᐊ ᓂᓇᑭᑐᐛᔨᒪᒡ ᑲ ᐸᐸᐃᑯᓯᔨᒋ ᐃᔎᐛ᙮

ᐊᑈᔅᑕᓇᒡ 6:5

ᒥᓯᐛ ᒪᒃ ᒋ ᓇᐊᔨᑎᒧᒡ ᐊᓐᑕ ᐊ ᑎᓯᒡ ᐊᓂᔭ ᑲ ᐃᔅᒋᔄᔨᒋ ᐊᓂᔭᔪᐛ ᐊᑈᔅᑕᓇ᙮ ᐊᑯ ᑲ ᐅᑎᓇᑭᓄᐅᑦ ᔅᑎᐱᓐ᙮ ᔅᑎᐱᓐ ᒪᒃ ᐅᑕᑈᑎᒧᐅᓐ ᓇᔅᒡ ᒋ ᓱᒐᔨᑕᑯᓂᔪᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ᙮ ᑭᔭ ᐱᓕᐸ ᒋ ᐅᑎᓇᐅᒡ ᑭᔭ ᐳᕈᑯᕋᓴ, ᑭᔭ ᓂᑲᓄᕋ, ᑭᔭ ᑎᒧᓇ, ᑭᔭ ᐸᕐᒪᓇᓴ, ᑭᔭ ᓂᑯᓚᓴ᙮ ᐅ ᓂᑯᓚᔅ ᐊᓐᑕ ᐊᓐᑎᔭᒃ ᐎᔾ ᒋ ᐅᒋᐤ, ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒪᒃ ᒋ ᑕᑈᑎᒻ ᑕᓐ ᐊ ᐃᓯ ᑕᑈᑎᒥᔨᒋ ᒍᐤ ᐃᔪᐛ᙮

ᐊᑈᔅᑕᓇᒡ 6:8

ᔅᑎᐱᓐ ᒪᒃ ᐊᓐ ᐊᐛᓐ ᑲ ᓴᒋᔅᒋᓇᔅᑲᑯᑦ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᑭᔭ ᐅᓱᐧᑲᑎᓯᐅᓂᔪᐤ ᒋ ᐃᑕᔨᑕᑯᓱᐤ, ᒋ ᐃᑐᑎᒻ ᒪᒃ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᑭᔭ ᓂᓇᐧᑯᐤ ᒋ ᐃᓯ ᒪᒥᔅᑲᒡ ᐛᐸᑎᔨᐛᐤ ᐊᓐᑕ ᐃᔪᐛ ᐊ ᑕᔨᒋ᙮

ᐊᑈᔅᑕᓇᒡ 7:55

ᒥᒄ ᒪᒃ ᔅᑎᐱᓐ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ ᒋ ᑎᔅᑎᓴᐳᐤ ᐊᓐᑕ ᒋᒋᒋᓯᑯᒡ ᐃᔅ, ᐊᑯ ᒂ ᐛᐸᑎᒺᑦ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ ᑭᔭ ᒂ ᐛᐱᒪᑦ ᒋᓴᓴ ᐊ ᓂᐳᔨᒋ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ᙮

ᐊᑈᔅᑕᓇᒡ 8:17

ᐊᑯ ᒪᒃ ᐱᑕᕐ ᑭᔭ ᒠᓐ ᒂ ᑕᒋᓇᒡ ᐊᓂᔭᔪᐛ ᐃᔪᐛ, ᐊᑯ ᒪᒃ ᑲ ᐊᔭᐛᔨᒋ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 9:17

ᐊᓇᓇᔭᔅ ᒪᒃ ᒋ ᐃᑐᑕᐤ ᐊᓐᑕ, ᒂ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ᑕᒋᓇᑦ ᐊ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ᐃᑎᓴᐅᒄ, ᐊᓐ ᑲ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ᐃᑐᑕᔨᓐ ᐅᑕ᙮ ᓂᒋ ᐸᒋ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ᐸᔭᒋᓯᑦ ᐊᒐᐧᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 13:1

ᐊᑎ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐊ ᐃᓯ ᐃᔨᒥᒡ ᑯᑎᑭᒡ ᐊᐛᓐᒋ ᑭᔭ ᐊ ᐃᓯ ᐃᔨᒥᒡ ᐊᓐᒋᓐᒡ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᓇᒪᐎᔾ ᒐᒂᓐ ᒋᐸ ᐅᒋ ᐃᑕᐱᑎᓐ ᐊᓐ ᑲ ᐃᓯ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐛᔅ ᒧᔭᒻ ᒥᒄ ᐊ ᒪᒥᑥᔭᐱᔅᑲᐃᑭᓄᐅᒡ ᐃᓴᒄ ᓂᐸ ᐃᑎᑕᑯᓯᓐ᙮

1 ᑯᕆᓐᑎᔭᓇ 13:8

ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᓴᒋᐃᐛᐅᓐ᙮ ᑎᑯᓐ ᐛᒋᒡ ᐊ ᐃᔨᒥᔅᑎᒧᐛᑭᓄᐅᑦ ᒋᓴᒪᓂᑐᐤ ᒥᒄ ᒪᒃ ᐊᔅᒄ ᒋᑭ ᐃᔎᐱᔪᐤ ᐅ ᐊ ᐃᑎᓇᓄᐅᒡ᙮ ᑭᔭ ᒋᑭ ᐳᓂᐱᔪᐤ ᐊ ᒂᔅᒋᐃᔨᒥᓇᓄᐅᒡ᙮ ᑭᔭ ᒋᔅᒐᔨᑎᒧᐅᓐ ᒋᑭ ᐃᔎᐱᔪᐤ᙮

1 ᑯᕆᓐᑎᔭᓇ 14:18

ᓂᓇᔅᑯᒪᐤ ᒋᓴᒪᓂᑐᐤ ᓂᔾ ᐊᑐᐎᔅ ᒥᒐᑥᐤ ᐊ ᒂᔅᒋᐃᔨᒥᔭᓐ ᐃᔅᐱᔅ ᒥᓯᐛ ᒋᔨᐛᐤ ᐊ ᑎᓯᔭᒄ᙮

1 ᑯᕆᓐᑎᔭᓇ 14:5

ᒥᓯᐛ ᑭᑈ ᒋ ᓂᑐᐛᔨᒥᑎᓇᐛᐤ ᒐᒋ ᒂᔅᒋᐃᔨᒥᔭᒄ᙮ ᒥᒄ ᒪᒃ ᐃᐛᒃ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᐅᒄ ᐅ ᐃᐛᒃ ᐊ ᐃᑕᔨᑕᒂᒡ ᒐᒋ ᐃᓯ ᐃᔨᒥᔭᒄ ᐃᔅᐱᔅ ᐎᔾ ᒐᒋ ᒂᔅᒋᐃᔨᒥᔭᒄ᙮ ᐛᔅ ᒥᒄ ᐸᑐᔅ ᐱᔭᑭᔅᒋᑕᑯᑕᑭᓄᔨᒐ ᐊᓂᔭ ᐊ ᒂᔅᒋᐃᔨᒥᑦ ᐊᐛᓐ ᐊᑯ ᐃᔭᒄ ᒐ ᐎᒋᐃᑯᒡ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ᙮

ᐃᐱᓯᔭᓇ 3:19

ᓂ ᓂᑐᑎᒪᓐ ᒐᒋ ᒋᔅᒐᔨᑎᒺᒄ ᐅᓴᒋᐃᐛᐅᓐ, ᐊᑎ ᐊ ᐃᓯᓇᑯᓂᔨᒡ ᐊᑲ ᓂᑕ ᓇᔅᒡ ᒐᒋ ᒋᔅᒐᔨᑕᑯᓂᔨᒡ᙮ ᒋᔅᒐᔨᑎᒧᐛᒂ ᙭ ᐅᓴᒋᐃᐛᐅᓐ ᐊᑯ ᒐ ᓴᑭᔅᒋᓇᔅᑲᑯᐛᒄ ᒋᓴᒪᓂᑐᐤ ᐅᑦ ᐃᑕᔨᑕᑯᓱᐅᓐ᙮

ᐃᐱᓯᔭᓇ 5:18

ᐊᑲᐎᔾ ᒋᔎᐸᒄ ᐊ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

2 ᐱᑕᕐ 1:21

ᐛᔅ ᑕᐸ ᐛᒋ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐎᑕᒡ᙮