ᐊᑈᔅᑕᓇᒡ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᑯ ᒂ ᐅᒋ ᓄᑯᓂᔨᒡ ᐃᔅᑯᑕᓯᓴ ᐊ ᑭᒐᒥᑕᔨᒋ ᐊ ᐃᓯᓇᑯᓂᔨᒋ ᐊ ᐊᑎ ᒪᑎᓄᐛᐱᔨᒋ, ᒥᓯᐛ ᐸᐸᐃᒄ ᐊᐛᓐ ᐊ ᑕᑦ ᐸᐃᒄ ᐅᔭ ᒋ ᑎᑯᓂᔪᐤ᙮

ᐊᑈᔅᑕᓇᒡ 2:3 Iomraidhean Croise

ᒐᓂᓯᔅ 11:6

ᑭᔭ ᒂ ᐃᔅᒋᔄᑦ, “ᐅᒡ ᐃᔪᒡ ᒪᒧᐤ ᐎᒋᑐᔅᒐᒥᑐᐅᒡ ᑭᔭ ᐸᐃᑯᑕᐤ ᐃᔨᒧᐅᓂᔪᐤ ᐃᔨᒧᐅᒡ᙮ ᐊᐅᑯᐤ ᒥᒄ ᐛ ᒋᒋᐱᔨᒡ ᐊᓂᔭ ᒐᒂᔪᐤ ᒐ ᑐᑕᒡ, ᐸᓱᓇᑯᓂᔪᐤ ᐎᔨᐛᐤ ᒐᒋ ᑐᑕᒡ ᓂᑐᐎᔾ ᒐᒂᔪᐤ ᐛᑐᑕᒡ᙮

ᑎᐱᑦ ᐅᓂᑭᒧᐅᓇ 55:9

ᓂᓱᐅᓇᒋᐃᒡ ᐅ ᑎᐸᔨᒋᒐᓱᐤ, ᐸᐸᔅᒋᑎᓂᒻ ᐅᑕᔨᔪᐛᐤ: ᐛᔅ ᓂᒋ ᐛᐸᑕᓐ ᐊᒂᑎᓯᐅᓐ ᑭᔭ ᒂᔪᑐᑕᑐᐅᓐ ᐅᑕᓇᒡ᙮

ᒪᑎᔪᐤ 3:11

“ᓂᐱᔾ ᓂᔾ ᒋ ᓯᑲᐃᑕᑎᓇᐛᐤ ᐊ ᓄᒂᒡ ᐊ ᐎ ᒂᔅᑲᑎᓯᔭᒄ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓄᐤ ᐊᔪᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᓗᒃ 24:32

ᐊᑯ ᒪᒃ ᒂ ᐃᔅᒋᔄᒡ, “ᑕᑈ ᔅᒋ ᒥᔽᔨᑕᓇᓄᐤ ᒋᑕᐃᓇᒡ ᐊ ᐊᑎ ᓂᔅᑐᑎᒪᐧᒄ ᑕᓐᑕ ᑲ ᐃᔅᒋᔄᒥᑭᓂᔨᒂ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐᑕ ᑲ ᐊᔨᒧᒪᑭᓄᐅᑦ ᑭᔭ ᑕᓐ ᑲ ᐃᓯ ᐎᑎᒪᑕᐧᒄ ᒪᒂᒡ ᑲ ᐱᒧᑕᔭᐧᒄ ᐊᓐᑕ ᒪᔅᑭᓇᒡ ?”

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 2:11

ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᐊᑈᔅᑕᓇᒡ 2:2

ᓯᔅᒋᑯᒡ ᒋ ᐅᒋ ᐸᑎᒧᒡ ᒧᔭᒻ ᐊ ᒥᔅᑎᔪᑎᓂᔨᒡ ᐊ ᐃᑎᑕᑯᓂᔨᒡ ᐊᓐᑕ ᒋᒋᒋᓯᑯᒡ ᐅᒡ᙮ ᒥᓯᐛ ᐊ ᐃᔅᐱᓴᔨᒡ ᐱᑎᑭᒥᒡ ᐊᓂᔭᔪᐤ ᒥᒋᐛᐱᔪᐤ ᑲ ᑕᒡ ᒋ ᐸᑕᑯᓂᔪᐤ᙮

ᐊᑈᔅᑕᓇᒡ 2:4

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 3:6

ᒧᔭᒻ ᐃᔅᑯᑕᐤ ᑲ ᐃᑕᔨᑕᒂᒡ ᐊᐅᑯᓐ ᐊ ᐃᑕᔨᑕᒂᒡ ᒥᑕᔨᔾ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒥᒐᑎᓯᐅᓐ ᐅᑕ ᐊᔅᒋᒡ ᐊᑯᑕ ᒥᑕᔨᔨᒡ ᐊ ᑎᒂᒡ, ᒋᔪᓇᒡ ᒪᒃ ᐊᑯᑕ ᐊ ᑎᒂᒡ᙮ ᓇᔅᒡ ᐎᓂᐃᐛᒥᑭᓐ ᑕᓐ ᐊ ᐃᔅᐱᓴᒡ ᒥᔪᐤ᙮ ᐅᔅᑭᒡ ᐸᒪᑎᓯᑦ ᐊᐛᓐ ᒧᓯᓇᐤ ᐃᔅᑯᑕᐤ ᐃᓯᓇᑯᓂᔪᐤ ᐅᑕᔨᔾ ᐱᐃᒻ ᓇᐱᑦ, ᒥᒋ ᐃᔅᑯᑕᒡ ᒪᒃ ᐊᑯᑕ ᐛᒋ ᓯᔅᑲᐃᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 11:3

ᒪᒂᒡ ᒪᒃ ᐊᓂᔭᔪᐛ ᐊ ᒋᓯᑲᒋ, ᓂᑭ ᐃᑎᓴᐛᐅᒡ ᓂᓱ ᐊᐛᓐᒋ ᒐ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ᐛᐎᑕᒡ ᑕᓐ ᒐ ᐃᔅᐱᔅ ᒥᔨᒂᐤ ᒐᒋ ᐃᓯ ᐊᔨᒧᑕᒡ᙮ ᐊᐅᑯᓐ ᐊ ᑕᑎᒋ ᐊ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮

ᒋᔅᒐᔨᑕᑯᑕᒐᐅᓐ 14:6

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᓇᔅᒡ ᐊ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ᐱᒥᔭᑦ, ᐊ ᐸᒋ ᐛᐎᑎᒧᐛᑦ ᐊᓂᔭᔪᐛ ᐊᔅᒋᒡ ᐊ ᑕᔨᒋ ᒥᔪ ᑎᐸᒋᒧᐅᓂᔪᐤ ᒧᔅ ᒐ ᑕᑈᒥᑭᓂᔨᒡ᙮ ᒥᓯᐛ ᐊᐛᔪᐛ ᒋᑭ ᐎᑎᒧᐛᐤ, ᒥᓯᐛ ᐃᑎᔅᑲᓇᓯᔨᒋ, ᒥᓯᐛ ᐊ ᐃᓯ ᐃᔨᒥᔨᒋ, ᓂᓇᐧᑯᐤ ᐊ ᐃᓯ ᒪᒧᑕᐅᓯᔨᒋ᙮