ᐊᑈᔅᑕᓇᒡ 2:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐳᕆᒋᔭ, ᐸᒻᐱᓕᔭ, ᐃᒋᑉᑦ, ᑭᔭ ᓕᐱᔭ ᒥᒋᒪ ᐊᓐᑕ ᓴᐃᕆᓐ ᑲ ᑎᒂᒡ ᐅᑕᓇᐤ᙮ ᑭᔭ ᐱᔅᒐ ᐅᑕ ᐊ ᑎᓯᔭᐧᒄ ᕈᒻ ᒋ ᐅᒋᓇᓄᐤ᙮

ᐊᑈᔅᑕᓇᒡ 2:10 Iomraidhean Croise

ᒐᓂᓯᔅ 12:10

ᒋ ᑎᒂᓐ ᓄᑕᐧᑭᑕᐅᓐ ᐊᓐᑕ ᑲᐃᓇᓐ ᐊᔅᒋᒡ᙮ ᐊᑯ ᐊᑉᕋᒻ ᒂ ᐃᑐᑕᑦ ᐱᓯᒧᑕᒡ ᐃᒋᑉᑎᒡ ᒐᒋ ᑕᑦ ᐊᓐᑕ, ᐅᓴᒻ ᒋ ᐊᔨᒥᓐ ᒐᒋ ᐎᒋᓇᓄᐅᒡ ᐊᓐᑕ ᐊᔅᒋᒡ ᐊᑲ ᑎᒂᒡ ᒥᒋᒻ᙮

ᒪᑎᔪᐤ 2:15

ᐊᑯᑕ ᒪᒃ ᐊᓐᑕ ᑲ ᑕᒡ ᐸᑐᔅ ᑲᒋ ᓂᐱᔨᒋ ᐊᕈᑕ᙮ ᐅ ᒪᒃ ᑲ ᐃᔅᐱᔨᒡ ᐊᐅᒄ ᑲ ᑕᑈᒥᑭᓂᔨᒡ ᐅᑎᐸᔨᒋᒐᐤ ᐅᒋᔅᒋᐛᐃᒐᓯᒪ ᑲ ᐃᔅᒋᔄᔨᒋ, “ᐃᒋᑉᑎᒡ ᐅᒡ ᓂᒋ ᐅᒋ ᑕᑈᑕᐤ ᓂᑯᔅ᙮”

ᒪᑎᔪᐤ 23:15

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ ᒥᒄ ᑲ ᐊᔭᒥᐊᐧᑲᓱᔭᒄ᙮ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒋ ᐃᑐᑕᓇᐛᐤ ᐸᐃᒄ ᐊᐛᓐ ᒐᒋ ᐃᑐᑐᐛᒄ ᒐᒋ ᑕᑈᑕᑕᒄ ᒪᒃ ᒐᒋ ᐃᑐᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᐛᒄ᙮ ᐃᔅᐱ ᒪᒃ ᑲ ᓴᑯᑕᔅᑯᓇᒄ ᒋ ᐃᑐᑐᐛᐛᐤ ᐅᔅᑕ ᐎᔾ ᒐᒋ ᒥᒐᑎᓯᑦ ᐃᔅᐱᔅ ᒋᔨᐛᐤ᙮ ᓂᔄᐤ ᒋ ᑕᐧᑯᑎᔅᑕᐛᓇᐛᐤ ᑕᓐ ᐊ ᐃᑕᔨᑕᑯᓯᑦ ᒐᒋ ᐅᒋ ᐃᑐᑕᑦ ᒥᒋ ᐃᔅᑯᑕᒡ᙮”

ᒪᑎᔪᐤ 27:32

ᒪᒂᒡ ᒪᒃ ᐊ ᐊᑎ ᐎᐎᒡ ᐊᓂᔭ ᐅᑕᓇᔪᐤ, ᒋ ᓂᒐᐊᐅᒡ ᓇᐸᐛ ᓴᐃᒥᓐ ᐊ ᐃᓯᓂᐧᑲᓱᔨᒋ ᓴᐃᕆᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ᐅᒋᔨᒋ᙮ ᐊᔪᐅᒄ ᐅᔭ ᑲ ᐊᔨᐧᑭᒥᐊᒡ ᒐᒋ ᐅᓂᑲᑎᐛᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:21

ᒋ ᐸᒋ ᐱᒧᑕᐤ ᒪᒃ ᓴᐃᒥᓐ ᓴᐃᕆᓐ ᐊᔅᒋᒡ ᐊ ᐅᒋᑦ, ᐎᐎᑎᒥᒡ ᐊᓐᑕ ᐊᓂᔭ ᐅᑕᓇᔪᐤ ᐊ ᐅᑐᑕᑦ᙮ ᐊᓕᒃᓴᓐᑕᕐ ᑭᔭ ᕈᐸᔅ ᐅᑕᐎᐛᐛ᙮ ᐊᓯᒪᑭᓂᓯᒡ ᒪᒃ ᒋ ᓯᒋᒪᐅᒡ ᐅᔭ ᓇᐸᐛ ᒐᒋ ᐱᒧᑕᐊᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮

ᐊᑈᔅᑕᓇᒡ 11:20

ᒥᒄ ᒪᒃ ᐱᔅᒐ ᐊᓐᒡ ᑲ ᑕᑈᑕᒡ ᐊᓐᑕ ᓴᐃᐳᕋᔅ, ᑭᔭ ᓴᐃᕆᓐ ᑲ ᐅᒋᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ ᐊᑯ ᒂ ᐎᑎᒧᐛᒡ ᐊᓂᔭ ᑯᕆᒃ ᐃᔪᐤ ᒥᔽᒋᒧᐅᓂᔪᐤ ᒋᓴᓴ ᐊ ᑎᐸᔨᒋᒐᔨᒋ᙮

ᐊᑈᔅᑕᓇᒡ 13:1

ᐊᓐᑕ ᒪᒃ ᐊᓐᑎᔭᑭᒡ ᑲ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ᐅᒋᑦ, ᑭᔭ ᒪᓇᐃᓐ ᐊᓐ ᑲ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ᓂᑕᐅᒋᓇᑭᓄᔨᒋ ᑭᔭ ᓴᓪ᙮

ᐊᑈᔅᑕᓇᒡ 13:13

ᐊᑯ ᑈᓪ ᐊᓂᔭ ᒪᒃ ᐎᒐᐛᑭᓇ ᐊᑯᑕ ᐊᓐᑕ ᐸᐳᔅ ᑲ ᐅᒋ ᐳᓯᒡ, ᐊᑯ ᐊᓐᑕ ᐸᕐᑲ ᑲ ᐃᔅᒋᒪᒡ ᐊᓐᑕ ᐸᒻᐱᓕᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᐊᑯᑕ ᐊᓐᑕ ᐸᕐᑲᒡ ᑲ ᐅᒋᔅᑭᑎᑯᒡ ᒠᓐ-ᒪᕐᑲ ᐊᑯ ᐊᓐᑕ ᒋᕈᓯᓕᒥᒡ ᑲᐤ ᒂ ᐃᓯ ᒋᐛᔨᒋ᙮

ᐊᑈᔅᑕᓇᒡ 13:43

ᐊᑯ ᒪᒃ ᒥᒐᑦ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᐊᔭᒥᐊᐛᑎᓯᒡ ᒋ ᐎᒐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᑲ ᐎᑎᒧᐛᒡ ᐊᓂᔭ ᐃᔪᐛ ᐊ ᐃᑕᒡ, ᒋᓴᒪᓂᑐᐤ ᓇᔅᒡ ᑕᑈ ᒋ ᒥᔪᑐᑕᑯᐛᐤ, ᓱᒃ ᑯᐃᔅᒄ ᐎ ᐃᓯ ᐱᒪᑎᓯᒄ ᒐᒋ ᐅᒋ ᓱᐛᔨᒥᑕᒄ ᒋᓴᒪᓂᑐᐤ᙮

ᐊᑈᔅᑕᓇᒡ 14:24

ᐃᔅᐱ ᒪᒃ ᑲ ᓴᐳᔅᑲᒡ ᐊᓂᔭ ᐊᔅᒋᔪᐤ ᐱᓯᑎᔭ ᑲ ᐃᓯᓂᐧᑲᑕᔨᒡ ᐊᑯ ᐊᓐᑕ ᐸᒻᐱᓕᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ᐱᒐᒡ᙮

ᐊᑈᔅᑕᓇᒡ 15:38

ᒥᒄ ᒪᒃ ᑈᓪ ᓇᒪ ᐅᒋ ᐎ ᔅᑐᑕᐊᐤ ᐎᔾ, ᐛᔅ ᒋ ᓂᑭᑎᑯᐅᒡ ᒠᓐ-ᒪᕐᑲ ᐊᓐᑕ ᐸᒻᐱᓕᔭᒡ ᑲ ᑕᒡ ᐊᒋ ᐳᓂᑦ ᐊᔅᒄ ᐊᑲ ᐅᒋ ᒋᔅᑕᒡ ᐅᑦ ᐊᑐᔅᒐᐅᓄᐛᐤ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 17:21

ᐊᓐᒡ ᒥᓯᐛ ᐊᓐᑕ ᐊᑕᓐᓯᒡ ᑲ ᑕᒡ ᑭᔭ ᐊᓐᒡ ᒪᓐᑕᐅᒡ ᐊᓐᑕ ᑲ ᐎᒋᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒧᔅ ᒋ ᑕᐅᓂᒪᓱᐅᒡ ᒐᒋ ᓂᑐᑐᐛᒡ ᑭᔭ ᐊ ᐃᔭᔨᒺᐛᐃᑯᒡ ᑕᓐ ᐊ ᐃᓯ ᐃᔭᒄ ᐱᐸᑕᑯᓂᔨᒡ, ᐊᐅᑯᓐ ᑲ ᐃᑕᔨᑕᑯᓯᒡ᙮

ᐊᑈᔅᑕᓇᒡ 18:2

ᐊᑯᑕ ᒪᒃ ᐅᑕ ᑲ ᐅᒋ ᒋᔅᒐᔨᒪᑦ ᐊᓂᔭ ᒍᐤ ᐃᔪᐛ ᐊᑯᐎᓚ ᑲ ᐃᓯᓂᐧᑲᓱᔨᒋ ᐊᓐᑕ ᑈᓐᑕᔅ ᑲ ᐃᓯᓂᐧᑲᑕᔨᒡ ᐅᑕᓇᐤ ᐊᓐᑕ ᐃᑕᓕ ᐊᔅᒋᒡ ᐊᑯᑕ ᒋ ᐱᒪᑎᓯᒐᓂ᙮ ᐊᑯᑕ ᒪᒃ ᐊᓐᑕ ᑲ ᐅᑐᑕᔨᒂᓂ, ᐎᐛ ᐳᕆᓯᓚ ᐊᒋ ᐎᒐᐛᑦ, ᐛᔅ ᐊᓐ ᒋᓴᐅᒋᒪᐤ ᑲᓗᑎᔭᔅ ᒋ ᐃᑎᓱᐛᒐ ᒥᓯᐛ ᒍᐤ ᐃᔪᐛ ᒐ ᓂᑭᑎᒥᔨᒋ ᕈᒻ ᐅᑕᓇᔪᐤ ᐊᓐᑕ ᐃᑕᓕ ᐊᔅᒋᒡ ᑲ ᑎᑯᓂᔨᒡ᙮ ᒋ ᓂᑐᐛᐱᒪᐤ ᒪᒃ ᑈᓪ ᐅᔭ ᐊᑯᐎᓚᐃᒋ ᑭᔭ ᐎᐎᔪᐛ᙮

ᐊᑈᔅᑕᓇᒡ 18:23

ᐊᑯᑕ ᑲ ᑕᑦ ᐛᐃᐱᔅᒋᔅ ᐊᑯ ᒥᓐ ᒂ ᔅᑐᑕᑦ᙮ ᐊᑯ ᐊᓐᑕ ᐊᔅᒋᒡ ᑲᓚᓯᔭ ᑭᔭ ᐳᕆᒋᔭ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐃᑐᑕᑦ, ᐊ ᐃᔨᒪᐊᑦ ᐊᓂᔭ ᒋᓴᓴ ᑲ ᑕᑈᔭᔨᒪᔨᒋ ᒐᒋ ᐊᔨᒋᑲᐳᔨᒋ᙮

ᐊᑈᔅᑕᓇᒡ 2:11

ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 27:5

ᐊᑯ ᐊᓐᑕ ᑲ ᐃᓯ ᐊᓱᐊᒪᒡ ᐊᓐ ᐎᓂᐸᒄ ᓂᒋ ᐅᑎᑕᐊᓇᓐ ᐊᓂᔭᔪᐛ ᐊᔅᒋᔭ ᓯᓕᓯᔭ ᑭᔭ ᐸᒻᐱᓕᔭ ᑲ ᐃᓯᓂᐧᑲᑕᒋ, ᐊᑯ ᐊᓐ ᒪᐃᕋ ᑲ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓚᐃᓯᔭ ᐊᔅᒋᒡ ᑲ ᑎᒂᒡ ᐊᑯᑕ ᒂ ᒥᓯᑲᔭᒡ᙮

ᐊᑈᔅᑕᓇᒡ 28:15

ᐊᑯ ᐊᓐᒡ ᑲᑕᑈᔭᔨᑕᒡ ᐊᓐᑕ ᕈᒥᒡ ᑲ ᑕᒡ ᑲ ᐸᑕᒡ ᐊᒋ ᒥᓯᑲᐎᒋᑦ᙮ ᐱᔅᒐ ᐛᔪᐎᔅ ᒋ ᐅᑐᑕᐅᒡ ᐊᓐᑕ ᐊᓂᔭ ᐊᐱᔭᔅ ᑲ ᐃᓯᓂᐧᑲᑕᒡ ᑲᒋ ᒪᐅᒋᐃᑐᓇᓄᐎᒡ ᑭᔭ ᐱᔅᒐ ᐊᓐᑕ ᑲ ᓂᔅᑎᔨᒋ ᑲᒥᓇᓄᒋ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᑐᑕᐅᒡ ᐊ ᐎ ᐸᒋ ᓂᒋᔅᑯᔨᒥᒡ᙮ ᐃᔅᐱ ᒪᒃ ᑈᓪ ᐎᔭᐱᒪᑦ ᐊᓂᔭ, ᒋ ᓂᓇᔅᑯᒪᐤ ᒋᓴᒪᓂᑐᐛ, ᐛᔅ ᓇᔅᒡ ᒋ ᐅᐱᓂᑯᐤ ᐊᓂᔭ ᐊ ᐛᐱᒪᑦ᙮

ᐊᑈᔅᑕᓇᒡ 6:5

ᒥᓯᐛ ᒪᒃ ᒋ ᓇᐊᔨᑎᒧᒡ ᐊᓐᑕ ᐊ ᑎᓯᒡ ᐊᓂᔭ ᑲ ᐃᔅᒋᔄᔨᒋ ᐊᓂᔭᔪᐛ ᐊᑈᔅᑕᓇ᙮ ᐊᑯ ᑲ ᐅᑎᓇᑭᓄᐅᑦ ᔅᑎᐱᓐ᙮ ᔅᑎᐱᓐ ᒪᒃ ᐅᑕᑈᑎᒧᐅᓐ ᓇᔅᒡ ᒋ ᓱᒐᔨᑕᑯᓂᔪᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ᙮ ᑭᔭ ᐱᓕᐸ ᒋ ᐅᑎᓇᐅᒡ ᑭᔭ ᐳᕈᑯᕋᓴ, ᑭᔭ ᓂᑲᓄᕋ, ᑭᔭ ᑎᒧᓇ, ᑭᔭ ᐸᕐᒪᓇᓴ, ᑭᔭ ᓂᑯᓚᓴ᙮ ᐅ ᓂᑯᓚᔅ ᐊᓐᑕ ᐊᓐᑎᔭᒃ ᐎᔾ ᒋ ᐅᒋᐤ, ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒪᒃ ᒋ ᑕᑈᑎᒻ ᑕᓐ ᐊ ᐃᓯ ᑕᑈᑎᒥᔨᒋ ᒍᐤ ᐃᔪᐛ᙮

ᐊᑈᔅᑕᓇᒡ 6:9

ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:15

ᐊᐅᑯᓐ ᒪᒃ ᐛᒋ ᓂᑐᐛᔨᑎᒪᓐ ᒐᒋ ᐛᐎᑎᒪᑎᑯᒡ ᑭᔭ ᒋᔨᐛᐤ ᕈᒻ ᐊ ᑕᔭᒄ ᐅ ᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

2 ᑎᒧᑎ 1:17

ᐃᔅᐱ ᑲ ᑎᑯᓯᐧᒃ ᕈᒥᒡ ᑎᐛᒡ ᓂᒋ ᓇᓂᑐᐛᐱᒧᒄ ᐸᑐᔅ ᑲ ᒥᔅᑯᐅᑦ᙮

ᒋᔅᒐᔨᑕᑯᑕᒐᐅᓐ 11:8

ᐊᓂᔭᔪᐛ ᒪᒃ ᐎᔪᐛᐛ ᐊᑯᑕ ᐊᓐᑕ ᒪᔅᑭᓇᒡ ᐊᓂᔭ ᒥᔅᑎ ᐅᑕᓇᔪᐤ ᐊᓐᑕ ᑲ ᓂᐸᐊᑭᓄᔨᒋ ᑲ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ ᐅᑎᐸᔨᒋᒐᓯᒧᐛᐛ, ᐊᑯᑕ ᒐ ᑎᑯᓂᔨᒋ᙮ ᐅ ᒪᒃ ᐅᑕᓇᐤ ᒧᔭᒻ ᑕᓐ ᑲ ᐃᑕᔨᑕᒂᒋ ᐊᓂᔭᔪᐛ ᐅᑕᓇᐛ ᓱᑕᒻ ᑭᔭ ᐃᒋᑉᑦ ᑲ ᐃᓯᓂᐧᑲᑕᒋ, ᐊᐅᑯᓐ ᒐ ᐃᑕᔨᑕᒂᒋ, ᓇᔅᒡ ᒋ ᒥᓴᐤ ᐊᓐᑕ ᒥᒐᑎᓯᐅᓐ᙮