ᐊᑈᔅᑕᓇᒡ 19:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒥᒄ ᒪᒃ ᐱᔅᒐ ᐊᓐᒡ ᑲ ᓂᑐᑐᐛᒡ ᓇᔅᒡ ᒋ ᓯᐱᑎᒧᒡ, ᓇᒪ ᐅᒋ ᐎ ᑕᑈᑎᒧᒡ, ᑭᔭ ᓇᔅᒡ ᒋ ᒪᔭᔨᒪᐅᒡ ᑈᓚ ᐊᓂᔭ ᐊ ᐃᓯ ᑎᐸᒋᒪᔨᒋ ᒋᓴᓴ ᐊᓐᑕ ᐊ ᒥᒐᑎᓇᓄᐎᒡ᙮ ᐊᑯ ᑈᓪ ᒂ ᐎᐎᑦ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒂ ᐎᒐᐅᑯᑦ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ᐃᑐᑕᒡ ᐊᓐᑕ ᑕᐃᕋᓇᔅ ᑲ ᐃᓯᓂᐧᑲᑕᔨᒡ ᒥᒋᐛᐱᔪᐤ ᑲᒋ ᒪᒧᐎᓇᓄᐎᒡ, ᐊᑯᑕ ᒪᒃ ᐊᓐᑕ ᑲ ᐃᔨᒪᐊᑦ ᐊᓂᔭᔪᐛ ᐃᔪᐛ ᒋᓴᓴ ᐊ ᐊᔨᒧᒪᑦ᙮

ᐊᑈᔅᑕᓇᒡ 19:9 Iomraidhean Croise

ᑎᐱᑦ ᐅᓂᑭᒧᐅᓇ 95:8

ᐊᑲᐎᔾ ᒥᔅᑯᐎᑕᒄ ᒋᑕᐃᐛᐛ, ᒧᔭᒻ ᑲ ᑎᓇᓄᑯᐱᓇ ᐊᓐ ᒐᓯᑲᒡ ᑲ ᒋᔄᐃᐛᓂᐅᒡ, ᑭᔭ ᑲ ᑯᒂᒋᐃᐛᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ:

ᒪᑎᔪᐤ 15:14

ᐊᑯᔅ ᐊᑲ ᐊᔨᒪᔨᒪᐧᑯᒡ ᐊᓐᒡ ᐸᕆᓯᔨᒡ᙮ ᐛᔅ ᒧᔭᒻ ᐊᐛᓐᒋ ᐊᑲ ᐛᐸᑕᒡ ᐃᔭᐱᒡ ᒪᒃ ᑲ ᐎ ᒋᔅᒋᓄᑕᐊᒡ ᐊᐛᔪᐛ ᐊᑲ ᐛᐸᑎᒥᔨᒋ ᐊᑯᓐ ᐊ ᐃᑕᔨᑕᑯᓯᒡ᙮ ᑕᐱᔅᑯᓐ ᒪᒃ ᐊᑲ ᐛᐸᑕᒡ ᐛᑎᓂᔪᐤ ᒐᒋ ᐳᑎᓱᐛᐱᔨᒡ ᐊᓐᑕ ᐊ ᐱᑯᓇᔭᔨᒡ᙮”

ᒪᑎᔪᐤ 16:4

ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ᓂᑭᑕᑦ ᒂ ᐊᑎ ᔅᑐᑕᑦ᙮

ᒪᑎᔪᐤ 26:55

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔪᐛ, “ᒧᔭᒻ ᑕᑈ ᑲ ᐊᒂᑎᓯᑦ ᑲᒋᒧᑎᑦ ᐊ ᐃᑐᑐᔭᒄ ᐊ ᐸᒋ ᓂᑐᐛᐱᒥᔭᒄ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ᙮ ᐛᔅ ᓴᔅ ᒋ ᐸᒋ ᒪᑯᓇᐛᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲᒋ ᑕᔭᐧᒄ ᐊᓯᑯᒻ ᒋᓯᑲᐛ ᐊ ᒋᔅᑯᑎᒪᒐᔭᓐ, ᓇᒪ ᒪᒃ ᓂᑕ ᒋ ᐅᒋ ᑯᒂᑕᔨᑕᓇᐛᐤ ᒐᒋ ᒪᑯᓂᔭᒄ᙮”

ᒠᓐ 12:40

ᒋᓴᒪᓂᑐᐛ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮ ᓇᒪ ᒪᒃ ᓂ ᐎ ᐸᒋ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮

ᐊᑈᔅᑕᓇᒡ 11:26

ᐃᔅᐱ ᒪᒃ ᒪᔅᑯᐛᑦ, ᒋ ᐸᓱᐛᐤ ᐊᓐᑕ ᐊᓐᑎᔭᑭᒡ᙮ ᑕᐱᔅᑯᓐ ᒪᒃ ᐊ ᓂᓯᒡ ᓇᔅᒡ ᐸᐃᒄ ᐱᐳᓇ ᒧᔅ ᒋ ᓂᔅᑐᓇᐅᒡ ᐊᓂᔭ ᐅᒪᒧᐊᔭᒥᐊᐛ ᒐᒋ ᒪᒧᐤ ᐊᔭᒥᐊᒡ ᑭᔭ ᒥᒐᑦ ᐊᓂᔭ ᒋ ᒋᔅᑯᑎᒧᐛᐅᒡ᙮ ᐊᑯᑕ ᒪᒃ ᐊᓐᑕ ᐊᓐᑎᔭᑭᒡ ᒪᐅᒡ ᓂᔅᑎᒻ ᙭ᔅᑎᔭᓂᒡ ᑲ ᐃᓯᓂᐧᑲᑕᑭᓄᐎᒡ ᐊᓐᒡ ᑲ ᑕᑈᔭᔨᒪᒡ ᒋᓴᓴ᙮

ᐊᑈᔅᑕᓇᒡ 14:4

ᐊᑯ ᒪᒃ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑎᐸᓂᐃᑐᐅᒡ, ᐱᔅᒐ ᒋ ᑕᑈᑐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ, ᐊᑯ ᑯᑎᑭᒡ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᑐᐛᒡ᙮

ᐊᑈᔅᑕᓇᒡ 17:4

ᐱᔅᒐ ᒪᒃ ᐊᓐᒡ ᑲ ᓂᑐᑐᐛᒡ ᑈᓚ ᑭᔭ ᓴᓂᓴ ᒋ ᓴᐧᑯᒋᒥᑯᐅᒡ, ᐊᑯᑕ ᒪᒃ ᑲ ᐃᓯ ᐎᒋᐃᐛᒡ ᐊ ᑕᔨᒋ᙮ ᒥᒐᑦ ᑯᕆᒃ ᐃᔪᒡ ᑲ ᐊᔭᒥᐊᐛᑎᓯᒡ, ᑭᔭ ᒥᒐᑦ ᐃᔎᐅᒡ ᑲ ᒋᔅᑕᔨᒪᑭᓄᐎᒡ ᒋ ᓴᐧᑯᒋᒪᑭᓄᐎᒡ᙮

ᐊᑈᔅᑕᓇᒡ 19:23

ᒪᒂᒡ ᒪᒃ ᐊᓐᑕ ᐃᐱᓴᔅ ᑲ ᑕᑦ, ᐊᓐᒡ ᐃᔪᒡ ᒋ ᒋᔄᓱᐅᒡ ᐊᓂᔭ ᐊ ᐅᔅᑲᔨᒡ ᐊ ᐃᓯ ᒋᔅᑯᑎᒪᒐᔨᒋ ᑈᓚ ᐊ ᐃᔅᒋᔄᔨᒋ ᐅᑎᐸᔨᒋᒐᐤ ᒋᓴᔅ ᐊᐅᒄ ᒪᔅᑭᓄᐤ ᒐᒋ ᐅᒋ ᐱᒪᒋᐅᓇᓄᐅᒡ᙮

ᐊᑈᔅᑕᓇᒡ 19:30

ᐊᑯ ᑈᓪ ᒂ ᐎ ᐃᔨᒪᐊᑦ ᐊᓂᔭᔪᐛ ᐃᔪᐛ ᑲ ᒋᔄᓯᔨᒋ ᒥᒄ ᒪᒃ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᓴ ᓇᒪ ᐅᒋ ᐱᔅᑎᓂᑯᐤ ᒐᒋ ᐃᑐᑕᑦ ᐊᓐᑕ᙮

ᐊᑈᔅᑕᓇᒡ 20:31

ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”

ᐊᑈᔅᑕᓇᒡ 22:4

ᓇᔅᒡ ᓂᒋ ᐎ ᓂᓇᐧᑲᒋᐊᐅᒡ ᐊᓐᒡ ᑲ ᑕᑈᑕᒡ ᒋᓴᓴ ᐅᒋ ᐊ ᐅᒋ ᐱᒪᒋᐅᓇᓄᐅᒡ᙮ ᐊᑯᔅ ᒥᓯᐛ ᓂᐸᐊᑭᓄᑥᐛ ᓂᒋ ᐃᑕᔨᑕᓐ᙮ ᓂᒋ ᒪᑯᓇᐅᒡ ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ, ᐛᐛᒡ ᓂᒋ ᐃᑐᑐᐛᐅᒡ ᒐᒋ ᒋᐸᐛᑭᓄᐎᒡ᙮

ᐊᑈᔅᑕᓇᒡ 24:21

ᐸᐃᒄ ᑭᑈ ᒐᒂᔪᐤ ᓂᒋ ᐃᔅᒋᔄᐛᓐ ᐊᓐᑕ ᑲ ᐅᑎᔅᑯᑲᐳᔅᑐᒂᐤ, ᒪᒃ ᐊᐅᒄ ᐅᔭ ᐛ ᐅᒋ ᑎᐸᔅᑯᓂᐛᒂ᙮ ᓂᒋ ᒋᔄᐛᐛᓐ ᐊ ᐃᔅᒋᔄᐅᒡ, ᐊ ᑕᑈᑎᒪᓐ ᐊᓐᒡ ᑲ ᓂᐱᒡ ᑲᐤ ᒐ ᐅᓂᔅᑲᒡ᙮ ᐊᑯᓐ ᐛᒋ ᑎᐸᔅᑯᓂᑯᔭᓐ ᐅᑕ ᐊ ᑕᔭᒄ ᐊᓄᒡ ᐅ ᑲ ᒋᓯᑲᒡ᙮”

ᐊᑈᔅᑕᓇᒡ 28:22

ᒥᒄ ᒪᒃ ᒋ ᐎ ᒋᔅᒐᔨᒥᑎᓇᓐ ᑕᓐ ᐊ ᐃᑕᔨᑎᒥᐃᑯᔨᓐ ᒋᔾ, ᐛᔅ ᒥᒐᑦ ᐊᐛᓐᒋ ᒥᓯᑕ ᐅ ᐊᔅᒋᔾ ᓇᒪ ᒥᔪᓯᓇᐊᒧᒡ ᐅᔭ ᑲ ᐃᓯ ᑕᑈᑎᒺᒄ᙮”

ᐊᑈᔅᑕᓇᒡ 7:51

ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 9:2

ᒂ ᓂᑐᑎᒧᐛᑦ ᒐᒋ ᒥᔨᑯᑦ ᒥᓯᓇᐃᑭᓂᔪᐤ ᒐᒋ ᐛᐸᑎᔭᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒍᐤ ᐊᔭᒥᐊᐅᒋᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᐊ ᐎᑕᑭᓄᐎᒡ ᐊᓐᑕ ᐊ ᒥᔭᑭᓄᐅᑦ ᒐᒋ ᒪᑯᓇᑦ ᐃᔎᐛ ᑭᔭ ᓇᐸᐛ ᑲ ᑕᑈᔭᔨᒪᔨᒋ ᒋᓴᓴ, ᑭᔭ ᑲᐤ ᒐᒋ ᒋᐛᑕᐊᑦ ᐊᓐᑕ ᒋᕈᓯᓕᒥᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:7

ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:18

ᐊᑯ ᒪᒃ ᒋᓴᒪᓂᑐᐤ ᒐᔅᑎᒪᒐᔨᒪᑦ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ, ᑭᔭ ᑕᓐ ᐊᓂᔭᔪᐛ ᐛ ᐃᑐᑐᐛᑦ ᒐᒋ ᒥᔅᑯᐅᑕᐊᔨᒋ ᐊᐅᑯᓂ ᐊᓂᔭᔪᐛ ᒪᔅᑯᐅᑕᐊᑦ᙮

1 ᑯᕆᓐᑎᔭᓇ 16:9

ᒪᒂᒡ ᓇᔅᒡ ᓇᐃᐱᔪᐤ ᒐᒋ ᒥᔪ ᐊᑐᔅᒐᔭᓐ ᐅᑕ ᐊᑎ ᐊ ᒥᒐᑎᒡ ᐊᐛᓐᒋ ᐊ ᐎ ᒥᒋᐱᔨᒡ᙮

1 ᑎᒧᑎ 6:5

ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮

2 ᑎᒧᑎ 1:15

ᐛᔅ ᒋ ᒋᔅᒐᔨᑕᓇᒐ ᒥᓯᐛ ᐊᓐᒡ ᑲ ᒂᔅᑲᑎᓯᒡ ᐊᓐᑕ ᐊᐃᓴ ᐊ ᑕᒡ ᐊᒋ ᓂᑭᓯᒡ, ᐱᒋᓚᔅ ᑭᔭ ᐊᕐᒪᑭᓂᔅ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ᙮

2 ᑎᒧᑎ 3:5

ᒧᔭᒻ ᓇᔅᒡ ᐊ ᐊᔭᒥᐊᐛᑎᓯᒡ ᒋᑭ ᐎ ᐃᓯᓇᑯᐃᓱᐅᒡ ᒥᒄ ᒪᒃ ᓇᒪ ᒋᑭ ᐅᒋ ᐊᐱᑕᔨᑎᒥᐃᑯᐅᒡ ᐊᓂᔭ ᓱᐧᑲᑎᓯᐅᓂᔪᐤ ᒋᐸ ᐎᒋᐃᑯᐅᒡ ᒐᒋ ᓂᓇᐃᑎᒪᐅᒡ ᒋᓴᒪᓂᑐᐛ᙮ ᐊᑲᐎᔾ ᒥᑯᔅᑲᑕᔨᒥᒡ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

ᐃᑉᕈᐛ 3:13

ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ᐸᐃᒄ ᐊ ᑎᓯᔭᒄ ᒋᑭ ᐅᒋ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ᐅᒋᐱᔨᒡ ᐊ ᓱᒋᔅᑎᒂᓇᔭᒄ᙮

2 ᐱᑕᕐ 2:12

ᒥᒄ ᐛ ᐃᑎᒡ ᐃᑐᐅᒡ ᐊᐛᓯᓯᒡ᙮ ᐅᒡ ᒪᒃ ᓂᑎᒥᒄ ᒋᔅᑯᑎᒪᒐᓱᐅᒡ ᐊᐅᑯᓐ ᒧᔭᒻ ᐊ ᐃᑕᔨᑕᑯᓯᒡ ᑭᔭ ᐎᔨᐛᐤ᙮ ᒪ ᒥᒋ ᐊᔨᒧᑎᒧᒡ ᐊᓂᔭᔪᐛ ᒐᒂᔪᐛ ᐊᑲ ᓂᔅᑐᑕᒡ᙮ ᒧᔭᒻ ᒪᒃ ᑲ ᐃᓯᐊᑭᓄᐅᑦ ᑯᑎᒃ ᐊᐛᓯᔅ ᒥᒄ ᒐᒋ ᑲᔅᑎᓇᑭᓄᐅᑦ ᑭᔭ ᒐᒋ ᓂᐸᐊᑭᓄᐅᑦ, ᐊᐅᑯᓐ ᒧᔭᒻ ᐊ ᐃᓯᓇᑯᓂᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ ᓂᑎᒥᒄ ᒋᔅᑯᑎᒪᒐᓱᐅᒡ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮

ᒍᑦ 1:10

ᐅᒡ ᒪᒃ ᐎ ᓇᐸᐅᒡ, ᒥᒄ ᐃᓯ ᒪᔭᔨᑎᒧᒡ ᒐᒂᔪᐤ ᐊᑲ ᓂᔅᑐᑕᒡ᙮ ᒧᔭᒻ ᐊᐛᓯᓴ ᒥᒄ ᐛ ᐃᑎᔨᒋ ᐊ ᐃᑎᔨᒋ ᐊᐅᑯᓐ ᐊ ᐃᑎᒡ ᐅᒡ ᓇᐸᐅᒡ᙮ ᓇᒪ ᒪᒥᑐᓇᔨᑎᒥᐃᑯᐅᒡ ᑯᐃᔅᒄ ᐊ ᐃᑐᐛᒂ, ᐊᔪᐅᒄ ᒪᒃ ᐅᔭ ᐛᓇᒋᐃᑯᒡ᙮