ᐊᑈᔅᑕᓇᒡ 19:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᐃᔅᐱ ᒪᒃ ᐊᓐᒡ ᐃᔪᒡ ᑲ ᒋᔅᒐᔨᒪᒡ ᒍᐤ ᐊ ᐃᑎᔅᑲᓇᓯᔨᒋ ᐊᓂᔭ ᐊᓕᒃᓴᓐᑕᕐ, ᒥᓯᐛ ᒪᒧᐤ ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !” ᓂᓱ ᑎᐸᐃᑭᓇ ᒪᒃ ᒋ ᐃᔅᐱᔅ ᑕᑈᐅᒡ᙮

ᐊᑈᔅᑕᓇᒡ 19:34 Iomraidhean Croise

ᒪᑎᔪᐤ 6:7

“ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᐊᐱᒋᑕᒄ ᐃᔨᒧᐅᓐ ᐊᑲ ᒐᒂᓐ ᓇᔅᒡ ᐃᔅᒋᔄᒥᑲᒡ ᒧᔭᒻ ᐊᑎᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᐛᔅ ᐃᑕᔨᑎᒧᒡ ᒐ ᐸᑕᑯᒡ ᒋᓴᒪᓂᑐᐛ ᒥᒄ ᐊᓂᔭ ᓇᐅᔅ ᐊ ᐊᔭᒥᐊᒡ᙮

ᐊᑈᔅᑕᓇᒡ 16:20

ᐃᔅᐱ ᒪᒃ ᑲ ᐸᓱᐛᒡ ᐊᓐᑕ ᕈᒻ ᐎᓱᐛᐅᒋᒪᐛ ᐊ ᑕᔨᒋ ᒐᒋ ᑎᐸᔅᑯᓇᔨᒋ, ᒋ ᐃᑕᐅᒡ, “ᒍᐤ ᐃᔪᒡ ᐅᒡ ᓇᐸᐅᒡ, ᒥᒋᐱᔨᑕᐅᒡ ᐅᑕ ᒋ ᐅᑕᓇᒥᓇᒡ !

ᐊᑈᔅᑕᓇᒡ 19:24

ᐛᔅ ᒋ ᑕᐤ ᐸᐃᒄ ᓇᐸᐤ ᐊᓐᑕ ᐃᐱᓴᔅ, ᑎᒥᑦᕆᔭᔅ ᐊ ᐃᓯᓂᐧᑲᓱᑦ ᐊ ᐅᓯᑕᑦ ᐊᔭᐱᓯᓯᔨᒋ ᒋᓴᐊᔭᒥᐊᐅᒋᐛᐱᓴ ᐊ ᒋᔅᒋᓄᐛᐸᑕᐧᒃ ᐊᓂᔭ ᐊᓐᑕ ᒥᔭᒥᒋᒪᑭᓄᔨᒋ ᐊᓂᔭ ᒥᓂᑐᐧᑲᓂᔎᐛ ᐊᕐᑎᒥᔅ ᑲ ᐃᓯᓂᐧᑲᓱᔨᒋ᙮ ᓱᓇᔭᐱᔎ ᒋ ᐊᐱᒋᐊᐤ ᐅᔭ ᐊ ᐅᓯᑕᑦ᙮ ᒋ ᐊᑕᐛᐤ ᒪᒃ ᐊᓂᔭᔪᐛ᙮ ᒋ ᐎᒋᐃᑯᔪᐛ ᒪᒃ ᐊᓂᔭ ᑲ ᐎᒐᐱᑎᓯᒥᑯᑦ ᐊᓂᔭ ᑕᓐ ᑲ ᐃᔅᐱᔅ ᒋ ᒥᔅᑎ ᐅᓯᑕᒡ ᓱᓇᔭᔪᐤ᙮

ᐊᑈᔅᑕᓇᒡ 19:26

ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 19:28

ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑐᐛᒡ ᐅᔭ ᐊ ᐃᔅᒋᔄᔨᒋ ᒋ ᒋᔄᓱᐅᒡ ᐊᑯ ᒂ ᐃᓯ ᑕᑈᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !”

ᐊᑈᔅᑕᓇᒡ 19:33

ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮

ᐊᑈᔅᑕᓇᒡ 19:35

ᒐᒃ ᒪᒃ ᐊᓐ ᐸᐃᒄ ᑲ ᓂᑲᓂᔅᑲᒐᑦ ᐊᓐᑕ ᐅᑕᓇᒡ ᒂ ᒋᐱᒋᐊᑦ ᐊ ᑕᑈᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᐃᐱᓴᔅ ᑲ ᐅᒋᔭᒄ, ᒥᓯᐛ ᐊᐛᓐ ᒋᔅᒐᔨᑎᒻ ᐊᑯᑕ ᐊᓐᑕ ᐃᐱᓴᔅ ᐊ ᑎᒂᒡ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᑲᒋ ᑭᓄᐛᔨᒪᑭᓄᐅᑦ ᐊᓐ ᑲ ᒋᔅᑕᔨᑕᑯᓯᑦ ᐊᕐᑎᒥᔅ ᑭᔭ ᐊᓐ ᑲ ᒋᔅᑕᔨᒪᑭᓄᐅᑦ ᐊᓯᓂᔾ ᒋᓯᑯᒡ ᑲ ᐅᒋ ᐸᒋᓯᓂᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:22

ᒋᑦ ᐃᔅᒋᔄᓐ ᑭᔭ ᒐ ᐊᑲ ᒋ ᐱᓯᒂᑎᓯᑦ ᐊᐛᓐ᙮ ᒋᔾ ᒪᒃ ᐎ, ᒐᔅᑎᓇᔅ ᐊ ᓇᒪ ᒋ ᐱᓯᒂᑎᓯᓐ ? ᒍᐧᑲᑕᐅᒡ ᒥᓂᑐᐧᑲᓐᒡ᙮ ᒥᒄ ᒪᒃ ᓇᒪᐎᔾ ᐊ ᒋ ᑭᒐᒧᑎᓐ ᐊᓐᑕ ᐊᔭᒥᐊᐅᒋᐛᐱᒡ ᑕᓐᑕ ᓇᐎᒋᔅᑐᐛᑭᓄᐎᒡ ᒥᓂᑐᐧᑲᓐᒡ ?

ᒋᔅᒐᔨᑕᑯᑕᒐᐅᓐ 13:4

ᒥᒐᑦ ᐊᐛᓐᒋ ᒋ ᐊᔭᒥᐊᔅᑐᐛᐅᒡ ᐊᓂᔭ ᒥᔅᑎ ᒥᓐᑐᓴ ᐊᓂᔭ ᐊᒋ ᒥᔨᑯᔨᒋ ᑎᐸᔨᒋᒐᐅᓂᔪᐤ ᒥᒋ ᐊᐛᓯᓴ᙮ ᑭᔭ ᐊᓂᔭᔪᐛ ᒥᒋ ᐊᐛᓯᓴ ᒋ ᐊᔭᒥᐊᔅᑐᐛᐅᒡ, ᐊ ᐃᔅᒋᔄᒡ, “ᐊᐛᓐ ᐊ ᐃᑕᔨᑕᑯᓯᑦ ᑕᓐ ᐊ ᐃᑕᔨᑕᑯᓯᔨᒋ ᐅᔭ ᒥᒋ ᐊᐛᓯᓴ ? ᐊᐛᓐ ᑲᔅᒋᐅᑦ ᒐᒋ ᒪᓯᐊᑦ ?”