ᐊᑈᔅᑕᓇᒡ 19:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑯ ᒂ ᓂᑲᓂᑎᓴᐛᑦ ᓂᓱ ᑲ ᐊᑐᔅᑲᑯᑦ ᑎᒧᑎᔨᒋ ᑭᔭ ᐊᕋᔅᑕᓴ ᐊ ᐃᓯᓂᐧᑲᓱᔨᒋ ᐊᓐᑕ ᒪᓯᑐᓂᔭ ᐊᔅᒋᒡ ᒐᒋ ᐃᑐᑕᔨᒋ, ᐊᑯ ᐊᓐᑕ ᐊᐃᓴ ᐛᐃᐱᔅᒋᔅ ᒂ ᑕᑦ ᐎᔾ᙮

ᐊᑈᔅᑕᓇᒡ 19:22 Iomraidhean Croise

ᐊᑈᔅᑕᓇᒡ 13:5

ᐃᔅᐱ ᒪᒃ ᒪᓯᑲᒡ ᐊᓐᑕ ᐅᑕᓇᒡ ᓴᓚᒥᔅ ᑲ ᐃᓯᓂᐧᑲᑕᔨᒡ, ᒋ ᐛᐎᑎᒧᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᔨᒡ᙮ ᒋ ᐎᒐᐅᑯᐅᒡ ᒪᒃ ᒠᓐ-ᒪᕐᑲ ᒐᒋ ᐎᒋᐃᑯᒡ᙮

ᐊᑈᔅᑕᓇᒡ 16:1

ᐊᑯ ᑈᓪ ᐊᓐᑕ ᑎᕐᐱᒡ ᑭᔭ ᓕᔅᑐᕋᒡ ᒂ ᐃᑐᑕᑦ᙮ ᒋ ᑕᐤ ᐊᓐᑕ ᓇᐸᐤ ᐊ ᑕᑈᔭᔨᒪᑦ ᒋᓴᓴ, ᑎᒧᑎ ᐊ ᐃᓯᓂᐧᑲᓱᑦ, ᐅᑲᐎᔭ ᑭᔭ ᒋ ᑕᑈᔭᔨᒪᔪᐛ ᒋᓴᓴ᙮ ᒍᐤ ᒋ ᐃᑎᔅᑲᓇᓯᔪᐛ ᐅᔭ ᐅᑲᐎᔭ ᐊᑯ ᐅᑕᐎᔭ ᑯᕆᒃ ᒋ ᐃᑎᔅᑲᓇᓯᔪᐛ᙮

ᐊᑈᔅᑕᓇᒡ 16:3

ᑈᓪ ᒋ ᓂᑐᐛᔨᒪᐤ ᐊᓂᔭᔪᐛ ᑎᒧᑎᔨᒋ ᒐᒋ ᐎᒐᐅᑯᑦ, ᓂᔅᑎᒻ ᒪᒃ ᒋ ᒋᔅᒋᓄᐛᒋᔄᐤ᙮ ᐊᐅᒄ ᐅᔭ ᑲ ᐃᑐᑐᐛᑦ ᐊᑲ ᐅᒋ ᐎ ᒪᔭᔨᒪᑦ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᑲ ᐎᒋᔨᒋ ᐛᔅ ᒋ ᒋᔅᒐᔨᒪᐅᒡ ᐊᓐᒡ ᐃᔪᒡ ᐊᓂᔭ ᑎᒧᑎᔨᒋ ᐅᑕᐎᔪᐛ ᑯᕆᒃ ᐊ ᐃᑎᔅᑲᓇᓯᔨᒋ᙮

ᐊᑈᔅᑕᓇᒡ 18:5

ᐃᔅᐱ ᒪᒃ ᑕᑯᓯᓂᔨᒋ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᒪᓯᑐᓂᔭ ᐊ ᐅᑐᑕᔨᒋ, ᐊᑯ ᒂ ᐳᓂᑦ ᐊᓂᔭ ᐊ ᒪᓂᒐᑦ᙮ ᐊᑯ ᑈᓪ ᐱᓯᒄ ᑲ ᐛᐎᑎᒧᐛᑦ ᐊᓂᔭᔪᐛ ᒍᐤ ᐃᔪᐛ ᒥᔽᒋᒧᐅᓂᔪᐤ ᐊ ᐃᑕᑦ, “ᒋᓴᔅ ᐊᐅᒄ ᙭ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᐊᑈᔅᑕᓇᒡ 19:10

ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:21

ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮

ᐊᑈᔅᑕᓇᒡ 19:29

ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮

ᐊᑈᔅᑕᓇᒡ 20:1

ᐃᔅᐱ ᒪᒃ ᑲ ᐊᑎ ᒋᐱᑥᐛᑕᑭᓄᐎᒡ ᑕᓐ ᑲ ᐃᑥᐛᑕᑭᓄᐎᒡ ᑭᔭ ᑲ ᒋᐛᔨᒋ ᐊᓂᔭᔪᐛ ᐃᔪᐛ, ᑈᓪ ᒋ ᐎᓴᒪᐤ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮ ᐊᑯ ᒂ ᓯᒋᒪᑦ ᓱᒃ ᒐ ᐎ ᐊᔨᒋᑲᐳᔨᒋ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔅᐱ ᒪᒃ ᑲ ᐛᒋᔭᒪᑦ ᐊᑯ ᒂ ᔅᑐᑕᑦ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐃᑐᑕᑦ᙮

ᐊᑈᔅᑕᓇᒡ 20:34

ᒋ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ᐊᔭᐱᑎᓯᔭᓐ ᒐᒋ ᐅᒋ ᐅᑎᓇᒪᓱᔭᓐ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ᓂᑐᐛᔨᑕᒡ ᐊᓐᒡ ᑲ ᐎᒐᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:23

ᑲᐃᔭᔅ ᐎᒋᒡ ᓂ ᑕᐛᓐ ᐊᓐᑕ ᒥᔭᐅᒋᐃᑐᒡ ᒪᓐ ᒪᒧᐤ ᑲ ᐊᔭᒥᐊᐛᑎᓯᒡ᙮ ᑭᔭ ᐎᔾ ᑲᐃᔭᔅ ᒋ ᐛᒋᔭᒧᑯᐛᐤ᙮ ᐊᕋᔅᑕᔅ, ᐊᓐ ᑲ ᓂᓇᑭᑐᐛᔨᑕᐧᒃ ᓱᓇᔭᔪᐤ ᐅᑕ ᐅᔭ ᐅᑕᓇᔪᐤ ᑭᔭ ᒋᐧᑲᓂᓴᓄᐤ ᑯᐛᕐᑕᔅ ᒋ ᐛᒋᔭᒥᑯᐛᐅᒡ ᑭᔭ ᐎᔨᐛᐤ᙮

2 ᑯᕆᓐᑎᔭᓇ 1:16

ᐛᔅ ᐊᓐᑕ ᐊᓐ ᐊᔅᒋᔾ ᒪᓯᑐᓂᔭ ᑲ ᐃᓯᓂᐧᑲᑕᒡ ᑲ ᐃᑐᑕᔭᓐ ᓂᒋ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᐃᔅᐱ ᑲᐤ ᐸᒋ ᒋᐛᔭᓇ ᐊᑯ ᒥᓐ ᒋᐸ ᓂᑐᐛᐱᒥᑎᓇᐛᐤ᙮ ᐊᑯᑕ ᒪᒃ ᐊᓐᑕ ᒋᐸ ᒋ ᐎᒋᐃᓇᐛᐤ ᒍᑎᔭ ᐊ ᐃᓯᓂᐧᑲᑕᒡ ᐊᔅᒋᔾ ᒐᒋ ᐃᑐᑕᔭᓐ, ᐊᐅᑯᓐ ᑭᑈ ᑲ ᐃᓯ ᐃᑕᔨᑎᒪᓐ ᓂᐸ ᐃᑎᓐ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 2:13

ᒥᒄ ᒪᒃ ᐃᔭᐱᒡ ᒋ ᑎᑯᓐ ᑕᓐ ᑲ ᐃᓯ ᒥᑯᔅᑲᑕᔨᑎᒪᓐ ᐛᔅ ᑕᐸ ᓂ ᐅᒋ ᐛᐱᒪᐤ ᓂᐧᑲᓂᔅ ᑕᐃᑕᔅ ᐊᓐᑕ ᒐᒋ ᑕᑦ᙮ ᐊᑯ ᒪᒃ ᑲ ᓂᑭᑎᒂᐤ ᐊᓐᒡ ᐃᔪᒡ ᐊᓐᑕ ᐊ ᑕᒡ᙮ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᒥᓐ ᑲ ᐃᑐᑕᔭᓐ᙮

2 ᑯᕆᓐᑎᔭᓇ 8:1

ᓂᐎᒐᐛᑭᓂᑎᒄ, ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᒪᑯᒡ ᑕᓐ ᑲ ᐃᓯ ᒥᔪᑐᑎᒪᑯᒡ ᒋᓴᒪᓂᑐᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒪᓯᑐᓂᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮

2 ᑯᕆᓐᑎᔭᓇ 8:19

ᑭᔭ ᐅᒪᒧᐊᔭᒥᐊᐛ ᒋ ᐃᑕᔨᒥᑯᐤ ᒐᒋ ᐎᒐᐎᔨᒥᑦ ᐊ ᐃᑐᑐᐅᒋᒡ ᐊᓐᒡ ᑲ ᒋᔅᑎᒪᑎᓯᒡ ᑲ ᑕᑈᑕᒡ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮ ᐅᑎᐸᔨᒋᒐᐤ ᒪᒃ ᓂ ᐎ ᒋᔅᒐᔨᑎᒥᐊᓇᓐ ᐅ ᑲ ᐃᑐᑎᒪᒡ᙮ ᐊᑯᑕ ᒐ ᓄᒂᒡ ᐊ ᐎ ᐎᒋᐃᐛᔭᒡ᙮

1 ᑕᓴᓗᓂᔭᓇ 1:8

ᐊᓐ ᒪᒃ ᑲ ᐛᐎᑎᒪᒄ ᐅᑎᐸᔨᒋᒐᐤ ᐅᒥᔽᒋᒧᐅᓐ ᓇᒪ ᒥᒄ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᒋ ᐅᒋ ᐸᑕᑯᑕᓇᐛᐤ, ᒥᓯᑕ ᒋ ᐸᑕᑯᓐ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᓇᒪ ᒪᒃ ᓂᑐᐛᔨᑕᑯᓐ ᒐᒋ ᐊᔨᒧᑎᒧᐅᒋᒡ ᐊᐛᓐᒋ ᐛᔅ ᓴᔅ ᒋᔅᒐᔨᑎᒧᒡ᙮

2 ᑎᒧᑎ 4:20

ᐊᕋᔅᑕᔅ ᐎᔾ ᐊᑯᑕ ᐊᓐᑕ ᑯᕆᓐᑦ ᐊ ᑕᑦ, ᐊᑯ ᑐᕈᐱᒪᔅ ᐊᓐᑕ ᒥᓕᑕᔅ ᐊᑯᑕ ᑲ ᐅᒋᔅᑭᑎᒃ ᐊᒋ ᐊᐧᑯᓯᑦ᙮