ᐊᑈᔅᑕᓇᒡ 19:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮

ᐊᑈᔅᑕᓇᒡ 19:21 Iomraidhean Croise

ᐊᑈᔅᑕᓇᒡ 16:12

ᐊᑯᑕ ᐊᓐᑕ ᑲ ᐅᒋ ᐱᒧᑕᔭᒡ ᐊᓐᑕ ᐊ ᐃᑐᑕᔭᒡ ᐱᓕᐸᐃᒡ ᐊᓐ ᑲ ᒥᓴᒡ ᐅᑕᓇᐤ ᐊᓐᑕ ᒪᓯᑐᓂᔭ ᐊᔅᒋᒡ ᑲ ᑎᒂᒡ, ᕈᒻ ᐃᔪᒡ ᒋ ᑎᐸᔨᑎᒧᒡ ᐊᓂᔭ ᐅᑕᓇᔪᐤ᙮ ᐛᐃᐱᔅᒋᔅ ᐊᓐᑕ ᓂᒋ ᑕᓇᓐ᙮

ᐊᑈᔅᑕᓇᒡ 18:12

ᐃᔅᐱ ᒪᒃ ᑲᓕᐅ ᕈᒻ ᑲ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ᒪᒧᐎᐅᒡ ᐊᑯ ᒂ ᒪᑯᓇᒡ ᑈᓚ ᒂ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 18:21

ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᐊᑈᔅᑕᓇᒡ 19:22

ᐊᑯ ᒂ ᓂᑲᓂᑎᓴᐛᑦ ᓂᓱ ᑲ ᐊᑐᔅᑲᑯᑦ ᑎᒧᑎᔨᒋ ᑭᔭ ᐊᕋᔅᑕᓴ ᐊ ᐃᓯᓂᐧᑲᓱᔨᒋ ᐊᓐᑕ ᒪᓯᑐᓂᔭ ᐊᔅᒋᒡ ᒐᒋ ᐃᑐᑕᔨᒋ, ᐊᑯ ᐊᓐᑕ ᐊᐃᓴ ᐛᐃᐱᔅᒋᔅ ᒂ ᑕᑦ ᐎᔾ᙮

ᐊᑈᔅᑕᓇᒡ 19:29

ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮

ᐊᑈᔅᑕᓇᒡ 20:16

ᑈᓪ ᒪᒃ ᒋ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ᒋᓯᑲᔨᒡ᙮

ᐊᑈᔅᑕᓇᒡ 20:22

“ᓂᑐᑎᒧᒄ ᒪᒃ, ᐊᓄᒡ ᓇᔅᒡ ᓱᒋᐱᔪᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᓂᓇᐃᑐᐅᒃ ᐊ ᐃᑎᓱᒥᑦ ᒋᕈᓯᓕᒥᒡ ᒐᒋ ᐃᑐᑕᐅᒡ, ᓂᐸ ᐃᑐᑕᓐ ᒪᒃ ᐊᓐᑕ ᐊᓄᒡ᙮ ᓇᒪ ᓂ ᒋᔅᒐᔨᑕᓐ ᒐᒂᓐ ᒐ ᐅᑎᑕᐅᑯᔭᓐ ᐊᓐᑕ ᑕᔭᓇ᙮

ᐊᑈᔅᑕᓇᒡ 21:17

ᐃᔅᐱᔅ ᑕᑯᓯᓂᔭᒡ ᐊᓐᑕ ᒋᕈᓯᓕᒥᒡ, ᓇᔅᒡ ᒋ ᒥᔽᔨᑎᒧᒡ ᐊᓐᒡ ᐎᐧᑲᓂᓯᒪᐅᒡ ᐃᔅᐱᔅ ᐎᔭᐱᒥᔨᒥᒡ᙮

ᐊᑈᔅᑕᓇᒡ 21:4

ᐊᑯ ᒂ ᓂᑐᐛᐱᒥᒋᒡ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᑲ ᑕᒡ᙮ ᐸᐃᒄ ᒥᓇᔅᑕᑭᓇ ᒪᒃ ᓂᒋ ᐃᑕᐛᓇᓐ ᐊᓐᑕ ᐊ ᑕᒡ᙮ ᐊᓐᒡ ᒪᒃ ᑲ ᑕᑈᑕᒡ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᒐᒋ ᐃᔭᒂᒥᒪᒡ ᑈᓚ ᒐ ᐊᑲ ᒋ ᐃᑐᑕᔨᒋ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 27:1

ᐃᔅᐱ ᒪᒃ ᑲ ᐎᔭᔨᑕᑭᓄᐅᒡ ᐃᑕᓕ ᒐ ᐃᔅᒋᒪᔭᒡ, ᐸᐃᒄ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ ᐊ ᐃᓯᓂᐧᑲᓱᑦ ᒋ ᐃᑎᓱᒪᑭᓄᐤ ᒐᒋ ᓂᓇᑭᑐᐛᔨᒪᑦ ᐊᓂᔭ ᑈᓚ ᑭᔭ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᒪᑯᓇᑭᓄᔨᒋ᙮ ᐅ ᒪᒃ ᒍᓕᔭᔅ ᐸᐃᑯ ᒥᑕᓯᒥᑎᓄᐤ ᒋ ᐃᑕᑎᓯᔪᐛ ᐊᓯᒪᑭᓂᓴ ᐊ ᓂᑲᓂᔅᑯᐛᑦ ᕈᒻ ᐊ ᐃᓯ ᒥᓯᓇᓱᔨᒋ᙮

ᐊᑈᔅᑕᓇᒡ 27:24

ᐊᑯ ᒂ ᐃᓯᑦ ᐊᓐ ᐊᓐᒋᓐ, ‘ᑈᓪ, ᐊᑲᐎᔾ ᑯᔅᑕᒋ, ᐛᔅ ᒋᑭ ᐅᑎᔅᑯᑲᐳᔅᑐᐛᐤ ᓯᓴᕐ ᐊᓐᑕ ᕈᒥᒡ ᑲ ᑕᑦ ᒐᒋ ᑎᐸᔅᑯᓂᔅᒃ᙮ ᑎᑯᓂᔪᐤ ᑭᔭ ᑕᓐ ᐊ ᐃᓯ ᒥᔪᑐᑎᒪᔅᒃ ᒋᓴᒪᓂᑐᐤ, ᒥᓯᐛ ᒋᑭ ᐱᒪᑎᓯᐅᒡ ᐊᓐᒡ ᑲ ᐎᒐᐅᑥᐤ᙮’ ”

ᐊᑈᔅᑕᓇᒡ 28:16

ᑲ ᒥᓯᑲᔭᒡ ᐊᓐᑕ ᕈᒥᒡ, ᑈᓪ ᒋ ᐱᔅᑎᓇᑭᓄᐤ ᑎᐸᓐ ᐊᓐᑕ ᒥᒋᐛᐱᔪᐤ ᒐᒋ ᐎᒋᑦ᙮ ᐊᑯ ᒥᒄ ᐃᔭᐱᒡ ᐊᓯᒪᑭᓂᓴ ᒋ ᑕᔪᐛ ᐊ ᓂᓇᑭᑐᐛᔨᒥᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:11

ᓇᔅᒡ ᑕᑈ ᒋ ᐎ ᐛᐱᒥᑎᓇᐛᐤ ᒐᒋ ᐊᔭᔭᒄ ᑭᔭ ᒋᔨᐛᐤ ᐊᓂᔭ ᐊᒐᐧᑯᐤ ᒥᔨᐛᐅᓇ ᒋᓴᒪᓂᑐᐤ ᑲ ᐸᒋ ᒥᔨᑦ ᒐᒋ ᐊᔨᒋᑲᐳᐅᔭᒄ ᑕᑈᑎᒧᐅᓂᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:13

ᒐ ᐎ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ᑎᑯᓐ ᒐᒂᓐ ᐊ ᓇᑲᐅᑯᔭᓐ᙮ ᐛᔅ ᓂ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:15

ᐊᐅᑯᓐ ᒪᒃ ᐛᒋ ᓂᑐᐛᔨᑎᒪᓐ ᒐᒋ ᐛᐎᑎᒪᑎᑯᒡ ᑭᔭ ᒋᔨᐛᐤ ᕈᒻ ᐊ ᑕᔭᒄ ᐅ ᒥᔽᒋᒧᐅᓐ᙮

1 ᑯᕆᓐᑎᔭᓇ 16:5

ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᓂᑭ ᓴᐳᑐᐛᑕᓐ᙮ ᐊᑯ ᒪᒃ ᒐ ᓂᑐᐛᐱᒥᑎᑯᒡ ᐃᔅᐱ ᒋ ᐃᑐᑕᔭᓇ ᐊᓐᑕ᙮

1 ᑯᕆᓐᑎᔭᓇ 4:19

ᒥᒄ ᒪᒃ ᐎᐱᒡ ᒋᑭ ᐸᒋ ᓂᑐᐛᐱᒥᑎᓇᐛᐤ, ᐅᑎᐸᔨᒋᒐᐤ ᓂᑐᐛᔨᒥᒐ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᒐ ᓂᑐ ᒋᔅᒐᔨᒥᒂᐤ ᐅᒡ ᒋᒋᐛ ᑲ ᐃᑕᔨᒥᓱᒡ ᑕᑈ ᑲ ᒥᔨᑯᐛᒂ ᒋᓴᒪᓂᑐᐛ ᓱᐧᑲᑎᓯᐅᓂᔪᐤ ᒪᒃ ᓴᒐᔾ ᒥᒄ ᐊ ᐃᔅᒋᔄᐛᒂᓂᒋ ᐊᓂᔭ ᑕᓐ ᐊ ᐃᔅᒋᔄᒡ᙮

2 ᑯᕆᓐᑎᔭᓇ 10:16

ᒐᒃ ᒪᒃ ᓂᓇᐧᑯᐤ ᐊᔅᒋᒡ ᐃᐛᒃ ᐊᓐᑕ ᐊ ᑕᔭᒄ ᑲ ᑎᒂᒋ ᒐᒋ ᐛᐎᑎᒪᒡ ᒥᔽᒋᒧᐅᓐ᙮ ᐊᑯ ᒪᒃ ᓇᒪ ᓂᑭ ᐅᒋ ᓂᓇᐸᐛᒋᒧᐛᒐᐛᓇᓐ ᑯᑎᒃ ᐊᐛᓐ ᑕᓐ ᑲ ᐃᓯ ᐊᑐᔅᒐᑦ᙮

ᑲᓚᓯᔭᓇ 2:1

ᓇᐅᓴᑉ ᐱᐳᓇ ᐸᑎᒪ ᐊᑯ ᒥᓐ ᒋᕈᓯᓕᒥᒡ ᑲ ᐃᑐᑕᔭᓐ᙮ ᐸᕐᓇᐸᔅ ᑭᔭ ᑕᐃᑕᔅ ᓂᒋ ᐎᒐᐅᑯᒡ᙮

1 ᑕᓴᓗᓂᔭᓇ 1:7

ᐊᑯ ᒪᒃ ᑕᓐ ᑲ ᐃᓯ ᐱᒪᑎᓯᔭᒄ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᑲ ᐅᒋᒡ ᔅᒋ ᒋᔅᒋᓄᐛᐱᒥᑯᐛᐅᒡ ᑕᓐ ᐊ ᐃᑕᑎᓯᐛᒄ᙮