ᐊᑈᔅᑕᓇᒡ 19:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᐊᓂᔭᔪᐛ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᒋ ᒥᔅᑎᒪᓯᐧᑲᑯᐅᒡ᙮ ᒋ ᐎᐎᑎᓯᒧᐅᒡ ᐊᓐᑕ ᒥᒋᐛᐱᒡ ᐊᒋ ᒥᔄᑭᓂᐧᑲᑎᑯᒡ ᐊᓂᔭᔪᐛ ᓇᐸᐛ, ᐊ ᒧᓴᔅᑭᑕᐸᔨᑐᒡ ᐊᒋ ᐱᑯᐱᑎᒥᔨᒋ ᐅᑦ ᐊᐱᒋᑕᐅᓄᐛᐛ᙮

ᐊᑈᔅᑕᓇᒡ 19:16 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:15

ᐃᔅᐱ ᐛᑎᑕᒡ ᒋᓴᓴ ᒋ ᐛᐱᒪᐅᒡ ᐊᓂᔭ ᓇᐸᐛ ᒥᒐᑦ ᒥᒋ ᐊᒐᒂ ᑲᒋ ᐱᒋᔅᑲᑯᔨᒋ ᐊ ᐊᐱᔨᒋ ᐊᓐᑕ ᐊᒋ ᐛᑕᔅᐱᓱᐎᒂᓂ ᑭᔭ ᐊ ᒋᔭᒪᔨᑕᑯᓯᔨᒋ᙮ ᒋ ᑯᔅᑕᒍᐅᒡ ᒪᒃ ᐃᔅᐱ ᐎᔭᐱᒪᒡ ᐅᔭ ᓇᐸᐛ᙮

ᓗᒃ 8:29

ᐊᔪᐅᒄ ᐅᔭ ᑲ ᐃᓯ ᑕᑈᑦ ᐅ ᓇᐸᐤ ᐛᔅ ᒋᓴᔅ ᒋ ᐃᔅᒋᔄᑯᐱᓇ ᐊᓂᔭ ᒥᒋ ᐊᒐᒂ ᒐᒋ ᐎᐎᔨᒋ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᐅᒋ᙮ ᐅ ᒪᒃ ᓇᐸᐤ ᒥᒐᑥᐤ ᒋ ᑎᐸᔨᒥᑯᑯᐱᓇ ᐊᓂᔭ ᒥᒋ ᐊᒐᒂ᙮ ᒧᔅ ᒪᒃ ᒋ ᓂᓇᑭᑐᐛᔨᒪᑭᓄᐤ ᐊᓐ ᓇᐸᐤ᙮ ᐊᑎ ᒪᒃ ᑭᔭ ᐊ ᒪᑯᐱᑕᔨᒋ ᐅᓯᑕ ᑭᔭ ᐅᑎᒋᔭ ᐃᔭᐱᒡ ᒋ ᐱᔅᒋᐱᑎᒻ ᒪᓐ ᐊᓂᔭ ᐊᒋ ᒥᒪᒋᒪᐱᔅᑲᐃᑭᓄᔨᒋ ᐃᓴᒂᔭᐱᔪᐤ᙮ ᒋ ᐃᑐᑕᑯᐤ ᒪᒃ ᐊᓂᔭ ᒥᒋ ᐊᒐᒂ ᒐᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ᙮

ᓗᒃ 8:35

ᒋ ᑎᑯᓯᓄᐅᒡ ᒪᒃ ᐃᔪᒡ ᐊᒋ ᐸᒋ ᓇᒋ ᐛᐸᑕᒡ ᑕᓐ ᑲ ᐃᔅᐱᔨᒡ᙮ ᐃᔅᐱ ᐛᑎᑕᒡ ᒋᓴᓴ ᒋ ᐛᐱᒪᐅᒡ ᐊᓂᔭ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᐊ ᐊᐱᔨᒋ ᒥᒋᒪ ᐊᓐᑕ ᒋᓴᓴ ᐅᓯᑎᔨᒡ᙮ ᐊᒋ ᐛᑕᐱᓱᐎᒂᓂ ᑭᔭ ᐊ ᒋᔭᒪᔨᑕᑯᓯᔨᒋ᙮ ᒋ ᑯᔅᑕᒍᐅᒡ ᒪᒃ ᐎᔭᐱᒪᒡ ᐅᔭ ᓇᐸᐛ᙮

ᐊᑈᔅᑕᓇᒡ 19:15

ᐊᑯ ᒥᒄ ᐊᓂᔭ ᒥᒋ ᐊᒐᒂ ᒋ ᓂᔎᐅᓯᐃᑯᒡ ᐊ ᐃᑎᑯᒡ, “ᓂ ᒋᔅᒐᔨᒪᓇᓐ ᐊᐛᓐ ᒋᓴᔅ ᑭᔭ ᑈᓪ᙮ ᒋᔨᐛᐤ ᒪᒃ ᓇᒪ ᒋ ᒋᔅᒐᔨᒥᑎᓇᓐ᙮ ᒐᒂᓐ ᒪᒃ ᒐ ᐅᒋ ᓂᓇᐃᑕᑕᒡ ?”

ᐊᑈᔅᑕᓇᒡ 19:17

ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᓐᑕ ᐃᐱᓴᔅ ᑲ ᑕᒡ ᑲ ᐸᑕᒡ ᐅᔭ ᒥᓯᐛ ᒋ ᓴᒋᓱᐅᒡ, ᑭᔭ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᑐᐎᔅ ᒂ ᐊᑎ ᒋᔅᑕᔨᑕᑭᓄᐎᒡ᙮

ᐊᑈᔅᑕᓇᒡ 3:8

ᒋ ᐱᓯᑯᓯᐱᑕᐤ ᒪᒃ, ᒂ ᓂᐳᐅᑦ, ᒂ ᐊᑎ ᐱᐸᒧᑕᑦ᙮ ᒂ ᐎᒐᐛᑦ ᐊᓂᔭᔪᐛ ᐱᑕᕋ ᑭᔭ ᒠᓇ ᐊ ᐱᒐᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᐊ ᐱᒧᑕᑦ, ᐊ ᒂᔎᔅᑯᑎᑦ, ᐊ ᒪᒥᒋᒪᑦ ᒋᓴᒪᓂᑐᐛ᙮

2 ᐱᑕᕐ 2:19

ᐊᔨᒧᑎᒧᐛᐅᒡ ᐊᐛᔪᐛ ᐎᐧᑯᒋᐃᑯᓯᐅᓂᔪᐤ᙮ ᐎᔨᐛᐤ ᒪᒃ ᓇᔅᒡ ᑕᑈ ᑎᑯᓂᔪᐤ ᑕᓐ ᐊ ᐃᓯ ᒪᒋᒂᐱᐧᑲᑎᑯᒡ ᒥᒋᐃᑐᐅᓂᔪᐤ, ᐛᔅ ᒥᒄ ᒐᒂᔪᐤ ᐊ ᓴᐧᑯᒋᐃᑯᑦ ᐊᐛᓐ ᐊᐅᑯᓐ ᐊᓂᔭ ᑕᐸᔨᒥᑯᑦ᙮