ᐊᑈᔅᑕᓇᒡ 18:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯ ᒂ ᓂᑭᑕᑦ, ᒂ ᐎᒋᒪᑦ ᓇᐸᐤ ᑎᑎᔭᔅ ᒐᔅᑕᔅ ᐊ ᐃᓯᓂᐧᑲᓱᔨᒋ, ᐊᑲ ᒍᐤ ᐃᑎᔅᑲᓇᓯᔨᒋ ᐃᔭᐱᒡ ᒪᒃ ᐊ ᑕᑈᔭᔨᒪᔨᒋ ᒋᓴᒪᓂᑐᐛ᙮ ᒥᒋᒪ ᒍᐤ ᐊᔭᒥᐊᐅᒋᐛᐱᒡ ᒋ ᒋᒥᑕᔪᐤ ᐎᒡ ᐅ ᓇᐸᐤ᙮

ᐊᑈᔅᑕᓇᒡ 18:7 Iomraidhean Croise

ᒠᓐ 9:31

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᑲ ᓂᑐᑐᐛᑦ ᑲ ᒥᒐᑎᓯᔨᒋ, ᓂᑐᑐᐛᐤ ᒪᒃ ᐎᔾ ᐊᓂᔭ ᐊᐛᔪᐛ ᑲ ᐅᒋᒋᐧᑯᓂᐱᔅᑕᑯᑦ ᑭᔭ ᑲ ᐃᑐᑎᒥᔨᒋ ᑕᓐ ᐊ ᐃᓯ ᓂᑐᐛᔨᒪᑦ ᒐᒋ ᐃᑐᑎᒥᔨᒋ᙮

ᐊᑈᔅᑕᓇᒡ 10:2

ᒋ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ᐎᒋᐊᐤ ᐊᓂᔭ ᑲ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ᐊᔭᒥᐊᐤ᙮

ᐊᑈᔅᑕᓇᒡ 10:22

ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”

ᐊᑈᔅᑕᓇᒡ 13:42

ᐃᔅᐱ ᒪᒃ ᒐ ᐎᐎᒡ ᑈᓪ ᑭᔭ ᐸᕐᓇᐸᔅ ᐊᓐᑕ ᐊᔭᒥᐊᐅᒋᐛᐱᒡ ᒋ ᐊᔨᐧᑭᒥᐃᑯᐅᒡ ᐊᓂᔭ ᐃᔪᐛ ᒥᓐ ᒐᒋ ᑎᑯᓯᒡ ᐃᔅᐱᔅ ᒍᐤ ᐊᔭᒥᐊᐅᒋᓯᑲᔨᒐ ᐊᑐᐎᔅ ᒐᒋ ᒋᔅᑯᑎᒪᒐᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 13:43

ᐊᑯ ᒪᒃ ᒥᒐᑦ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᐊᔭᒥᐊᐛᑎᓯᒡ ᒋ ᐎᒐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᑲ ᐎᑎᒧᐛᒡ ᐊᓂᔭ ᐃᔪᐛ ᐊ ᐃᑕᒡ, ᒋᓴᒪᓂᑐᐤ ᓇᔅᒡ ᑕᑈ ᒋ ᒥᔪᑐᑕᑯᐛᐤ, ᓱᒃ ᑯᐃᔅᒄ ᐎ ᐃᓯ ᐱᒪᑎᓯᒄ ᒐᒋ ᐅᒋ ᓱᐛᔨᒥᑕᒄ ᒋᓴᒪᓂᑐᐤ᙮

ᐊᑈᔅᑕᓇᒡ 13:50

ᒥᒄ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑐᑐᐛᐅᒡ ᐊᓂᔭ ᓇᐸᐛ ᑭᔭ ᐃᔎᐛ ᓇᔅᒡ ᑲ ᒋᔅᑕᔨᒪᑭᓄᔨᒋ ᐊᓐᑕ ᐅᑕᓇᒡ ᒐᒋ ᒋᔄᓯᔅᑐᐛᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒐᒋ ᓂᓇᐧᑲᒋᐊᔨᒋ᙮ ᑭᔭ ᒋ ᐎᐎᑎᓴᐅᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᐊᓐᑕ ᐊᓂᔭ ᐊᔅᒋᔪᐤ᙮

ᐊᑈᔅᑕᓇᒡ 16:14

ᐊᑯ ᐸᐃᒄ ᐃᔎᐤ ᐊᓐᑕ ᑲ ᑕᑦ ᐊ ᓂᑐᑕᑯᔭᒡ ᓕᑎᔭ ᒋ ᐃᓯᓂᐧᑲᓱᐤ, ᑕᔭᑕᐃᕋ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᒋᔪᐤ᙮ ᐊᐅᑯᓐ ᑲ ᐃᑕᐱᑎᓯᑦ ᐊᒋ ᐊᑕᐛᑦ ᒪᓐ ᐊ ᓱᓇᔭᐎᔨᒋ ᐊᐱᒋᑕᐅᓇ᙮ ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒋ ᑕᑈᔭᔨᒪᐤ ᒋᓴᒪᓂᑐᐛ ᒧᔭᒻ ᒍᐤ ᐃᔪᒡ ᑲ ᐃᑎᒡ᙮ ᓇᔅᒡ ᒋ ᓂᑐᑎᒻ ᑕᓐ ᑲ ᐃᔅᒋᔄᔨᒋ ᑈᓚ, ᐊᑯ ᒂ ᒥᔨᑯᑦ ᐅᑎᐸᔨᒋᒐᐛ ᒐᒋ ᓂᔅᑐᑕᐧᒃ ᑭᔭ ᒐᒋ ᑕᑈᑕᐧᒃ᙮

ᐊᑈᔅᑕᓇᒡ 17:4

ᐱᔅᒐ ᒪᒃ ᐊᓐᒡ ᑲ ᓂᑐᑐᐛᒡ ᑈᓚ ᑭᔭ ᓴᓂᓴ ᒋ ᓴᐧᑯᒋᒥᑯᐅᒡ, ᐊᑯᑕ ᒪᒃ ᑲ ᐃᓯ ᐎᒋᐃᐛᒡ ᐊ ᑕᔨᒋ᙮ ᒥᒐᑦ ᑯᕆᒃ ᐃᔪᒡ ᑲ ᐊᔭᒥᐊᐛᑎᓯᒡ, ᑭᔭ ᒥᒐᑦ ᐃᔎᐅᒡ ᑲ ᒋᔅᑕᔨᒪᑭᓄᐎᒡ ᒋ ᓴᐧᑯᒋᒪᑭᓄᐎᒡ᙮

ᑯᓚᓯᔭᓇ 4:11

ᒐᓱᐛ ᑭᔭ ᐎᔾ ᒋ ᐛᒋᔭᒥᑯᐛᐤ᙮ ᒐᔅᑕᔅ ᐛᔅ ᐊᓐ ᐊᔪᐤ ᐅ ᐃᓯᓂᐧᑲᑕᑭᓄᐤ᙮ ᐅᒡ ᐊ ᓂᔅᑎᒡ ᐊᐅᑯᓐᒡ ᒥᒄ ᐅᒡ ᒍᐤ ᐃᔪᒡ ᐊ ᑕᑈᑕᒡ ᐛᒋ ᐊᑐᔅᒐᒥᒡ ᒋᓴᒪᓂᑐᐛ ᐊ ᐊᑐᔅᑯᐅᒥᒋ᙮ ᒥᔅᑎ ᓂᒋ ᐸᒋ ᒥᔽᔨᒧᐃᑯᒡ᙮