ᐊᑈᔅᑕᓇᒡ 18:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᒋ ᐃᔨᒪᐊᐤ ᒪᒃ ᐃᔪᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑲ ᓇᔅᒡ ᑯᔅᑕᒋᑦ᙮ ᐃᔅᐱ ᒪᒃ ᑲ ᐸᑕᑯᑦ ᐳᕆᓯᓚᔨᒋ ᑭᔭ ᐊᑯᐎᓚᔨᒋ, ᒋ ᒋᐛᑕᐃᑯᐤ᙮ ᐊᑐᐎᔅ ᒂ ᐃᓯ ᐛᐎᑎᒪᑯᑦ ᒋᓴᒪᓂᑐᐛ ᐅᒪᔅᑭᓇᒥᔪᐤ᙮

ᐊᑈᔅᑕᓇᒡ 18:26 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:15

ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮”

ᓗᒃ 19:26

“ᐊᑯ ᐊᓐ ᐅᒋᒪᐤ ᒂ ᐃᔅᒋᔄᑦ, ‘ᒋᑦ ᐃᑎᓇᐛᐤ ᒪᒃ ᓂᔾ, ᒥᓯᐛ ᐊᐛᓐ ᑲ ᐅᓯᑕᑦ ᒐᒂᔪᐤ ᐊᑐᐎᔅ ᒋᑭ ᑎᑯᓂᔪᐤ ᒐ ᐃᓯ ᒥᔭᑭᓄᐅᑦ᙮ ᐊᑯ ᐊᓐ ᐊᐛᓐ ᐊᑲ ᓇᔅᒡ ᑲ ᐊᔭᑦ ᒐᒂᔪᐤ ᐛᐛᒡ ᐊᓂᔭ ᑕᓐ ᐊ ᐃᓯ ᐊᐱᓯᔅ ᐊᔭᑦ ᒋᑭ ᐅᑎᓇᑭᓄᐅᔪᐤ᙮

ᓗᒃ 24:27

ᐊᑯ ᒋᓴᔅ ᒂ ᒋᒋ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ᐃᑎᓯᓇᐃᑭᓄᐎᒡ ᐊ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ᐃᑎᔅᑕᔨᒡ ᐊ ᐊᔨᒧᒥᑯᑦ ᒋ ᐅᒋ ᒋᒋᐱᔨᑕᐤ ᒐᒃ ᒂ ᐅᑎᑕᐊᐧᒃ ᑕᓐ ᑲ ᐃᓯ ᒥᓯᓇᐊᒥᔨᒋ ᐊ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᒠᓐ 7:17

ᐊᓐ ᒪᒃ ᐊᐛᓐ ᓱᒃ ᐎ ᐃᑐᑎᒧᐛᒐ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᐅᒡ ᐊᑯᑕ ᒐ ᐅᒋ ᒋᔅᒐᔨᑕᐧᒃ ᒋᓴᒪᓂᑐᐛ ᑲ ᐸᒋ ᐃᑎᓱᒥᒂᓂ ᐊᓂᔭ ᒐᒋ ᐃᓯ ᒋᔅᑯᑎᒪᒐᐅᒡ ᑭᔭ ᒪᒃ ᒥᒄ ᓂᔾ ᓂᑦ ᐃᑕᔨᑎᒧᐅᓂᒡ ᐛᒋᐱᔨᒂ᙮

ᐊᑈᔅᑕᓇᒡ 14:3

ᓇᐅᔅ ᒪᒃ ᒋ ᑕᐅᒡ ᐊᓐᑕ ᐊᓐᒡ ᐊᑈᔅᑕᓇᒡ᙮ ᒋ ᐊᔨᒧᒪᐅᒡ ᒪᒃ ᐅᑎᐸᔨᒋᒐᐛ ᐊᑲ ᓇᔅᒡ ᑯᔅᑕᒋᒡ᙮ ᐊᑯ ᒪᒃ ᑲ ᒥᔨᑯᒡ ᓱᐧᑲᑎᓯᐅᓂᔪᐤ ᒪᒥᔅᑲᒡ ᐛᐸᑎᔨᐛᐅᓇ ᒐᒋ ᐛᐸᑎᔨᐛᒡ ᑭᔭ ᒐᒋ ᐃᑐᑕᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ, ᐊᓐᑕ ᐊ ᐅᒋ ᓄᑯᑕᑭᓄᐎᒡ ᐊ ᑕᑈᒡ ᐊᓂᔭ ᑲ ᐃᓯ ᐛᐎᑕᒡ ᐊ ᒋᓴᐛᑐᑕᑕᐧᒄ ᐅᑎᐸᔨᒋᒐᐤ᙮

ᐊᑈᔅᑕᓇᒡ 18:18

ᒥᒐᑐᐤ ᒋᓯᑲᐛ ᒋ ᑕᐤ ᑈᓪ ᐊᓐᑕ ᑯᕆᓐᑦ ᐊᓐᑕ ᐊᔭᒥᐊᐤ ᐎᐧᑲᓂᓯᒪᐛ ᐊ ᑕᔨᒋ᙮ ᐊᑯ ᒐᒃ ᒂ ᒋᑕᓯᒡ, ᐊᓐᑕ ᓯᕆᔭ ᒋ ᐃᔅᒋᒪᐅᒡ, ᐳᕆᓯᓚ ᑭᔭ ᐊᑯᐎᓚ ᒋ ᐎᒐᐅᑯᐤ᙮ ᐊᔅᒄ ᒪᒃ ᐊᑲ ᐅᒋ ᐃᔅᒋᒪᒡ ᐊᓐᑕ ᓴᓂᑯᕆᔭᒡ, ᑈᓪ ᒋ ᑲᔅᒋᐸᑎᒻ ᐅᔅᑎᒂᓐ ᒧᔭᒻ ᒍᐤ ᐃᔪᐛ ᑲᒋ ᐃᑎᔨᒋ ᒐᒂᔪᐤ ᐊᒋ ᑕᔨᒋ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑕᐧᒃ᙮

ᐊᑈᔅᑕᓇᒡ 18:25

ᓇᔅᒡ ᒪᒃ ᑯᐃᔅᒄ ᒋ ᐃᓯ ᒋᔅᑯᑎᒧᐛᑭᓄᑯᐱᓇ ᐊᓂᔭ ᒪᔅᑭᓇᔪᐤ ᐅᑎᐸᔨᒋᒐᐛ ᑲ ᐃᔅᒋᔄᔨᒋ ᒐᒋ ᐃᓯ ᐱᒧᑕᓄᐎᒡ ᐊᓐᑕ ᒐᒋ ᐅᒋ ᐱᒪᒋᐅᓇᓄᐎᒡ᙮ ᑭᔭ ᓇᔅᒡ ᒋ ᓯᒋᔭᓱᐤ ᐊ ᐊᔨᒧᒪᑦ ᒋᓴᓴ ᑕᓐ ᐊᓐ ᑲ ᐃᓯ ᐸᑐᐛᑦ ᒠᓐ ᐅᓯᑲᐃᑕᒐᐛ ᐊ ᐃᓯ ᐊᔨᒧᒪᔨᒋ ᑭᔭ ᒋ ᑕᑈᐤ ᐊᓂᔭ ᑲ ᐃᓯ ᒋᔅᑯᑎᒪᒐᑦ᙮ ᒥᒄ ᒪᒃ ᓇᒪ ᐅᒋ ᒋᔅᒐᔨᒪᐤ ᑕᓐ ᑲ ᐸᒋ ᐃᔅᐱᔨᒋ ᒋᓴᓴ᙮

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 8:31

ᐊᑯ ᒂ ᐃᑎᑯᑦ, “ᑕᓐᑕ ᒐᒋ ᐅᒋ ᓂᔅᑐᑎᒪᓐ ᐸᑐᔅ ᐊᐛᓐ ᐸᒋ ᒋᔅᑯᑎᒧᐅᒐ ?” ᐊᑯ ᐛᓴᒪᑦ ᐱᓕᐸ ᒐᒋ ᐎᑎᐱᒥᑯᑦ᙮

1 ᑯᕆᓐᑎᔭᓇ 12:21

ᐊᑯ ᒪᒃ ᓇᒪ ᒋᑭ ᒋ ᐃᑕᐤ ᒥᔅᒋᓯᒄ ᐊᓂᔭ ᒥᑎᒋᔪᐤ, “ᓇᒪ ᒋ ᓂᑐᐛᔨᒥᑎᓐ᙮” ᑭᔭ ᒪᒃ ᒥᔅᑎᒂᓐ ᓇᒪ ᒋᑭ ᒋ ᐃᑕᐤ ᐊᓂᔭ ᒥᓯᑎᔪᐤ, “ᓇᒪ ᒋ ᓂᑐᐛᔨᒥᑎᓐ᙮”

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 8:2

ᐊᑯ ᒪᒃ ᐊ ᐃᑕᔨᑎᒧᒂ ᐊᐛᓐ ᓇᔅᒡ ᒥᔅᑎ ᐊ ᒋᔅᒐᔨᑕᐧᒃ ᒐᒂᔪᐤ, ᓄᑯᑕᐤ ᐊᔅᒄ ᐊᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ᒋᔅᒐᔨᑎᒻ᙮

ᐃᑉᕈᐛ 6:1

ᓂᑲᓄᒡ ᐊᑯ ᐃᓯ ᐊᒋᑕᐤ᙮ ᒋᔅᑯᑎᒪᓱᑕᐤ ᐊᓂᔭᔪᐛ ᐊᑐᐎᔅ ᐊ ᐊᑎ ᐊᔨᒥᓂᔨᒋ ᒐᒂᔪᐛ ᐛᔅ ᐊᐅᑯᓂ ᒐ ᐎᒋᐃᑯᔭᐧᒄ ᐊᑐᐎᔅ ᒐᒋ ᓂᑕᐅᒋᔭᐧᒄ ᒋᑕᑈᑎᒧᐅᓇᒡ᙮ ᓇᒪ ᒧᓯᓇᐤ ᒋᐸ ᐅᒋ ᐃᑎᓇᓄᐤ ᒥᒄ ᐊᓐ ᐅᔅᑭᒡ ᑲ ᐃᓯ ᐸᑎᒪᐧᒄ ᙭ ᐊ ᐃᓯ ᐊᔨᒧᒪᑭᓄᐅᑦ ᒐᒋ ᒋᔅᑯᑎᒪᑯᐅᔭᐧᒄ, ᐛᔅ ᓴᔅ ᒋ ᒋᔅᒐᔨᑕᓇᓄᐤ ᐊᓐ᙮ ᓇᒪ ᓂᑐᐛᔨᑕᑯᓐ ᒥᓐ ᒐᒋ ᒋᔅᑯᑎᒪᑯᐅᔭᐧᒄ ᒐ ᐊᑲ ᒋ ᐱᒪᒋᐊᑭᓄᐅᑦ ᐊᐛᓐ ᒥᒄ ᐊᓂᔭ ᐊ ᒥᔪᑐᑕᐧᒄ᙮ ᓇᒪ ᑭᔭ ᓂᑐᐛᔨᑕᑯᓐ ᒥᓐ ᒐᒋ ᐊᔨᒧᑎᒪᑯᐅᔭᐧᒄ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ,

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮