ᐊᑈᔅᑕᓇᒡ 18:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐃᔅᐱ ᒪᒃ ᒪᓯᑲᑦ ᐊᓐᑕ ᓯᓴᕆᔭ, ᐊᑯᑕ ᐊᓐᑕ ᑲ ᐅᒋ ᔅᑐᑕᑦ ᒋᕈᓯᓕᒥᒡ ᐊ ᐃᑐᑕᑦ, ᒂ ᓂᑐᐛᐱᒪᑦ ᐊᓂᔭ ᐅᒪᒧᐊᔭᒥᐊᐛ ᐊᑯ ᒥᓐ ᐊᓐᑕ ᐊᓐᑎᔭᑭᒡ ᒂ ᐃᑐᑕᑦ᙮

ᐊᑈᔅᑕᓇᒡ 18:22 Iomraidhean Croise

ᐊᑈᔅᑕᓇᒡ 10:1

ᒋ ᑕᐤ ᓇᐸᐤ ᑯᕐᓂᓕᔭᔅ ᐊ ᐃᓯᓂᐧᑲᓱᑦ ᐊᓐᑕ ᐅᑕᓇᒡ ᓯᓴᕆᔭ ᑲ ᐃᓯᓂᐧᑲᑕᔨᒡ, ᕈᒻ ᓂᑐᐱᔪᐅ-ᐅᒋᒪᐛ ᐊ ᐃᓯ ᐊᑐᔅᒐᑦ, ᐊ ᓂᑲᓂᔅᑯᐛᑦ ᐊᓯᒪᑭᓂᓴ ᐊᓐᑕ ᐃᑕᓕ ᐊᔅᒋᒡ ᐊ ᐅᒋᔨᒋ᙮

ᐊᑈᔅᑕᓇᒡ 10:24

ᒥᓐ ᐎᔭᐱᓂᔨᒡ ᐊᑯ ᒂ ᑎᑯᓯᓂᒡ ᐊᓐᑕ ᐊᓂᔭ ᐅᑕᓇᔪᐤ ᓯᓴᕆᔭ ᑲ ᐃᓯᓂᐧᑲᑕᔨᒡ, ᐊᑯᑕ ᒪᒃ ᐊᓐᑕ ᑲ ᐊᓱᐛᐱᒥᑯᒡ ᑯᕐᓂᓕᔭᓴ ᑭᔭ ᐊᓂᔭᔪᐛ ᑲ ᐎᓴᒪᔨᒋ ᐎᐧᑲᓂᓯᔪᐛ ᑭᔭ ᐎᒐᐛᑭᓂᔪᐛ ᒐᒋ ᓂᑐᑐᐛᔨᒋ ᐱᑕᕋ᙮

ᐊᑈᔅᑕᓇᒡ 11:11

“ᒪᒂᒡ ᒪᒃ ᐅ ᓂᔅᑐ ᓇᐸᐅᒡ ᒧᔭᒻ ᒋ ᑎᑯᓯᓄᐅᒡ ᐊᓐᑕ ᓯᓴᕆᔭᒡ ᐊ ᐅᑐᑕᒡ ᐊᒋ ᐸᒋ ᐃᑎᓴᐛᑭᓄᐅᒡ ᐊᓐᑕ ᐊᓐ ᒥᒋᐛᐱᒡ ᑲ ᑕᔭᓐ᙮

ᐊᑈᔅᑕᓇᒡ 13:1

ᐊᓐᑕ ᒪᒃ ᐊᓐᑎᔭᑭᒡ ᑲ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ᐅᒋᑦ, ᑭᔭ ᒪᓇᐃᓐ ᐊᓐ ᑲ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ᓂᑕᐅᒋᓇᑭᓄᔨᒋ ᑭᔭ ᓴᓪ᙮

ᐊᑈᔅᑕᓇᒡ 14:26

ᐊᑯᑕ ᒪᒃ ᐊᓐᑕ ᐅᒋ ᑲᐤ ᒂ ᐃᔅᒋᒪᒡ ᐊᓐᑕ ᐊᓐᑎᔭᑭᒡ, ᐊᓐᑕ ᑲ ᐅᒋ ᒋᑎᓴᐛᑭᓄᐎᒡ ᑭᔭ ᑲ ᒋᔅᑕᒡ ᐊᓂᔭ ᐊᑐᔅᒐᐅᓂᔪᐤ ᑲ ᐃᑎᓱᒪᑭᓄᐎᒡ ᒐᒋ ᐃᑐᑕᒡ᙮ ᐊᔅᒄ ᒪᒃ ᐊᑲ ᐅᒋ ᔅᑐᑕᒡ ᐊᓐᑎᔭᑭᒡ ᐅᒋ, ᒋ ᐊᔭᒥᐊᔅᑎᒪᑯᐅᒡ ᐃᔪᐛ ᒐᒋ ᓱᐛᔨᒥᑯᒡ ᒋᓴᒪᓂᑐᐛ ᒪᒂᒡ ᐊ ᐊᑐᔅᒐᔅᑐᐛᒡ᙮

ᐊᑈᔅᑕᓇᒡ 15:23

ᒥᓯᓇᐃᑭᓂᔪᐤ ᒋ ᒥᔭᑭᓄᐎᒡ ᒐ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ᑕᔨᒋ᙮ ᒋ ᐃᑎᔅᑕᔪᐤ ᒪᒃ ᐊᓐᑕ, “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ, ᒋ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮

ᐊᑈᔅᑕᓇᒡ 15:30

ᐃᔅᐱ ᑲ ᒋᑎᓴᐛᑭᓄᐎᒡ ᐊᓐᒡ ᑈᓪ, ᐸᕐᓇᐸᔅ, ᒍᑎᔅ ᑭᔭ ᓴᓂᔅ, ᐊᓐᑕ ᐊᓐᑎᔭᑭᒡ ᒋ ᐸᒋ ᐃᑐᑕᐅᒡ᙮ ᐊᑯ ᒂ ᓂᔅᑐᓇᒡ ᐊᓂᔭ ᑲ ᑕᑈᑎᒥᔨᒋ ᐊᑯ ᒂ ᒥᔭᒡ ᐊᓂᔭ ᒥᓯᓇᐃᑭᓂᔪᐤ ᑲ ᒥᓯᓇᐊᒧᐛᑭᓄᔨᒋ᙮

ᐊᑈᔅᑕᓇᒡ 15:35

ᑈᓪ ᑭᔭ ᐸᕐᓇᐸᔅ ᐊᑯᑕ ᑭᔭ ᐎᔨᐛᐤ ᑲ ᑕᒡ ᐛᐃᐱᔅᒋᔅ ᐊᓐᑕ ᐊᓐᑎᔭᑭᒡ᙮ ᒋ ᒋᔅᑯᑎᒪᒐᐅᒡ ᑭᔭ ᒋ ᑭᒐᔅᒋᒧᐅᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ ᐊ ᐊᔨᒧᑕᒡ᙮ ᒥᒐᑦ ᑭᔭ ᑯᑎᑲ ᐊᓐᑕ ᑲ ᑕᔨᒋ ᐊᐅᑯᓐ ᑲ ᐃᑎᔨᒋ᙮

ᐊᑈᔅᑕᓇᒡ 15:4

ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ, ᓇᔅᒡ ᒋ ᓇᐊᔨᑎᒥᔪᐛ ᐊᓂᔭᔪᐛ ᐊᑈᔅᑕᓇ ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭ ᑯᑎᑲ ᐅᒪᒧᐊᔭᒥᐊᐛ, ᐊᑯ ᒂ ᐛᐎᑎᒧᐛᒡ ᑕᓐ ᑲ ᐃᓯ ᐃᑐᑎᒪᑯᒡ ᒋᓴᒪᓂᑐᐛ᙮

ᐊᑈᔅᑕᓇᒡ 23:23

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᐎᓴᒪᑦ ᓂᓱ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐅᑦ ᐊᓯᒪᑭᓂᓯᒪ, ᐊᑯ ᒂ ᐃᑕᑦ, “ᐊᔭᔅᑯᐎᔨᒡ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᑭᔭ ᓂᔄᐅᑕᒡ ᑕᑐᔪᐤ ᐊᓐᒡ ᑲᐸᐃᑭᔎᐛ ᑲᒋ ᐊᐱᒋᐊᒡ ᐊ ᒪᓯᒐᒡ ᑭᔭ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᒧᐧᑯᒪᓇ ᑲ ᒪᓯᒐᐛᒐᒡ ᒐᒋ ᐃᑐᑕᒡ ᓯᓴᕆᔭᒡ᙮ ᐊᓄᒡ ᒪᒃ ᐅᔭ ᒐ ᐅᑕᑯᓯᔨᒡ ᐸᐃᑯᔅᑕᐤ ᐃᔅᐱᔨᒐ ᒐ ᔅᑐᑕᒡ᙮

ᐊᑈᔅᑕᓇᒡ 25:1

ᓂᔅᑐ ᒋᓯᑲᐛ ᒪᒃ ᑲ ᐃᔅᐱᔅ ᒋ ᑎᑯᓯᐧᒃ ᐳᕐᑭᔭᔅ ᐸᔅᑕᔅ ᐊᓐᑕ ᐊᓂᔭ ᐊᔅᒋᔪᐤ, ᒋ ᓂᑭᑎᒻ ᓯᓴᕆᔭ ᐊᑯ ᐊᓐᑕ ᒋᕈᓯᓕᒥᒡ ᒂ ᐃᑐᑕᑦ᙮

ᐊᑈᔅᑕᓇᒡ 25:9

ᐊᑯ ᐸᔅᑕᔅ ᒂ ᐃᑕᑦ ᐊᓂᔭ ᑈᓚ, “ᒋᐸ ᒥᔽᔨᑕᓐ ᐊ ᑲᐤ ᓇᑕ ᒋᕈᓯᓕᒥᒡ ᒐᒋ ᐃᑐᑕᐃᑯᔨᓐ ? ᐊᑯᑕ ᓇᑕ ᐃᔭᒂ ᒋᐸ ᒋ ᓂᑐ ᒋᔅᒐᔨᒥᑎᓐ ᐅ ᑕᓐ ᐊ ᐃᓯ ᒪᒥᓯᒥᑯᔨᓐ ?” ᐅᔭ ᒪᒃ ᑲ ᐃᔅᒋᔄᑦ ᐊᓐ ᒋᓴᐅᒋᒪᐤ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭᔪᐛ ᒍᐤ ᐃᔪᐛ ᐊᐅᑯᓐ ᐛᒋ ᐃᔅᒋᔄᑦ ᐊᓂᔭ᙮

ᐊᑈᔅᑕᓇᒡ 8:40

ᐱᓕᑉ ᒪᒃ ᐊᓱᑕᓯᒡ ᒋ ᐅᒋ ᑕᐤ, ᐊᑯᑕ ᐊᓐᑕ ᐅᒋ ᐊᓱᑕᓯᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᒥᓯᐛ ᐅᑕᓇᐛ ᐱᐃᒻ ᑲ ᑎᑯᓯᐧᒃ ᓯᓴᕆᔭᒡ᙮