ᐊᑈᔅᑕᓇᒡ 18:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᐊᑈᔅᑕᓇᒡ 18:21 Iomraidhean Croise

ᒪᑎᔪᐤ 26:39

ᐊᑯ ᐊᓐᑕ ᐛᔪᐎᔅ ᐎᔾ ᒂ ᐃᑐᑕᑦ, ᒋ ᐅᒋᒋᐧᑯᓂᐳᐤ ᒪᒃ, ᒂ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒐᒋ ᐃᓯᓇᑯᓂᒂ ᐸᒋ ᐃᒐᓂᒧᐎ ᐅ ᑕᓐ ᒐ ᐃᓯ ᐛᐎᓯᒐᔨᑎᒪᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᐎᔾ ᓂᔾ ᓂᑦ ᐃᑕᔨᑎᒧᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:46

ᐃᔅᐱ ᒪᒃ ᑲ ᐛᒋᔭᒪᑦ ᐊᓂᔭᔪᐛ ᐃᔪᐛ ᐊᑯ ᐱᔅᑯᑎᓇᔪᐤ ᒂ ᓴᑭᒋᐛᑦ ᒋᓴᔅ, ᒂ ᐊᔭᒥᐊᑦ ᐊᓐᑕ᙮

ᓗᒃ 9:61

ᒥᓐ ᑯᑎᒃ ᓇᐸᐤ ᒋ ᐃᑕᐤ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᒋᑭ ᐱᐸᐎᒐᐅᑎᓐ, ᒥᒄ ᒪᒃ ᓂᔅᑎᒻ ᓂᑭ ᒋᐛᓐ ᐊᑯ ᒐ ᐛᒋᔭᒥᒂᐤ ᓂᒋᐃᑯᒡ ᑭᔭ ᓂᐧᑲᓂᓯᒡ᙮”

ᐊᑈᔅᑕᓇᒡ 15:29

ᒐ ᐊᑲ ᒋ ᒧᐛᒄ ᐊᐛᓯᔅ ᐊᒋ ᒥᑐᔅᑕᐊᒧᐛᑭᓄᐅᑦ ᒥᓂᑐᐧᑲᓐ, ᒐ ᐊᑲ ᒋ ᒥᒍᐛᒄ ᐅᒥᐧᒄ ᑭᔭ ᒐ ᐊᑲ ᒋ ᒧᐛᑯᒡ ᐊᓐᒡ ᐊᐛᓯᓯᒡ ᐊᒋ ᒋᐳᑕᒪᐱᐧᑲᑕᑭᓄᐎᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ᙮ ᒋᑭ ᒥᔪᐱᔨᓇᐛᐤ ᐃᑐᑎᒪᒂ ᐅ ᑲ ᐃᑎᓱᒥᑕᒡ᙮ ᒋ ᐛᒋᔭᒥᑎᓇᓐ ᒪᒃ ᒥᓯᐛ ᐊ ᑎᓯᔭᒄ᙮ ᐛᒋᔭ᙮”

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 18:20

ᒋ ᑯᒂᒋᒥᑯᐤ ᒪᒃ ᐊᓂᔭ ᐱᔅᒐ ᒍᐤ ᐃᔪᐛ ᓇᐅᔅ ᒐᒋ ᑕᑦ ᐊᓐᑕ ᐊ ᑕᔨᒋ, ᓇᒪ ᒥᒄ ᐅᒋ ᓂᔅᑯᒪᐤ᙮

ᐊᑈᔅᑕᓇᒡ 18:24

ᒍᐤ ᐃᔪᐤ ᐊᐳᓚᔅ ᐊ ᐃᓯᓂᐧᑲᓱᑦ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᑦ ᒋ ᑎᑯᓯᓄᐤ ᐊᓐᑕ ᐃᐱᓴᔅ᙮ ᓇᔅᒡ ᒋ ᑭᔅᒋᐅᐤ ᐅ ᓇᐸᐤ ᐊ ᐃᔨᒥᑦ, ᑭᔭ ᒋ ᒥᔪ ᒋᔅᒐᔨᑎᒻ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 19:17

ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᓐᑕ ᐃᐱᓴᔅ ᑲ ᑕᒡ ᑲ ᐸᑕᒡ ᐅᔭ ᒥᓯᐛ ᒋ ᓴᒋᓱᐅᒡ, ᑭᔭ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᑐᐎᔅ ᒂ ᐊᑎ ᒋᔅᑕᔨᑕᑭᓄᐎᒡ᙮

ᐊᑈᔅᑕᓇᒡ 19:21

ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮

ᐊᑈᔅᑕᓇᒡ 20:16

ᑈᓪ ᒪᒃ ᒋ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ᒋᓯᑲᔨᒡ᙮

ᐊᑈᔅᑕᓇᒡ 21:14

ᓇᒪ ᒪᒃ ᓂ ᐅᒋ ᓂᑲᓇᓇᓐ, ᐊᑯ ᒥᒄ ᒂ ᑎᒋᑦ, “ᐊᑯᑕ ᑭᑈ ᒂᔄᓐ ᒐ ᐃᓯᓇᒂᒡ᙮ ᐃᔭᐱᒡ ᒪᒃ ᒧᔅ ᐅᑎᐸᔨᒋᒐᐤ ᐅᑦ ᐃᑕᔨᑎᒧᐅᓐ ᐃᔅᐱᔨᒐ᙮”

ᐊᑈᔅᑕᓇᒡ 21:29

ᐊᐅᒄ ᐛᒋ ᐃᔅᒋᔄᒡ ᐅᔭ ᐛᔅ ᒋ ᐛᐱᒪᐅᒡ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᑐᕈᐱᒪᔅ ᐊ ᐃᓯᓂᐧᑲᓱᔨᒋ ᐊᓐᑕ ᐃᐱᓴᔅ ᐊ ᐅᒋᔨᒋ ᐊ ᐎᒐᐛᔨᒋ ᐊᓂᔭ ᑈᓚ ᐊᓐᑕ ᐅᑕᓇᒡ ᐊᑯ ᑲ ᐃᑕᔨᒪᒡ ᐊᓂᔭ ᑈᓚ ᐊ ᐱᑎᑲᐊᔨᒋ ᐊᓂᔭ ᒪᓐᑕᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᐊᑲ ᒪᒃ ᐅᒋ ᐱᑎᑲᐊᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:10

ᓂᑐᑎᒧᐛᐤ ᑕᑈ ᒐᒋ ᓇᐃᐱᔨᑕᑦ ᒐᒋ ᐛᐱᒥᑎᑯᒡ, ᐎᔾ ᑭᑈ ᐊ ᐃᑕᔨᑎᒧᒂ ᒐᒋ ᐛᐱᒥᑎᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:32

ᒋᓴᒪᓂᑐᐤ ᒪᒃ ᓇᐊᔨᑕᒐ ᒐᒋ ᓂᑐᐛᐱᒥᑎᑯᒡ ᑭᑈ ᓇᔅᒡ ᒐ ᒥᔽᔨᑎᒪᓐ ᓂᑐᐛᐱᒥᑎᑯᒐ ᑭᔭ ᒐ ᒥᔪ ᐊᔽᐱᔭᓐ ᐊᓐᑕ ᐊ ᑕᔭᒄ ᑕᔭᓇ᙮

1 ᑯᕆᓐᑎᔭᓇ 15:32

ᒧᔭᒻ ᒪᒃ ᒧᒡ ᑲ ᒪᓯᐊᐅᒐᐅᓐᒋ ᓇᐸᐅᒡ ᒧᔭᒻ ᐊᐛᓯᓯᒡ ᑲ ᑯᔅᑕᑎᑯᓯᒡ ᑲ ᐃᑕᔨᑕᑯᓯᒡ ᐃᐱᓴᔅ ᑲ ᑕᒡ ᒐᒂᓐ ᑲ ᐎᐧᑯᒋᑎᒪᓱᔭᓐ ? ᒧᔭᒻ ᑕᑈ ᐊᑲ ᐅᓂᔅᑲᓇᑭᓄᐛᒂ ᐊᓐᒡ ᓴᔅ ᑲ ᓂᐱᒡ ᐊᑯᔅ ᑭᑈ ᒋᐸ ᐃᑐᑕᓇᓄᐤ ᐊᓐ ᑲ ᐃᓇᓄᐅᒡ ᒐ ᐃᑐᑕᑭᓄᐅᒡ, ᒥᒋᓱᑕᐤ ᑭᔭ ᒥᓂᒂᑕᐤ, ᐛᔅ ᐛᐸᒐ ᒋᑭ ᓂᐱᓇᓄᐤ᙮

1 ᑯᕆᓐᑎᔭᓇ 16:7

ᓇᒪ ᐊᓄᒡ ᒋ ᐎ ᐸᒋ ᓂᑐᐛᐱᒥᑎᓇᐛᐤ᙮ ᐛᔅ ᐊᑎ ᐊᓄᒡ ᓂᑐᐛᐱᒥᑎᑯᒡ ᒥᒄ ᐛᐃᐱᔅᒋᔅ ᓂᐸ ᒋ ᑕᓐ᙮ ᓂ ᐱᑯᓴᔨᑕᓐ ᒪᒃ ᓇᐅᓴᓯᔅ ᒐᒋ ᑕᔭᓐ ᐊᓐᑕ ᐊ ᑕᔭᒄ ᐃᑕᔨᑕᒐ ᐅᑎᐸᔨᒋᒐᐤ ᒐᒋ ᑕᐅᒡ ᐊᓐᑕ ᐊ ᑕᐛᒄ᙮

1 ᑯᕆᓐᑎᔭᓇ 16:8

ᒥᒄ ᐊᑯᑕ ᐅᑕ ᐃᐱᓴᔅ ᒐ ᑕᔭᓐ ᐊᓄᒡ ᐎ ᐸᑐᔅ ᐅᑎᒋᐱᔨᒐ ᐸᓐᑎᑯᔅᑦ᙮

1 ᑯᕆᓐᑎᔭᓇ 4:19

ᒥᒄ ᒪᒃ ᐎᐱᒡ ᒋᑭ ᐸᒋ ᓂᑐᐛᐱᒥᑎᓇᐛᐤ, ᐅᑎᐸᔨᒋᒐᐤ ᓂᑐᐛᔨᒥᒐ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᒐ ᓂᑐ ᒋᔅᒐᔨᒥᒂᐤ ᐅᒡ ᒋᒋᐛ ᑲ ᐃᑕᔨᒥᓱᒡ ᑕᑈ ᑲ ᒥᔨᑯᐛᒂ ᒋᓴᒪᓂᑐᐛ ᓱᐧᑲᑎᓯᐅᓂᔪᐤ ᒪᒃ ᓴᒐᔾ ᒥᒄ ᐊ ᐃᔅᒋᔄᐛᒂᓂᒋ ᐊᓂᔭ ᑕᓐ ᐊ ᐃᔅᒋᔄᒡ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

ᐃᐱᓯᔭᓇ 1:1

ᐊᑈᔅᑕᓐ ᑈᓪ ᓂᔾ, ᒋᓴᒪᓂᑐᐤ ᓂᒋ ᐅᑎᓂᒄ ᒐᒋ ᑎᐸᒋᒥᒋ ᙭ ᒋᓴᓴ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᑕᑈᑎᒪᒄ ᐊᓐᑕ ᐃᐱᓴᔅ ᐊ ᑕᔭᒄ, ᒋᔨᐛᐤ ᒧᔅ ᑲ ᑕᑈᐅᒐᔨᑕᑯᓯᔭᒄ ᐊ ᐎᒐᐛᒄ ᙭ ᒋᓴᔅ᙮

ᐃᑉᕈᐛ 6:3

ᓱᒃ ᐊᑐᐎᔅ ᐎ ᒋᔅᒐᔨᑕᑕᐤ ᑕᓐ ᐊ ᐃᓯ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᓯ ᒋᔅᒐᔨᑎᒪᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 4:15

ᒪᐅ ᐃᔭᐱᒡ ᒋᐸ ᐃᔅᒋᔄᓐ, “ᐃᑕᔨᑕᒐ ᐅᑎᐸᔨᒋᒐᐤ, ᒋᑭ ᐱᒪᑎᓯᓇᓄᐤ᙮ ᒪᐅ ᒪᒃ ᒐ ᐊᑎ ᐃᑎᔭᐧᒄ᙮”

1 ᐱᑕᕐ 3:17

ᓂᓇᐧᑲᑕᔨᒧᔨᓇ ᐊᓐ ᐅᒋ ᐊ ᒥᔪᑐᑎᒥᓐ, ᒋᓴᒪᓂᑐᐤ ᒪᒃ ᐊ ᐱᔅᑎᓇᐧᒃ ᐅᔭ ᒐᒋ ᐃᔅᐱᔪᑦ, ᐅᔅᑕ ᒥᔽᐤ ᐊ ᓂᓇᐧᑲᑕᔨᒧᔨᓐ ᐊ ᒥᔪᑐᑎᒥᓐ ᐃᔅᐱᔅ ᐎ ᒐᒋ ᓂᓇᐧᑲᑕᔨᒧᔨᓐ ᐊ ᒥᒋᑐᑎᒥᓐ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 2:1

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ᑎᑯᓂᔨᒋ᙮