ᐊᑈᔅᑕᓇᒡ 18:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯᑕ ᒪᒃ ᐅᑕ ᑲ ᐅᒋ ᒋᔅᒐᔨᒪᑦ ᐊᓂᔭ ᒍᐤ ᐃᔪᐛ ᐊᑯᐎᓚ ᑲ ᐃᓯᓂᐧᑲᓱᔨᒋ ᐊᓐᑕ ᑈᓐᑕᔅ ᑲ ᐃᓯᓂᐧᑲᑕᔨᒡ ᐅᑕᓇᐤ ᐊᓐᑕ ᐃᑕᓕ ᐊᔅᒋᒡ ᐊᑯᑕ ᒋ ᐱᒪᑎᓯᒐᓂ᙮ ᐊᑯᑕ ᒪᒃ ᐊᓐᑕ ᑲ ᐅᑐᑕᔨᒂᓂ, ᐎᐛ ᐳᕆᓯᓚ ᐊᒋ ᐎᒐᐛᑦ, ᐛᔅ ᐊᓐ ᒋᓴᐅᒋᒪᐤ ᑲᓗᑎᔭᔅ ᒋ ᐃᑎᓱᐛᒐ ᒥᓯᐛ ᒍᐤ ᐃᔪᐛ ᒐ ᓂᑭᑎᒥᔨᒋ ᕈᒻ ᐅᑕᓇᔪᐤ ᐊᓐᑕ ᐃᑕᓕ ᐊᔅᒋᒡ ᑲ ᑎᑯᓂᔨᒡ᙮ ᒋ ᓂᑐᐛᐱᒪᐤ ᒪᒃ ᑈᓪ ᐅᔭ ᐊᑯᐎᓚᐃᒋ ᑭᔭ ᐎᐎᔪᐛ᙮

ᐊᑈᔅᑕᓇᒡ 18:2 Iomraidhean Croise

ᐊᑈᔅᑕᓇᒡ 11:28

ᐸᐃᒄ ᒪᒃ ᐊᓐ ᐊᑲᐸᔅ ᐊ ᐃᓯᓂᐧᑲᓱᑦ, ᒋ ᐱᓯᑯᐤ ᐊ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᒐᒋ ᐃᓯ ᓂᑲᓐ ᐎᑕᐧᒃ ᒐ ᐱᒥᐱᔨᒡ ᐊ ᑯᐅᐧᑭᑕᓄᐎᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 18:18

ᒥᒐᑐᐤ ᒋᓯᑲᐛ ᒋ ᑕᐤ ᑈᓪ ᐊᓐᑕ ᑯᕆᓐᑦ ᐊᓐᑕ ᐊᔭᒥᐊᐤ ᐎᐧᑲᓂᓯᒪᐛ ᐊ ᑕᔨᒋ᙮ ᐊᑯ ᒐᒃ ᒂ ᒋᑕᓯᒡ, ᐊᓐᑕ ᓯᕆᔭ ᒋ ᐃᔅᒋᒪᐅᒡ, ᐳᕆᓯᓚ ᑭᔭ ᐊᑯᐎᓚ ᒋ ᐎᒐᐅᑯᐤ᙮ ᐊᔅᒄ ᒪᒃ ᐊᑲ ᐅᒋ ᐃᔅᒋᒪᒡ ᐊᓐᑕ ᓴᓂᑯᕆᔭᒡ, ᑈᓪ ᒋ ᑲᔅᒋᐸᑎᒻ ᐅᔅᑎᒂᓐ ᒧᔭᒻ ᒍᐤ ᐃᔪᐛ ᑲᒋ ᐃᑎᔨᒋ ᒐᒂᔪᐤ ᐊᒋ ᑕᔨᒋ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑕᐧᒃ᙮

ᐊᑈᔅᑕᓇᒡ 18:26

ᒋ ᐃᔨᒪᐊᐤ ᒪᒃ ᐃᔪᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑲ ᓇᔅᒡ ᑯᔅᑕᒋᑦ᙮ ᐃᔅᐱ ᒪᒃ ᑲ ᐸᑕᑯᑦ ᐳᕆᓯᓚᔨᒋ ᑭᔭ ᐊᑯᐎᓚᔨᒋ, ᒋ ᒋᐛᑕᐃᑯᐤ᙮ ᐊᑐᐎᔅ ᒂ ᐃᓯ ᐛᐎᑎᒪᑯᑦ ᒋᓴᒪᓂᑐᐛ ᐅᒪᔅᑭᓇᒥᔪᐤ᙮

ᐊᑈᔅᑕᓇᒡ 2:9

ᐊᓐᑕ ᒪᒃ ᒥᓯᐛ ᓂᓇᐧᑯᐤ ᐊᔅᒋᔾ ᐊ ᐅᒋᔭᐧᒄ ᐊᓐᑕ ᐸᕐᑎᔭ ᑭᔭ ᒥᑎᔭ, ᐃᓕᒻ, ᒪᓴᐳᑕᐃᒥᔭ, ᒍᑎᔭ ᑭᔭ ᑲᐸᑐᓯᔭ, ᑈᓐᑕᔅ, ᐊᐃᓴ,

ᐊᑈᔅᑕᓇᒡ 27:1

ᐃᔅᐱ ᒪᒃ ᑲ ᐎᔭᔨᑕᑭᓄᐅᒡ ᐃᑕᓕ ᒐ ᐃᔅᒋᒪᔭᒡ, ᐸᐃᒄ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ ᐊ ᐃᓯᓂᐧᑲᓱᑦ ᒋ ᐃᑎᓱᒪᑭᓄᐤ ᒐᒋ ᓂᓇᑭᑐᐛᔨᒪᑦ ᐊᓂᔭ ᑈᓚ ᑭᔭ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᒪᑯᓇᑭᓄᔨᒋ᙮ ᐅ ᒪᒃ ᒍᓕᔭᔅ ᐸᐃᑯ ᒥᑕᓯᒥᑎᓄᐤ ᒋ ᐃᑕᑎᓯᔪᐛ ᐊᓯᒪᑭᓂᓴ ᐊ ᓂᑲᓂᔅᑯᐛᑦ ᕈᒻ ᐊ ᐃᓯ ᒥᓯᓇᓱᔨᒋ᙮

ᐊᑈᔅᑕᓇᒡ 27:6

ᐅᑕ ᒪᒃ ᐅᔭ ᐅᑕᓇᔪᐤ ᐊᑯᑕ ᑲ ᒥᔅᑲᐧᒃ ᐊᓐ ᐊᓯᒪᑭᓂᓯᐤ ᐅᒋᒪᐤ ᐅᐤᑎᔪᐤ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᐱᔨᒡ, ᐊᓐᑕ ᐃᑕᓕ ᐊ ᐃᔅᐱᔨᒡ, ᐊᑯᑕ ᒪᒃ ᐊᓐ ᒂ ᐳᓯᐃᑯᐅᔭᒡ᙮

1 ᑯᕆᓐᑎᔭᓇ 16:19

ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᐃᓴ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᒋ ᐛᒋᔭᒥᑯᐛᐅᒡ᙮ ᑭᔭ ᐊᑯᐎᓚ ᑭᔭ ᐳᕆᓯᓚ ᑭᔭ ᐊᓂᔭᔪᐛ ᐅᒪᒧᐊᔭᒥᐊᐛ ᑲ ᒪᒧᐎᔨᒋ ᐊᓐᑕ ᐊ ᑕᒡ ᐊ ᐊᔭᒥᐊᔨᒋ ᒋ ᐛᒋᔭᒥᑯᐛᐅᒡ᙮

2 ᑎᒧᑎ 4:19

ᓂ ᐛᒋᔭᒪᐅᒡ ᐳᕆᓯᓚ ᑭᔭ ᐊᑯᐎᓚ᙮ ᓂ ᐛᒋᔭᒪᐤ ᑭᔭ ᐅᓂᓯᐳᕋᔅ ᑭᔭ ᒥᓯᐛ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮

ᐃᑉᕈᐛ 13:24

ᐛᒋᔭᒪᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᔭᒄ ᐊ ᑕᒡ᙮ ᐊᓐᒡ ᑲ ᑕᑈᑕᒡ ᐊᓐᑕ ᐃᑕᓕ ᐊᔅᒋᒡ ᐊ ᑕᒡ ᑭᔭ ᐎᔨᐛᐤ ᒋ ᐛᒋᔭᒥᑯᐛᐅᒡ᙮

1 ᐱᑕᕐ 1:1

ᓂᔾ ᐱᑕᕐ, ᒋᓴᔅ ᙭ ᓂᒋ ᐅᑎᓂᒄ ᑭᔭ ᐎᔾ ᓂᒋ ᐃᑎᓴᐅᒄ ᐊᑈᔅᑕᓐ ᒐᒋ ᐃᓯ ᐊᑐᔅᑯᐅᒃ᙮ ᒋᔨᐛᐤ ᒋᓴᒪᓂᑐᐤ ᐅᑦ ᐃᔨᒪ ᒋ ᒥᓯᓇᐊᒪᑎᓇᐛᐤ, ᒋᔨᐛᐤ ᑕᑎᐸᓐ ᐊ ᑕᔭᒄ ᐊᓐᑕ ᐊᓂᔭ ᐊᔅᒋᔭ ᑈᓐᑕᔅ, ᑲᓚᓯᔭ, ᑲᐸᑐᓯᔭ, ᐊᐃᓴ ᑭᔭ ᐱᑎᓂᔭ ᐊ ᐃᓯᓂᐧᑲᑕᒋ᙮