ᐊᑈᔅᑕᓇᒡ 18:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒥᒄ ᒪᒃ ᒋᔨᐛᐤ ᐊᓐᑕ ᒋᒥᒋᐱᔨᐃᑐᐅᓇᐛᐤ ᐃᔅᒋᔄᐅᓇ ᐅᒋ ᑭᔭ ᐃᓯᓂᐧᑲᓱᐅᓇ ᐅᒋ ᑭᔭ ᒋᑦ ᐊᔭᒥᐊᐅ ᐎᓱᐛᐅᓄᐛᐛ ᐅᒡ᙮ ᒋᔨᐛᐤ ᒥᔪᐱᔨᑕᒄ ᑕᓐ ᐊ ᐃᓯ ᒥᒋᐱᔭᒄ, ᓇᒪ ᐎ ᓂᔾ ᒋᑭ ᐅᒋ ᐎᒋᐃᑎᓇᐛᐤ᙮”

ᐊᑈᔅᑕᓇᒡ 18:15 Iomraidhean Croise

ᒪᑎᔪᐤ 27:24

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᒪᑎᔪᐤ 27:4

ᐊᑯ ᒂ ᐃᑕᑦ, “ᑕᑈ ᓇᔅᒡ ᓂ ᐅᓂᑐᑕᓐ ᑕᓐ ᑲ ᐃᓯ ᐎᔭᓯᐱᔅᑎᓂᒃ ᓇᐸᐤ ᐊᑲ ᐛᒡ ᒥᒋᑐᑕᐧᒃ᙮” ᐊᑯ ᒂ ᐃᑎᑯᑦ ᐊᓂᔭᔪᐛ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ, “ᑕᐸ ᒐᒂᓐ ᓂᑭ ᒋ ᐃᑎᓇᓐ ᓂᔭᓐ ? ᒋᔾ ᐊᓐ ᒋᑭ ᐎ ᒥᔪᐱᔨᑥᓱᓐ᙮”

ᒠᓐ 18:31

ᐊᑯ ᑈᓚᑦ ᑲ ᐃᑕᑦ, “ᒋᔨᐛᐤ ᐅᑎᓇᐧᒄ ᐅ ᓇᐸᐤ ᒋᔨᐛᐤ ᒋᐎᓱᐛᐅᓄᐛᐤ ᒐ ᐊᐱᒋᑕᔭᒄ ᐊ ᑎᐸᔅᑯᓇᒄ᙮” ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᓇᒪ ᓂ ᐱᔅᑎᓂᑯᓇᓐ ᓂᐎᓱᐛᐅᓇᓇ ᒐᒋ ᐃᔅᒋᔄᔭᒡ ᒐᒋ ᓂᐸᐊᑭᓄᐅᑦ ᐊᐛᓐ᙮”

ᐊᑈᔅᑕᓇᒡ 18:13

ᐊᑯ ᒂ ᐃᔅᒋᔄᒡ, “ᐅ ᓇᐸᐤ ᓯᒋᒪᐤ ᐃᔪᐛ ᐃᔭᒡ ᒐᒋ ᐃᓯ ᑕᑈᑎᒥᔨᒋ, ᐊᓂᔭ ᒪᒃ ᐊ ᐃᓯ ᒋᔅᑯᑎᒪᒐᑦ ᒐᒋ ᐃᓯ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᓇᒪ ᐃᑎᔅᑕᐤ ᐊᓐᑕ ᐎᓱᐛᐅᓂᒡ ᐅ ᒐᒋ ᐃᑎᓇᓄᐅᒡ᙮”

ᐊᑈᔅᑕᓇᒡ 23:29

ᐃᔅᐱ ᒪᒃ ᐛᑎᒪᑯᔭᓐ ᑕᓐ ᑲ ᐃᓯ ᑎᐸᔅᑯᓇᑭᓄᐅᑦ ᐅ ᓇᐸᐤ ᓇᒪ ᒐᒂᔪᐤ ᐅᒋ ᐃᑐᐤ ᒐᒋ ᐅᒋ ᐛᐛᓯᐊᑭᓄᐅᑦ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮ ᐊᑲ ᒪᒧᔭᒻ ᐊᑐᑕᐧᒃ ᒍᐤ ᐎᓱᐛᐅᓇ ᐊᑯᓐ ᑲ ᐃᓯ ᒪᒥᓯᒪᑭᓄᒂ᙮

ᐊᑈᔅᑕᓇᒡ 25:11

ᑕᑈ ᒪᒃ ᐊ ᑎᑯᓂᒂ ᐊᒋ ᐅᓂᑐᑎᒪᓐ ᐊ ᐃᑕᔨᑕᑯᓂᒂ ᒪᒃ ᒐᒋ ᓂᐸᐃᑯᐅᔭᓐ ᐊᓐ ᐅᒋ, ᑭᑈ ᐸᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ᙮ ᒥᒄ ᒪᒃ ᒧᔭᒻ ᐊᑲ ᑎᔭᑈᐛᒂ ᐅᔭ ᑕᓐ ᐊ ᐃᓯ ᒪᒥᓯᒥᒡ ᐅᒡ ᒍᐤ ᐃᔪᒡ ᓇᒪ ᐃᑕᔨᑕᑯᓐ ᐎᔨᐛᐤ ᐊ ᑕᒡ ᒐᒋ ᐃᓯ ᐱᔅᑎᓂᑯᐎᒡ᙮ ᓯᓴᕐ ᐊ ᑕᑦ ᐊᑯᑕ ᓇᑐᐛᔨᑎᒪᓐ ᒐᒋ ᑎᐸᔅᑯᓂᑯᐅᔭᓐ᙮”

ᐊᑈᔅᑕᓇᒡ 25:19

ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ᑕᑈᑕᒡ ᐊ ᐃᓯ ᐛᐎᑎᒥᔨᒋ᙮ ᑭᔭ ᐊᒋ ᐃᔅᒋᔄᔨᒋ ᑈᓚ ᒋᓴᓴ ᐊ ᐱᒪᑎᓯᔨᒋ ᐊᒋ ᒪᒃ ᓂᐱᔨᒋ᙮

ᐊᑈᔅᑕᓇᒡ 26:3

ᐊᓐ ᓇᔅᒡ ᐊ ᒥᔪ ᒋᔅᒐᔨᑎᒥᓐ ᒍᐤ ᐃᑐᐅᓇ ᑭᔭ ᐊᓂᔭ ᒐᒂᔪᐛ ᐛᒋ ᒥᒋᐱᔨᒡ ᒪᓐ ᒍᐤ ᐃᔪᒡ ᐊᐅᑯᓐ ᓇᔅᒡ ᐛᒋ ᒥᔽᔨᑎᒪᓐ ᐅᑕ ᐊ ᑕᔨᓐ ᒐᒋ ᐃᔨᒥᔅᑎᒪᓱᔭᓐ᙮ ᒋ ᐱᑯᓴᔨᒥᑎᓐ ᒪᒃ ᐃᔭᒂ ᒐᒋ ᓂᑐᑎᐎᔨᓐ ᑭᔭ ᒐ ᐎ ᓯᐱᔪᐛᓯᔅᑎᐎᔨᓐ ᑕᓐ ᒐ ᐃᓯ ᐃᔨᒥᔭᓐ᙮”

1 ᑎᒧᑎ 1:4

ᐎᑎᒧᐅᒡ ᒐ ᐊᑲ ᒋ ᐊᐱᑕᔨᑕᒡ ᐛᔅᑭᒡ ᑎᐸᒋᒧᐅᓇ ᑭᔭ ᐊᓂᔭ ᑕᓐ ᑲ ᐃᓯ ᐸᒋ ᐃᑎᔅᑲᑐᔨᒋ ᐅᐛᐧᑯᒪᑭᓄᐛᐛ ᐊᓐᑕ ᐛᔅᑭᒡ ᒧᔭᒻ ᒐᒋ ᐃᑕᔨᑕᒡ ᐅᑦ ᐊᒐᐧᑯ ᐱᒪᑎᓯᐅᓄᐛᒡ ᒐᒋ ᐎᒋᐃᑯᒡ ᐅᔭ ᒐᒂᔪᐤ᙮ ᐛᔅ ᒧᔭᒻ ᐅᔭ ᒐ ᑐᐛᒂ ᐊᑯᑕ ᒐᒋ ᐅᒋ ᒋᒋᐱᔨᒡ ᐊ ᒋᐧᑲᓇᑯᐃᑐᒡ᙮ ᑭᔭ ᐅᔭ ᐊ ᐃᑎᒡ ᓇᒪ ᓇᔅᒡ ᐎᒋᑕᐅᒡ ᑕᓐ ᒐᒋ ᐃᓯ ᐊᑐᔅᑯᐛᑭᓄᔨᒋ ᒋᓴᒪᓂᑐᐛ᙮ ᑕᑈᔭᔨᑎᒧᐅᓂᒡ ᒪᒃ ᐊᑯᑕ ᐊ ᐃᓯ ᐊᑐᔅᑯᐛᑭᓄᐅᑦ ᒋᓴᒪᓂᑐᐤ᙮

1 ᑎᒧᑎ 6:4

ᓇᔅᒡ ᑕᑈ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᐊᓐ ᒋᔅᒐᔨᑎᒻ ᐊᓂᔭ ᒐᒂᔪᐤ ᐛ ᐃᓯ ᐊᔨᒧᑕᐧᒃ᙮ ᐛᔅ ᐅᔅᑕ ᐃᑕᔨᑎᒻ ᒐᒋ ᐊᔨᒧᑕᐧᒃ ᒐᒂᔪᐤ ᐊᓐᑕ ᒐᒋ ᐅᒋ ᐊᑲ ᓂᓇᐊᔨᒥᑐᓇᓄᐎᒡ᙮ ᐊᑯᑕ ᒪᒃ ᐅᑕ ᐛᒋᐱᔨᒡ ᐅᑕᔨᑎᒧᐅᓐ ᑭᔭ ᐊ ᒪᒥᒋᐱᔨᐃᑐᓇᓄᐅᒡ ᑭᔭ ᒪᔭᔨᒐᐅᓐ ᑭᔭ ᓂᑐᐎᔾ ᐊ ᐃᑕᑭᓄᐅᑦ ᐊᐛᓐ᙮

2 ᑎᒧᑎ 2:23

ᐊᑲᐎᔾ ᓇᓂᑐᑕ ᓂᑎᒥᒄ ᐃᔨᒧᐅᓇ ᑭᔭ ᒋᔎ ᐃᔨᒧᐅᓐ, ᐛᔅ ᐊᑯᑕ ᐛᒋᐱᔨᒡ ᒐᒋ ᐅᒋ ᒥᒋᐱᔨᐃᑐᓇᓄᐅᒡ᙮

ᑕᐃᑕᔅ 3:9

ᑕᐅᒡ ᐊᐛᓐᒋ ᐊ ᒥᒋᐱᔨᒡ ᐊ ᐊᔨᒧᑕᒡ ᒍᐤ ᐃᔪᐤ ᐎᓱᐛᐅᓇ ᑕᓐ ᐊᓂᔭᔪᐛ ᒋᐸ ᑭᓄᐛᔨᑕᑭᓄᐅᔪᐛ ᑭᔭ ᐊ ᐊᔨᒧᑕᒡ ᑕᓐ ᐊ ᐃᑎᔅᑲᑐᔨᒋ ᐅᑦ ᐊᓂᔅᒐ ᐛᐧᑯᒪᑭᓄᐛᐛ᙮ ᐊᑲᐎᔾ ᐊᐱᑕᔨᑎᒧᒄ ᒐᒋ ᐊᔨᒧᑎᒪᒄ ᐅᔭ ᒐᒂᔪᐛ ᐛᔅ ᑕᐸ ᐎᔭᔅ ᐃᑕᐱᑎᓇ ᑭᔭ ᓇᒪ ᓇᔅᒡ ᐎᒋᐃᑯᐅᒡ ᐊᐛᓐᒋ᙮