ᐊᑈᔅᑕᓇᒡ 17:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐱᔅᒐ ᒪᒃ ᐊᓐᒡ ᑲ ᓂᑐᑐᐛᒡ ᑈᓚ ᑭᔭ ᓴᓂᓴ ᒋ ᓴᐧᑯᒋᒥᑯᐅᒡ, ᐊᑯᑕ ᒪᒃ ᑲ ᐃᓯ ᐎᒋᐃᐛᒡ ᐊ ᑕᔨᒋ᙮ ᒥᒐᑦ ᑯᕆᒃ ᐃᔪᒡ ᑲ ᐊᔭᒥᐊᐛᑎᓯᒡ, ᑭᔭ ᒥᒐᑦ ᐃᔎᐅᒡ ᑲ ᒋᔅᑕᔨᒪᑭᓄᐎᒡ ᒋ ᓴᐧᑯᒋᒪᑭᓄᐎᒡ᙮

ᐊᑈᔅᑕᓇᒡ 17:4 Iomraidhean Croise

ᒠᓐ 7:35

ᐊᑯ ᐊᓐᒡ ᒍᐤ ᑲ ᓂᑲᓂᔅᑯᐛᒡ ᑲ ᑯᒂᒋᒥᑐᒡ, “ᑕᓐᑕ ᒐ ᐃᑐᑕᑦ ᒐ ᐅᒋ ᐊᑲ ᒥᔅᑯᐛᐧᒄ ? ᒂᔄᓐ ᑯᒂᑕᔨᑎᒧᒐ ᐊᓐᑕ ᑯᑎᑲ ᒍᐤ ᐊ ᑕᔨᒋ ᒐᒋ ᐃᑐᑕᑦ ᒐᒋ ᒋᔅᑯᑎᒧᐛᑦ ᐊᓂᔭ ᑯᕆᒃ ᑲ ᐃᑎᔅᑲᓇᓯᔨᒋ᙮

ᐊᑈᔅᑕᓇᒡ 13:43

ᐊᑯ ᒪᒃ ᒥᒐᑦ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᐊᔭᒥᐊᐛᑎᓯᒡ ᒋ ᐎᒐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᑲ ᐎᑎᒧᐛᒡ ᐊᓂᔭ ᐃᔪᐛ ᐊ ᐃᑕᒡ, ᒋᓴᒪᓂᑐᐤ ᓇᔅᒡ ᑕᑈ ᒋ ᒥᔪᑐᑕᑯᐛᐤ, ᓱᒃ ᑯᐃᔅᒄ ᐎ ᐃᓯ ᐱᒪᑎᓯᒄ ᒐᒋ ᐅᒋ ᓱᐛᔨᒥᑕᒄ ᒋᓴᒪᓂᑐᐤ᙮

ᐊᑈᔅᑕᓇᒡ 13:50

ᒥᒄ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑐᑐᐛᐅᒡ ᐊᓂᔭ ᓇᐸᐛ ᑭᔭ ᐃᔎᐛ ᓇᔅᒡ ᑲ ᒋᔅᑕᔨᒪᑭᓄᔨᒋ ᐊᓐᑕ ᐅᑕᓇᒡ ᒐᒋ ᒋᔄᓯᔅᑐᐛᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒐᒋ ᓂᓇᐧᑲᒋᐊᔨᒋ᙮ ᑭᔭ ᒋ ᐎᐎᑎᓴᐅᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᐊᓐᑕ ᐊᓂᔭ ᐊᔅᒋᔪᐤ᙮

ᐊᑈᔅᑕᓇᒡ 14:1

ᐃᔅᐱ ᑲ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ᐃᔅᐱᔅ ᒋ ᓱᒋᑕᑯᓯᒡ ᐊ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 14:4

ᐊᑯ ᒪᒃ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑎᐸᓂᐃᑐᐅᒡ, ᐱᔅᒐ ᒋ ᑕᑈᑐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ, ᐊᑯ ᑯᑎᑭᒡ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᑐᐛᒡ᙮

ᐊᑈᔅᑕᓇᒡ 15:22

ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᓇᐊᔨᑎᒥᐃᑯᐅᒡ ᑕᓐ ᑲ ᐃᔅᒋᔄᔨᒋ ᒋᒥᓴ ᐊᑯ ᒂ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ᓂᑐᐛᐱᒪᔨᒋ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ᐎᒋᐃᐛᐅᒡ ᐊ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮

ᐊᑈᔅᑕᓇᒡ 15:27

ᐊᑯ ᒪᒃ ᒍᑎᔅ ᑭᔭ ᓴᓂᔅ ᓂᒋ ᐅᑎᓇᓇᓂᒡ ᒐᒋ ᐎᑎᒪᑕᑯᒡ ᑕᓐ ᐊᓐ ᐊ ᐃᑕᔨᑎᒪᒡ ᐊᓐ ᑲ ᐃᓯ ᒋᔅᑯᑎᒪᑯᔭᒄ᙮ ᐊᐅᑯᓐ ᒪᒃ ᒧᔭᒻ ᒐ ᐃᓯ ᐎᑎᒪᑎᑯᒡ ᑭᔭ ᐎᔨᐛᐤ ᑕᓐ ᐊ ᐃᓯ ᒥᓯᓇᐊᒪᑕᒡ ᐅᑕ᙮

ᐊᑈᔅᑕᓇᒡ 15:32

ᒍᑎᔅ ᑭᔭ ᓴᓂᔅ ᐊ ᐅᒋᔅᒋᐛᐃᒐᓱᐅᒡ ᑭᔭ ᐎᔨᐛᐤ, ᓇᐅᔅ ᒋ ᐃᔨᒪᐊᐅᒡ ᐊᓂᔭ ᐎᐧᑲᓂᓯᒪᐛ, ᑭᔭ ᐊᑐᐎᔅ ᒂ ᐊᑎ ᓱᒋᑲᐳᔨᒋ᙮

ᐊᑈᔅᑕᓇᒡ 15:40

ᐊᑯ ᐎᔾ ᑈᓪ, ᐊᓂᔭ ᓴᓂᓴ ᒋ ᔅᑐᑕᐊᐤ᙮ ᐊᑯ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᐊᓐᑎᔭᑭᒡ ᑲ ᑕᒡ ᑲ ᐊᔭᒥᐊᔅᑎᒧᐛᒡ ᐅᑎᐸᔨᒋᒐᐛ ᒐᒋ ᑭᓄᐛᔨᒥᑯᔨᒋ᙮

ᐊᑈᔅᑕᓇᒡ 16:3

ᑈᓪ ᒋ ᓂᑐᐛᔨᒪᐤ ᐊᓂᔭᔪᐛ ᑎᒧᑎᔨᒋ ᒐᒋ ᐎᒐᐅᑯᑦ, ᓂᔅᑎᒻ ᒪᒃ ᒋ ᒋᔅᒋᓄᐛᒋᔄᐤ᙮ ᐊᐅᒄ ᐅᔭ ᑲ ᐃᑐᑐᐛᑦ ᐊᑲ ᐅᒋ ᐎ ᒪᔭᔨᒪᑦ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᑲ ᐎᒋᔨᒋ ᐛᔅ ᒋ ᒋᔅᒐᔨᒪᐅᒡ ᐊᓐᒡ ᐃᔪᒡ ᐊᓂᔭ ᑎᒧᑎᔨᒋ ᐅᑕᐎᔪᐛ ᑯᕆᒃ ᐊ ᐃᑎᔅᑲᓇᓯᔨᒋ᙮

ᐊᑈᔅᑕᓇᒡ 17:10

ᐎᐱᒡ ᒪᒃ ᐊ ᐊᑎ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮

ᐊᑈᔅᑕᓇᒡ 17:12

ᐊᑯ ᒥᒐᑦ ᒍᐤ ᐃᔪᒡ ᒋ ᐊᑎ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ, ᑭᔭ ᒥᒐᑦ ᑲ ᒋᔅᑕᔨᑕᑯᓯᒡ ᑯᕆᒃ ᐃᔎᐅᒡ ᑭᔭ ᓇᐸᐅᒡ ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮

ᐊᑈᔅᑕᓇᒡ 17:14

ᐊᑯ ᐊᓐᒡ ᐎᐧᑲᓂᓯᒪᐅᒡ ᑎᐛᒡ ᒂ ᐃᑎᓴᐛᒡ ᑈᓚ ᐊᓐᑕ ᓯᓱᒡ ᐎᓂᐸᑯᒡ᙮ ᓴᓂᔅ ᑭᔭ ᑎᒧᑎ ᐊᑯᑕ ᑲ ᑕᒡ ᐎᔨᐛᐤ ᐊᓐᑕ ᐸᕆᔭᒡ᙮

ᐊᑈᔅᑕᓇᒡ 17:17

ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮

ᐊᑈᔅᑕᓇᒡ 17:34

ᐱᔅᒐ ᒪᒃ ᐊᐛᔪᐛ ᒋ ᐎᒐᐅᑯᐤ ᑭᔭ ᒋ ᐊᑎ ᑕᑈᑎᒥᔪᐛ᙮ ᐸᐃᒄ ᐊᓐ ᑎᐅᓂᓯᔭᔅ ᒋ ᐃᓯᓂᐧᑲᓱᐤ ᒋ ᐅᒋᒪᐧᑲᓂᓯᔪᐤ ᐊᓐᑕ ᐊᕆᐅᐸᑲᔅ, ᑭᔭ ᐃᔎᐤ ᑕᒪᕆᔅ ᐊ ᐃᓯᓂᐧᑲᓱᑦ ᑭᔭ ᑯᑎᑭᒡ ᐊᐛᓐᒋ᙮

ᐊᑈᔅᑕᓇᒡ 18:4

ᒧᔅ ᒪᒃ ᑕᑥᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ᐊᔭᒥᐊᐤ ᑈᓪ ᐊᑯ ᑲᒋ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ᓯᒋᒪᑦ ᒐᒋ ᑕᑈᑕᑯᑦ᙮

ᐊᑈᔅᑕᓇᒡ 19:10

ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 2:44

ᒥᓯᐛ ᒪᒃ ᐊᓐᒡ ᑲ ᑕᑈᑕᒡ ᒧᔅ ᒋ ᒪᒧᐤ ᐊᔭᒥᐊᐅᒡ ᑭᔭ ᐅᒐᒂᓂᒧᐛᐛ ᒧᔅ ᒋ ᒪᒧᐤ ᐊᐱᒋᑕᐅᒡ᙮

ᐊᑈᔅᑕᓇᒡ 21:28

ᒋ ᐃᓯ ᑕᑈᐅᒡ ᒪᒃ, “ᒋᔨᐛᐤ ᓇᐸᑐᒄ ᐃᔅᕋᐃᓪ ᑲ ᐅᒋᔭᒄ, ᐸᒋ ᐎᒋᐃᓇᓐ, ᐊᐅᒄ ᐅ ᓇᐸᐤ ᒥᓯᐛ ᑲ ᐃᑐᑕᑦ ᐊ ᒋᔅᑯᑎᒧᐛᑦ ᒥᓯᐛ ᐊᐛᔪᐛ ᒐ ᐊᑲ ᒋ ᐊᐱᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᓴ ᐅᐎᓱᐛᐅᓂᔪᐤ ᑭᔭ ᐅᔭ ᒋᓴᐊᔭᒥᐊᐅᒋᐛᐱᔪᐤ ᓇᒪ ᐊᐱᑕᔨᑎᒻ᙮ ᐛᐛᒡ ᑭᔭ ᒋ ᐸᒋ ᐱᑎᑲᐊᐤ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᑕ ᒋᓴᐊᔭᒥᐊᐅᒋᐛᐱᒡ ᐊᓂᔭ ᒋᐸ ᐅᒋ ᐊᑲ ᐱᒐᔪᐛ ᐅᑕ᙮ ᐅᔭᔪᐤ ᒪᒃ ᑲ ᐃᑎᑦ ᓇᔅᒡ ᒪᔭᔨᑎᒻ ᐊᓂᔭ ᐊᓐᑕ ᒪᐅᒡ ᑲ ᐸᔭᐧᑭᓂᔨᒡ᙮”

ᐊᑈᔅᑕᓇᒡ 28:24

ᐱᔅᒐ ᒪᒃ ᒋ ᑕᑈᑕᑯᐤ, ᑯᑎᑲ ᓇᒪ ᐅᒋ ᑕᑈᑎᒥᔪᐛ᙮

ᐊᑈᔅᑕᓇᒡ 4:23

ᐃᔅᐱ ᒪᒃ ᑲ ᐱᔅᑎᓇᑭᓄᐎᒡ ᐱᑕᕐ ᑭᔭ ᒠᓐ, ᑲᐤ ᒋ ᓂᑐᐛᐱᒪᐅᒡ ᐅᐎᒐᐛᑭᓄᐛᐛ ᐊᑯ ᒂ ᐎᑎᒧᐛᒡ ᑕᓐ ᑲ ᐃᑎᑯᒡ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ᙮

2 ᑯᕆᓐᑎᔭᓇ 8:5

ᐊᑐᐎᔅ ᒪᒃ ᒋ ᐃᑐᑎᒧᒡ ᑕᓐ ᑲ ᐃᑕᔨᒥᒋᒡ ᒐ ᐃᑎᒡ᙮ ᓂᔅᑎᒻ ᒋᓴᒪᓂᑐᐛ ᒋ ᐱᔅᑕᔨᒥᑎᓱᔅᑐᐛᐅᒡ ᐊᑯ ᓂᔭᓐ ᑲ ᐱᔅᑕᔨᒥᑎᓱᔅᑐᐎᒥᒡ ᒧᔭᒻ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑎᒡ᙮