ᐊᑈᔅᑕᓇᒡ 17:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

ᐊᑈᔅᑕᓇᒡ 17:32 Iomraidhean Croise

ᒐᓂᓯᔅ 19:14

ᓗᑦ ᒂ ᓂᑐᐛᐱᒪᑦ ᐊᓂᔭ ᓇᐸᐛ ᑲ ᐎᐎᒋᒪᔨᒋ ᐅᑕᓂᓴ, ᒂ ᐃᑕᑦ, “ᐃᔭᓯᒋᒄ, ᓂᑭᑎᒥᒄ ᐅ ᐅᑕᓇᐤ, ᐛᔅ ᑎᐸᔨᒋᒐᓱᐤ ᒋᑭ ᓂᓱᐅᓇᒋᑕᐤ ᐅᔭ ᐅᑕᓇᔪᐤ᙮” ᒥᒄ ᐅᐎᑥᐤ ᒋ ᐃᑕᔨᒥᑯᐤ ᐅᓇᒋᒪ ᑭᔭ ᓇᒪ ᐅᒋ ᑕᑈᑕᑯᐤ᙮

ᓗᒃ 14:18

“ᒥᓯᐛ ᒪᒃ ᐊ ᑎᓯᒡ ᒋ ᐃᔅᒋᔄᐅᒡ ᒐ ᐊᑲ ᒋ ᑎᑯᓯᓂᒡ᙮ ᐊᓐ ᓇᐸᐤ ᓂᔅᑎᒻ ᑲ ᓂᑐᐛᐱᒪᑭᓄᐅᑦ ᒋ ᐃᔅᒋᔄᐤ, ‘ᓂ ᒥᑕᒋᔨᐛᓯᓐ ᐊᑲ ᒋ ᐃᑐᑕᔭᓐ ᐛᔅ ᓂᒋ ᐅᑎᓇᓐ ᓂᑕᐅᒋᑕᑭᓐ ᐊᔅᒋᔾ, ᐸᑎᒪ ᒪᒃ ᓂᑭ ᑭᓄᐛᐸᑕᓐ᙮’ ”

ᓗᒃ 22:63

ᐊᑯ ᒪᒃ ᐊᓐᒡ ᑲᒪᑯᓄᐛᓯᒡ ᑲ ᓂᓇᑭᑐᐛᔨᒪᒡ ᒋᓴᓴ ᒋ ᒪᔭᔨᒪᐅᒡ ᑭᔭ ᒋ ᐅᑕᒪᐛᐅᒡ᙮

ᓗᒃ 23:11

ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ᐎᔭᐅᒡ ᒋᓴᓴ ᐊ ᒪᔭᔨᒪᒡ ᑭᔭ ᐊᔭᒡ ᐊ ᐃᑐᑐᐛᒡ ᐊ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ᑕᔨᒋ᙮

ᓗᒃ 23:36

ᐊᓯᒪᑭᓂᓯᒡ ᑭᔭ ᒋ ᒪᔭᔨᒪᐅᒡ ᒋᓴᓴ, ᐊᑯ ᒂ ᓇᑕᒡ ᒥᒋᒪ ᒂ ᐎ ᒥᓇᐊᒡ ᐊ ᐎᓯᑲᐧᑭᒥᔨᒡ ᓱᒥᓇᐳᔪᐤ᙮

ᐊᑈᔅᑕᓇᒡ 13:41

ᓂᑐᑎᒧᒄ ᒪ, ᒋᔨᐛᐤ ᓇᓂᑎᒻ ᑲ ᒥᒪᔭᔨᒐᔭᒄ, ᒪᒥᔅᑲᑕᔨᑎᒧᒄ ᑭᔭ ᓂᓱᐅᓇᑎᓯᒄ᙮ ᐛᔅ ᒐᒂᓐ ᓂᑭ ᑐᑕᓐ ᐅᑕ ᒪᒂᒡ ᐊᔅᒄ ᐊ ᐱᒪᑎᓯᔭᒄ ᐊᓐ ᒐ ᐊᑲ ᐅᒋ ᑕᑈᑎᒥᐃᑯᔭᒄ ᐊᑎ ᐊᐛᓐ ᐎ ᐎᑎᒪᑯᔭᒂ᙮” ᐊᔪᐅᒄ ᒪᒃ ᐅᔭ ᑲ ᐃᓯ ᐃᔨᒪᐊᑦ ᑈᓪ ᐊᓂᔭ ᐃᔪᐛ᙮

ᐊᑈᔅᑕᓇᒡ 17:18

ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

ᐊᑈᔅᑕᓇᒡ 17:33

ᐊᑯ ᒪᒃ ᑈᓪ ᒂ ᔅᑐᑕᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮

ᐊᑈᔅᑕᓇᒡ 2:13

ᑯᑎᑭᒡ ᒪᒃ ᒋ ᒪᔭᔨᒪᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊ ᐃᑕᒡ, “ᒋᔎᐸᐅᒡ ᐅᒡ ᓇᐸᐅᒡ !”

ᐊᑈᔅᑕᓇᒡ 24:25

ᐃᔅᐱ ᒪᒃ ᐊ ᐊᑎ ᐊᔨᒧᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᑭᔭ ᒐ ᐎ ᒥᔪ ᓂᓇᑭᑐᐛᔨᑎᒥᐃᑯᔨᒋ ᐊᐛᔪᐛ ᑕᓐ ᐊ ᐃᓯ ᐱᒪᑎᓯᔨᒋ, ᑭᔭ ᐊᓂᔭ ᐊᔅᒄ ᒐ ᐅᑎᒋᐱᔨᒡ ᐊ ᒋᓯᑲᔨᒡ ᐊᓐᑕ ᒋᓴᒪᓂᑐᐛ ᒥᓯᐛ ᐊᐛᔪᐛ ᒐ ᑎᐸᔅᑯᓇᔨᒋ, ᒋ ᑯᔅᑕᒍᐤ ᐱᓕᑭᔅ, ᐊᑯ ᒂ ᐃᑕᑦ ᐊᓂᔭ ᑈᓚ, “ᐊᑯᓐ ᐸᑎᒪ᙮ ᓴᔅ ᒋᑭ ᒋ ᔅᑐᑕᓐ᙮ ᐃᔅᐱᔅ ᒥᓐ ᓇᐃᐱᔭᓇ ᐊᑯ ᒥᓐ ᒐ ᐎᓴᒥᑕᓐ᙮”

ᐊᑈᔅᑕᓇᒡ 25:19

ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ᑕᑈᑕᒡ ᐊ ᐃᓯ ᐛᐎᑎᒥᔨᒋ᙮ ᑭᔭ ᐊᒋ ᐃᔅᒋᔄᔨᒋ ᑈᓚ ᒋᓴᓴ ᐊ ᐱᒪᑎᓯᔨᒋ ᐊᒋ ᒪᒃ ᓂᐱᔨᒋ᙮

ᐊᑈᔅᑕᓇᒡ 26:8

ᐊᑯ ᑲ ᐃᑕᑦ ᑈᓪ ᐊᓂᔭᔪᐛ ᒍᐤ ᐃᔪᐛ, ᒋᔨᐛᐤ ᐃᔪᒡ ᒍᐤ ᑲ ᐃᑎᔅᑲᓇᓯᔭᒄ, ᒐᒂᓐ ᐛᒋ ᐊᑲ ᒋ ᑕᑈᑎᒪᒄ ᒋᓴᒪᓂᑐᐤ ᐊ ᐅᓂᔅᑲᓇᑦ ᐊᐛᔪᐛ ᓂᐳᐅᓂᒡ ᐅᒡ ?”

1 ᑯᕆᓐᑎᔭᓇ 1:23

ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮

1 ᑯᕆᓐᑎᔭᓇ 15:12

ᐅ ᒪᒃ ᐊ ᐃᓯ ᑭᒐᔅᒋᒧᔭᒡ ᐊ ᐊᔨᒧᑎᒪᒡ ᙭ ᐊᒋ ᐅᓂᔅᑲᓇᑭᓄᐅᑦ ᑲ ᓂᐱᑦ, ᑕᓐᑕ ᐱᔅᒐ ᐊᓐᑕ ᐊ ᑎᓯᔭᒄ ᐛᒋ ᐃᔅᒋᔄᔭᒄ ᐊᑲ ᑲᐤ ᒐ ᐅᒋ ᐅᓂᔅᑲᓇᑭᓄᐎᒡ ᐊᓐᒡ ᑲ ᓂᐱᒡ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

2 ᑯᕆᓐᑎᔭᓇ 6:2

ᐛᔅ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐃᑎᔅᑕᐤ ᐊᒋ ᐃᔅᒋᔄᑦ, ᐊᓐᑕ ᑲ ᐃᑕᔨᑎᒥᐃᑯᔭᓐ ᒐᒋ ᓂᑐᑕᑕᓐ ᔅᒋ ᓂᑐᑕᑎᓐ ᐊ ᐊᔭᒥᐊᔨᓐ᙮ ᐊᓐᑕ ᑲ ᓂᑐᐛᔨᑎᒥᓐ ᐎᒋᐃᑯᓯᐅᓐ ᐊᑯᑕ ᑲ ᐱᒪᒋᐃᑕᓐ᙮ ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᑭᔭ ᓂᔾ ᐛᑎᒪᑕᓐ, ᐊᓄᒡ ᓇᐃᐱᔪᐤ ᒐᒋ ᐱᒪᒋᐅᔨᓐ᙮ ᐊᓄᒡ ᐱᒪᒋᐃᐛᐤ ᒋᓴᒪᓂᑐᐤ᙮

ᐃᑉᕈᐛ 11:36

ᑯᑎᑭᒡ ᒋ ᐛᐅᓯᓄᐛᑭᓄᐎᒡ ᐊ ᒪᔭᔨᒪᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ, ᑭᔭ ᒋ ᒪᓯᐧᑯᐛᑭᓄᐎᒡ ᑭᔭ ᐛᐛᒡ ᒋ ᒪᒪᒋᒂᐱᔅᑲᐛᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐃᑉᕈᐛ 13:13

ᐊᑯ ᒪᒃ ᐎᐎᑕᐤ ᐊᓐᑕ ᐅᑕᓇᒡ ᒐ ᓂᑐᐛᐱᒪᐧᒄ ᒋᓴᔅ ᑭᔭ ᒋᔭᓄᐤ ᒐᒋ ᒧᓯᑕᐛᐧᒄ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮