ᐊᑈᔅᑕᓇᒡ 17:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᓇᒪ ᐱᑯᓴᔨᒪᐤ ᓇᐸᐛ ᒐᒋ ᐱᒪᒋᐃᑯᑦ ᒪᒃ ᒐᒋ ᐛᐎᒋᐃᑯᑦ, ᐛᔅ ᐎᔾ ᒥᔨᐛᐤ ᒥᓯᐛ ᐊᓐᑕ ᐛᒋ ᐱᒪᑎᓯᓇᓄᐎᒡ ᑭᔭ ᐎᔾ ᒥᓯᐛ ᒥᔭᐤ ᐊᐛᔪᐛ ᒐᒂᔪᐤ᙮

ᐊᑈᔅᑕᓇᒡ 17:25 Iomraidhean Croise

ᒐᓂᓯᔅ 2:7

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐅᑎᓇᑦ ᐊᓯᔅᒍᐛ ᑭᔭ ᒂ ᐅᓯᐊᑦ ᓇᐸᐛ, ᒋ ᐳᑕᑎᒧᐛᐤ ᐅᔭᔭᐅᓐ ᐅᔅᑯᑎᔨᒡ ᑭᔭ ᒂ ᐃᑐᑐᐛᑦ ᓇᐸᐛ ᒐᒋ ᐱᒪᑎᓯᔨᒋ᙮

ᑎᐱᑦ ᐅᓂᑭᒧᐅᓇ 16:2

ᐅ ᓂᑦ ᐊᒐᐧᒄ, ᔅᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᑎᐸᔨᒋᒐᓯᒻ: ᓂᒥᔽᑎᓯᐅᓐ ᓇᒪᐎᔾ ᒋᑦ ᐊᐸᒋᐃᑯᓐ᙮”

ᒪᑎᔪᐤ 5:45

ᐊᑯ ᒪᒃ ᒐ ᐅᑯᓯᑕᑕᒄ ᐊᓐ ᒍᑕᐎᐛᐤ ᐊᓐᑕ ᒋᒋᒋᓯᑯᒡ ᐊ ᑕᑦ᙮ ᐛᔅ ᑕᐱᔅᑯᓐ ᒥᔭᐤ ᐊᓂᔭᔪᐛ ᑲ ᒥᒋᑐᑎᒥᔨᒋ ᑭᔭ ᑲ ᒥᔪᑐᑎᒥᔨᒋ ᒐᒋ ᐛᔅᑕᓂᒪᑯᔨᒋ ᐱᓯᒺ, ᑭᔭ ᑕᐱᔅᑯᓐ ᒥᔭᐤ ᐊ ᒋᒧᓂᔨᒡ ᐊᓂᔭ ᑲ ᒥᔪᑐᑎᒥᔨᒋ ᑭᔭ ᐊᓂᔭ ᑲ ᒥᒋᑐᑎᒥᔨᒋ᙮

ᒪᑎᔪᐤ 9:13

ᓇᓂᑐ ᒋᔅᒐᔨᑎᒧᒄ ᒪ ᑲ ᐃᑎᔅᑕᒡ ᒋᒋᒥᓯᓇᐃᒐᐅᓐ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪᔭᐤ ᐊ ᒥᑐᔅᑕᐊᒪᓄᐅᒡ ᒐᒂᓐ᙮’ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᐎᓴᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᐊᑈᔅᑕᓇᒡ 14:17

ᐃᔭᐱᒡ ᒪᒃ ᒋᓴᒪᓂᑐᐤ ᒧᔅ ᒋ ᒋᔅᒐᔨᑎᒥᐊᐤ ᐃᔪᐛ ᑕᓐ ᐊ ᐃᑕᔨᑕᑯᓯᑦ ᐊᓂᔭ ᐅᒋ ᑕᓐ ᑲ ᐃᓯ ᒥᔪᑐᑕᐧᒃ, ᒧᔭᒻ ᑭᔭ ᒋᔨᐛᐤ ᔅᒋ ᐃᑐᑎᒪᑯᐛᐤ ᒐᒋ ᒋᒧᓂᔨᒡ ᒐᒋ ᐅᒋ ᓂᑕᐅᒋᓂᔨᒡ ᒥᒋᒥᔪᐤ᙮ ᔅᒋ ᒥᔨᑯᐛᐤ ᒥᒋᒥᔪᐤ ᑭᔭ ᒋ ᐃᑐᑕᑯᐛᐤ ᒐᒋ ᒥᔽᔨᑎᒪᒄ᙮” ᐊᐅᒄ ᐅᔭ ᑲ ᐃᑕᑦ ᑈᓪ ᐊᓂᔭ ᐃᔪᐛ ᐊ ᐎ ᓂᑲᐛᑦ ᐊᓂᔭ ᐊ ᐎ ᐊᔭᒥᐊᔅᑕᑯᒡ᙮

ᐊᑈᔅᑕᓇᒡ 17:28

ᒧᔭᒻ ᐊᐛᓐ ᑲ ᐃᔅᒋᔄᒂ, ‘ᒋᓴᒪᓂᑐᐤ ᐅᒋ ᐛᒋ ᐱᒪᑎᓯᔭᐧᒄ, ᑭᔭ ᐛᒋ ᐊᒋᔭᐧᒄ ᑭᔭ ᐛᒋ ᐊᔭᔭᐧᒄ ᔭᔭᐅᓐ᙮’ ᒧᔭᒻ ᐱᔅᒐ ᑎᐱᔨᐛ ᒋᑎᐸᒋᒧᐃᒧᐛᐅᒡ ᑲᒋ ᒥᓯᓇᐃᒐᒡ ᑲ ᐃᔅᒋᔄᒂᓐᒋ, ‘ᑕᑈ ᒥᓯᐛ ᒋ ᐅᑦ ᐊᐛᓯᒥᑕᑯᓄᐤ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:35

ᑕᐤ ᐊ ᐊᐛᓐ ᐊᒋ ᐅᐛᐊᑦ ᒋᓴᒪᓂᑐᐛ ᒐᒂᔪᐤ ᑭᔭ ᒐᒋ ᐃᓯᓇᑯᓂᔨᒡ ᐊ ᒥᓯᓇᐊᒪᑯᑦ ?

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮