ᐊᑈᔅᑕᓇᒡ 17:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋ ᐃᑐᑕᐤ ᑈᓪ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ, ᐛᔅ ᐊᐅᒄ ᐅᔭ ᑲᒋ ᐃᑎᑦ ᒪᓐ᙮ ᓂᔍᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᐛᐎᑎᒧᐛᐤ ᐊᓂᔭ ᐃᔪᐛ ᑕᓐ ᐊ ᐃᓯ ᐊᔨᒧᒪᑭᓄᔨᒋ ᙭ᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ,

ᐊᑈᔅᑕᓇᒡ 17:2 Iomraidhean Croise

ᒪᑎᔪᐤ 26:24

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ ᐊᓐᑕ ᐅᑕᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᒋᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᔨᑯᐱᓇ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑯᐱᓇ᙮”

ᓗᒃ 4:16

ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮

ᒠᓐ 18:20

ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮

ᐊᑈᔅᑕᓇᒡ 13:14

ᐊᑯ ᒥᓐ ᐊᓐᑎᔭᑭᒡ ᒂ ᐃᑐᑕᒡ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᑲ ᐊᔭᒥᐊᐅᒋᓯᑲᔨᒡ ᒪᒃ ᒋ ᐱᒐᐅᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊᑯ ᒂ ᐊᐱᒡ ᐊᓐᑕ᙮

ᐊᑈᔅᑕᓇᒡ 13:5

ᐃᔅᐱ ᒪᒃ ᒪᓯᑲᒡ ᐊᓐᑕ ᐅᑕᓇᒡ ᓴᓚᒥᔅ ᑲ ᐃᓯᓂᐧᑲᑕᔨᒡ, ᒋ ᐛᐎᑎᒧᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᔨᒡ᙮ ᒋ ᐎᒐᐅᑯᐅᒡ ᒪᒃ ᒠᓐ-ᒪᕐᑲ ᒐᒋ ᐎᒋᐃᑯᒡ᙮

ᐊᑈᔅᑕᓇᒡ 14:1

ᐃᔅᐱ ᑲ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ᐃᔅᐱᔅ ᒋ ᓱᒋᑕᑯᓯᒡ ᐊ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 17:10

ᐎᐱᒡ ᒪᒃ ᐊ ᐊᑎ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮

ᐊᑈᔅᑕᓇᒡ 17:17

ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮

ᐊᑈᔅᑕᓇᒡ 18:4

ᒧᔅ ᒪᒃ ᑕᑥᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ᐊᔭᒥᐊᐤ ᑈᓪ ᐊᑯ ᑲᒋ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ᓯᒋᒪᑦ ᒐᒋ ᑕᑈᑕᑯᑦ᙮

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 24:25

ᐃᔅᐱ ᒪᒃ ᐊ ᐊᑎ ᐊᔨᒧᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᑭᔭ ᒐ ᐎ ᒥᔪ ᓂᓇᑭᑐᐛᔨᑎᒥᐃᑯᔨᒋ ᐊᐛᔪᐛ ᑕᓐ ᐊ ᐃᓯ ᐱᒪᑎᓯᔨᒋ, ᑭᔭ ᐊᓂᔭ ᐊᔅᒄ ᒐ ᐅᑎᒋᐱᔨᒡ ᐊ ᒋᓯᑲᔨᒡ ᐊᓐᑕ ᒋᓴᒪᓂᑐᐛ ᒥᓯᐛ ᐊᐛᔪᐛ ᒐ ᑎᐸᔅᑯᓇᔨᒋ, ᒋ ᑯᔅᑕᒍᐤ ᐱᓕᑭᔅ, ᐊᑯ ᒂ ᐃᑕᑦ ᐊᓂᔭ ᑈᓚ, “ᐊᑯᓐ ᐸᑎᒪ᙮ ᓴᔅ ᒋᑭ ᒋ ᔅᑐᑕᓐ᙮ ᐃᔅᐱᔅ ᒥᓐ ᓇᐃᐱᔭᓇ ᐊᑯ ᒥᓐ ᒐ ᐎᓴᒥᑕᓐ᙮”

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 8:35

ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ᒋᒋᐱᔨᑦ, ᑭᔭ ᒋ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒥᑭᓄᔨᒋ᙮

ᐊᑈᔅᑕᓇᒡ 9:20

ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

1 ᑯᕆᓐᑎᔭᓇ 15:3

ᐛᔅ ᔅᒋ ᐊᓱᐤ ᐎᑎᒪᑎᓇᐛᐤ ᐊᓐ ᑲ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ᐎᑎᒪᒐᒥᑲᒡ᙮ ᙭ ᔅᒋ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᑐᑎᒪᑯᐱᓇ᙮