ᐊᑈᔅᑕᓇᒡ 17:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮

ᐊᑈᔅᑕᓇᒡ 17:11 Iomraidhean Croise

ᑎᐱᑦ ᐅᓂᑭᒧᐅᓇ 119:100

ᐊᔪᐛᒃ ᓂ ᓂᔅᑐᑕᓐ ᐃᔅᐱᔅ ᐎᐱᒡ ᑲ ᐱᒪᑎᓯᒡ, ᐊ ᑭᓄᐛᔨᑎᒪᓐ ᒋᑦ ᐃᔨᒧᐅᓐ᙮

ᑎᐱᑦ ᐅᓂᑭᒧᐅᓇ 119:148

ᓂᔅᒋᓯᒂ ᓂᑲᓂᐱᔪᐛ ᓂᐸᐱᐅᓂᒡ, ᒐᒋ ᒪᒥᑐᓇᔨᑎᒪᓐ ᒋᑦ ᐃᔨᒧᐅᓐ᙮

ᑎᐱᑦ ᐅᓂᑭᒧᐅᓇ 119:97

ᐅ, ᑕᑈ ᓂ ᓴᒋᑕᓐ ᒋᐎᓱᐛᐅᓐ ! ᐊᐅᒄ ᑲ ᒪᒥᑐᓇᔨᑎᒪᓐ ᐃᔅᑭᓐ ᒋᓯᑲᐛ᙮

ᒪᑎᔪᐤ 13:23

ᐊᓐ ᒪᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊ ᒥᔽᓯᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᓄᑯᓂᔪᐤ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᒥᔪ ᓂᑕᐅᒋᐃᑯᒡ, ᒧᔭᒻ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᓗᒃ 1:2

ᐊᔪᐅᒄ ᐅᔭ ᑲ ᐃᓯ ᐎᑎᒧᐎᒥᒡ ᐊᓐᒡ ᐊᐛᓐᒋ ᓂᔅᑎᒻ ᑲ ᐛᐱᒪᒡ ᑭᔭ ᑲ ᐸᑐᐛᒡ ᒋᓴᓴ᙮ ᐊᐅᑯᓐᒡ ᐊᓐᒡ ᑲ ᐎᑕᒡ ᒥᔽᒋᒧᐅᓂᔪᐤ᙮

ᓗᒃ 11:3

ᒥᔨᓇᓐ ᑕᑥᐤ ᐊ ᒋᓯᑲᒡ ᐸᒂᓯᑭᓐ ᒐ ᐅᒋ ᐱᒪᑎᓯᔭᒡ᙮

ᓗᒃ 16:29

“ᐊᑯ ᐊᓐ ᑲ ᐛᔪᑎᓯᑦ ᓇᐸᐤ ᒂ ᐃᑎᑯᑦ ᐊᑉᕋᐊᒪ, ‘ᒋᐧᑲᓂᓯᒡ ᒋᑭ ᒋ ᐃᔨᒥᑕᐅᒡ ᒧᓱᓴ ᑭᔭ ᐊᓂᔭ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ᒥᓯᓇᐊᒥᔨᒋ ᒥᓯᓇᐃᑭᓂᒡ ᐊ ᐃᓯ ᐃᔭᒂᒥᒪᒡ ᐊᐛᔪᐛ᙮ ᐊᔪᐅᒄ ᐅᔭ ᒋᐸ ᓂᓇᐃᑎᒧᒡ ᐊᓐᒡ ᒋᐧᑲᓂᓯᒡ᙮’ ”

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 3:21

ᒥᒄ ᒪᒃ ᐊᓐ ᐊᐛᓐ ᑕᑈᐅᓂᒡ ᑲ ᐃᓯ ᐱᒪᑎᓯᑦ ᐊᓐᑕ ᐊ ᐛᔅᑕᔨᒡ ᑕᐤ ᑭᔭ ᐊ ᓄᑯᓂᔨᒡ ᑕᓐ ᐊ ᐃᓯ ᓂᓇᐃᑐᐛᑦ ᒋᓴᒪᓂᑐᐛ᙮

ᒠᓐ 5:39

ᐃᔭᒂ ᒋ ᓇᓂᑐ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ᐊᐎᔭᓐ ᙭᙮

ᐊᑈᔅᑕᓇᒡ 10:33

ᑎᐛᒡ ᒪᒃ ᓂᒋ ᐃᑎᓴᐛᐅᒡ ᓇᐸᐅᒡ ᒐᒋ ᐎᓴᒥᔅᒡ, ᒥᔽᓱᐤ ᒪᒃ ᑲ ᑎᑯᓯᓂᔨᓐ᙮ ᐊᑯ ᒪᒃ ᒥᓯᐛ ᐊ ᑕᔭᐧᒄ ᐅᑕ, ᒋᓴᒪᓂᑐᐤ ᑭᔭ ᐊᑯᑕ ᐊ ᑕᑦ, ᐊᑯ ᒪᒃ ᒐ ᐸᑎᒪᒡ ᑕᓐ ᑲ ᐃᑎᓱᒥᔅᒃ ᐅᑎᐸᔨᒋᒐᐤ ᒐᒋ ᐃᔅᒋᔄᐅᑦ᙮”

ᐊᑈᔅᑕᓇᒡ 11:1

ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᒋ ᐸᑎᒧᒡ ᐊᓂᔭᔪᐤ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 17:1

ᐊᑯ ᑈᓪ ᑭᔭ ᓴᓂᔅ ᐊᓐᑕ ᐊᒻᐱᐳᓕᔅ ᑭᔭ ᐊᐳᓗᓂᔭ ᑲ ᐃᓯᓂᐧᑲᑕᔨᒋ ᐅᑕᓇᐛ ᒂ ᐊᑎ ᐃᑐᑕᒡ᙮ ᐊᑯ ᒥᓐ ᐊᓐᑕ ᑕᓴᓗᓇᐃᑲ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ᐃᑐᑕᒡ᙮ ᐊᓐᑕ ᒪᒃ ᑕᓴᓗᓇᐃᑲᒡ ᒋ ᑎᑯᓐ ᒍᐤ ᐊᔭᒥᐊᐅᒋᐛᑉ᙮

ᐊᑈᔅᑕᓇᒡ 2:41

ᒥᒐᑦ ᒪᒃ ᒋ ᑕᑈᑐᐛᐅᒡ ᐊᓂᔭᔪᐤ ᑲ ᐃᑎᑯᒡ᙮ ᐊᑯ ᒂ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ᐃᑕᑎᓱᐅᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ᙮

1 ᑕᓴᓗᓂᔭᓇ 1:6

ᑕᓐ ᑲ ᐃᓯ ᐛᐱᒥᔭᒡ ᐊ ᐃᑕᑎᓯᔭᒡ ᐊᐅᑯᓐ ᑭᔭ ᒋᔨᐛᐤ ᒂ ᐊᑎ ᐃᑕᑎᓯᔭᒄ᙮ ᐊᑯ ᒪᒃ ᐊᔪᐤ ᐅᑎᐸᔨᒋᒐᐤ ᒂ ᐊᑎ ᓂᔅᐱᑐᐛᒄ᙮ ᐊᑎ ᒪᒃ ᓇᔅᒡ ᐊᒋ ᓂᓇᐧᑲᒋᐃᑯᔭᒄ ᐃᔭᐱᒡ ᔅᒋ ᐃᑐᑕᑯᐛᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᒧᒋᒐᔨᑎᒪᒄ ᐊ ᐅᑎᓂᒪᓱᔭᒄ ᒥᔽᒋᒧᐅᓐ᙮

1 ᑕᓴᓗᓂᔭᓇ 2:13

ᒪᐅ ᒥᓐ ᐛᒋ ᒧᔅ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ᐛᐎᑎᒪᑕᒡ ᑕᓐ ᑲ ᐃᓯ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ᐛᐎᑎᒪᒡ ᐃᔭᒂ ᔅᒋ ᓂᑐᑕᓇᐛᐤ ᑭᔭ ᔅᒋ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ᐛᐎᑎᒪᑕᒡ᙮

2 ᑕᓴᓗᓂᔭᓇ 2:10

ᒥᓯᐛ ᓂᓇᐧᑯᐤ ᒋᑭ ᐃᓯ ᒥᒋ ᐎᔭᓯᐊᐤ ᐊᓂᔭᔪᐛ ᒐ ᓂᓱᐅᓇᑎᓯᔨᒋ᙮ ᒋᑭ ᓂᓱᐅᓇᑎᓯᔪᐛ ᐊᑲ ᐅᒋ ᐎ ᓴᒋᑕᔨᒋ ᑕᑈᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮