ᐊᑈᔅᑕᓇᒡ 16:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐊᑯ ᒂ ᐎᐎᑕᐊᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒋ, ᒂ ᐃᑕᑦ, “ᒋᔨᐛᐤ ᓇᐸᑐᒄ, ᐸᒋ ᐎᑎᒧᐅᒄ ᑕᓐ ᒐ ᐃᑎᔭᓐ ᐊ ᐎ ᐱᒪᒋᐅᔭᓐ ?”

ᐊᑈᔅᑕᓇᒡ 16:30 Iomraidhean Croise

ᒪᑎᔪᐤ 3:8

ᓄᑯᑕᒄ ᑕᑈ ᐊ ᒂᔅᑲᑎᓯᔭᒄ, ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮

ᒪᑎᔪᐤ 5:7

ᓱᐛᔨᑕᑯᓱᐅᒡ ᐊᓐᒡ ᑲ ᓱᐛᔨᒪᒡ ᐊᐛᔪᐛ ᐛᔅ ᒋᑭ ᓱᐛᔨᒥᑯᐅᒡ ᒋᓴᒪᓂᑐᐛ᙮

ᓗᒃ 3:10

ᐊᑯ ᒪᒃ ᐊᓐᒡ ᐃᔪᒡ ᒋ ᑯᒂᒋᒪᐅᒡ ᒠᓇ ᐊ ᐃᑕᒡ, “ᑕᓐ ᒪᒃ ᒐ ᐃᑎᔭᒡ ?”

ᐊᑈᔅᑕᓇᒡ 14:15

“ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

ᐊᑈᔅᑕᓇᒡ 16:17

ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐊᑈᔅᑕᓇᒡ 16:24

ᐅᔭ ᒪᒃ ᐊᒋ ᐃᑎᓱᒪᑭᓄᐅᑦ ᐊᓐᑕ ᒋᐱᔎᒡ ᐊᓐᑕ ᒪᐅᒡ ᐊ ᐃᔨᒪᒡ ᐊ ᐎᐧᑯᒋᐅᓇᓄᐅᒡ ᐊᓂᔭ ᑲᒪᑯᓄᐛᓯᐅᒋᐛᐱᔪᐤ ᐊᑯᑕ ᑲ ᒪᒪᒋᑯᓯᑕᔭᐱᔅᑲᐛᒡ ᐊ ᐱᑯᓇᑎᒋᓯᔨᒋ ᐱᐱᒋᑎᒂ᙮

ᐊᑈᔅᑕᓇᒡ 2:37

ᐃᔅᐱ ᒪᒃ ᐊᓐᒡ ᐃᔪᒡ, ᐱᔭᑕᒡ ᐅᔭ ᓇᔅᒡ ᒋ ᒥᓯᒪᔨᑎᒧᒡ ᐊᑯ ᒂ ᐃᑕᒡ ᐱᑕᕋ ᑭᔭ ᐊᓂᔭᔪᐛ ᑯᑎᑲ ᐊᑈᔅᑕᓇ᙮ “ᓂᐧᑲᓂᓯᑐᒄ, ᑕᓐ ᒪᒃ ᒐᒋ ᐃᑎᔭᒡ ?”

ᐊᑈᔅᑕᓇᒡ 22:10

“ᐊᑯ ᒂ ᐃᑎᒃ, ‘ᐅᑎᐸᔨᒋᒐᐤ, ᑕᓐ ᐊ ᐃᓯ ᓂᑐᐛᔨᒥᔨᓐ ᒪᒃ ᒐ ᐃᑎᔭᓐ ?’ ᐊᑯ ᒂ ᐃᓯᑦ, ‘ᐱᓯᑯ ᒪᒃ, ᒐ ᐃᑐᑕᔨᓐ ᐊᓐᑕ ᑕᒪᔅᑲᓯᒡ᙮ ᐊᑯᑕ ᒪᒃ ᒐ ᐎᑎᒪᑯᔨᓐ ᒥᓯᐛ ᑕᓐ ᐊ ᐃᑎᓱᒥᔅᒃ ᒋᓴᒪᓂᑐᐤ ᒐ ᐃᑕᐱᑎᓯᐅᑦ᙮’

ᐊᑈᔅᑕᓇᒡ 9:6

ᐱᓯᑯ ᒪᒃ, ᒐ ᐃᑐᑕᔨᓐ ᐊᓐᑕ ᐅᑕᓇᒡ ᐊᑯᑕ ᒐ ᐎᑎᒪᑯᐎᓐ ᑕᓐ ᒐ ᐃᑎᔨᓐ᙮”

ᒋᒥᔅ ᐅᒥᓯᓇᐊᒪᒐᐅᓐ 2:13

ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮