ᐊᑈᔅᑕᓇᒡ 16:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᒐᒃ ᓯᔅᒋᑯᒡ ᓇᔅᒡ ᒋ ᓱᒐᔨᑕᑯᓐ ᐊ ᓂᓇᒥᔅᑲᒡ, ᐊᑯ ᐊᓐ ᑲᒪᑯᓄᐛᓯᐅᒋᐛᑉ ᓇᔅᒡ ᒋ ᐊᔭᒋᐱᔪᐤ᙮ ᒥᓯᐛ ᔅᑐᐧᑭᓂᒡ ᒋ ᔪᑕᐱᔪᐅᒡ, ᐊᑯ ᐊᓐᒡ ᑲ ᒪᒪᒋᒂᐱᔅᑲᐛᑭᓄᐅᒡ ᒋ ᒥᓂᐱᔪᐛ ᐊᓂᔭᔪᐛ ᐃᓴᒂᔭᐱᔭ ᑲ ᒋᔅᑲᒡ᙮

ᐊᑈᔅᑕᓇᒡ 16:26 Iomraidhean Croise

ᑎᐱᑦ ᐅᓂᑭᒧᐅᓇ 102:20

ᒐᒋ ᐸᑐᐛᑦ ᐊ ᒪᒪᑥᔨᒋ ᒋᐸᐛᑭᓇ; ᒐᒋ ᐊᐸᐛᑦ ᐊᓂᔭ ᑲᒋ ᐃᑕᑭᓄᐎᒋ ᒐᒋ ᓂᐱᔨᒋ;

ᑎᐱᑦ ᐅᓂᑭᒧᐅᓇ 146:7

ᐊ ᐃᓯ ᐎᔨᓱᐛᔨᑕᑯᓂᔨᒡ ᑲ ᐃᑐᑎᒧᐛᑦ ᑲ ᐊᔨᒥᐅᔨᒋ; ᑲ ᐊᓴᒪᑦ ᑲ ᓄᑕᐧᑭᑕᔨᒋ᙮ ᑎᐸᔨᒋᒐᓱᐤ, ᓴᓂᒧᐛᐤ ᑲᒋᐸᐛᑭᓄᐎᒋ:

ᑎᐱᑦ ᐅᓂᑭᒧᐅᓇ 68:6

ᒋᓴᒪᓂᑐᐤ ᒥᔽᔨᒧᐊᐤ ᑲ ᓂᔭᔅᑎᐛᔨᒧᔨᒋ ᐊᔨᑐᑕᐎᓯᔨᒋ: ᐸᒋ ᐎᐎᑕᐊᐤ ᐊᓂᔭ ᑲ ᒪᒪᒋᒂᐱᓱᔨᒋ: ᒪᒃ ᑲ ᐃᔨᐛᔨᒧᒡ ᑕᐅᒡ ᐊ ᐸᐧᑯᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 79:11

ᐊᑯᔅ ᐅᒥᒋᔨᐛᔨᑕᒧᐅᓐ ᒋᐸᐛᑭᓐ ᒋᑭ ᐅᑎᑎᑯᐛᓐ: ᐊ ᐃᔅᐱᔅ ᓇᔅᒡ ᒥᓴᒡ ᒋᑭᔅᒋᐅᓐ ᒥᓇᒋᐃᒡ ᐊᓐᒡ ᑲ ᐃᑎᒋᒪᑭᓄᐅᒡ ᒐᒋ ᓂᐱᒡ᙮

ᒪᑎᔪᐤ 28:2

ᓯᔅᒋᑯᒡ ᒪᒃ ᒋ ᒥᔅᑎ ᑯᐃᐧᑯᓐ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓇᒪ ᒂ ᐸᒋ ᔭᓯᔨᒋ ᒋᒋᒋᓯᑯᒡ ᐅᒡ, ᒂ ᐃᒐᑎᑎᐱᓇᔨᒋ ᐊᓂᔭ ᐊᓯᓂᔭ ᐊᓐᑕ ᐃᔎᑕᒥᒡ ᐅᒡ ᒂ ᐊᑎ ᑕᑎᐱᔨᒋ ᐊᓐᑕ᙮

ᐊᑈᔅᑕᓇᒡ 12:10

ᓂᔅᑎᒻ ᒪᒃ ᐊᓂᔭ ᐊᓯᒪᑭᓂᓴ ᐊᓐᑕ ᑲ ᑕᔨᒋ ᒋ ᐊᑎ ᐎᒪᔅᑯᐛᐅᒡ, ᒥᓐ ᐊᓂᔭ ᑯᑎᑲ, ᐊᑯ ᒐᒃ ᒂ ᐅᑎᑕᒡ ᐊᓂᔭ ᐃᓴᒄ ᔅᑐᐧᑭᓇ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭ ᐅᑕᓇᔪᐤ᙮ ᓴᒐᐃ ᒪᒃ ᒋ ᔪᑕᐱᔪᐤ ᐊᓐ ᐃᓴᒄ ᔅᑐᐧᑭᓐ, ᐊᑯ ᒂ ᐊᑎ ᐎᐎᒡ᙮ ᐃᔅᐱ ᒪᒃ ᐊ ᐊᑎ ᐱᒧᑕᒡ ᐊᓐᑕ ᒪᔅᑭᓇᒡ, ᓯᔅᒋᑯᒡ ᒋ ᓂᑭᑎᑯᐤ ᐊᓂᔭ ᐊᓐᒋᓇ᙮

ᐊᑈᔅᑕᓇᒡ 12:7

ᒐᒃ ᓯᔅᒋᑯᒡ ᑲ ᐅᒋ ᐛᔅᑕᔨᒡ ᐊᓐᑕ ᐱᑕᕐ ᑲ ᒋᐸᐛᑭᓄᐅᑦ, ᐊᐅᑯᔪᐛ ᐅᑎᐸᔨᒋᒐᐤ ᐅᑦ ᐊᓐᒋᓂᒥᔪᐛ ᐛᒋ ᓂᐳᔨᒋ ᐊᓐᑕ ᐊ ᑕᑦ᙮ ᑲ ᔭᔭᒋᐱᑎᑯᑦ ᐊ ᐎ ᑯᔅᑯᓂᑯᑦ ᐊᑯ ᒂ ᐃᑎᑯᑦ, “ᒋᐱ ᐅᓂᔾ !” ᑎᐛᒡ ᒪᒃ ᒋ ᐊᔭᐱᐧᑯᐸᔪᐛ ᐊᓂᔭ ᐃᓴᒂᔭᐱᔭ ᑲ ᒪᑯᐱᑕᑭᓄᐅᑦ ᐱᑕᕐ ᐅᐧᑯᓂᑎᒋᒡ᙮

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 5:19

ᒥᒄ ᒪᒃ ᐊᓂᔭᔪᐤ ᐊ ᐊᑎ ᑎᐱᔅᑲᔨᒡ, ᐅᑎᐸᔨᒋᒐᐤ ᐅᑦ ᐊᓐᒋᓂᒪ, ᒋ ᓴᓇᔪᐛ ᔅᑐᐧᑭᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᒂ ᐎᐎᑕᐊᑦ ᐊᓂᔭᔪᐛ ᐊᑈᔅᑕᓇ ᒂ ᐃᑕᑦ,

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮

ᒋᔅᒐᔨᑕᑯᑕᒐᐅᓐ 6:12

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊ ᓴᓇᐧᒃ᙮ ᐊᐅᒄ ᐊᑯ ᐊᓱᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ, ᐊᑯ ᒂ ᒥᔅᑎ ᑯᐃᐧᑯᒡ᙮ ᐱᓯᒻ ᒋ ᑎᐱᔅᒋᐱᔪᐤ ᒧᔭᒻ ᐊᐱᒋᑕᐅᓐ ᑲ ᓱᒐᑲᒡ ᐊ ᐎᐸᑲᒡ ᐊᑯᓐ ᑲ ᐃᓯᓇᑯᓯᑦ᙮ ᐊᑯ ᑎᐱᔅᑲᐤ ᐱᓯᒻ ᒂ ᒥᐧᑯᓯᑦ, ᒧᔭᒻ ᐊ ᓱᐧᑯᓯᑦ ᐊᑯᓐ ᑲ ᐃᓯᓇᑯᓯᑦ᙮