ᐊᑈᔅᑕᓇᒡ 16:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑯ ᐊᓐᒡ ᑯᑎᑭᒡ ᐃᔪᒡ ᒋ ᐎᒋᐃᐛᐅᒡ ᐊ ᐛᐛᓯᐊᑭᓄᔨᒋ ᑈᓚ ᑭᔭ ᓴᓂᓴ, ᐊᑯ ᐊᓐᒡ ᕈᒻ ᐃᔪᐛ ᑲ ᓂᑲᓂᔅᑯᐛᒡ ᒋ ᒥᓂᐱᑎᒺᐅᒡ ᐅᑦ ᐊᐱᒋᑕᐅᓂᔪᐛ, ᐊᑯ ᑲ ᐃᑎᓱᐛᒡ ᒐᒋ ᐸᐱᓯᔅᑕᐛᑭᓄᔨᒋ᙮

ᐊᑈᔅᑕᓇᒡ 16:22 Iomraidhean Croise

ᒪᑎᔪᐤ 10:17

ᐃᔭᒂᒥᒄ ᒪᒃ, ᐛᔅ ᒋᑭ ᑕᐅᒡ ᐊᐛᓐᒋ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᑯᑕ ᒐ ᐸᐱᓯᔅᑕᐅᑕᑯᒡ ᐅᑦ ᐊᔭᒥᐊᐅᒋᐛᐳᐛᒡ᙮

ᒪᑎᔪᐤ 27:26

ᐊᑯ ᑈᓚᑦ ᒂ ᐃᑎᓱᐛᑦ ᒐᒋ ᐱᔅᑎᓇᑭᓄᔨᒋ ᐸᕋᐸᓴ᙮ ᐃᔅᐱ ᒪᒃ ᑲ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ, ᐊᑯ ᒂ ᐱᔅᑎᓱᐛᑕᑦ ᒐᒋ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ᙮

ᓗᒃ 12:11

ᐊᑯ ᒋᓴᔅ ᒂ ᐃᔅᒋᔄᑦ, “ᒧᔭᒻ ᑎᐸᔅᑯᓂᒐᐅᒋᐛᐱᒡ ᐃᑐᑕᐃᑯᔨᓇ ᑭᔭ ᒍᐤ ᐊᔭᒥᐊᐅᒋᐛᐱᒡ ᑭᔭ ᒋᓴᐅᒋᒪᐛ ᐊ ᑕᔨᒋ ᒐᒋ ᑎᐸᔅᑯᓂᑯᔨᓐ ᐊᑲᐎᔾ ᒥᑯᔅᑲᑕᔨᑕ ᑕᓐ ᒐ ᐃᔅᒋᔄᔨᓐ ᑭᔭ ᑕᓐ ᒐ ᐃᓯ ᓂᔎᐅᓯᑥᔨᓐ ᒐᒋ ᐅᒋ ᐎᒋᐃᓱᔨᓐ᙮

ᐊᑈᔅᑕᓇᒡ 16:37

ᒥᒄ ᒪᒃ ᑈᓪ ᐎᔾ ᒋ ᐃᔨᒪᐊᐤ ᐊᓂᔭ ᑲ ᒪᑯᓄᐛᓯᔨᒋ ᒂ ᐃᑕᑦ, “ᐃᑎᔅᑕᐤ ᕈᒻ ᐎᓱᐛᐅᓐ, ᕈᒻ ᐊ ᐃᓯ ᒥᓯᓇᓱᑦ ᐊᐛᓐ ᓂᔅᑎᒻ ᒋᐸ ᑎᐸᔅᑯᓇᑭᓄᐤ ᐊᑯ ᐃᔭᒄ ᒋᐸ ᐛᐛᓯᐊᑭᓄᐤ᙮ ᕈᒻ ᓂᑦ ᐃᑎᓯᓇᓱᓇᓐ ᐃᔭᐱᒡ ᒪᒃ ᐊᒋ ᐱᐱᓯᔅᑕᐅᑯᐅᔭᒡ ᑭᔭ ᐱᑕᐛᐱᓂᑯᐅᔭᒡ ᑲᒪᑯᓄᐛᓯᐅᒋᐛᐱᒡ, ᐊᑲ ᐛᐛᒡ ᐅᒋ ᑎᐸᔅᑯᓂᑯᐅᔭᒡ᙮ ᐊᑯ ᒪᒃ ᒋᒧᑦ ᐛ ᐱᔅᑎᓂᑯᐅᔭᒡ᙮ ᓇᒪ ᒪᒃ ᓂᑭ ᐅᒋ ᐃᒐᑕᓇᓐ ᐅᑕ᙮ ᓂᑐᐛᔨᒪᓇᓐᒡ ᐊᓐᒡ ᕈᒻ ᐅᒋᒪᐅᒡ ᐎᔨᐛᐤ ᒐᒋ ᐸᒋ ᑎᑯᓯᓂᒡ ᒐᒋ ᐱᔅᑎᓂᔨᒥᒡ᙮”

ᐊᑈᔅᑕᓇᒡ 17:5

ᒋ ᐅᑕᔨᒥᑯᐅᒡ ᒪᒃ ᒍᐤ ᐃᔪᐛ, ᐃᔅᐱ ᐎᔭᐱᒥᑯᒡ ᒥᒐᑦ ᐊᐛᔪᐛ ᐊ ᐎᒋᐃᑯᒡ᙮ ᒋ ᒪᒧᓇᔪᐛ ᐊᓂᔭᔪᐛ ᐊᐛᔪᐛ ᐊᑲ ᐱᐸᔅᐱᓇ ᑲ ᐃᑎᔨᒋ ᒪᓐ, ᐊᑯ ᑲ ᒪᒧᐎᐛᑯᑕᔨᒡ ᑲ ᒥᒋᐱᔨᑕᔨᒋ ᐊᓐᑕ ᐅᑕᓇᒡ᙮ ᑲ ᐃᑐᑕᔨᒋ ᐊᓐᑕ ᒐᐃᓯᓇ ᐎᒋᔨᒡ, ᐊᒋ ᐃᑕᔨᑕᒡ ᒐ ᒥᔅᑯᐛᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ᙮ ᒋ ᐎ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᒋ ᐎ ᐃᑐᑕᐊᒡ ᐊᓐᑕ ᑲ ᑕᔨᒋ ᐊᓂᔭ ᐃᔪᐛ ᑲ ᒋᔄᐊᒡ᙮

ᐊᑈᔅᑕᓇᒡ 18:12

ᐃᔅᐱ ᒪᒃ ᑲᓕᐅ ᕈᒻ ᑲ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ᒪᒧᐎᐅᒡ ᐊᑯ ᒂ ᒪᑯᓇᒡ ᑈᓚ ᒂ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 5:40

ᐊᓐᒡ ᒪᒃ ᓇᐸᐅᒡ ᑲ ᒪᒧᐎᒡ ᒋ ᑕᑈᑐᐛᐅᒡ ᐊᓂᔭᔪᐛ ᑲᒪᓕᔭᓚ ᐅᔭ ᑲ ᐃᔅᒋᔄᔨᒋ᙮ ᐊᑯ ᒂ ᐎᓴᒪᒡ ᐊᓂᔭᔪᐛ ᐊᑈᔅᑕᓇ, ᐊᑯ ᒂ ᐃᔅᒋᔄᒡ ᒐᒋ ᐸᐱᓯᔅᑕᐛᑭᓄᔨᒋ, ᑭᔭ ᒋ ᐃᑎᓱᒪᐅᒡ ᐊᑲ ᒥᓐ ᓂᑕ ᒐᒋ ᐛᐎᑎᒥᔨᒋ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ, ᐊᑯ ᒂ ᐱᔅᑎᓇᒡ᙮

2 ᑯᕆᓐᑎᔭᓇ 6:5

ᓂᒋ ᐱᓯᔅᑕᐅᑯᓇᓐ᙮ ᓂᒋ ᒋᐸᐅᑯᓇᓐ ᑲᒪᑯᓄᐛᓯᐅᒋᐛᐱᒡ᙮ ᓂᒋ ᒪᓯᐧᑲᑯᓇᓐᒡ ᐊᐛᓐᒋ ᐊ ᒥᒐᑎᒡ᙮ ᓂᒋ ᐊᔭᔅᑯᓯᓇᓐ ᐊᔅᐱᔅ ᒥᔅᑎ ᐊᑐᔅᒐᔭᒡ᙮ ᓇᓂᑯᑎᓂᔾ ᓇᒪ ᓂ ᐅᒋ ᓂᐸᓇᓐ᙮ ᑭᔭ ᓂᒋ ᓯᐛᔨᓇᓐ ᒪᓐ᙮

1 ᑕᓴᓗᓂᔭᓇ 2:2

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ᑎᑯᓯᓂᔭᒡ ᐊᓐᑕ ᐊ ᑕᔭᒄ᙮ ᐃᔭᐱᒡ ᒪᒃ ᓂᒋ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ᒥᔨᑕᒄ ᐊᑎ ᐊᒋ ᑕᒡ ᐊᐛᓐᒋ ᐊᓐᑕ ᐊ ᑕᔭᒄ ᓱᒃ ᐊᒋ ᑯᒋᑕᒡ ᒐᒋ ᒋᐱᒋᐃᔨᒥᒡ᙮

ᐃᑉᕈᐛ 11:36

ᑯᑎᑭᒡ ᒋ ᐛᐅᓯᓄᐛᑭᓄᐎᒡ ᐊ ᒪᔭᔨᒪᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ, ᑭᔭ ᒋ ᒪᓯᐧᑯᐛᑭᓄᐎᒡ ᑭᔭ ᐛᐛᒡ ᒋ ᒪᒪᒋᒂᐱᔅᑲᐛᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮