ᐊᑈᔅᑕᓇᒡ 16:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐊᑈᔅᑕᓇᒡ 16:17 Iomraidhean Croise

ᑎᐱᑦ ᐅᓂᑭᒧᐅᓇ 57:2

ᓂᑭᒧᔅᑯᐛᑕᐤ ᒋᓴᒪᓂᑐᐤ ᒪᐅᒡ ᒋᔅᑎᓯᑦ; ᒋᓴᒪᓂᑐᐤ ᒥᓯᐛ ᒐᒂᓇ ᑲ ᐃᑐᑎᒧᐎᔨᒥᑦ᙮

ᑎᐱᑦ ᐅᓂᑭᒧᐅᓇ 78:35

ᒋ ᒋᔅᒋᓱᐅᒡ ᒪᒃ ᒋᓴᒪᓂᑐᐛ ᐊᒋ ᐅᒋᔅᑕᐱᔅᑯᒥᒡ, ᑭᔭ ᒐᔅᑎᓯᔨᒋ ᒋᓴᒪᓂᑐᐛ ᐊᒋ ᐅᐱᒪᒋᐃᐛᒥᒡ᙮

ᒪᑎᔪᐤ 22:16

ᒋ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ᑕᔨᒋ᙮ ᐊᑯ ᐊ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᑕᑈ ᐊ ᑕᑈᒥᑲᒡ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮

ᒪᑎᔪᐤ 8:29

ᐃᔅᐱ ᒪᒃ ᐎᔭᐱᒥᑯᑦ ᒋᓴᔅ ᐊᓂᔭᔪᐛ ᓇᐸᐛ ᑎᐛᒡ ᒋ ᐅᒋ ᐊᓯᒂᔪᐛ ᐊ ᐃᔅᒋᔄᔨᒋ, “ᒋᓴᔅ, ᑕᓐ ᐛᑐᑐᐅᔭᒡ, ᒋᔾ ᒋᓴᒪᓂᑐᐤ ᐅᑯᓴ, ᓴᔅ ᐊ ᒋ ᐎ ᐸᒋ ᐛᐎᓯᒐᔨᑎᒥᐃᓇᓐ ᐊᔅᒄ ᐊᑲ ᒪᒃ ᐅᑎᒋᐱᔨᒡ ᒐ ᐛᐎᓯᒐᔨᑎᒧᐛᐅᒋᐱᓇ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:24

ᒋ ᐃᔅᒋᔄᐤ, “ᐊᑲᐎᔾ ᐎᔭᔅᑐᑐᐅᓇᓐ, ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ᙮ ᒋ ᐸᒋ ᑎᑯᓯᓐ ᐊ ᒐᒋ ᓂᓱᐅᓇᒋᐃᔭᒡ ? ᒋ ᒋᔅᒐᔨᒥᑎᓐ ᐊᐛᓐ ᒋᔾ, ᐊᐅᒄ ᒋᔾ ᑲ ᐸᔭᒋᓯᑦ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:14

ᒋ ᐸᒋ ᓂᑐᐛᐱᒪᐅᒡ ᒪᒃ ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒧᔅ ᐊ ᑕᑈᔨᓐ ᑕᓐ ᐊ ᐃᔅᒋᔄᔨᓐ᙮ ᓇᒪ ᐎᔭᓯᓐ ᐊᐛᓐ ᐊᓐ ᑲ ᐃᔨᒥᐃᑦ ᐛᔅ ᒥᓯᐛ ᐊᐛᓐ ᐸᐃᑯᓄᒡ ᒋᑦ ᐃᑕᔨᒪᐤ᙮ ᓇᒪ ᒋ ᑭᓄᐛᐸᑎᒺᓐ ᑕᓐ ᐊ ᐃᓯ ᒋᔅᑕᔨᑕᑯᓯᑦ ᐊᐛᓐ᙮ ᑯᐃᔅᒄ ᑭᔭ ᒋ ᒋᔅᑯᑎᒧᐛᐅᒡ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᐃᑎᔅᑕᐤ ᐊ ᐎᓱᐛᐅᓂᒡ ᓯᓴᕐ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᒐᓯᐧᑲᓱᔨᒋ ᐊᐛᔪᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:7

ᐊᑯ ᒂ ᑕᑈᑦ ᐊ ᒋᔄᐛᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᒋᑦ ᐃᑎᓐ ᐊ ᐸᑐᐅᑦ ᒋᓴᒪᓂᑐᐤ, ᐊᑲᐎᔾ ᓂᓇᐧᑲᑕᔨᒧᐃ !”

ᓗᒃ 1:77

ᒐ ᒋᔅᒐᔨᑎᒥᐃᒥᑎ ᐅᑦ ᐃᔨᒪ ᐊᓂᔭᔪᐤ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ ᐊ ᐊᐅᓂᔨᒡ ᐱᒪᒋᐃᐛᐅᓂᔪᐤ᙮

ᓗᒃ 1:79

ᒐᒋ ᐛᔅᑕᔨᒡ ᐊᑕᒡ ᐊᓐᒡ ᐛᑲᔅᑕᐱᒡ, ᑭᔭ ᑕᑲᔅᑕᔅᑲᑯᒡ ᓂᐳᐅᓂᔪᐤ; ᑭᔭ ᒐᒋ ᒋᔅᒋᓄᑕᐃᑯᔭᐧᒄ ᒋᔭᒪᐛᔨᑎᒧᐅᓂᒡ ᐃᔅ᙮”

ᓗᒃ 20:21

ᐊᑯ ᒪᒃ ᐅᒡ ᓇᐸᐅᒡ ᒂ ᑯᒂᒋᒪᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒐᒂᓐ ᐊ ᐃᔅᒋᔄᔨᓐ ᑭᔭ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᐊ ᑕᑈᒥᑲᒡ᙮ ᑭᔭ ᒋ ᒋᔅᒐᔨᒥᑎᓇᓐ ᒥᓯᐛ ᐸᐃᑯᓄᒡ ᐊ ᐃᑕᔨᒥᔅᒡ ᐊᐛᓐᒋ, ᑭᔭ ᒥᓯᐛ ᐸᐃᑯᓄᒡ ᑕᑈ ᐊ ᐃᓯ ᒋᔅᑯᑎᒧᐅᑥᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᒐᒋ ᐃᓯ ᐱᒪᑎᓯᒡ᙮

ᓗᒃ 4:34

“ᑕᓐ ᐛ ᐃᓯᐧᑯᔭᒡ ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ ? ᒋ ᐎ ᓂᓱᐅᓇᒋᐃᓇᓐ ᐊ ᐛᒋ ᑎᑯᓯᓂᔨᓐ ? ᒋ ᒋᔅᒐᔨᒥᑎᓇᓐ ᐊᐛᓐ ᒋᔾ᙮ ᒋᔾ ᑲ ᑎᐸᓇᐃᔅᒃ ᒋᓴᒪᓂᑐᐤ ᒐᒋ ᐊᐱᒋᐃᔅᒃ᙮”

ᓗᒃ 4:41

ᒥᒐᑦ ᒪᒃ ᐃᔪᒡ ᒋ ᐎᐎᔅᑲᑯᐅᒡ ᒥᒋ ᐊᒐᒂ ᐊ ᐃᓯ ᑕᑈᔨᒋ, “ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ᙮” ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ᒋᔅᒐᔨᒥᑯᐤ ᐎᔾ ᐊ ᐊᐎᑦ ᙭᙮

ᓗᒃ 8:28

ᐅ ᒪᒃ ᓇᐸᐤ ᐃᔅᐱ ᐎᔭᐱᒪᑦ ᐊᓂᔭ ᒋᓴᓴ, ᒋ ᐊᔭᓯᒂᐤ ᒂ ᐊᑎ ᐸᒋᓯᐧᒃ ᐅᑎᔅᑯᐤ ᐊᓐᑕ ᐊ ᑕᔨᒋ᙮ ᐊᑯ ᑲ ᑕᑈᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᐊᑲᐎᔾ ᐸᒋ ᓂᓇᐧᑲᑕᔨᒧᐃ ᒋ ᐎ ᐃᑎᑎᓐ᙮”

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᐊᑈᔅᑕᓇᒡ 18:26

ᒋ ᐃᔨᒪᐊᐤ ᒪᒃ ᐃᔪᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑲ ᓇᔅᒡ ᑯᔅᑕᒋᑦ᙮ ᐃᔅᐱ ᒪᒃ ᑲ ᐸᑕᑯᑦ ᐳᕆᓯᓚᔨᒋ ᑭᔭ ᐊᑯᐎᓚᔨᒋ, ᒋ ᒋᐛᑕᐃᑯᐤ᙮ ᐊᑐᐎᔅ ᒂ ᐃᓯ ᐛᐎᑎᒪᑯᑦ ᒋᓴᒪᓂᑐᐛ ᐅᒪᔅᑭᓇᒥᔪᐤ᙮

ᐊᑈᔅᑕᓇᒡ 19:13

ᐱᔅᒐ ᒪᒃ ᒍᐤ ᐃᔪᒡ ᑲᒋ ᐎᐎᑎᓴᐛᒡ ᒥᒋ ᐊᒐᒂ ᒋ ᐱᐸᒧᑕᐅᒡ ᐊ ᑯᒋᑕᒡ ᒐᒋ ᐎᐎᑎᓴᐛᒡ ᒥᒋ ᐊᒐᒂ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮ ᒋ ᐃᑕᐅᒡ ᐊᓂᔭᔪᐛ ᒥᒋ ᐊᒐᒂ, “ᒋᓴᔅ, ᐊᓂᔭ ᑈᓪ ᑲ ᐊᔨᒧᒪᑦ ᐊ ᑭᒐᔅᒋᒧᑦ, ᐊᐅᑯᓐ ᐊᓐ ᐅᑦ ᐃᓯᓂᐧᑲᓱᐅᓐ ᐅᒋ ᒋᑦ ᐃᑎᓱᒥᑎᓇᐛᐤ ᒐᒋ ᐸᒋ ᐎᐎᔭᒄ᙮”

1 ᐱᑕᕐ 2:16

ᑕᑈ ᑭᑈ ᔅᒋ ᐎᐧᑯᒋᐃᑯᓇᐛᐤ, ᒥᒄ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᒋᔨᐛᐤ᙮ ᐊᑲᐎᔾ ᐃᑕᔨᑎᒧᒄ ᒐᒋ ᒥᒋᑐᑎᒪᒄ ᐊᓐ ᐅᒋ ᐊᒋ ᐎᐧᑯᒋᐃᑯᐎᔭᒄ ᒥᒋᑥᐅᓂᒡ ᐅᒡ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮