ᐊᑈᔅᑕᓇᒡ 16:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐸᐃᒂᐤ ᐊ ᐃᑐᑕᔭᒡ ᐊᓐᑕ ᐊᒪᒧᐎᓇᓄᐅᒡ ᐊ ᐊᔭᒥᐊᓄᒡ, ᓂᒋ ᓂᒋᔅᑯᐛᓇᓐ ᑯᐸᓇᔎᔅ ᐊ ᐱᒋᔅᑲᑯᑦ ᒥᒋ ᐊᒐᒂ, ᐊ ᐃᑐᑕᑯᑦ ᒐᒋ ᓂᑲᓐ ᐎᑕᐧᒃ ᑕᓐ ᒐ ᐃᔅᐱᔨᒡ᙮ ᓇᔅᒡ ᒪᒃ ᒋ ᐅᓱᓇᔭᓂᒥᐧᑯᐛᐤ ᐊᓂᔭᔪᐛ ᓇᐸᐛ ᑲ ᑎᐸᔨᒥᑯᑦ ᐊᓂᔭ ᐊ ᐃᑎᑦ᙮

ᐊᑈᔅᑕᓇᒡ 16:16 Iomraidhean Croise

ᐊᑈᔅᑕᓇᒡ 16:13

ᐊᓐ ᒪᒃ ᐊ ᐊᔭᒥᐊᐅᒋᓯᑲᒡ, ᓂᒋ ᓇᓯᐸᓇᓐ ᐊᓐᑕ ᓯᓱᒡ ᓯᐱᒡ ᐎᐎᑎᒥᒡ ᐊᓐᑕ ᐊᓐ ᐅᑕᓇᐤ ᐊ ᐃᑕᔨᑎᒪᒡ ᒐ ᒥᔅᑭᒧᐎᒋᑦ ᐊᓐᑕ ᒍᐤ ᐃᔪᒡ ᐊ ᐊᔭᒥᐊᒡ᙮ ᓂᒋ ᐊᐱᓇᓐ ᐊᑯ ᑲ ᐃᔨᒥᐃᒋᒡ ᐊᓐᒡ ᐃᔎᐅᒡ ᐊᓐᑕ ᑲ ᒪᒧᐎᒡ᙮

ᐊᑈᔅᑕᓇᒡ 16:18

ᐊᐅᑯᓐ ᑲ ᐃᑎᑦ ᐊᓯᑯᒻ ᒋᓯᑲᐛ, ᑈᓪ ᒐᒃ ᑲ ᐱᒋᔅᑲᒋᒥᑯᑦ, ᐊᑯ ᒂ ᒂᔅᒋᑲᐳᔅᑐᐛᑦ, ᒂ ᐃᑕᑦ ᐊᓂᔭ ᒥᒋ ᐊᒐᒂ, “ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ ᒪᒋ ᐎᐎᔾ ᐊᓐᑕ ᐊ ᑕᑦ !” ᐊᑯ ᐊᓐ ᐊᒐᐧᒄ ᑎᐛᒡ ᒂ ᐎᐎᑦ ᐊᓐᑕ ᐊᓂᔭ ᐃᔎᓴ ᐊ ᑕᔨᒋ ᐅᒡ᙮

ᐊᑈᔅᑕᓇᒡ 16:19

ᐃᔅᐱ ᒪᒃ ᐊᓐ ᐃᔎᔅ ᐊᓂᔭᔪᐛ ᐅᒋᒪᒪ ᑲ ᐛᐸᑎᒥᔨᒋ ᒐ ᐊᑲ ᒋ ᐅᓱᓇᔭᓂᒥᐧᑲᑯᒡ, ᒋ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ, ᐊᑯ ᑲ ᐃᑐᑕᐊᒡ ᐊᓐᑕ ᑲᒋ ᒪᒧᐎᔨᒋ ᐊᐛᔪᐛ ᐊᓐᑕ ᑲ ᑕᔨᒋ ᐊᓂᔭ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ᙮

ᐊᑈᔅᑕᓇᒡ 19:24

ᐛᔅ ᒋ ᑕᐤ ᐸᐃᒄ ᓇᐸᐤ ᐊᓐᑕ ᐃᐱᓴᔅ, ᑎᒥᑦᕆᔭᔅ ᐊ ᐃᓯᓂᐧᑲᓱᑦ ᐊ ᐅᓯᑕᑦ ᐊᔭᐱᓯᓯᔨᒋ ᒋᓴᐊᔭᒥᐊᐅᒋᐛᐱᓴ ᐊ ᒋᔅᒋᓄᐛᐸᑕᐧᒃ ᐊᓂᔭ ᐊᓐᑕ ᒥᔭᒥᒋᒪᑭᓄᔨᒋ ᐊᓂᔭ ᒥᓂᑐᐧᑲᓂᔎᐛ ᐊᕐᑎᒥᔅ ᑲ ᐃᓯᓂᐧᑲᓱᔨᒋ᙮ ᓱᓇᔭᐱᔎ ᒋ ᐊᐱᒋᐊᐤ ᐅᔭ ᐊ ᐅᓯᑕᑦ᙮ ᒋ ᐊᑕᐛᐤ ᒪᒃ ᐊᓂᔭᔪᐛ᙮ ᒋ ᐎᒋᐃᑯᔪᐛ ᒪᒃ ᐊᓂᔭ ᑲ ᐎᒐᐱᑎᓯᒥᑯᑦ ᐊᓂᔭ ᑕᓐ ᑲ ᐃᔅᐱᔅ ᒋ ᒥᔅᑎ ᐅᓯᑕᒡ ᓱᓇᔭᔪᐤ᙮

ᑲᓚᓯᔭᓇ 5:20

ᑭᔭ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᑭᔭ ᒪᒥᑕᐛᑎᓯᐅᓂᔪᐤ ᐊ ᒥᑯᔅᑲᒋᑲᐧᒄ᙮ ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᐛᐧᑲᑕᔨᒥᑐᐅᒡ, ᒪᒥᒋᐱᔨᐧᑲᑕᑐᐅᒡ, ᓇᔅᒡ ᑕᑈ ᐎᒋ ᐛᐅᑕᔨᒪᐅᒡ ᐊᐛᔪᐛ, ᐊᐧᑯᔪᐛᓱᐅᒡ, ᑭᔭ ᒧᔅ ᐎ ᓇᓂᑲᓇᔨᑕᑯᐃᓱᐅᒡ᙮ ᑕᑎᐸᓂᐱᔭᐊᐅᒡ ᐊᐛᔪᐛ ᑭᔭ ᑎᐸᓂᐃᓱᐅᒡ ᐎᔨᐛᐤ ᑕᓐ ᐛ ᐃᑎᒡ ᒐᒋ ᐃᑎᒡ᙮

1 ᑎᒧᑎ 6:10

ᐛᔅ ᓱᓇᔭᐤ ᐊ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ᐳᓂᒡ ᑯᑎᑭᒡ ᐊ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮

2 ᑎᒧᑎ 3:8

ᓂᔅᑯᔅᑎᒧᒡ ᑕᑈᐅᓂᔪᐤ ᐅᒡ ᓇᐸᐅᒡ ᒧᔭᒻ ᑕᓐ ᑲ ᐃᑎᔨᒋ ᐊᓂᔭᐧᑲ ᒐᓂᔅ ᑭᔭ ᒐᒻᐳᕆᔅ ᐊᒋ ᓂᔅᑯᔅᑐᐛᔨᒋ ᒧᓱᓴ᙮ ᓇᔅᒡ ᑕᑈ ᓇᒪ ᑯᐃᔅᑯᑯᑕᔪᐛ ᐅᒥᑐᓇᔨᒋᑭᓄᐛᐛ ᑭᔭ ᐅᑕᑈᑎᒧᐅᓄᐛᐤ ᓇᒪ ᑯᐃᔅᒄ ᐃᓯᓇᑯᓂᔪᐤ᙮

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮