ᐊᑈᔅᑕᓇᒡ 15:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓇᐅᔅ ᒪᒃ ᒋ ᐃᔭᔨᒧᑎᒧᒡ ᐅᔭ ᐊᑯ ᐱᑕᕐ ᒂ ᐅᒋ ᐱᓯᑯᑦ ᐊ ᐃᔅᒋᔄᑦ, “ᓂᐧᑲᓂᓯᑐᒄ, ᒋ ᒋᔅᒋᓯᓇᐛᐤ ᒋᓴᒪᓂᑐᐤ ᐊᒋ ᐅᑎᓂᑦ ᒐᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᐅᒋ ᐸᑕᒡ ᑭᔭ ᒐᒋ ᑕᑈᑕᒡ᙮

ᐊᑈᔅᑕᓇᒡ 15:7 Iomraidhean Croise

ᐊᒃᓱᑕᔅ 4:12

ᐊᑯ ᐃᑐᑕᒪ, ᒋᑭ ᐎᒋᐃᑎᓐ ᒐᒋ ᐃᔨᒥᔨᓐ ᑭᔭ ᒋᑭ ᐎᑎᒪᑎᓐ ᑕᓐ ᒐ ᐃᔅᒋᔄᔨᓐ᙮”

ᒠᓐ 15:16

ᓇᒪ ᒋᔨᐛᐤ ᒋ ᐅᒋ ᐎᔭᐱᒥᓇᐛᐤ, ᓂᔾ ᐊᐅᒄ ᑲ ᐅᑎᓂᑎᑯᒡ᙮ ᐊᓐ ᒪᒃ ᐊᒋ ᐅᑎᓂᑎᑯᒡ ᒋᑦ ᐃᑕᔨᒥᑎᓇᐛᐤ ᒐᒋ ᒥᔪ ᒥᓂᓱᐅᔭᒄ ᑭᔭ ᒧᔅ ᒐᒋ ᒥᔪ ᒥᓂᓱᐅᔭᒄ᙮ ᐊᑯ ᒪᒃ ᐅᑕᐎᒪᐤ ᒐ ᒥᔨᑕᒄ ᑕᓐ ᒥᒄ ᒐ ᐃᓯ ᓂᑐᑎᒧᐛᒄ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ᙮

ᒠᓐ 3:27

ᒠᓐ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓇᒪ ᐊᐛᓐ ᒋᑭ ᒋ ᐃᑐᑎᒻ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑕᔨᒥᑯᒐ ᒐᒋ ᐃᑐᑕᐧᒃ᙮

ᐊᑈᔅᑕᓇᒡ 1:16

ᐊᑯ ᒂ ᐃᑕᑦ, “ᓂᐧᑲᓂᓯᑐᒄ, ᐊᓐ ᑲ ᐃᓯ ᓂᑲᓐ ᐎᑕᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔭᐃᑕᔾ ᒋ ᓂᑐᐛᔨᑕᑯᓐ ᒥᓯᐛ ᒐᒋ ᐃᔅᐱᔨᒡ᙮ ᐊᐅᒄ ᐅᔭ ᑲ ᐸᔭᒋᓯᑦ ᐊᒐᐧᒄ ᑲ ᐃᓯ ᒥᔭᑦ ᐊᓂᔭ ᑎᐱᑕ ᒐᒋ ᓂᑲᓐ ᐎᑎᒥᔨᒋ ᑕᓐ ᒐ ᐃᑎᔨᒂᓂ ᒍᑎᓴ᙮ ᐊᐅᒄ ᐅ ᒍᑎᔅ ᑲ ᐃᑐᑕᐊᑦ ᐊᓯᒪᑭᓂᓴ ᒋᓴᓴ ᐊ ᑕᔨᒋ ᒐᒋ ᒪᑯᓇᔨᒋ᙮

ᐊᑈᔅᑕᓇᒡ 1:24

ᐊᑯ ᑲ ᐊᔭᒥᐊᒡ ᐊ ᐃᔅᒋᔄᒡ, “ᐅᑎᐸᔨᒋᒐᐤ, ᒋ ᒋᔅᒐᔨᒪᐤ ᒥᓯᐛ ᐊᐛᓐ ᑕᓐ ᒋᒋᐛ ᐊ ᐃᑕᔨᑕᑯᓯᑦ᙮ ᐸᒋ ᐛᐸᑎᔨᓇᓐ ᑕᓐ ᐊᓐ ᐛᑎᓂᑦ ᐅᒡ ᓇᐸᐅᒡ ᐊ ᓂᓯᒡ,

ᐊᑈᔅᑕᓇᒡ 10:19

ᐱᑕᕐ ᒪᒃ ᐊᔅᒄ ᒋ ᒪᒥᑐᓇᔨᑎᒻ ᑕᓐ ᒋᐸ ᒋ ᐃᓯ ᐎᑎᒪᒐᒥᑭᓂᔪᐤ ᐊᓂᔭᔪᐤ ᑲ ᐃᓯ ᐛᐸᑎᔭᑭᓄᐅᑦ᙮ ᐊᑯ ᒂ ᐃᑎᑯᑦ ᑲ ᐸᔭᒋᓯᔨᒋ ᐊᒐᒂ, “ᓂᑐᑕ ᒪ, ᓂᔅᑐᐅᒡ ᐅᑕ ᓇᐸᐅᒡ ᐊ ᐸᒋ ᓇᓂᑐᐛᔨᒥᔅᒡ᙮

ᐊᑈᔅᑕᓇᒡ 10:20

ᒪᒋ ᓂᑎᒋᐛ ᒐ ᐊᔭᔅᑯᐎᔨᓐ, ᑭᔭ ᐊᑲᐎᔾ ᐅᒋ ᓇᓂᑲᐎ ᒐᒋ ᐎᒐᐅᑥᐤ᙮ ᐛᔅ ᓂᔾ ᓂᒋ ᐸᒋ ᐃᑎᓴᐛᐅᒡ᙮”

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 15:14

ᓴᐃᒥᓐ ᐱᑕᕐ ᔅᒋ ᐎᑎᒪᑭᓄᐤ ᑕᓐ ᑲ ᐃᑎᑦ ᒋᓴᒪᓂᑐᐤ ᓂᔅᑎᒻ ᑲ ᐛᐸᑎᔨᐛᑦ ᐊᑲ ᒥᒄ ᒍᐤ ᐃᔪᐛ ᐅᒋ ᐅᑎᓇᑦ, ᑯᑎᑲ ᐊᐛᔪᐛ ᑭᔭ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮

ᐊᑈᔅᑕᓇᒡ 15:2

ᑈᓪ ᑭᔭ ᐸᕐᓇᐸᔅ ᒋ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ᐛᐸᑎᔭᐅᒡ ᑕᑈ ᐊ ᐅᓂᐱᔨᒡ ᐊᓂᔭ ᐊ ᐃᔅᒋᔄᔨᒡ᙮ ᐊᑯ ᒂ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ᒋᔅᑯᑎᒪᒐᓄᐎᒡ᙮

ᐊᑈᔅᑕᓇᒡ 15:39

ᐊᑯ ᑲ ᒥᒋᐱᔨᒡ ᐸᕐᓇᐸᔅ ᑭᔭ ᑈᓪ ᐅᔭ ᐅᒋ, ᐊᑯ ᑕᑎᐸᓐ ᒂ ᐃᑐᑕᒡ᙮ ᐸᕐᓇᐸᔅ ᒋ ᔅᑐᑕᐊᐤ ᐊᓂᔭ ᒠᓐ-ᒪᕐᑲ, ᐊᓐᑕ ᓴᐃᐳᕋᔅ ᐊᑯᑕ ᑲ ᐃᑕᓯᒡ ᐊ ᒥᓴᔨᒡ ᐅᑎᓂᔪᐤ ᐊ ᐊᐱᒋᑕᒡ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 21:16

ᐱᔅᒐ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᓯᓴᕆᔭ ᑲ ᐅᒋᒡ ᓂᒋ ᐎᒐᐅᑯᓇᓂᒡ, ᐊᑯ ᒂ ᐃᑐᑕᐃᔨᒥᒡ ᐊᓐᑕ ᓇᐸᐛ ᒥᓇᓱᓐ ᐊ ᐃᓯᓂᐧᑲᓱᔨᒋ ᐊ ᑕᔨᒋ᙮ ᐊᑯᑕ ᐊᓐ ᓂᐸ ᐃᑕᐛᓇᓐ ᐎᒋᒡ᙮ ᐊᓐᑕ ᓴᐃᐳᕋᔅ ᒋ ᐅᒋᐤ ᐅ ᒥᓇᓱᓐ᙮ ᓴᔅ ᐛᔅᑭᒡ ᒋ ᑕᑈᔭᔨᒪᐤ ᐎᔾ ᒋᓴᓴ᙮

ᐊᑈᔅᑕᓇᒡ 3:18

ᒋᓴᒪᓂᑐᐤ ᒋ ᒥᔭᐤ ᐊᓂᔭᔪᐛ ᐅᒋᔅᒋᐛᐃᒐᓱᐛ ᒐᒋ ᓂᑲᓐ ᐎᑎᒥᔨᒋ ᒐ ᐛᐎᓯᒐᔨᑎᒥᔨᒋ ᙭ᑕ ᐊᓂᔭᔪᐛ ᑲ ᐅᑎᓇᑦ᙮ ᒋᓴᒪᓂᑐᐤ ᒪᒃ ᒋ ᑎᐱᐱᔨᑕᐤ ᐅᔭ᙮

ᐊᑈᔅᑕᓇᒡ 4:25

ᑲ ᐸᔭᒋᓯᑦ ᐊᒐᐧᒄ ᒋ ᐊᓱᐤ ᐎᑎᒧᐛᐤ ᑎᐱᑕ, ᒋᑦ ᐊᐱᒋᐊᑭᓇ ᐊᓂᔭᔪᐤ ᒋᔾ ᑕᓐ ᑲ ᐎ ᐃᔅᒋᔄᐅᑦ, ᒋ ᐃᔅᒋᔄᐤ ᒪᒃ, ᒐᒂᔪᐤ ᐛᒋ ᒋᔄᓯᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ᙮ ᒐᒂᔪᐤ ᐛᒋ ᐃᑕᔨᑕᒡ ᐊᐛᓐᒋ ᒐᒋ ᐃᑐᑕᒡ ᐊᓂᔭᔪᐤ ᒐᒂᔪᐛ ᐊᑲ ᐊᐱᑎᓂᔨᒋ᙮

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

ᐱᓕᐱᔭᓇ 2:14

ᐃᑐᑎᒧᒄ ᒥᓯᐛ ᒐᒂᓐ ᐊᑲ ᒥᔅᑎ ᐊᔭᒥᑐᑎᒪᒄ ᑭᔭ ᐊ ᐊᑲ ᒪᒥᒋᐱᔨᐃᑐᔭᒄ᙮