ᐊᑈᔅᑕᓇᒡ 15:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ ᒋ ᒪᒧᐎᐅᒡ ᐊ ᐃᔭᔨᒺᐛᐃᑯᒡ ᐅᔭ ᑲ ᐃᓯ ᑯᒂᒋᔅᒐᔨᒧᓇᓄᐎᒡ᙮

ᐊᑈᔅᑕᓇᒡ 15:6 Iomraidhean Croise

ᒪᑎᔪᐤ 18:20

ᐛᔅ ᐊᑎ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒪᐅᒋᐃᑐᑥᐛ ᓂᑦ ᐃᓯᓂᐧᑲᓱᐅᓂᒡ ᐅᒋ, ᐊᑯᑕ ᑭᔭ ᓂᔾ ᒐ ᑕᔭᓐ᙮”

ᐊᑈᔅᑕᓇᒡ 11:30

ᐊᐅᑯᓐ ᒪᒃ ᑲ ᐃᑎᒡ᙮ ᒋ ᐃᑎᓴᐛᐅᒡ ᐸᕐᓇᐸᓴ ᑭᔭ ᓴᓚ ᒐᒋ ᐃᑐᑕᔨᒋ ᐊᓂᔭ ᓱᓇᔭᔪᐤ ᐊᓐᑕ ᒋᕈᓯᓕᒥᒡ ᒐᒋ ᒥᔭᔨᒡ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ᙮

ᐊᑈᔅᑕᓇᒡ 15:2

ᑈᓪ ᑭᔭ ᐸᕐᓇᐸᔅ ᒋ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ᐛᐸᑎᔭᐅᒡ ᑕᑈ ᐊ ᐅᓂᐱᔨᒡ ᐊᓂᔭ ᐊ ᐃᔅᒋᔄᔨᒡ᙮ ᐊᑯ ᒂ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ᒋᔅᑯᑎᒪᒐᓄᐎᒡ᙮

ᐊᑈᔅᑕᓇᒡ 15:22

ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᓇᐊᔨᑎᒥᐃᑯᐅᒡ ᑕᓐ ᑲ ᐃᔅᒋᔄᔨᒋ ᒋᒥᓴ ᐊᑯ ᒂ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ᓂᑐᐛᐱᒪᔨᒋ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ᐎᒋᐃᐛᐅᒡ ᐊ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮

ᐊᑈᔅᑕᓇᒡ 15:25

ᐊᐅᒄ ᒪᒃ ᐛᒋ ᒪᒧᐎᔭᒡ ᐅᑕ, ᓂᒋ ᐎᔭᔨᑕᓇᓐ ᒪᒃ ᒐᒋ ᐃᑎᓴᐅᒋᒡ ᐊᐛᓐᒋ ᐊᓐᑕ ᐊ ᑕᐛᒄ᙮ ᒋᑭ ᐸᒋ ᐎᒐᐛᐅᒡ ᑈᓚ ᑭᔭ ᐸᕐᓇᐸᓴ, ᐊᓂᔭᔪᐛ ᓂᐎᒐᐛᑭᓇᓇ ᑲ ᓴᒋᐃᒥᒋᒋ᙮

ᐊᑈᔅᑕᓇᒡ 15:4

ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ, ᓇᔅᒡ ᒋ ᓇᐊᔨᑎᒥᔪᐛ ᐊᓂᔭᔪᐛ ᐊᑈᔅᑕᓇ ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭ ᑯᑎᑲ ᐅᒪᒧᐊᔭᒥᐊᐛ, ᐊᑯ ᒂ ᐛᐎᑎᒧᐛᒡ ᑕᓐ ᑲ ᐃᓯ ᐃᑐᑎᒪᑯᒡ ᒋᓴᒪᓂᑐᐛ᙮

ᐊᑈᔅᑕᓇᒡ 16:4

ᐊᓂᔭ ᒪᒃ ᐊ ᐊᑎ ᔭᓂᔅᒐᔅᑲᒡ ᐅᑕᓇᐛ ᒋ ᐛᐎᑎᒧᐛᐅᒡ ᐅᒪᒧᐊᔭᒥᐊᐤ ᑕᓐ ᑲ ᐃᓯ ᐎᔭᔨᑎᒥᔨᒋ ᐊᑈᔅᑕᓇ ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᐊᓐᑕ ᒋᕈᓯᓕᒥᒡ ᑕᓐ ᒋᐸ ᐃᓯ ᓂᓇᑭᑐᐛᔨᑎᒧᒡ᙮

ᐊᑈᔅᑕᓇᒡ 21:18

ᒥᓐ ᒪᒃ ᐎᔭᐸᒡ ᓂᒋ ᓂᑐᐛᐱᒪᓇᓐ ᒋᒥᔅ ᒥᓯᐛ ᐊᓐᑕ ᐊ ᑎᓯᔭᒡ᙮ ᑈᓪ ᑭᔭ ᓂᒋ ᐎᒐᐅᑯᓇᓐ᙮ ᒥᓯᐛ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᒋ ᑕᐅᒡ ᐊᓐᑕ ᒋᒥᓴ ᐊ ᑕᔨᒋ᙮

ᐊᑈᔅᑕᓇᒡ 6:2

ᐊᑯ ᒪᒃ ᐊᓐᒡ ᓂᓱᓴᑉ ᐊᑈᔅᑕᓇᒡ ᒋ ᐎᓴᒪᐅᒡ ᒥᓯᐛ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ᐃᑕᒡ, “ᓇᒪ ᑯᐃᔅᑯᓇᑯᓐ ᐊᑲ ᐃᔭᔅᐱᓯᔭᒡ ᒐᒋ ᑭᒐᔅᒋᒧᔭᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᓂᔭᓐ ᐊ ᓂᓇᑭᑐᐛᔨᑎᒪᒡ ᒐᒋ ᒥᔪ ᐊᓯᒪᑭᓄᐎᒡ ᐊᓐᒡ ᑲ ᐸᐃᑯᓯᒡ ᐃᔎᐅᒡ᙮

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᐃᑉᕈᐛ 13:7

ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ᐃᑕᑎᓯᒡ ᑭᔭ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᑕᑈᑕᒡ᙮