ᐊᑈᔅᑕᓇᒡ 15:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᒍᑎᔅ ᑭᔭ ᓴᓂᔅ ᐊ ᐅᒋᔅᒋᐛᐃᒐᓱᐅᒡ ᑭᔭ ᐎᔨᐛᐤ, ᓇᐅᔅ ᒋ ᐃᔨᒪᐊᐅᒡ ᐊᓂᔭ ᐎᐧᑲᓂᓯᒪᐛ, ᑭᔭ ᐊᑐᐎᔅ ᒂ ᐊᑎ ᓱᒋᑲᐳᔨᒋ᙮

ᐊᑈᔅᑕᓇᒡ 15:32 Iomraidhean Croise

ᒪᑎᔪᐤ 23:34

ᐊᑯ ᒋᓴᔅ ᒂ ᐃᑕᑦ, “ᐊᐅᒄ ᒪᒃ ᐅ ᐛᒋ ᐃᑎᑎᑯᒡ, ᓂᑭ ᐸᒋ ᐃᑎᓴᐛᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑭᒐᑕᐛᔨᑕᒡ ᑭᔭ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᐃᔭᐱᒡ ᒪᒃ ᐛᔅ ᐊᑯᓐ ᒐ ᐃᓯᓇᑯᓯᔭᒄ ᐊ ᓂᓂᐸᐊᑯᒡ ᐱᔅᒐ, ᑯᑎᑭᒡ ᐊ ᒋᔅᑕᔎᑕᑯᒡ ᒋᐱᔭᑎᑯᒡ ᑭᔭ ᑯᑎᑭᒡ ᐊ ᐸᐱᓯᔅᑕᐛᑯᒡ ᐊᓐᑕ ᒋᒋᓴᐊᔭᒥᐊᐅᒋᐛᐳᐛᒡ, ᑭᔭ ᓂᓇᐧᑯᐤ ᐅᑕᓇᒡ ᐊ ᐃᑕᒧᒐᔭᒄ᙮

ᓗᒃ 11:49

ᐊᐅᒄ ᒪᒃ ᐛᒋ ᐃᔅᒋᔄᑦ ᑲ ᑭᒐᑕᐛᔨᑕᐧᒃ ᒋᓴᒪᓂᑐᐤ, ‘ᓂᑭ ᐃᑎᓴᐊᒧᐛᐅᒡ ᐊᓐᒡ ᐃᔪᒡ ᐅᒋᔅᒋᐛᐃᒐᓱᐛ, ᑭᔭ ᐊᑈᔅᑕᓇ᙮ ᒥᒄ ᒪᒃ ᐱᔅᒐ ᒋᑭ ᓂᐸᐊᐅᒡ, ᑭᔭ ᑯᑎᑲ ᒋᑭ ᓂᓇᐧᑲᒋᐊᐅᒡ᙮’ ᐊᐅᒄ ᒪᒃ ᑲ ᐃᔅᐱᔨᒡ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ᙮

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 11:27

ᒪᒂᒡ ᒪᒃ ᐅᔭ ᑲ ᐃᑎᒡ ᐸᕐᓇᐸᔅ ᑭᔭ ᓴᓪ ᐊᓐᑕ ᐊᓐᑎᔭᑭᒡ, ᐱᔅᒐ ᐊᓐᒡ ᐅᒋᔅᒋᐛᐃᒐᓱᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ, ᒋᕈᓯᓕᒥᒡ ᐊ ᐅᑐᑕᒡ᙮

ᐊᑈᔅᑕᓇᒡ 13:1

ᐊᓐᑕ ᒪᒃ ᐊᓐᑎᔭᑭᒡ ᑲ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ᐅᒋᑦ, ᑭᔭ ᒪᓇᐃᓐ ᐊᓐ ᑲ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ᓂᑕᐅᒋᓇᑭᓄᔨᒋ ᑭᔭ ᓴᓪ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᐊᑈᔅᑕᓇᒡ 15:1

ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ᐱᒐᒡ ᑲ ᐊᑎ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᑲ ᑕᔨᒋ, ᐊ ᐃᑕᒡ, “ᓇᒪ ᒋᑭ ᒋ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”

ᐊᑈᔅᑕᓇᒡ 15:22

ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᓇᐊᔨᑎᒥᐃᑯᐅᒡ ᑕᓐ ᑲ ᐃᔅᒋᔄᔨᒋ ᒋᒥᓴ ᐊᑯ ᒂ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ᓂᑐᐛᐱᒪᔨᒋ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ᐎᒋᐃᐛᐅᒡ ᐊ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮

ᐊᑈᔅᑕᓇᒡ 15:27

ᐊᑯ ᒪᒃ ᒍᑎᔅ ᑭᔭ ᓴᓂᔅ ᓂᒋ ᐅᑎᓇᓇᓂᒡ ᒐᒋ ᐎᑎᒪᑕᑯᒡ ᑕᓐ ᐊᓐ ᐊ ᐃᑕᔨᑎᒪᒡ ᐊᓐ ᑲ ᐃᓯ ᒋᔅᑯᑎᒪᑯᔭᒄ᙮ ᐊᐅᑯᓐ ᒪᒃ ᒧᔭᒻ ᒐ ᐃᓯ ᐎᑎᒪᑎᑯᒡ ᑭᔭ ᐎᔨᐛᐤ ᑕᓐ ᐊ ᐃᓯ ᒥᓯᓇᐊᒪᑕᒡ ᐅᑕ᙮

ᐊᑈᔅᑕᓇᒡ 15:3

ᐊᑯ ᒂ ᐃᑐᑕᒡ ᐊᓐᑕ ᑲ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ᓴᐳᐛᔅᑭᒧᒡ ᐊ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ᑕᔨᒋ ᐊ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮

ᐊᑈᔅᑕᓇᒡ 15:31

ᐊᓐᒡ ᒪᒃ ᐃᔪᒡ ᐃᔅᐱ ᑲ ᐃᔨᒥᑕᒡ ᐊᓂᔭ ᒥᓯᓇᐃᑭᓂᔪᐤ, ᒥᓯᐛ ᒋ ᒥᔽᔨᑎᒧᒡ ᑭᔭ ᒋ ᐅᐱᓂᑯᐅᒡ᙮

ᐊᑈᔅᑕᓇᒡ 15:41

ᐊᑯ ᐊᓐᑕ ᓯᕆᔭᒡ ᑭᔭ ᓯᓕᓯᔭᒡ ᑲ ᐃᑐᑕᑦ ᑈᓪ, ᒥᓯᐛ ᒪᒃ ᐊᓐᑕ ᑲ ᐊᑎ ᐃᔨᒪᐊᑦ ᐅᒪᒧᐊᔭᒥᐊᐛ ᒥᓯᐛ ᒋ ᐎᒋᐊᐤ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 18:23

ᐊᑯᑕ ᑲ ᑕᑦ ᐛᐃᐱᔅᒋᔅ ᐊᑯ ᒥᓐ ᒂ ᔅᑐᑕᑦ᙮ ᐊᑯ ᐊᓐᑕ ᐊᔅᒋᒡ ᑲᓚᓯᔭ ᑭᔭ ᐳᕆᒋᔭ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐃᑐᑕᑦ, ᐊ ᐃᔨᒪᐊᑦ ᐊᓂᔭ ᒋᓴᓴ ᑲ ᑕᑈᔭᔨᒪᔨᒋ ᒐᒋ ᐊᔨᒋᑲᐳᔨᒋ᙮

ᐊᑈᔅᑕᓇᒡ 2:40

ᓇᐅᔅ ᒋ ᐃᔨᒪᐊᐤ ᐱᑕᕐ ᐊᓂᔭᔪᐛ ᐃᔪᐛ᙮ ᒋ ᐃᔭᒂᒥᒪᐤ, ᐊ ᐃᑕᑦ, “ᐎᐧᑯᒋᐃᓱᒄ ᒐ ᐊᑲ ᒋ ᐛᐛᓯᐃᑯᐅᔭᒄ ᒋᔨᐛᐤ ᑕᓐ ᒐ ᐃᓯ ᐛᐛᓯᐊᑭᓄᐅᒡ ᐅᒡ ᑲ ᒥᒐᑎᓯᒡ᙮”

ᐊᑈᔅᑕᓇᒡ 20:2

ᐊᓂᔭ ᒪᒃ ᐊ ᐊᑎ ᐱᒧᑕᑦ ᐊᓐᑕ ᐊᓂᔭ ᐊᔅᒋᔪᐤ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᒋ ᐊᑎ ᐛᐱᒪᐤ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᓂᓇᐧᑯᐤ ᐅᑕᓇᒡ ᑲ ᐊᑎ ᑕᔨᒋ ᐊᓐᑕ ᐃᑕᒐ᙮ ᐊᐅᒄ ᐅᔭ ᒥᓐ ᑲ ᓯᒋᒪᑦ ᒐᒋ ᐊᔨᒋᑲᐳᔨᒋ ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑭᔭ ᐊ ᐃᓯ ᐱᒪᑎᓯᔨᒋ᙮ ᒐᒃ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ᐊᑎ ᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:6

ᒥᓯᐛ ᐊ ᑎᓯᔭᐧᒄ ᓂᓇᐧᑯᐤ ᒥᔨᐛᐅᓇ ᔅᒋ ᒥᔨᑯᓄᐤ ᒋᓴᒪᓂᑐᐤ᙮ ᒋᐸ ᐊᐱᒋᑕᓇᓄᐤ ᒪᒃ ᐅᔭ ᒥᔨᐛᐅᓇ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᐃᔨᒥᔅᑎᒧᐛᑦ ᒋᓴᒪᓂᑐᐛ ᐊ ᐎᑎᒧᐛᑦ ᐊᐛᔪᐛ ᑕᓐ ᐊ ᐃᑎᑯᐎᔨᒋ ᒋᓴᒪᓂᑐᐛ ᐊᔪᐅᒄ ᒋᐸ ᐃᑐᐤ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᒐᒋ ᐃᑎᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:8

ᐊ ᑕᒂ ᐊᐛᓐ ᐊᒋ ᒥᔭᑭᓄᐅᑦ ᒐᒋ ᓯᒋᒧᐛᑦ ᐊᓐᑕ ᐊᑲ ᐛ ᓴᐸᔨᑕᑭᓄᔨᒋ ᐊᐅᑯᓐ ᒋᐸ ᐃᑐᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᐛᐎᒋᐊᑦ ᐊᐛᔪᐛ ᑕᓐ ᐊ ᐃᓯ ᓄᑕᐱᔨᒋ ᐊᑯᔅ ᒋᑭ ᐎ ᐛᔪᐅᒡ ᒥᔨᐛᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᓂᑲᓂᔅᑲᒐᑦ ᓱᒃ ᒋᐸ ᐎ ᑭᔅᒋᐅᐤ ᐊᓂᔭ ᐊ ᐃᑕᐱᑎᓯᑦ᙮ ᐊᑯ ᒪᒃ ᑲ ᒥᔭᑭᓄᐅᒂ ᐊᐛᓐ ᒐᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᒪᒃ ᐊᓂᔭᔪᐛ ᑲ ᒥᓯᒪᔨᑎᒥᔨᒋ ᒋᐸ ᒥᔽᔨᑎᒻ ᐊᓂᔭ ᐊ ᐃᑐᑕᐧᒃ᙮

1 ᑯᕆᓐᑎᔭᓇ 1:8

ᐎᔾ ᒋᑭ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ᑎᑯᓐ ᑕᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮

1 ᑯᕆᓐᑎᔭᓇ 14:29

ᑭᔭ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒋᐸ ᒋᔅᒋᐛᐃᒐᐅᒡ ᐊᓐᑕ ᐊ ᐃᔨᒪᐊᓄᐎᒡ᙮ ᐊᑯ ᐊᓐᒡ ᑯᑎᑭᒡ ᐃᔭᒂ ᒋᐸ ᓂᑐᑎᒧᒡ ᑭᔭ ᐃᔭᒂ ᒋᐸ ᓇᓂᑐ ᒋᔅᒐᔨᑎᒧᒡ ᑎᔭᑈᒥᑭᓂᒂ ᑕᓐ ᐊ ᐃᓇᓄᐎᒡ᙮

1 ᑯᕆᓐᑎᔭᓇ 14:3

ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᐎᒋᐊᐤ ᑯᑎᑲ ᐊᐛᔪᐛ, ᐅᐱᓇᐤ ᑭᔭ ᒥᔽᔨᒧᐊᐤ᙮

1 ᑯᕆᓐᑎᔭᓇ 14:32

ᐊᐛᓐ ᑲ ᒋᔅᒋᐛᐃᒐᑦ ᒋᐸ ᒋᔅᒐᔨᑎᒻ ᑕᐃᔅᐱ ᒐ ᐃᔨᒥᑦ ᑭᔭ ᑕᐃᔅᐱ ᒋᐸ ᐳᓂᐤ ᐊ ᐃᔨᒥᑦ᙮

ᐃᐱᓯᔭᓇ 3:5

ᐛᔅᑭᒡ ᐊᓐᑕ ᓇᒪ ᐅᒋ ᒥᔭᑭᓄᐎᒡ ᐊᐛᓐᒋ ᒐᒋ ᒋᔅᒐᔨᑕᒡ ᐅᔭ᙮ ᐊᓄᒡ ᒪᒃ ᒋᓴᒪᓂᑐᐤ ᒋ ᐎᑎᒧᐛᐤ ᑲ ᐸᔭᒋᓯᔨᒋ ᐅᑦ ᐊᑈᔅᑕᓂᒪ ᑭᔭ ᐅᒋᔅᒋᐛᐃᒐᓯᒪ ᐅᔭ ᐅᑦ ᐊᒐᒂ ᐅᒋ᙮

1 ᑕᓴᓗᓂᔭᓇ 2:11

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ᐛᐎᒋᐊᑦ ᐅᑦ ᐊᐛᓯᒪ᙮

1 ᑕᓴᓗᓂᔭᓇ 3:2

ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

1 ᑕᓴᓗᓂᔭᓇ 5:20

ᐊᑲᐎᔾ ᒪᔭᔨᑎᒺᐧᒄ ᐊᓂᔭ ᑕᓐ ᐊ ᐃᓯ ᓂᑲᓐ ᐎᑕᐧᒃ ᐊᐛᓐ ᒋᓴᒪᓂᑐᐛ ᑲ ᐃᔨᒥᔅᑎᒧᐛᑦ᙮

2 ᑕᓴᓗᓂᔭᓇ 3:12

ᓂᓯᒋᒪᓇᓂᒡ ᐅᒡ ᐊᐛᓐᒋ ᑭᔭ ᓂᑦ ᐃᔭᒂᒥᒪᓇᓂᒡ ᐅᑎᐸᔨᒋᒐᐛ ᒋᓴᓴ ᐊ ᑕᔨᒋ ᐃᓯ ᐊ ᐃᑎᒋᒡ, ᒋᔭᒻ ᐃᓯ ᐱᒪᑎᓯᒄ ᑭᔭ ᐊᑐᔅᒐᒄ ᐊᓐᑕ ᒐᒋ ᐅᒋ ᐱᒥᓂᑎᓱᔭᒄ᙮

1 ᑎᒧᑎ 2:1

ᒪᐅᒡ ᒪᒃ ᓂᔅᑎᒻ ᐊ ᐃᓯ ᐱᑯᓴᔨᒧᔭᓐ ᐊᐅᒄ ᐅ ᒧᔅ ᓂᓇᐧᑯᐤ ᒐᒋ ᐃᓯ ᐊᔭᒥᐊᔅᑎᒧᐛᑯᒡ ᒥᓯᐛ ᐊᐛᓐᒋ᙮ ᒐ ᓂᑐᑎᒪᔭᒄ ᒐᒋ ᒥᔭᑭᓄᐅᒡ ᑕᓐ ᐊ ᐃᓯ ᓂᑐᐛᔨᑕᒡ ᑭᔭ ᒧᔅ ᒐᒋ ᓂᓇᔅᑯᒪᒄ ᒋᓴᒪᓂᑐᐤ ᐎᔨᐛᐤ ᐅᒡ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

1 ᐱᑕᕐ 5:1

ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ᑕᔭᒄ ᐊ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

1 ᐱᑕᕐ 5:12

ᑕᐤ ᐸᐃᒄ ᓂᐧᑲᓂᔅ ᐊ ᑕᑈᐅᒐᔨᑕᑯᓯᑦ ᐊ ᐃᑕᔨᒥᒃ᙮ ᓴᓂᔅ ᐃᓯᓂᐧᑲᓱᐤ᙮ ᐊᐅᒄ ᐅ ᑲ ᐎᒋᐃᑦ ᐅᔭ ᐊᐱᓯᔅ ᐊ ᒥᓯᓇᐊᒪᑎᑯᒡ᙮ ᐅ ᒪᒃ ᑲ ᒥᓯᓇᐊᒪᑎᑯᒡ ᒋ ᐎ ᓯᒋᒥᑎᓇᐛᐤ ᒐᒋ ᐊᔨᒋᑲᐳᐅᔭᒄ ᑭᔭ ᒋ ᐎ ᒐᔅᑎᓇᑕᔨᑎᒥᐃᑎᓇᐛᐤ ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲ ᐊᔨᒧᑎᒪᑕᒡ᙮ ᐊᑯᑕ ᒪᒃ ᐊᓐᑕ ᐅᓱᐛᔨᒋᒐᐅᓂᒡ ᐃᔅ ᐊᔨᒋᑲᐳᐅᐛᒄ᙮