ᐊᑈᔅᑕᓇᒡ 15:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒐ ᐊᑲ ᒋ ᒧᐛᒄ ᐊᐛᓯᔅ ᐊᒋ ᒥᑐᔅᑕᐊᒧᐛᑭᓄᐅᑦ ᒥᓂᑐᐧᑲᓐ, ᒐ ᐊᑲ ᒋ ᒥᒍᐛᒄ ᐅᒥᐧᒄ ᑭᔭ ᒐ ᐊᑲ ᒋ ᒧᐛᑯᒡ ᐊᓐᒡ ᐊᐛᓯᓯᒡ ᐊᒋ ᒋᐳᑕᒪᐱᐧᑲᑕᑭᓄᐎᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ᙮ ᒋᑭ ᒥᔪᐱᔨᓇᐛᐤ ᐃᑐᑎᒪᒂ ᐅ ᑲ ᐃᑎᓱᒥᑕᒡ᙮ ᒋ ᐛᒋᔭᒥᑎᓇᓐ ᒪᒃ ᒥᓯᐛ ᐊ ᑎᓯᔭᒄ᙮ ᐛᒋᔭ᙮”

ᐊᑈᔅᑕᓇᒡ 15:29 Iomraidhean Croise

ᒐᓂᓯᔅ 9:4

ᒥᒄ ᑕᐸ ᒋᑭ ᒋ ᒥᒍᐛᓇᐛᐤ ᐎᔭᔅ ᐊᐛᓯᔅ ᐊᔅᒄ ᐊᑲ ᓯᑯᓂᒺᒄ ᐅᒥᐧᒄ, ᐛᔅ ᐊᐅᑯᔪᐤ ᐊᓂᔭ ᐅᑦ ᐃᔪᐎᓐ᙮

ᓗᒃ 9:61

ᒥᓐ ᑯᑎᒃ ᓇᐸᐤ ᒋ ᐃᑕᐤ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᒋᑭ ᐱᐸᐎᒐᐅᑎᓐ, ᒥᒄ ᒪᒃ ᓂᔅᑎᒻ ᓂᑭ ᒋᐛᓐ ᐊᑯ ᒐ ᐛᒋᔭᒥᒂᐤ ᓂᒋᐃᑯᒡ ᑭᔭ ᓂᐧᑲᓂᓯᒡ᙮”

ᐊᑈᔅᑕᓇᒡ 15:20

ᒋᐸ ᒥᓯᓇᐊᒧᐛᓄᐅᒡ ᐅᒡ ᐊ ᐎᑎᒧᐛᐧᑯᒡ ᐅᔭ ᒐᒋ ᐃᓯ ᓂᓇᑭᑐᐛᔨᑕᒡ᙮ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ, ᑭᔭ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᒪᒃ ᑭᔭ ᒥᐧᑯᔪᐤ ᒐᒋ ᒥᒋᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᒡ᙮

ᐊᑈᔅᑕᓇᒡ 18:21

ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᐊᑈᔅᑕᓇᒡ 21:25

ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᑕᑈᑕᒡ ᓇᒪ ᓂᑐᐛᔨᑕᑯᓱᐅᒡ ᒥᓯᐛ ᒐᒋ ᐃᓯ ᓂᓇᑭᑐᐛᔨᑕᒡ ᑕᓐ ᐊ ᐃᑎᔅᑕᔨᒡ ᒧᓱᓴ ᐅᐎᓱᐛᐅᓂᔪᐤ᙮ ᓂᒋ ᒥᓯᓇᐊᒺᓇᓐᒡ ᒪᒃ ᐊ ᐎᑎᒧᐅᒋᒡ ᑕᓐ ᑲ ᐃᓯ ᐎᔭᔨᑎᒧᐎᒋᑦ ᒐᒋ ᐃᓯ ᓂᓇᑭᑐᐛᔨᑕᒡ, ᐊᐅᒄ ᐊᓂᔭ ᒐ ᐊᑲ ᒋ ᒥᒋᒡ ᒐᒂᔪᐤ ᐊ ᐃᔅᑯᐱᔨᒡ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓐ, ᑭᔭ ᒐ ᐊᑲ ᒋ ᒥᒋᒡ ᒥᐧᑯᔪᐤ ᑭᔭ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᑭᔭ ᒐ ᐊᑲ ᒋ ᐱᓯᒂᑎᓯᒡ᙮”

ᐊᑈᔅᑕᓇᒡ 23:30

ᒐᒃ ᒂ ᐎᑎᒪᑯᔭᓐ ᐊ ᑕᔨᒋ ᒍᐤ ᐃᔪᐛ ᐊ ᐎ ᓂᐸᐃᑯᑦ, ᐊᑯ ᒂ ᐃᑕᔨᑎᒪᓐ ᒐᒋ ᐃᑎᓴᐅᒃ ᐊᓐᑕ ᐊ ᑕᔨᓐ᙮ ᐊᑯ ᒪᒃ ᐛ ᐃᑎᒂᐤ ᐊᓐᒡ ᑲ ᐃᔅᒋᔄᒡ ᐊᑲ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ, ᒐᒋ ᐎᑎᒪᔅᒡ ᑕᓐ ᐊ ᐃᓯ ᒪᒥᓯᒪᒡ᙮ ᒐ ᐛᑕᔨᑎᒥᓐ ᒪᒃ ᑕᓐ ᒐ ᐃᑐᑐᐛᑭᓄᐅᑦ᙮ ᒋ ᐛᒋᔭᒥᑎᓐ ᒪᒃ᙮”

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

1 ᑎᒧᑎ 5:22

ᐊᑲᐎᔾ ᐛᓴ ᐎᐱᒡ ᒋᑭ ᐅᒋ ᑕᒋᓇᐤ ᐊᐛᓐ ᑭᔭ ᒐᒋ ᐎᒋᐃᑦ ᐊᐛᓐ ᐊ ᒥᒋᑐᑕᐧᒃ᙮ ᓱᒃ ᒥᔪ ᑭᓄᐛᔨᒥᓱᐤ ᒐᒋ ᐸᔭᒋᓇᒂᒡ ᒋᐱᒪᑎᓯᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

1 ᒠᓐ 5:21

ᐊᐛᓯᑐᒄ, ᐃᔭᒂᒥᒄ ᒐ ᐊᑲ ᒋ ᐊᔭᒥᐊᔅᑐᐛᑯᒡ ᒥᓂᑐᐧᑲᓐᒡ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 2:14

ᒋ ᐎ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᓂᑐᑐᐛᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ᒥᒋᔨᒋ ᒐᒂᔪᐤ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 2:20

ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮