ᐊᑈᔅᑕᓇᒡ 15:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᐅᒄ ᐅᔭ ᑲ ᐃᔅᒋᔄᑦ ᐅᑎᐸᔨᒋᒐᐤ ᐊᓐ ᐛᔅᑭᒡ ᑲ ᒋᔅᒐᔨᑕᑯᑕᑦ ᐅᔭ ᐊᒋ ᐃᓯ ᐎᔭᔨᑕᐧᒃ᙮”

ᐊᑈᔅᑕᓇᒡ 15:18 Iomraidhean Croise

ᒪᑎᔪᐤ 13:35

ᐊᐅᒄ ᒪᒃ ᐅᔭ ᑲ ᐃᑎᑦ ᒐᒋ ᑕᑈᒥᑭᓂᔨᒡ ᑕᓐ ᑲ ᐃᔅᒋᔄᒂ ᐊᓐ ᐅᒋᔅᒋᐛᐃᒐᓱᐤ, ᒋᔅᑯᑎᒪᒐᐤ ᑎᐸᒋᒧᐅᓇ ᓂᑭ ᐊᐱᒋᑕᐛᓐ ᐊ ᐎᑎᒧᐅᒂᐤ ᐊᐛᓐᒋ ᑕᓐ ᐊᓂᔭᔪᐛ ᐊᔅᒄ ᐊᑲ ᐅᒋ ᒋᔅᒐᔨᑕᑯᓂᔨᒋ ᑲ ᐃᔅᐱᔅ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᐊᑈᔅᑕᓇᒡ 17:26

ᐸᐃᒄ ᓇᐸᐛ ᐅᒋ ᐊ ᑕᔨᒋ ᒋ ᐅᒋ ᐅᓯᐊᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓂᓇᐧᑯᐤ ᒐᒋ ᐃᓯ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮ ᓂᑲᓐ ᒪᒃ ᒋ ᐎᔭᔨᑎᒧᐛᐤ ᑕᐃᔅᐱ ᒐ ᑕᔨᒋ ᐊᓐᑕ ᑭᔭ ᑕᓐ ᒐ ᐃᔅᑯᓯᓇᑕᔨᒡ ᐊᔅᒋᔪᐤ ᐊᓐᑕ ᒐ ᑕᔨᒋ᙮

ᐃᐱᓯᔭᓇ 1:11

ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᑕᐧᒃ᙮ ᙭ᑕ ᒪᒃ ᐊ ᐎᒐᐅᒪᐧᑯ ᐊᑯᑕ ᑲ ᐅᒋ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮

ᐃᐱᓯᔭᓇ 1:4

ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ᐎᒐᐅᒪᐧᑯ᙮ ᔅᒋ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 3:9

ᑭᔭ ᓂᔾ ᓂᒋ ᒥᔨᒄ ᒥᓯᐛ ᐊᐛᔪᐛ ᒐᒋ ᒋᔅᒐᔨᑎᒥᐃᒥᒋ ᐊᓂᔭ ᒐᒂᔪᐤ ᐊᑲ ᐅᒋ ᒋᔅᒐᔨᑕᑯᓂᔨᒡ ᑲ ᐃᓯ ᐎᔭᔨᑎᒥᑯᐱᓇ ᒋᓴᒪᓂᑐᐤ ᒐ ᐃᑐᑕᐧᒃ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᒋ ᑭᓄᐛᔨᑎᒧᑯᐱᓇ ᒥᒄ ᐅᔭ ᑕᓐ ᑲ ᐃᓯ ᐎᔭᔨᑎᒥᑯᐱᓇ ᒐ ᐃᑐᑕᐧᒃ ᐊᓐᑕ ᓂᔅᑕᒥᒡ᙮

2 ᑕᓴᓗᓂᔭᓇ 2:13

ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ, ᒋᔨᐛᐤ ᑲ ᓴᒋᐃᑕᒄ ᐅᑎᐸᔨᒋᒐᐤ᙮ ᐛᔅ ᓴᔅ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᒐᒋ ᐱᒪᒋᐅᐛᒄ ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑦ ᐅᔭ ᐊᔅᒋᔪᐤ᙮ ᒋᑭ ᐱᒪᒋᐅᓇᐛᐤ ᒪᒃ ᐛᔅ ᒋᓴᒪᓂᑐᐤ ᑲ ᓱᒐᔨᑕᑯᓯᔨᒋ ᐅᑦ ᐊᒐᒂ ᒋᑭ ᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ ᐛᔅ ᒋ ᑕᑈᑕᓇᐛᐤ ᑕᑈᐅᓐ᙮

1 ᐱᑕᕐ 1:20

ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ᐅᑎᓂᑯᐤ ᙭ ᐅᔭ ᒐ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ᓄᑯᐊᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”