ᐊᑈᔅᑕᓇᒡ 15:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ᐱᒐᒡ ᑲ ᐊᑎ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᑲ ᑕᔨᒋ, ᐊ ᐃᑕᒡ, “ᓇᒪ ᒋᑭ ᒋ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”

ᐊᑈᔅᑕᓇᒡ 15:1 Iomraidhean Croise

ᒠᓐ 7:22

ᒧᓱᔅ ᒋ ᐃᑎᓱᐛᒐ ᒐᒋ ᐃᑐᑕᑭᓄᐎᒡ ᐊᓂᔭ ᐎᓱᐛᐅᓂᔪᐤ ᑲ ᐃᑎᔅᑕᔨᒡ ᒐᒋ ᒋᔅᒋᓄᐛᒋᔄᑭᓄᔨᒋ ᓇᐸᓴ ᒪᒂᒡ ᐊ ᐊᐱᓯᓯᔨᒋ᙮ ᓇᒪᔭᐤ ᒪᒃ ᒧᓱᔅ ᓂᔅᑎᒻ ᑲ ᐱᔅᑎᓇᐧᒃ ᐊᓂᔭ ᐎᓱᐛᐅᓂᔪᐤ, ᓴᔅ ᐊᓐᑕ ᐛᔅᑭᒡ ᒋ ᐛᐧᑯᒪᐊᑭᓄᐅᒡ ᐊᔪᐅᒄ ᐅᔭ ᐎᓱᐛᐅᓂᔪᐤ ᑲ ᐊᔭᒡ᙮ ᐃᔭᐱᒡ ᒪᒃ ᒋ ᒋᔅᒋᓄᐛᒋᔄᐛᐅᒡ ᓇᐸᓯᒡ ᐊ ᐅᑎᒋᐱᔨᒋ ᐅᔭ ᒐᒋ ᐃᑐᑐᐛᑭᓄᐅᒡ ᐊᑎ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 15:22

ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᓇᐊᔨᑎᒥᐃᑯᐅᒡ ᑕᓐ ᑲ ᐃᔅᒋᔄᔨᒋ ᒋᒥᓴ ᐊᑯ ᒂ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ᓂᑐᐛᐱᒪᔨᒋ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ᐎᒋᐃᐛᐅᒡ ᐊ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮

ᐊᑈᔅᑕᓇᒡ 15:23

ᒥᓯᓇᐃᑭᓂᔪᐤ ᒋ ᒥᔭᑭᓄᐎᒡ ᒐ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ᑕᔨᒋ᙮ ᒋ ᐃᑎᔅᑕᔪᐤ ᒪᒃ ᐊᓐᑕ, “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ, ᒋ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮

ᐊᑈᔅᑕᓇᒡ 15:24

ᓂ ᒋᔅᒐᔨᒪᓇᓂᒡ ᐱᔅᒐ ᓇᐸᐅᒡ ᐅᑕ ᐊ ᐅᒋᔭᒡ ᐊ ᐅᒋᒡ ᐊᒋ ᓂᑐᐛᐱᒥᑕᑯᒡ ᑭᔭ ᐊᒋ ᒋᔅᑯᑎᒪᑕᑯᒡ ᒐᒂᔪᐤ ᒐᒋ ᐅᒋ ᐊᔨᒪᔨᑎᒪᒄ᙮ ᓇᒪ ᒪᒃ ᓂᔭᓐ ᓂ ᐅᒋ ᐃᑎᓱᒪᓇᓂᒡ ᐊᓂᔭ ᑲ ᐃᑎᒡ᙮

ᐊᑈᔅᑕᓇᒡ 15:3

ᐊᑯ ᒂ ᐃᑐᑕᒡ ᐊᓐᑕ ᑲ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ᓴᐳᐛᔅᑭᒧᒡ ᐊ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ᑕᔨᒋ ᐊ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮

ᐊᑈᔅᑕᓇᒡ 15:32

ᒍᑎᔅ ᑭᔭ ᓴᓂᔅ ᐊ ᐅᒋᔅᒋᐛᐃᒐᓱᐅᒡ ᑭᔭ ᐎᔨᐛᐤ, ᓇᐅᔅ ᒋ ᐃᔨᒪᐊᐅᒡ ᐊᓂᔭ ᐎᐧᑲᓂᓯᒪᐛ, ᑭᔭ ᐊᑐᐎᔅ ᒂ ᐊᑎ ᓱᒋᑲᐳᔨᒋ᙮

ᐊᑈᔅᑕᓇᒡ 15:5

ᒥᒄ ᒪᒃ ᐱᔅᒐ ᐊᓐᒡ ᐸᕆᓯᔨᒡ ᑲ ᑕᑈᑕᒡ, ᐃᔅᐱ ᐱᔭᑐᐛᒡ ᑈᓚ ᐊ ᐎᑎᒥᔨᒋ ᐊ ᑕᑈᑎᒥᔨᒋ ᐊᓂᔭᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ, ᒋ ᐅᒋ ᐱᓯᑯᐅᒡ ᐊ ᐃᔅᒋᔄᒡ, “ᐃᑕᔨᑕᑯᓂᔪᐤ ᑭᑈ ᐊᓐᒡ ᑲ ᑕᑈᑕᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᒋᔅᒋᓄᐛᒋᔄᑭᓄᐎᒡ ᑭᔭ ᐎᔨᐛᐤ ᑭᔭ ᒋᐸ ᐃᑕᑭᓄᐎᒡ ᒐᒋ ᓂᓇᐃᑎᒺᒡ ᒧᓱᓴ ᐅᐎᓱᐛᐅᓂᔪᐤ᙮”

ᐊᑈᔅᑕᓇᒡ 21:20

ᐃᔅᐱ ᒪᒃ ᐱᔭᑐᐛᒡ ᐅᒡ ᑕᓐ ᐊ ᐃᑕᒋᒧᔨᒋ ᑈᓚ, ᒥᓯᐛ ᒋ ᒪᒥᒋᒪᐅᒡ ᒋᓴᒪᓂᑐᐛ᙮ ᒐᒃ ᒪᒃ ᐊ ᐃᑕᒡ ᐊᓂᔭ ᑈᓚ, “ᓂᐧᑲᓂᓯᓇᓐ, ᒋ ᐛᐸᑕᓐ ᑕᓐ ᐊ ᐃᔅᐱᒐᑎᒡ ᐊᑯ ᒍᐤ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐅᑕ ᒋᕈᓯᓕᒥᒡ, ᒥᒐᑦ ᒐᓯᐱᔪᐤ ᐊ ᑎᓯᒡ᙮ ᒥᓯᐛ ᒪᒃ ᐊᔅᒄ ᓇᔅᒡ ᓂᓇᑭᑐᐛᔨᑎᒧᐛᐅᒡ ᒧᓱᓴ ᐅᐎᓱᐛᐅᓂᔪᐤ᙮

ᐊᑈᔅᑕᓇᒡ 6:14

ᐛᔅ ᓂᒋ ᐸᑐᐛᓇᓐ ᐊ ᐃᔅᒋᔄᑦ, ᐅᔭ ᒋᓴᓴ, ᓇᓴᕆᑦ ᑲ ᐅᒋᔨᒋ ᒐ ᓂᓱᐅᓇᒋᑕᔨᒋ ᐅᔭ ᒍᐤ ᐊᔭᒥᐊᐅᒋᐛᐱᔪᐤ, ᑭᔭ ᒐ ᒂᔅᑎᓇᐧᒃ ᐊᓂᔭᔪᐛ ᒍᐤ ᐃᔪᐤ ᐃᑐᐅᓇ ᐊᓂᔭᐧᑲ ᒧᓱᓴ ᑲ ᐃᑎᓱᐛᔨᒂᓂ ᒐ ᐃᑐᑕᑭᓄᔨᒋ᙮” ᐊᐅᒄ ᐅᔭ ᑲ ᐃᑕᒋᒧᒡ ᐊᓐᒡ ᓇᐸᐅᒡ᙮

ᑲᓚᓯᔭᓇ 2:1

ᓇᐅᓴᑉ ᐱᐳᓇ ᐸᑎᒪ ᐊᑯ ᒥᓐ ᒋᕈᓯᓕᒥᒡ ᑲ ᐃᑐᑕᔭᓐ᙮ ᐸᕐᓇᐸᔅ ᑭᔭ ᑕᐃᑕᔅ ᓂᒋ ᐎᒐᐅᑯᒡ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᑲᓚᓯᔭᓇ 6:12

ᐊᓐᒡ ᑲ ᐎ ᓯᒋᒥᑕᑯᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᐎ ᓄᑯᐃᓱᐅᒡ ᐊ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᑭᔭ ᓂᑐᐛᔨᑎᒧᒡ ᒐᒋ ᒥᔽᒋᒪᑭᓄᐎᒡ᙮ ᐊᔪᐅᒄ ᐅᔭ ᐊ ᐃᑎᒡ ᒐ ᐊᑲ ᒋ ᓂᓇᐧᑲᑕᔨᒧᐊᑭᓄᐎᒡ ᐊ ᐊᔨᒧᒪᒡ ᙭ᑕ ᐅᒋᐱᔭᑎᑯᒥᔪᐛ᙮

ᑯᓚᓯᔭᓇ 2:16

ᐊᑲᐎᔾ ᐅᒋ ᓂᑐᑐᐤ ᐊᐛᓐ ᐊ ᐎ ᐎᑎᒪᔅᒃ ᒐᒂᔪᐤ ᒐᒋ ᒥᒋᐅᑦ ᒪᒃ ᒐᒂᔪᐤ ᒐᒋ ᒥᓄᐅᑦ ᐊ ᐃᔅᒋᔄᑦ ᐊᔪᐅᒄ ᐅᔭ ᒐ ᓇᐊᔨᑎᒥᐃᑯᔨᒋ ᒋᓴᒪᓂᑐᐛ᙮ ᐊᑲᐎᔾ ᐅᒋ ᓂᑐᑐᐛᐧᑯᒡ ᐊᐛᓐᒋ ᐊ ᐃᔅᒋᔄᒡ ᔭᐃᑕᔾ ᒐᒋ ᓂᓇᑭᑐᐛᔨᑎᒺᒄ ᐊᓂᔭ ᓂᓇᐧᑯᐤ ᐊ ᒋᓯᑲᔨᒋ ᐊᓐᑕ ᑲᒋ ᒥᑯᓴᓄᐅᒡ, ᑭᔭ ᐊᓐᑕ ᐊᓯᑯᒻ ᐱᓯᒺ ᑲᒋ ᒥᔽᔨᑕᑭᓄᐅᒡ ᐊ ᐅᔅᒋᑦ ᑎᐱᔅᑲᐤ ᐱᓯᒻ᙮ ᐊᑲᐎᔾ ᓂᑐᑐᐛᐧᑯᒡ ᐊᓐᒡ ᒪᒪᒡ ᑲ ᐃᑎᓱᒥᑕᑯᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᑯᓚᓯᔭᓇ 2:8

ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ᐎᔭᓯᒥᑯᐛᐤ ᐊᓂᔭ ᐅᒋ ᑕᓐ ᐊ ᐃᓯ ᓂᑎᒥᒄ ᒋᔅᑯᑎᒪᒐᑦ, ᐛᔅ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᓇᐸᐛ ᒋ ᐊᓱᐤ ᒋᔅᑯᑎᒪᒐᔪᐛ᙮ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ ᐎᔨᐛᐤ ᐊ ᑕᒡ ᐅᒋᐱᔪᐤ᙮ ᓇᒪ ᙭ᑕ ᐊ ᑕᔨᒋ ᐅᒋᐱᔨᔪᐤ᙮