ᐊᑈᔅᑕᓇᒡ 14:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐅᑕᒡ ᐊᓐᑕ ᒋ ᐱᔅᑎᓇᐤ ᒋᓴᒪᓂᑐᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐃᓯ ᐱᒪᑎᓯᔨᒋ ᑕᓐ ᐛ ᐃᓯ ᐱᒪᑎᓯᔨᒋ ᑭᔭ ᒐᒋ ᐃᓯ ᐊᔭᒥᐊᔨᒋ ᑕᓐ ᐛ ᐃᓯ ᐊᔭᒥᐊᔨᒋ᙮

ᐊᑈᔅᑕᓇᒡ 14:16 Iomraidhean Croise

ᑎᐱᑦ ᐅᓂᑭᒧᐅᓇ 147:20

ᓇᒪᐎᔾ ᐅᔭᔪᐤ ᒋ ᐃᓯ ᑐᑐᐛᐤ ᑯᑎᑲ ᐊ ᐃᑎᔅᑲᓇᓯᔨᒋ ᐃᔪᐛ: ᑭᔭ ᐅᑎᐸᔅᑯᓂᒐᐅᓇ ᓇᒪᐎᔾ ᒋ ᒋᔅᒐᔨᑎᒥᔪᐛ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 81:12

ᓂᒋ ᐸᒋᑎᓇᐅᒡ ᒪᒃ ᑲ ᐃᓯ ᒥᒋ ᐃᑕᔨᑕᒡ ᐅᑕᐃᐛᒡ, ᒋ ᐱᒧᑕᑎᒧᒡ ᑭᔭ ᑎᐱᔽ ᐅᓯᒋᒥᑐᐅᓄᐛᐛ᙮

ᐊᑈᔅᑕᓇᒡ 17:30

ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:28

ᐊᑲ ᐊᐱᑕᔨᑕᒡ ᐊᐛᓐᒋ ᑕᓐ ᐊᓂᔭᔪᐤ ᑯᐃᔅᒄ ᒋᐸ ᐃᓯ ᒋᔅᒐᔨᒪᐅᒡ ᒋᓴᒪᓂᑐᐛ ᑭᔭ ᐊᑲ ᐎ ᐊᐱᑕᔨᑕᒡ ᐅᐱᒪᑎᓯᐅᓄᐛᒡ ᐊᑯ ᒂ ᐃᑐᑕᑯᒡ ᓇᔅᒡ ᒐ ᐊᑲ ᒋ ᑯᐃᔅᑯᓇᑯᓂᔨᒡ ᑕᓐ ᐊ ᐃᑕᔨᑕᒡ ᒐᒋ ᐃᑎᒡ᙮ ᐊᑯ ᒪᒃ ᐊ ᐃᑐᑕᒡ ᐊᓂᔭᔪᐤ ᒐᒂᔪᐤ ᐊᑲ ᒋᐸ ᐅᒋ ᐃᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:25

ᐛᔅ ᒋᓴᒪᓂᑐᐤ ᒋ ᐱᔅᑎᓇᐤ ᒋᓴᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᐊ ᑕᑈᔭᔨᒪᑦ ᒪᒃ ᐊᐛᓐ ᒋᓴᓴ ᐊᑯᑕ ᐊ ᐅᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒋᓴᒪᓂᑐᐤ ᒋ ᐃᑐᑎᒻ ᐅᔭ ᒐᒋ ᐛᐸᑎᔨᐛᑦ ᒧᔅ ᑯᐃᔅᒄ ᐊ ᐃᑎᑦ᙮ ᐅᑕ ᐃᔅ ᐅᑕᒡ ᓇᔅᒡ ᑕᑈ ᒋ ᓯᐱᔪᐛᓯᔅᑕᒐᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᒋᑐᑕᑭᓄᐎᒡ᙮ ᓇᒪ ᒧᔅ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᐛᔪᐛ ᐅᒋ ᐃᓯ ᑎᐸᔅᑯᓇᐤ᙮

ᐃᐱᓯᔭᓇ 2:12

ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ᐎᒐᐛᐛᐤ ᙭᙮ ᔅᒋ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓇᒪ ᒋ ᐅᒋ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ᒋᔅᒐᔨᒪᐛᐤ ᒋᓴᒪᓂᑐᐤ᙮

1 ᐱᑕᕐ 4:3

ᐛᔅ ᐃᔅᐱᔪᐤ ᐊᑯ ᑕᓐ ᑲ ᐃᔅᐱᔅ ᒋ ᐸᒋ ᒥᒐᑎᓯᔭᒄ ᐊᓐᑕ ᐅᑕᒡ ᒧᔭᒻ ᐊᓄᒡ ᑕᓐ ᐊ ᐃᓯ ᒥᒐᑎᓯᒡ ᐊᓐᒡ ᐊᑲ ᑕᑈᑕᒡ᙮ ᐎᓂᓱᐅᓂᒡ ᒋ ᐊᑎ ᐃᓯ ᐱᒪᑎᓯᓇᐛᐤ, ᓇᔅᒡ ᒋ ᑎᐸᔨᒥᑯᓇᐛᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ᙮ ᑭᔭ ᓇᔅᒡ ᒋ ᒥᔽᔨᑕᓇᐛᐤ ᐊ ᒥᓂᔭᒄ, ᒋ ᒥᔽᔨᑕᓇᐛᐤ ᐊ ᐎᒋᐃᐛᔭᒄ ᐊᓐᑕ ᐊ ᒥᓇᓄᐅᒡ ᑭᔭ ᐊᓐᑕ ᐊ ᐎᓂᓯᓇᓄᐅᒡ, ᔅᒋ ᐊᔭᒥᐊᔅᑐᐛᐛᐅᒡ ᑭᔭ ᓇᔅᒡ ᐊ ᒥᒋᓇᑯᓯᒡ ᒥᓂᑐᐧᑲᓐᒡ᙮