ᐊᑈᔅᑕᓇᒡ 13:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐃᔅᐱ ᒪᒃ ᒪᓯᑲᒡ ᐊᓐᑕ ᐅᑕᓇᒡ ᓴᓚᒥᔅ ᑲ ᐃᓯᓂᐧᑲᑕᔨᒡ, ᒋ ᐛᐎᑎᒧᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᔨᒡ᙮ ᒋ ᐎᒐᐅᑯᐅᒡ ᒪᒃ ᒠᓐ-ᒪᕐᑲ ᒐᒋ ᐎᒋᐃᑯᒡ᙮

ᐊᑈᔅᑕᓇᒡ 13:5 Iomraidhean Croise

ᐊᒃᓱᑕᔅ 24:13

ᒧᓱᔅ ᑭᔭ ᐊᓂᔭᔪᐛ ᐎᔭᐎᒋᐃᑯᑦ ᒐᓱᐛᔨᒋ ᒋ ᐊᔭᔅᑯᐎᔪᒡ᙮ ᐊᑯ ᒧᓱᔅ ᐊᑎ ᓴᑭᒋᐛᑦ ᐱᔅᑯᑎᓇᔪᐤ ᒐᒋ ᓂᒋᔅᑯᐛᑦ ᒋᓴᒪᓂᑐᐛ᙮

ᒪᑎᔪᐤ 20:26

ᒥᒄ ᒪᒃ ᐊᑲᐎᔾ ᒋᑭ ᐅᒋ ᐃᓯᓇᑯᓯᓇᐛᐤ ᒋᔨᐛᐤ᙮ ᐊᓐ ᐊᐛᓐ ᐊᓐᑕ ᐊ ᑎᓯᔭᒄ ᓇᑐᐛᔨᑎᒧᒂ ᒋᒋᐛ ᒐᒋ ᐃᑕᔨᑕᑯᓯᑦ ᐊᑯᔅ ᒋᑭ ᐃᑐᑎᒻ ᒐᒋ ᐊᑐᔅᒐᔅᑕᒄ᙮

ᐊᑈᔅᑕᓇᒡ 12:12

ᐃᔅᐱ ᒪᒃ ᒐᔅᒐᔨᑕᐧᒃ ᐱᑕᕐ ᑕᓐ ᑲ ᐃᔅᐱᔨᑦ, ᒋ ᐃᑐᑕᐤ ᐊᓐᑕ ᒪᕆᔨᒋ ᐊ ᑕᔨᒋ, ᒠᓐ-ᒪᕐᑲ ᐅᑲᐎᔪᐛ᙮ ᒪᒂᒡ ᒪᒃ ᒥᒐᑦ ᐊᐛᔪᐛ ᒋ ᒪᒧᐎᔪᐛ ᐊᓐᑕ ᐊ ᐊᔭᒥᐊᔨᒋ᙮

ᐊᑈᔅᑕᓇᒡ 12:25

ᐸᕐᓇᐸᔅ ᑭᔭ ᓴᓪ ᒋ ᒋᔅᑕᐅᒡ ᑕᓐ ᑲ ᐎ ᐃᑎᒡ ᐊᓐᑕ ᒋᕈᓯᓕᒥᒡ, ᑭᔭ ᒂ ᒋᐛᒡ ᐊᓐᑕ ᐊᓐᑎᔭᑭᒡ᙮ ᒠᓐ-ᒪᕐᑲ ᒪᒃ ᒋ ᔅᑐᑕᐊᐅᒡ᙮

ᐊᑈᔅᑕᓇᒡ 13:14

ᐊᑯ ᒥᓐ ᐊᓐᑎᔭᑭᒡ ᒂ ᐃᑐᑕᒡ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᑲ ᐊᔭᒥᐊᐅᒋᓯᑲᔨᒡ ᒪᒃ ᒋ ᐱᒐᐅᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊᑯ ᒂ ᐊᐱᒡ ᐊᓐᑕ᙮

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᐊᑈᔅᑕᓇᒡ 14:1

ᐃᔅᐱ ᑲ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ᐃᔅᐱᔅ ᒋ ᓱᒋᑕᑯᓯᒡ ᐊ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 15:37

ᐊᑯ ᐸᕐᓇᐸᔅ ᒂ ᐎ ᔅᑐᑕᐊᑦ ᐊᓂᔭ ᒠᓐ-ᒪᕐᑲ᙮

ᐊᑈᔅᑕᓇᒡ 17:17

ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮

ᐊᑈᔅᑕᓇᒡ 18:4

ᒧᔅ ᒪᒃ ᑕᑥᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ᐊᔭᒥᐊᐤ ᑈᓪ ᐊᑯ ᑲᒋ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ᓯᒋᒪᑦ ᒐᒋ ᑕᑈᑕᑯᑦ᙮

ᐊᑈᔅᑕᓇᒡ 19:22

ᐊᑯ ᒂ ᓂᑲᓂᑎᓴᐛᑦ ᓂᓱ ᑲ ᐊᑐᔅᑲᑯᑦ ᑎᒧᑎᔨᒋ ᑭᔭ ᐊᕋᔅᑕᓴ ᐊ ᐃᓯᓂᐧᑲᓱᔨᒋ ᐊᓐᑕ ᒪᓯᑐᓂᔭ ᐊᔅᒋᒡ ᒐᒋ ᐃᑐᑕᔨᒋ, ᐊᑯ ᐊᓐᑕ ᐊᐃᓴ ᐛᐃᐱᔅᒋᔅ ᒂ ᑕᑦ ᐎᔾ᙮

ᐊᑈᔅᑕᓇᒡ 19:29

ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 9:20

ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

ᑯᓚᓯᔭᓇ 4:10

ᐊᕆᔅᑕᕐᑲᔅ ᑭᔭ ᐎᔾ ᒋᐸᐛᑭᓄᐤ ᐅᑕ ᑲ ᒋᐸᐅᑯᐅᒡ᙮ ᒋ ᐛᒋᔭᒥᑯᐛᐤ ᑭᔭ ᐎᔾ᙮ ᑭᔭ ᒪᕐᒃ ᒋ ᐛᒋᔭᒥᑯᐛᐤ᙮ ᐸᕐᓇᐸᔅ ᐅᔭ ᐎᐧᑲᓂᓴ᙮ ᓴᔅ ᔅᒋ ᐎᑎᒪᑯᓇᐛᐤ ᒐ ᒥᔪᐧᑯᐛᒄ ᒪᕐᒃ ᐅᑎᑎᑕᒂ᙮

2 ᑎᒧᑎ 4:11

ᒥᒄ ᓗᒃ ᐊᐅᒄ ᐊ ᑕᑦ ᐅᑕ ᐊ ᑕᔭᓐ᙮ ᔭᐃᑕᔾ ᒐ ᐎ ᐸᒋ ᐎᒐᐅᑦ ᒪᕐᒃ ᑎᑯᓯᓂᔨᓇ᙮ ᓂᑐᐛᔨᒪᐤ ᒐᒋ ᐸᒋ ᐎᒋᐃᑦ ᐅᑕ ᐊ ᐊᔭᒥᐊᐤ ᐊᑐᔅᒐᐅᒡ᙮