ᐊᑈᔅᑕᓇᒡ 13:48 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁸ ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ᒥᔽᔨᑎᒧᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ᑕᑈᔭᔨᒪᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 13:48 Iomraidhean Croise

ᑎᐱᑦ ᐅᓂᑭᒧᐅᓇ 138:2

ᓂᑭ ᐅᒋᒋᐧᑯᓂᐱᔅᑕᓐ ᒋ ᐸᔭᒋ ᒋᓴᐊᔭᒥᐊᐅᒋᐛᑉ, ᑭᔭ ᓂᑭ ᒋᔅᑕᑐᑕᓐ ᒋᑦ ᐃᓯᓂᐧᑲᓱᐅᓐ ᒋ ᓴᒋᐃᐛᐤ ᒋᓴᐛᑎᓯᐅᓐ ᑭᔭ ᒋᑕᑈᐅᓐ ᐅᒡ: ᐛᔅ ᒋ ᒋᐧᑲᔭᑐᑕᓐ ᒋᑦ ᐃᔨᒧᐅᓐ ᐃᔅᐱᔅ ᒥᓯᐛ ᒋᑦ ᐃᓯᓂᐧᑲᓱᐅᓐ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒪᑎᔪᐤ 28:16

ᐊᑯ ᐊᓐᒡ ᐸᐃᑯᓴᑉ ᒋᔅᒋᓄᐊᒧᐛᑭᓐᒡ ᒂ ᐃᑐᑕᒡ ᐊᓐᑕ ᐊᓂᔭ ᐱᔅᑯᑎᓇᔪᐤ ᑲᓕᓕᒡ ᑲ ᑎᑯᓂᔨᒡ ᐊᓐᑕ ᑲ ᐃᑎᑯᒡ ᒋᓴᓴ ᒐ ᐃᑐᑕᒡ᙮

ᓗᒃ 7:8

ᐛᔅ ᑭᔭ ᓂᔾ ᐃᑕᐅᒡ ᓄᒋᒪᒥᒡ ᐊ ᐱᓯᒋᐃᒂᐤ ᑭᔭ ᐃᑕᐅᒡ ᐊᓯᒪᑭᓂᓯᒡ ᐊ ᐎᓱᒥᒂᐤ᙮ ᐊ ᐃᑎᒃ ᐸᐃᒄ ᐊᓯᒪᑭᓂᔅ ‘ᐊᓐᑕ ᐃᑐᑕ,’ ᑎᐛᒡ ᐊᑯᑕ ᐊᓐᑕ ᐊ ᐃᑐᑕᑦ᙮ ᐊᑯ ᑯᑎᒃ ᐊ ᐃᑎᒃ, ‘ᐊᔅᑎᒻ,’ ᑎᐛᒡ ᑎᑯᓯᓄᐤ᙮ ᐊᑯ ᑭᔭ ᑯᑎᒃ ᐊ ᐃᑎᒃ ᓂᑦ ᐊᐱᒋᐊᑭᓐ, ‘ᐅ ᒪ ᐃᑐᑕ,’ ᐊᔪᐅᒄ ᐊᓂᔭ ᐊ ᐃᑐᑕᐧᒃ᙮”

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 11:52

ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ᑕᔨᒋ ᒐ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮

ᐊᑈᔅᑕᓇᒡ 13:12

ᐃᔅᐱ ᒪᒃ ᐎᔭᐸᑕᐧᒃ ᐊᓐ ᒋᓴᐅᒋᒪᐤ ᐅᔭ ᐊ ᐃᔅᐱᔨᒡ ᒋ ᑕᑈᔭᔨᒪᐤ ᐅᑎᐸᔨᒋᒐᐛ ᑭᔭ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᑲ ᐃᓯ ᐸᑕᐧᒃ ᐊ ᒋᔅᑯᑎᒪᒐᓄᐎᒡ ᐊ ᐊᔨᒧᒪᑭᓄᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 13:42

ᐃᔅᐱ ᒪᒃ ᒐ ᐎᐎᒡ ᑈᓪ ᑭᔭ ᐸᕐᓇᐸᔅ ᐊᓐᑕ ᐊᔭᒥᐊᐅᒋᐛᐱᒡ ᒋ ᐊᔨᐧᑭᒥᐃᑯᐅᒡ ᐊᓂᔭ ᐃᔪᐛ ᒥᓐ ᒐᒋ ᑎᑯᓯᒡ ᐃᔅᐱᔅ ᒍᐤ ᐊᔭᒥᐊᐅᒋᓯᑲᔨᒐ ᐊᑐᐎᔅ ᒐᒋ ᒋᔅᑯᑎᒪᒐᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 15:2

ᑈᓪ ᑭᔭ ᐸᕐᓇᐸᔅ ᒋ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ᐛᐸᑎᔭᐅᒡ ᑕᑈ ᐊ ᐅᓂᐱᔨᒡ ᐊᓂᔭ ᐊ ᐃᔅᒋᔄᔨᒡ᙮ ᐊᑯ ᒂ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ᒋᔅᑯᑎᒪᒐᓄᐎᒡ᙮

ᐊᑈᔅᑕᓇᒡ 15:31

ᐊᓐᒡ ᒪᒃ ᐃᔪᒡ ᐃᔅᐱ ᑲ ᐃᔨᒥᑕᒡ ᐊᓂᔭ ᒥᓯᓇᐃᑭᓂᔪᐤ, ᒥᓯᐛ ᒋ ᒥᔽᔨᑎᒧᒡ ᑭᔭ ᒋ ᐅᐱᓂᑯᐅᒡ᙮

ᐊᑈᔅᑕᓇᒡ 2:41

ᒥᒐᑦ ᒪᒃ ᒋ ᑕᑈᑐᐛᐅᒡ ᐊᓂᔭᔪᐤ ᑲ ᐃᑎᑯᒡ᙮ ᐊᑯ ᒂ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ᐃᑕᑎᓱᐅᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 20:13

ᐊᓐ ᒪᒃ ᐎᔭᐸᒡ ᓂᒋ ᒋᑕᓯᓇᓐ ᓂᔭᓐ ᐊᓐᑕ ᐊᓐ ᐊᓱᔅ ᑲ ᐃᓯᓂᐧᑲᑕᒡ ᐅᑕᓇᐤ᙮ ᐊᑯᑕ ᐊᓐᑕ ᓂᐸ ᐅᒋ ᐳᓯᐊᓇᓐ ᑈᓪ᙮ ᐊᐅᒄ ᐅᔭ ᑲ ᐃᑎᓱᐛᑦ ᐛᔅ ᒋ ᐱᒧᑕᐤ ᐎᔾ ᐊᓐᑕ ᐃᔅ᙮

ᐊᑈᔅᑕᓇᒡ 22:10

“ᐊᑯ ᒂ ᐃᑎᒃ, ‘ᐅᑎᐸᔨᒋᒐᐤ, ᑕᓐ ᐊ ᐃᓯ ᓂᑐᐛᔨᒥᔨᓐ ᒪᒃ ᒐ ᐃᑎᔭᓐ ?’ ᐊᑯ ᒂ ᐃᓯᑦ, ‘ᐱᓯᑯ ᒪᒃ, ᒐ ᐃᑐᑕᔨᓐ ᐊᓐᑕ ᑕᒪᔅᑲᓯᒡ᙮ ᐊᑯᑕ ᒪᒃ ᒐ ᐎᑎᒪᑯᔨᓐ ᒥᓯᐛ ᑕᓐ ᐊ ᐃᑎᓱᒥᔅᒃ ᒋᓴᒪᓂᑐᐤ ᒐ ᐃᑕᐱᑎᓯᐅᑦ᙮’

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 8:8

ᒋ ᒥᔅᑎᒧᒋᒐᔨᑕᑭᓄᐤ ᒪᒃ ᐊᓐᑕ ᐊᓐ ᐅᑕᓇᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:7

ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:1

ᒥᓯᐛ ᐊᐛᓐ ᓂᑐᐛᔨᑕᑯᓱᐤ ᒐᒋ ᓂᓇᐃᑕᐧᒃ ᑎᐸᔨᒐᐅᓂᔪᐤ ᐅᑕ ᐊᔅᒋᒡ᙮ ᒥᓯᐛ ᑎᐸᔨᒐᐅᓐ ᑲ ᑎᒂᒡ ᒋᓴᒪᓂᑐᐤ ᒋ ᐱᔅᑎᓂᒻ᙮ ᐎᔾ ᒋ ᐎᔅᑕᐤ ᒥᓯᐛ ᑎᐸᔨᒐᐅᓂᔪᐤ ᑕᓐ ᒐ ᐃᓯᓇᑯᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

1 ᑯᕆᓐᑎᔭᓇ 16:15

ᓂᐧᑲᓂᓯᑐᒄ, ᒋ ᒋᔅᒐᔨᑕᓇᐛᐤ ᐊᓐᑕ ᐊ ᐸᐃᑯᔅᑲᓇᓯᑦ ᔅᑎᐸᓇᔅ ᐊᐅᑯᓐᒡ ᐊᓐᒡ ᓂᔅᑎᒻ ᑲᑕᑈᔭᔨᑕᒡ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᐊ ᐃᓯᓂᐧᑲᑕᔨᒡ᙮ ᒋ ᐱᔅᑎᓂᓱᐅᒡ ᒐᒋ ᐊᑐᔅᑯᐛᒡ ᑲ ᑕᑈᑎᒥᔨᒋ᙮

ᐃᐱᓯᔭᓇ 1:11

ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᑕᐧᒃ᙮ ᙭ᑕ ᒪᒃ ᐊ ᐎᒐᐅᒪᐧᑯ ᐊᑯᑕ ᑲ ᐅᒋ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮

ᐃᐱᓯᔭᓇ 1:19

ᓂᑐᑎᒧᐛᐤ ᑭᔭ ᒐᒋ ᓂᔅᑐᑎᒪᒄ ᐊᔅᐱᔅ ᓱᒐᔨᑕᑯᓂᔨᒡ ᐊᓂᔭ ᐅᒥᔅᑯᓯᐅᓐ ᒋᓴᒪᓂᑐᐤ ᑲ ᐊᑐᔅᒐᒥᑭᓂᔨᒡ ᐱᒡ ᐊ ᐃᑕᐛᐧᒄ, ᒋᔭᓄᐤ ᑲ ᑕᑈᑎᒪᐧᒄ᙮

ᐃᐱᓯᔭᓇ 1:4

ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ᐎᒐᐅᒪᐧᑯ᙮ ᔅᒋ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 1:5

ᐊ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ᐃᑎᑦ᙮

2 ᑕᓴᓗᓂᔭᓇ 3:1

ᐊᐅᒄ ᐅ ᒪᔅᑕᔾ ᐛ ᐃᑎᑎᑯᒡ, ᓂᐧᑲᓂᓯᑐᒄ, ᐸᒋ ᐊᔭᒥᐊᔅᑎᒧᐅᓇᓐ ᒐ ᐊᑲ ᒋ ᒋᐱᒋᑕᑭᓄᐎᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ᙮ ᐊᔭᒥᐊᒄ ᒐᒋ ᒥᓯᑕᐱᔨᒡ ᒧᔭᒻ ᒋᔨᐛᐤ ᐊᓐᑕ ᐊ ᑕᔭᒄ ᑲ ᐃᓯ ᒥᓯᑕᐱᔨᒡ᙮