ᐊᑈᔅᑕᓇᒡ 13:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒥᓯᐛ ᐊᐛᓐ ᑲ ᑕᑈᔭᔨᒪᑦ ᒋᓴᓴ ᑕᑈ ᒋ ᐛᐸᔨᑎᒧᐛᑭᓄᐤ ᒥᓯᐛ ᐅᒥᒋᑥᐅᓇ, ᓇᒪ ᐎ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᑯᐃᔅᑯᓇᑯᐃᑯᐤ ᐊᐛᓐ᙮

ᐊᑈᔅᑕᓇᒡ 13:39 Iomraidhean Croise

ᑎᐱᑦ ᐅᓂᑭᒧᐅᓇ 143:2

ᐊᑲᐎᔾ ᑭᔭ ᑎᐸᔅᑯᓐ ᒋᑦ ᐊᑐᔅᒐᔭᑭᓐ; ᐛᔅ ᐊᐸᑕᔅᑎᒥᐱᔨᓐ ᓇᒪᐎᔾ ᐊᐛᓐ ᐊ ᐱᒪᑎᓯᑦ ᒋᑭ ᒥᔪᑥᐛᔨᒪᑭᓄᐤ᙮

ᓗᒃ 10:25

ᐸᐃᒂᐤ ᒪᒃ ᓇᐸᐤ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ᐃᑕᐱᑎᓯᑦ ᒋ ᓇᑕᐤ ᒋᓴᓴ ᐊ ᐎ ᑯᒂᒋᐊᑦ, ᐊ ᐃᑕᑦ, “ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 10:28

ᒋᓴᓴ ᒪᒃ ᒋ ᐃᑎᑯᐤ, “ᒋ ᑕᑈᓐ ᐊᓐ ᑲ ᐃᔅᒋᔄᔨᓐ᙮ ᒥᓯᐛ ᐊᓐ ᐃᑐᑎᒥᓇ ᒋᑭ ᐊᔭᓐ ᑲᒋᒡ ᐱᒪᑎᓯᐅᓐ᙮”

ᓗᒃ 18:14

“ᒋ ᐎᑎᒪᑎᓇᐛᐤ ᒪᒃ, ᐅ ᓇᐸᐤ ᒋ ᒋᐛᐤ ᑕᑈ ᐊ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐊ ᑭᓄᐛᐱᒥᑯᑦ᙮ ᓇᒪᐎᔾ ᐊᓐ ᐸᕆᓯ᙮ ᐊᓐ ᐊᐛᓐ ᒥᔅᑎ ᑲ ᐃᑕᔨᒥᓱᑦ ᒋᑭ ᑎᐱᑕᔨᑕᑯᐃᑯᐤ ᒋᓴᒪᓂᑐᐛ ᐊᑯ ᐊᓐ ᑲ ᑎᐱᑕᔨᒥᑎᓱᑦ ᐊᐛᓐ ᐊᐅᒄ ᒐ ᒋᔅᑕᔨᑕᑯᐊᑭᓄᐅᑦ᙮”

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᐊᑈᔅᑕᓇᒡ 10:43

ᒋ ᑎᐸᒋᒥᑯᐤ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᔅᒋᔄᔨᒋ, ᐎᔾ ᐅᑦ ᐃᓯᓂᐧᑲᓱᐅᓂᔨᒡ ᐅᒡ ᒥᒄ ᐊᐛᓐ ᒐ ᑕᑈᔭᔨᒪᒂ ᒋᑭ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:10

ᐛᔅ ᐅᑕᐃᒡ ᑕᑈᑎᒻ ᐊᐛᓐ ᙭ᑕ ᐊᒋ ᓂᐱᔨᒋ ᑭᔭ ᐊᒋ ᐅᓂᔅᑲᓂᑯᔨᒋ ᒋᓴᒪᓂᑐᐛ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᐊᐛᓐ ᐅᔭ ᐃᓯ ᑕᑈᑕᒐ ᐅᑯᐃᔅᑯᑕᑎᓯᐤ ᒐ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ᙮ ᒧᓴ ᐊ ᐎᑕᐧᒃ ᐊᐛᓐ ᙭ᑕ ᐊ ᐅᑎᐸᔨᒋᒐᐎᔨᒋ ᐊᑯᑕ ᐛᒋ ᐱᒪᒋᐃᑯᑦ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:4

ᑲ ᑎᑯᓯᐧᒃ ᙭ ᒋ ᐃᑐᑎᒻ ᐎᓱᐛᐅᓂᔪᐤ ᒐ ᐊᑲ ᒋ ᐊᐱᑕᔨᑕᑯᓂᔨᒡ, ᑭᔭ ᒥᓯᐛ ᐊᓂᔭᔪᐛ ᒐ ᑕᑈᔭᔨᒥᑯᒂ ᐊᐅᑯᓂ ᐊᓂᔭᔪᐛ ᐅ ᑯᐃᔅᑯᑕᑎᓯᐤ ᒐ ᐃᓯ ᑭᓄᐛᐱᒥᑯᔨᒋ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:19

ᒋ ᒋᔅᒐᔨᑕᓇᓄᐤ ᐊᓐᒡ ᑲ ᒥᔭᑭᓄᐎᒡ ᐅᔭ ᐎᓱᐛᐅᓂᔪᐤ ᒋᐸ ᓂᓇᐃᑕᒧᒡ ᒥᓯᐛ ᑕᓐ ᐊ ᐃᑎᓱᐛᒥᑭᓂᔨᒡ᙮ ᐊᐅᒄ ᒪᒃ ᐅ ᒐ ᐅᒋ ᐊᑲ ᓇᔅᒡ ᒋ ᐃᔅᒋᔄᑦ ᐊᐛᓐ ᐊᑲ ᐅᒋ ᒋᔅᒐᔨᑕᐧᒃ ᐊᒋ ᒥᒋᑐᑕᐧᒃ ᑭᔭ ᐊᐅᑯᓐ ᐛᒋ ᒥᓯᐛ ᐊᐛᓐ ᐅᑕ ᐊᔅᒋᒡ ᐃᓯᓇᑯᓂᔨᒡ ᒐᒋ ᑎᐸᔅᑯᓂᑯᑦ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:20

ᐛᔅ ᑕᐸ ᐊᐛᓐ ᒋ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᒄ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓇ᙮ ᒋ ᒋᔅᒐᔨᑕᓐ ᐊ ᑕᓐ ᐊ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ᒥᒋᑐᑕᐧᒃ ᐊᐅᑯᓐ ᐊ ᐃᑕᐱᑎᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:15

ᐛᔅ ᐊᑲ ᓂᓇᐃᑕᑭᓄᐅᒡ ᐎᓱᐛᐅᓐ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒐᒋ ᐊᐧᑯᔪᐛᓯᑦ᙮ ᐊᑯ ᒪᒃ ᐊᓐᑕ ᐊᑲ ᑎᒂᒋ ᐎᓱᐛᐅᓇ ᓇᒪ ᑭᑈ ᑎᑯᓐ ᐊᓐᑕ ᐊᑲ ᓂᓇᐃᑕᑭᓄᐅᒋ ᐎᓱᐛᐅᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:24

ᒋᑦ ᐊᔅᑕᐅᑯᓇᓄᐤ ᑭᔭ ᒋᔭᓄᐤ ᐅ ᑲ ᐃᑎᔅᑕᒡ, ᒋᔭᓄᐤ ᑲ ᑕᑈᔭᔨᒪᐧᒄ ᒋᓴᒪᓂᑐᐤ ᐊᓐ ᑲ ᐅᓂᔅᑲᓇᑦ ᒋᓴᓴ ᒋᑎᐸᔨᒋᒐᓯᒥᓄᐛ ᓂᐳᐅᓂᒡ ᐅᒋ᙮ ᑭᔭ ᒋᔭᓄᐤ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:20

ᐃᔅᐱ ᑲ ᐱᔅᑎᓇᐧᒃ ᒋᓴᒪᓂᑐᐤ ᐅᐎᓱᐛᐅᓐ ᐊᑯᑕ ᑲ ᐅᒋ ᒋᔅᒐᔨᑕᒡ ᐊᐛᓐᒋ ᐊᔅᐱᔅ ᐛᔪᐅᒡ ᒥᒋᑐᑕᒡ᙮ ᒥᒄ ᒪᒃ ᑕᓐᑕ ᑲ ᐛᔪᐅᒡ ᒥᒋᑐᑕᑭᓄᐅᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᐊᑐᐎᔅ ᒋ ᐊᑐᔅᒐᒥᑭᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:9

ᐊᔪᐅᒄ ᒪᒃ ᐊ ᑯᐃᔅᑯᑕᑎᓯᔭᐧᒄ ᐛᒋ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᙭ ᐊᒋ ᓂᐱᔅᑎᒪᑕᐧᒄ ᒋᐱᔭᑎᑯᒡ᙮ ᒋ ᒐᔅᑎᓇᑕᔨᑕᓇᓄᐤ ᙭ ᑕᑈ ᒐ ᐎᐧᑯᒋᐃᑕᐧᒄ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐤ ᑎᐸᔅᑯᓂᒐᐅᓂᔨᒡ ᐅᒡ ᒪᔅᑕᔾ ᒋᓯᑲᔨᒐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:31

ᐊᑯ ᐊᓐᒡ ᒍᐤ ᐃᔪᒡ ᒋᓴᒪᓂᑐᐛ ᑲ ᐅᑦ ᐃᔨᒥᑐᑕᑯᒡ, ᐊ ᓂᓇᐃᑕᒡ ᐎᓱᐛᐅᓇ ᒋ ᐎ ᐅᒋ ᐎ ᑯᐃᔅᑯᓇᑯᐃᓱᐅᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᒪ ᒪᒃ ᐅᑯᐃᔅᑯᑕᑎᓯᐅᒡ ᐅᒡ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ ᐅᔭ ᐊᒋ ᐃᑎᒡ᙮

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᑲᓚᓯᔭᓇ 2:16

ᐃᔭᐱᒡ ᒪᒃ ᓂ ᒋᔅᒐᔨᑕᓇᓐ ᐊ ᑕᑈᔭᔨᒪᑦ ᐊᐛᓐ ᒋᓴᔅ ᙭ᑕ᙮ ᐊᑯᑕ ᐛᒋ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐅᒋ ᐊ ᓂᓇᐃᑕᐧᒃ ᐎᓱᐛᐅᓇ᙮ ᐊᑯ ᒪᒃ ᑭᔭ ᓂᔭᓐ ᑎᔭᑈᔭᔨᒥᒋᒡ ᒋᓴᔅ ᙭, ᐊ ᑕᑈᔭᔨᒥᒋᒡ ᒪᒃ ᙭ ᐊᑯᑕ ᐛᒋ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᓇᒪ ᐎ ᐊᓐ ᐊ ᓂᓇᐃᑎᒪᒡ ᒍᐤ ᐊᔭᒥᐊᐅ ᐎᓱᐛᐅᓇ ᐛᒋ ᐃᓯ ᑭᓄᐛᐱᒥᔨᒥᑦ᙮ ᑕᐸ ᐊᐛᓐ ᐅᑯᐃᔅᑯᑕᑎᓯᐤ ᒋᑭ ᐅᒋ ᐃᓯ ᑭᓄᐛᐱᒥᑯᐤ ᒋᓴᒪᓂᑐᐛ ᒥᒄ ᐊᓂᔭ ᐊ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᑲᓚᓯᔭᓇ 2:19

ᒪᒂᒡ ᓱᒃ ᑲ ᐎ ᓂᓇᐃᑎᒪᓐ ᒍᐤ ᐊᔭᒥᐊᐅ ᐎᓱᐛᐅᓇ ᒐᒃ ᓂᒋ ᓂᔅᑐᑕᓐ ᐊᑲ ᐊᓐ ᒍᐤ ᐊᔭᒥᐊᐅ ᐎᓱᐛᐅᓐ ᐊ ᓂᓇᐃᑎᒪᓐ ᒐ ᐅᒋ ᐅᑯᐃᔅᑯᑕᑎᓯᐤ ᐸᒋ ᐃᓯ ᑭᓄᐛᐱᒥᑦ ᒋᓴᒪᓂᑐᐤ᙮ ᐊᑯ ᒪᒃ ᐊᓄᒡ ᒧᔭᒻ ᐊ ᓂᐱᔭᓐ ᑭᔭ ᐊᑲ ᐊᑯ ᒪᑎᑯᔅᑲᑯᔭᓐ ᐊᓂᔭᔪᐛ ᐎᓱᐛᐅᓇ ᓂᑦ ᐃᓯᓇᑯᓯᓐ᙮ ᐊᑯ ᒪᒃ ᑕᑈ ᒐᒋ ᐱᒪᑎᓯᔅᑐᐅᒃ ᒋᓴᒪᓂᑐᐤ᙮

ᑲᓚᓯᔭᓇ 3:8

ᓴᔅ ᐊᓐᑕ ᐛᔅᑭᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋ ᓂᑲᓐ ᐎᑕᑭᓄᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᑯᐃᔅᑯᑕᑎᓯᐅᒡ ᒐ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ ᐊ ᑕᑈᑕᒡ᙮ ᐊᔪᐅᒄ ᐅᔭ ᐛᒋ ᓂᑲᓐ ᐎᑎᒧᐛᑭᓄᐅᑦ ᐊᑉᕋᐊᒻ ᒥᔽᒋᒧᐅᓂᔪᐤ, ᒋ ᐃᑎᑯᑯᐱᓇ ᒋᓴᒪᓂᑐᐛ, “ᒋᔾ ᐊ ᑕᔨᓐ ᒋᑭ ᐅᒋ ᐊᓂᔅᒐᐱᔪᐤ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᓱᐛᔨᒥᒂᐤ᙮”

ᑲᓚᓯᔭᓇ 5:3

ᒥᓐ ᓂᑭ ᐃᑕᐤ ᒥᓯᐛ ᐊᐛᓐ ᑲ ᐱᔅᑎᓂᓱᑦ ᒐᒋ ᒋᔅᒋᓄᐛᒋᔄᑭᓄᐅᑦ, ᑭᑈ ᒐ ᓂᑐᐛᔨᑕᑯᓯᑦ ᒥᓯᐛ ᐊᓂᔭᔪᐛ ᒍᐤ ᐊᔭᒥᐊᐅ-ᐎᓱᐛᐅᓇ ᓇᔅᒡ ᒐᒋ ᓂᓇᐃᑕᐧᒃ᙮

ᐃᑉᕈᐛ 10:11

ᒥᓯᐛ ᐊᔭᒥᐊᐅᒋᒪᐤ ᐊᓯᑯᒻ ᒋᓯᑲᐛ ᐊᑐᔅᒐᐤ ᒧᔅ ᐊ ᐸᐃᑯᓂᔨᒡ ᒐᒂᔪᐤ ᐊ ᐃᑐᑕᐧᒃ, ᒧᔅ ᐊ ᒥᑐᔅᑕᐊᒪᑦ᙮ ᐊᑎ ᒪᒃ ᐊᓂᔭ ᐊ ᐃᑐᑕᐧᒃ ᓇᒪ ᓂᑕ ᒋᑭ ᒋ ᐛᐸᔨᑎᒧᐛᑭᓄᐅᔪᐛ ᐊᐛᔪᐛ ᐅᒥᒋᑥᐅᓂᔪᐤ᙮

ᐃᑉᕈᐛ 10:4

ᑕᐸ ᐛᔅ ᐊᓐ ᓂᑕ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᐅᒥᒋᑥᐅᓇ ᒥᒄ ᐊᓂᔭ ᐊᐛᓯᓴ ᐅᒥᐧᑯᔪᐤ ᐊ ᐊᐱᑎᓂᔨᒡ᙮

ᐃᑉᕈᐛ 7:19

ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮