ᐊᑈᔅᑕᓇᒡ 13:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐛᔅᑭᒡ ᒋ ᒥᓯᓇᐃᑭᓄᐤ ᐊᓐᑕ ᒥᓯᓇᐃᑭᓂᒡ ᑕᓐ ᒐ ᐃᑐᑕᑯᑦ ᐃᔪᐛ ᙭, ᒥᓯᐛ ᒪᒃ ᒋ ᑎᐱᐱᔪᐤ ᐅᔭ, ᒋᓴᔅ ᒋ ᓂᐸᐊᑭᓄᐤ ᐊᑯ ᒂ ᓂᑎᓇᑭᓄᐅᑦ ᒋᐱᔭᑎᑯᒡ ᐅᒡ, ᐊᑯ ᑲᒋ ᓇᐃᐧᑯᐛᑭᓄᐅᑦ᙮

ᐊᑈᔅᑕᓇᒡ 13:29 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:42

ᓴᔅ ᒋ ᐅᑕᑯᓯᔪᐤ ᑲ ᑎᑯᓯᐧᒃ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ᙮ ᐊᕆᒪᑎᔭ ᒋ ᐃᓯᓂᐧᑲᑕᔪᐤ ᐊᓐᑕ ᑲ ᐅᒋᑦ᙮ ᓇᔅᒡ ᒋ ᒋᔅᑕᔨᒥᑯᐤ ᐎᒋ ᐅᒋᒪᐛ ᑲ ᒪᒧᐱᔨᒋ᙮ ᑭᔭ ᐎᔾ ᒋ ᓇᓂᑐᐛᐸᑎᒺᐤ ᒋᓴᒪᓂᑐᐛ ᐅᒋᒪᐅᓂᔪᐤ᙮

ᓗᒃ 23:50

ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ,

ᓗᒃ 23:53

ᐊᑯ ᒪᒃ ᒂ ᐅᑎᓇᐧᒃ ᐊᓂᔭ ᒥᔭᔪᐤ ᒋᐱᔭᑎᑯᒡ ᐅᒋ, ᒂ ᐎᔎᔭᒋᓇᐧᒃ ᐱᒍᐎᔭᓂᒡ ᑭᔭ ᒂ ᓇᐅᔅᑕᑦ ᐊᓐᑕ ᐊᒋ ᐛᑎᒂᐱᔅᑲᐃᑭᓄᐎᒡ᙮ ᓇᒪ ᒪᒃ ᓂᑕ ᐅᒋ ᐊᐱᑎᓂᔪᐤ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ᐊᔅᑕᐛᑦ ᒋᓴᓴ ᐎᔭᔪᐤ᙮

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 19:28

ᐸᑎᒪ ᒪᒃ ᒋᓴᔅ ᒋ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ᒋᔅᑕᐱᔨᒡ ᐊᑯ ᒂ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ᐃᔅᒋᔄᑯᐱᓇ᙮

ᒠᓐ 19:30

ᐃᔅᐱ ᒋᓴᔅ ᑲ ᒥᓐᑦ ᐊᑯ ᒂ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ᓂᔭᒥᔎᔨᑦ ᒂ ᐊᑎ ᐳᓂᐱᒪᑎᓯᑦ᙮

ᐊᑈᔅᑕᓇᒡ 13:27

ᐛᔅ ᐊᓐᒡ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᑭᔭ ᐊᓂᔭ ᑲ ᓂᑲᓂᔅᑲᑯᒡ ᓇᒪ ᐅᒋ ᒋᔅᒐᔨᒪᐅᒡ ᒋᓴᓴ ᐊᔪᑯᓐ ᐊᓂᔭ ᐅᐱᒪᒋᐃᐛᐛ, ᑭᔭ ᓇᒪ ᐅᒋ ᓂᔅᑐᑎᒧᐛᓯᐱᓐᒡ ᑕᓐ ᑲ ᐃᓯ ᒥᓯᓇᐊᒥᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ᐊᔨᒧᒪᔨᒋ ᐊᓂᔭ ᙭ᑕ᙮ ᐊᑎ ᒪᒃ ᐊᓯᑯᒻ ᐊ ᒍᐤ ᐊᔭᒥᐊᐅᒋᓯᑲᔨᒡ ᐊᒋ ᐃᔨᒥᑐᐛᑭᓄᐎᒡ᙮ ᒥᒄ ᒪᒃ ᐃᔅᐱ ᐊᓐᒡ ᒍᐤ ᐃᔪᒡ ᑲ ᓂᑐᐛᔨᒪᒡ ᒋᓴᔅ ᒐᒋ ᓂᐸᐊᑭᓄᔨᒋ, ᐊᑯ ᒂ ᑎᐱᐱᔨᒡ ᑕᓐ ᑲ ᐃᑎᓯᓇᐃᑭᓄᐅᒡ ᒐ ᐃᔅᐱᔨᒡ᙮

ᐊᑈᔅᑕᓇᒡ 2:23

ᓴᔅ ᐊᓐᑕ ᒋ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ᑕᐛᒄ ᒐ ᐃᓯ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ᓂᐸᐊᐛᐤ ᐊᒋ ᐱᔅᑎᓇᑯᒡ ᓇᐸᐅᒡ ᐊ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮

ᐊᑈᔅᑕᓇᒡ 26:22

ᒥᒄ ᒪᒃ ᒋᓴᒪᓂᑐᐤ ᒧᔅ ᓂᒋ ᐸᒋ ᐎᒋᐃᒄ, ᐊᐅᒄ ᐛᒋ ᓂᐳᐅᔭᓐ ᐅᑕ ᐊᓄᒡ ᐊ ᐛᐎᑎᒧᐅᒂᐤ ᒥᓯᐛ ᐊᐛᓐᒋ ᐊ ᑕᑈᔭᓐ ᒥᓯᐛ ᑕᓐ ᐊ ᐃᓯ ᐛᐎᑎᒪᓐ᙮ ᐊᓐ ᒪᒃ ᐊ ᐃᓯ ᐛᐎᑎᒪᓐ ᐊᐅᑯᓐ ᒧᔭᒻ ᑲ ᐃᓯ ᐛᐎᑎᒧᐛᐛᒂ ᑭᔭ ᐎᔨᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᒧᓱᔅ᙮

ᐊᑈᔅᑕᓇᒡ 4:28

ᒥᒄ ᒪᒃ ᐅᔭ ᑕᓐ ᑲ ᐃᓯ ᐃᑐᑕᒡ, ᒋᔾ ᓴᔅ ᐛᔅᑭᒡ ᔅᒋ ᐎᔭᔨᑕᓐ ᒐ ᐃᔅᐱᔨᒡ, ᒋᔾ ᒪᒃ ᔅᒋ ᐃᑐᑕᓐ ᒐᒋ ᑎᐱᐱᔨᒡ᙮

ᐊᑈᔅᑕᓇᒡ 5:30

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ ᐊᓂᔅᒐ ᒍᑕᐎᓄᒡ, ᐊᐅᒄ ᐅ ᑲ ᐅᓂᔅᑲᓇᑦ ᒋᓴᓴ ᐊᓐ ᑲ ᓂᐸᐊᒄ ᒋᐱᔭᑎᑯᒡ᙮

1 ᑯᕆᓐᑎᔭᓇ 15:4

ᐎᑎᒪᒐᒥᑭᓐ ᐅ ᒥᔽᒋᒧᐅᓐ ᐊᒋ ᓇᐅᔅᑕᑭᓄᐎᒡ ᙭ ᐎᔪᐤ᙮ ᐃᔅᐱ ᒪᒃ ᑲ ᓂᔅᑐ ᒋᓯᑲᔨᒡ ᐊᑯ ᑲ ᐅᓂᔅᑲᓇᑭᓄᐅᑦ ᑲᐤ ᒐᒋ ᐱᒪᑎᓯᑦ᙮ ᐊᐅᒄ ᐅ ᐊ ᐃᓯ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮