ᐊᑈᔅᑕᓇᒡ 13:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ “ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ᙮

ᐊᑈᔅᑕᓇᒡ 13:26 Iomraidhean Croise

ᑎᐱᑦ ᐅᓂᑭᒧᐅᓇ 105:6

ᐅ ᒋᔨᐛᐤ ᐅᑦ ᐊᐛᓯᒥᓴ ᐊᑉᕋᐊᒻ ᐎᔾ ᐅᑦ ᐊᑐᔅᒐᔭᑭᓇ, ᒋᔨᐛᐤ ᐅᑦ ᐊᐛᓯᒥᓴ ᒐᑭᑉ ᐅᐛᐛᔭᐱᒪᑭᓇ᙮

ᒪᑎᔪᐤ 10:6

ᒥᒄ ᐊᓐᑕ ᐃᑐᑕᒄ ᐃᔅᕋᐃᓪ ᐊᔅᒋᒡ ᐊᓐᑕ ᒍᐤ ᐃᔪᒡ ᐊᑕᒡ ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᐃᓯᓇᑯᓱᐅᒡ᙮

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᓗᒃ 1:69

ᑭᔭ ᔅᒋ ᐅᑎᓂᒪᑯᓄᐤ ᐊ ᓱᒋᔨᒋ ᐱᒪᒋᐃᐛᓱᐛ ᐊᓐᑕ ᐅᑦ ᐊᑐᔅᒐᔭᑭᓂᒪ ᑎᐱᑕ ᐅᑦ ᐃᔨᒥᔨᒡ ᐅᒋ᙮

ᓗᒃ 1:77

ᒐ ᒋᔅᒐᔨᑎᒥᐃᒥᑎ ᐅᑦ ᐃᔨᒪ ᐊᓂᔭᔪᐤ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ ᐊ ᐊᐅᓂᔨᒡ ᐱᒪᒋᐃᐛᐅᓂᔪᐤ᙮

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᒠᓐ 6:68

ᒂ ᐃᓯ ᐎᑎᒪᑯᑦ ᓴᐃᒥᓐ ᐱᑕᕋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ᑎᒂᒡ ᑲᒋᒡ ᐱᒪᑎᓯᐅᓐ᙮

ᐊᑈᔅᑕᓇᒡ 10:2

ᒋ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ᐎᒋᐊᐤ ᐊᓂᔭ ᑲ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ᐊᔭᒥᐊᐤ᙮

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᐊᑈᔅᑕᓇᒡ 13:43

ᐊᑯ ᒪᒃ ᒥᒐᑦ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᐊᔭᒥᐊᐛᑎᓯᒡ ᒋ ᐎᒐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᑲ ᐎᑎᒧᐛᒡ ᐊᓂᔭ ᐃᔪᐛ ᐊ ᐃᑕᒡ, ᒋᓴᒪᓂᑐᐤ ᓇᔅᒡ ᑕᑈ ᒋ ᒥᔪᑐᑕᑯᐛᐤ, ᓱᒃ ᑯᐃᔅᒄ ᐎ ᐃᓯ ᐱᒪᑎᓯᒄ ᒐᒋ ᐅᒋ ᓱᐛᔨᒥᑕᒄ ᒋᓴᒪᓂᑐᐤ᙮

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᐊᑈᔅᑕᓇᒡ 16:17

ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐊᑈᔅᑕᓇᒡ 22:5

ᐅ ᒪᒃ ᒋᓴᐊᔭᒥᐊᐅᒋᒪᐤ ᑭᔭ ᐊᓐᒡ ᒍᐤ ᐃᔪᒡ ᑲ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᒋᑭ ᒋ ᐎᑎᒪᑯᐛᐅᒡ ᐊ ᑕᑈᐅᒡ ᐅᔭ ᑲ ᐃᔅᒋᔄᐅᒡ᙮ ᓂᒋ ᒥᔨᑯᒡ ᒥᓯᓇᐃᑭᓇ ᒐᒋ ᐃᑐᑐᒥᒋ ᐎᐧᑲᓂᓯᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮ ᒋ ᒥᓯᓇᑕᔪᐤ ᐊᓐᑕ ᐊ ᐃᑎᓱᒥᒡ ᒐᒋ ᒪᑯᓂᒥᒋ ᑭᔭ ᒐᒋ ᒪᒋᒂᐱᐧᑲᑕᒥᒋ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᑭᔭ ᒐᒋ ᐸᓱᒥᒋ ᐅᑕ ᒋᕈᓯᓕᒥᒡ ᒐᒋ ᐛᐛᓯᐊᑭᓄᔨᒋ᙮”

ᐊᑈᔅᑕᓇᒡ 28:28

ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”

ᐊᑈᔅᑕᓇᒡ 3:26

ᒋ ᐅᑎᓇᐤ ᒪᒃ ᒋᓴᒪᓂᑐᐤ ᐅᔭ ᐅᑦ ᐊᐱᒋᐊᑭᓇ ᒋᔨᐛᐤ ᒪᐅᒡ ᓂᔅᑎᒻ ᒐᒋ ᐃᑎᓴᐊᒪᑕᒄ᙮ ᒋᑭ ᓱᐛᔨᒥᑯᐛᐤ ᐊ ᐃᑐᑕᑯᐅᔭᒄ ᒥᓯᐛ ᐊ ᑎᓯᔭᒄ ᒐᒋ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮”

ᐊᑈᔅᑕᓇᒡ 4:12

ᓇᒪᐎᔾ ᑯᑎᒃ ᐊᐛᓐ ᐊᔭᐤ ᐱᒪᒋᐃᐛᐅᓂᔪᐤ, ᐛᔅ ᓇᒪ ᑎᑯᓐ ᑯᑎᒃ ᐃᓯᓂᐧᑲᓱᐅᓐ ᓯᐸ ᒋᓯᑯᒡ ᑲ ᒥᔭᑭᓄᐅᒡ ᐃᔪᒡ ᒐᒋ ᐅᒋ ᐱᒪᒋᐃᑯᔭᐧᒄ᙮”

ᐊᑈᔅᑕᓇᒡ 5:20

“ᒪᒋᒄ ᓇᑕ ᐃᑐᑕᒄ ᒋᓴᐊᔭᒥᐊᐅᒋᐛᐱᒡ, ᒐ ᐛᐎᑎᒧᐛᑯᒡ ᒥᓯᐛ ᐊᐛᓐᒋ ᐅᔭ ᑲ ᐅᔅᑲᔨᒡ ᐱᒪᑎᓯᐅᓂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:16

ᐛᔅ ᑕᐸ ᓂ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒋ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ᐛᐎᑎᒧᐛᑭᓄᔨᒋ᙮

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮