ᐊᑈᔅᑕᓇᒡ 13:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᒪᒃ ᑈᓪ ᑲ ᐅᐱᑲᐳᐅᑦ, ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭ ᐃᔪᐛ ᒐ ᐊᑲ ᒋ ᒋᔅᑐᔨᒋ, ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᑕᐱᔅᑯᓐ ᒋᔨᐛᐤ ᒍᐤ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᓂᑐᑐᐅᒄ᙮

ᐊᑈᔅᑕᓇᒡ 13:16 Iomraidhean Croise

ᑎᐱᑦ ᐅᓂᑭᒧᐅᓇ 135:20

ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ᑎᓯᔨᓐ ᓕᐸᐃ: ᒋᔨᐛᐤ ᑲ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 67:7

ᒋᓴᒪᓂᑐᐤ ᒋᑭ ᒥᔪᑐᑕᑯᓄᐤ: ᑭᔭ ᒥᓱᐛᔅᑲᒥᑯᔪᐤ ᒋᑭ ᓇᓂᒋᔅᑕᑯᐤ᙮

ᑎᐱᑦ ᐅᓂᑭᒧᐅᓇ 85:9

ᒐᔅᑎᓇᔅ ᐸᔄᐸᑎᒥᔪᐛ ᐅᐱᒪᒋᐃᐛᐅᓐ ᐊᓂᔭᔪᐛ ᑲ ᓇᓂᒋᔅᑕᑯᑦ; ᒋᔅᑕᔨᑕᑯᓱᐅᓐ ᒐᒋ ᐎᒋᒥᑭᓐ ᒋᑦ ᐊᔅᒋᓇᒡ᙮

ᒪᑎᔪᐤ 11:15

ᐎ ᓂᔅᑐᑎᒧᒄ ᒪᒃ ᑕᓐ ᑲ ᐃᓯ ᐸᑎᒪᒄ᙮”

ᓗᒃ 1:22

ᐃᔅᐱ ᒪᒃ ᐱᔭᒋ ᐎᐎᑦ ᓴᑲᕋᔭ ᓇᒪ ᐅᒋ ᐃᔨᒧᐤ᙮ ᐊᑯ ᐊᓐᒡ ᐃᔪᒡ ᑲ ᒋᔅᒐᔨᑕᒡ ᐛᐸᑎᔨᐛᐅᓂᔪᐤ ᐊᒋ ᐛᐸᑎᔭᑭᓄᔨᒋ ᐱᑎᑭᒥᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒥᒄ ᒋ ᐃᓯᓂᔅᒐᐱᔪᐤ ᓴᑲᕋᔭ ᒐᒂᔪᐤ ᐊ ᐎ ᐃᔅᒋᔄᑦ ᐊᑲ ᑲ ᐅᒋ ᐃᔨᒥᑦ᙮

ᓗᒃ 1:50

ᒧᔅ ᓱᐛᔨᒪᐤ ᐊᓂᔭ ᐊᐛᔪᐛ ᑲ ᓇᓂᒋᔅᑕᑯᑦ, ᐊᐅᑯᓐ ᒧᔅ ᑲ ᐸᒋ ᐃᑎᑦ ᑭᔭ ᐊᐅᑯᓐ ᒧᔅ ᒐ ᐃᑎᑦ᙮

ᓗᒃ 23:40

ᐊᓐ ᒪᒃ ᑯᑎᒃ ᑲᒋᒧᑎᑦ ᒂ ᐎᑎᒧᐛᑦ ᐊᓂᔭ ᐎᒋ ᒋᒧᑐᐛ ᐊ ᐃᑕᑦ, “ᓇᒪᐎᔾ ᐊ ᒋ ᑯᔅᑕᐤ ᒋᓴᒪᓂᑐᐤ ? ᔅᒋ ᐃᓯ ᑎᐸᔅᑯᓂᑯᓇᓄᐤ ᑕᐱᔅᑯᓐ ᐎᔾ ᐊ ᐃᓯ ᑎᐸᔅᑯᓇᑭᓄᐅᑦ᙮

ᐊᑈᔅᑕᓇᒡ 10:2

ᒋ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ᐎᒋᐊᐤ ᐊᓂᔭ ᑲ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ᐊᔭᒥᐊᐤ᙮

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᐊᑈᔅᑕᓇᒡ 12:17

ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

ᐊᑈᔅᑕᓇᒡ 13:26

“ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ᙮

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᐊᑈᔅᑕᓇᒡ 19:33

ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮

ᐊᑈᔅᑕᓇᒡ 2:14

ᐱᑕᕐ ᒪᒃ ᒋ ᐎᒋᑲᐳᔅᑐᐛᐤ ᐊᓂᔭ ᑲ ᐸᐃᑯᓴᐳᔨᒋ ᐊᑈᔅᑕᓇ᙮ ᒂ ᐅᑎᔅᑯᑲᐳᔅᑐᐛᒡ ᐊᓂᔭᔪᐛ ᐃᔪᐛ᙮ ᐊᑯ ᐱᑕᕐ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊ ᒋᔄᐛᑦ ᐊ ᐃᔅᒋᔄᑦ, “ᒋᔭᓄᐤ ᒍᐤ ᑲ ᐃᑎᔅᑲᓇᓯᔭᐧᒄ ᑭᔭ ᒥᓯᐛ ᒋᔨᐛᐤ ᐊ ᑎᓯᔭᒄ ᐅᑕ ᒋᕈᓯᓕᒥᒡ ᑲ ᐎᒋᔭᒄ ᐃᔭᒂᐤ ᐸᒋ ᓂᑐᑐᐅᒄ ᑕᓐ ᒐ ᐃᓯ ᐎᑎᒪᑎᑯᒡ᙮ ᒋᑭ ᐎᑎᒪᑎᓇᐛᐤ ᐅ ᒐᒂᓐ ᑲ ᐃᔅᐱᔨᒡ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

ᐊᑈᔅᑕᓇᒡ 21:40

ᐊᑯ ᒂ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ᐃᔨᒪᐊᑦ ᐃᑉᕈᐤ ᐊ ᐃᓯ ᐃᔨᒥᑦ᙮

ᐊᑈᔅᑕᓇᒡ 22:22

ᐃᔅᐱ ᒪᒃ ᐅᔭ ᐊ ᐃᓯ ᐃᔨᒥᔨᒋ ᐊᓂᔭᔪᐛ ᑈᓚ, ᐊᓂᔭ ᑭᑈ ᐊ ᐃᑕᒋᒧᔨᒋ ᒋᓴᒪᓂᑐᐛ ᐊᒋ ᐃᑎᓴᐅᑯᔨᒋ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ, ᐊᑯᓐ ᑲ ᐃᔅᐱᔅ ᓂᑐᑐᐛᒡ ᐊᓐᒡ ᐃᔪᒡ᙮ ᒋ ᒋᒋ ᐊᓯᒂᐅᒡ ᐊ ᐃᔅᒋᔄᒡ, “ᓂᐸᐊᐧᒄ ᐅ ᓇᐸᐤ, ᓇᒪ ᐃᑕᔨᑕᑯᓱᐤ ᒐᒋ ᐱᒪᑎᓯᑦ ᐅᑕ ᐊᔅᒋᒡ᙮”

ᐊᑈᔅᑕᓇᒡ 3:12

ᐃᔅᐱ ᒪᒃ ᐱᑕᕐ ᐛᔭᐱᒪᑦ ᐊᓂᔭᔪᐛ ᐃᔪᐛ, ᒋ ᐃᑕᐤ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ, ᒐᒂᓐ ᐛᒋ ᓇᔅᒡ ᑯᔅᑯᓴᐱᒧᔭᒄ ᐅ, ᑭᔭ ᒐᒂᓐ ᓇᔅᒡ ᐛᒡ ᒥᔅᑲᓯᓄᐅᔭᒡ ? ᒋᑦ ᐃᑕᔨᑕᓇᐛᐤ ᐊ ᓂᔭᓐ ᑎᐱᔨᐛ ᓂᒥᔅᑯᓯᐅᓇᒡ ᒪᒃ ᓂᑦ ᐊᔭᒥᐊᐛᑎᓯᐅᓇᒡ ᐛᒋ ᐱᒧᑕᑦ ᐅ ᓇᐸᐤ ?

ᒋᔅᒐᔨᑕᑯᑕᒐᐅᓐ 2:11

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”

ᒋᔅᒐᔨᑕᑯᑕᒐᐅᓐ 2:29

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”