ᐊᑈᔅᑕᓇᒡ 13:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐃᔅᐱ ᒪᒃ ᐎᔭᐸᑕᐧᒃ ᐊᓐ ᒋᓴᐅᒋᒪᐤ ᐅᔭ ᐊ ᐃᔅᐱᔨᒡ ᒋ ᑕᑈᔭᔨᒪᐤ ᐅᑎᐸᔨᒋᒐᐛ ᑭᔭ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᑲ ᐃᓯ ᐸᑕᐧᒃ ᐊ ᒋᔅᑯᑎᒪᒐᓄᐎᒡ ᐊ ᐊᔨᒧᒪᑭᓄᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 13:12 Iomraidhean Croise

ᒪᑎᔪᐤ 27:54

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ᐃᔅᐱᔨᒡ ᒋ ᓴᒋᓱᐅᒡ᙮ ᐊᑯ ᒂ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”

ᓗᒃ 4:22

ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”

ᓗᒃ 7:16

ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᒠᓐ 7:46

ᐊᑯ ᐊᓐᒡ ᑲᒪᑯᓄᐛᓯᒡ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᐊ ᐃᑕᒡ, “ᓇᒪ ᓂᑕ ᐊᐛᓐ ᐅᒋ ᐃᔅᐱᔅ ᒥᔪ ᒋᔅᑯᑎᒪᒐᐤ ᐊ ᐃᔅᐱᔅ ᒥᔪ ᒋᔅᑯᑎᒪᒐᑦ ᐅ ᓇᐸᐤ᙮”

ᐊᑈᔅᑕᓇᒡ 13:48

ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ᒥᔽᔨᑎᒧᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ᑕᑈᔭᔨᒪᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 13:49

ᐊᑯ ᒪᒃ ᐊᔭᔅᒃ ᒥᓯᑕ ᑲ ᐊᑎ ᐸᑕᑯᓂᔨᒡ ᐅᑎᐸᔨᒋᒐᐤ ᐅᑦ ᐃᔨᒧᐅᓐ᙮

ᐊᑈᔅᑕᓇᒡ 13:7

ᑭᔭ ᐅ ᐸᕐ-ᒋᓴᔅ ᒋ ᐅᐎᒐᐛᑭᓄᐤ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᒥᓂᔅᑎᑯᔪᐤ ᑲ ᑕᔨᒋ, ᓴᕐᒋᔭᔅ ᑈᓚᔅ ᑲ ᐃᓯᓂᐧᑲᓱᔨᒋ, ᐊᒋ ᒥᔅᑎ ᐃᑈᐧᑲᔨᒋ᙮ ᐊᓐ ᒪᒃ ᒋᓴᐅᒋᒪᐤ ᒋ ᐎᓴᒪᐤ ᐸᕐᓇᐸᓴ ᑭᔭ ᓴᓚ ᐊ ᐎ ᐸᑕᐧᒃ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 13:8

ᒥᒄ ᒪᒃ ᐅ ᑲ ᒪᒥᑕᐛᑎᓯᑦ ᐸᕐ-ᒋᓴᔅ ᑲ ᐃᓯᓂᐧᑲᓱᑦ, ᐊᓕᒪᔅ ᒋ ᐃᓯᓂᐧᑲᑎᑯᐤ ᐊᓂᔭ ᑯᕆᒃ ᑲ ᐃᓯ ᐃᔨᒥᔨᒋ, ᒋ ᐎ ᑯᔅᑎᔭᐤ ᐸᕐᓇᐸᓴ ᑭᔭ ᓴᓚ ᒐᒋ ᐎᑎᒧᐛᔨᒋ ᐊᓂᔭ ᒋᓴᐅᒋᒪᐛ ᒥᔽᒋᒧᐅᓂᔪᐤ, ᐛᔅ ᓇᒪ ᐅᒋ ᓂᑐᐛᔨᒪᐤ ᒐᒋ ᑕᑈᔭᔨᒪᔨᒋ ᐅᑎᐸᔨᒋᒐᐛ ᒋᓴᓴ᙮

ᐊᑈᔅᑕᓇᒡ 15:35

ᑈᓪ ᑭᔭ ᐸᕐᓇᐸᔅ ᐊᑯᑕ ᑭᔭ ᐎᔨᐛᐤ ᑲ ᑕᒡ ᐛᐃᐱᔅᒋᔅ ᐊᓐᑕ ᐊᓐᑎᔭᑭᒡ᙮ ᒋ ᒋᔅᑯᑎᒪᒐᐅᒡ ᑭᔭ ᒋ ᑭᒐᔅᒋᒧᐅᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ ᐊ ᐊᔨᒧᑕᒡ᙮ ᒥᒐᑦ ᑭᔭ ᑯᑎᑲ ᐊᓐᑕ ᑲ ᑕᔨᒋ ᐊᐅᑯᓐ ᑲ ᐃᑎᔨᒋ᙮

ᐊᑈᔅᑕᓇᒡ 15:36

ᐸᑎᒪ ᒪᒃ ᑈᓪ ᒋ ᐃᑕᐤ ᐊᓂᔭ ᐸᕐᓇᐸᓴ, “ᑲᐤ ᒪ ᐃᑐᑕᑕᐤ ᐊᓂᔭᔪᐛ ᐅᑕᓇᐛ ᐊᓐᑕ ᑲ ᐛᐎᑎᒪᐧᒄ ᒥᔽᒋᒧᐅᓐ ᒐ ᓂᑐ ᒋᔅᒐᔨᒪᐧᑯᒡ ᒪᔪᐱᔪᐛᒂ ᐊᓐᒡ ᒋᐧᑲᓂᓯᓄᐅᒡ᙮”

ᐊᑈᔅᑕᓇᒡ 18:12

ᐃᔅᐱ ᒪᒃ ᑲᓕᐅ ᕈᒻ ᑲ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ᒪᒧᐎᐅᒡ ᐊᑯ ᒂ ᒪᑯᓇᒡ ᑈᓚ ᒂ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 19:10

ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:20

ᐅ ᒪᒃ ᐊᒋ ᐃᔅᐱᔨᒡ ᒋ ᐊᑎ ᒥᓯᑕᐱᔪᐤ ᒥᔽᒋᒧᐅᓐ, ᐊᓐ ᒪᒃ ᐊ ᐃᔅᐱᔅ ᓱᒋᐱᔨᒡ ᐅ ᒥᔽᒋᒧᐅᓐ ᒥᒐᑦ ᐊᐛᓐᒋ ᒋ ᐊᑎ ᑕᑈᑎᒧᒡ᙮

ᐊᑈᔅᑕᓇᒡ 19:38

ᐊᑯ ᑎᒥᑦᕆᔭᔅ ᑭᔭ ᐊᓂᔭ ᑲ ᐎᒐᐱᑎᓯᒪᑦ ᐛᔅᑐᐛᔨᑎᒧᐛᒂ ᑎᐸᔅᑯᓂᒐᐅᒋᐛᐱᒡ ᒋᐸ ᐃᑐᑕᐅᒡ᙮ ᐛᔅ ᓴᓇᑭᓄᐤ ᐊᓐ ᑎᐸᔅᑯᓂᒐᐅᒋᐛᑉ ᑭᔭ ᑕᐅᒡ ᐊᓐᒡ ᑲᒪᑯᓄᐛᓯᒡ ᐊᑯᑕ ᒪᒃ ᐊᓐᑕ ᒋᐸ ᒪᒥᓯᒥᑐᐅᒡ᙮

ᐊᑈᔅᑕᓇᒡ 19:7

ᓴᓯᑲᓐ ᒪᒃ ᓂᓱᓴᑉ ᒋ ᑕᑎᓱᐅᒡ ᒪᒧᐤ ᐊᓐᒡ ᓇᐸᐅᒡ ᑲ ᑕᒋᓇᑭᓄᐎᒡ᙮

ᐊᑈᔅᑕᓇᒡ 28:7

ᓇᒪ ᐛᔪᐤ ᐊᓐᑕ ᐊᓂᔭ ᑲ ᑕᒡ ᒋ ᑎᑯᓐ ᓂᑕᐅᒋᑕᑭᓐ ᐊᔅᒋᔾ᙮ ᐳᐱᓕᔭᔅ ᒋ ᐃᓯᓂᐧᑲᓱᐤ ᐊᓐ ᑲ ᐅᒋᒪᐅᑦ ᐊᓐᑕ ᐊᓂᔭ ᒥᓂᔅᑎᑯᔪᐤ᙮ ᐊᐅᒄ ᒪᒃ ᐅ ᑲ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᔅᒡ ᓂᒋ ᒥᔪᑐᑕᑯᓇᓐ ᐅ ᓇᐸᐤ᙮ ᓂᔅᑐ ᒋᓯᑲᐛ ᓂᒋ ᐃᔅᐱᔅ ᐃᑕᐛᓇᓐ ᐊᓐᑕ ᐊ ᑕᑦ᙮

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

ᐊᑈᔅᑕᓇᒡ 8:25

ᐃᔅᐱ ᒪᒃ ᐱᑕᕐ ᑭᔭ ᒠᓐ ᑲᒋ ᐃᓯ ᐛᐎᑎᒧᐛᒡ ᐊᓂᔭᔪᐛ ᐃᔪᐛ ᐊᓐᑕ ᐅᑕᓇᒡ ᑲ ᑕᔨᒋ ᑕᓐ ᐊ ᐃᓯ ᒋᔅᒐᔨᒪᒡ ᐅᑎᐸᔨᒋᒐᐛ ᒋᓴᓴ, ᑭᔭ ᐊ ᐛᐎᑎᒧᐛᒡ ᒥᔽᒋᒧᐅᓂᔪᐤ ᐊᑯ ᒂ ᒋᐛᒡ ᐊᓐᑕ ᒋᕈᓯᓕᒥᒡ᙮ ᒪᒂᒡ ᒪᒃ ᐊ ᐊᑎ ᐱᒧᑕᒡ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᓂᓇᐧᑯᐤ ᐅᑕᓇᐛ ᐊᓐᑕ ᓴᒪᕆᔭ ᐊᔅᒋᒡ ᑲ ᑎᑯᓂᔨᒋ᙮