ᐊᑈᔅᑕᓇᒡ 13:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒋ ᐎᑎᒪᑎᓐ ᐊᓄᒡ ᓄᐛᒡ ᒋᑭ ᐛᐛᓯᐃᒄ ᐅᑎᐸᔨᒋᒐᐤ, ᐛᐃᐱᔅᒋᔅ ᒪᒃ ᓇᒪ ᒋᑭ ᐅᒋ ᐛᐱᒪᐤ ᐱᓯᒻ,” ᒋ ᐃᑕᐤ ᓴᓪ ᐊᓂᔭ ᑲ ᒪᒥᑕᐛᑎᓯᔨᒋ ᓇᐸᐛ᙮ ᑎᐛᒡ ᒪᒃ ᒋ ᒧᓯᑕᐤ ᐊ ᐱᒋᓴᐱᔨᒡ ᑭᔭ ᐊ ᐅᒋ ᑎᐱᔅᒋᐱᔨᒡ ᐊ ᐃᑕᔨᑕᐧᒃ ᐊᓐ ᓇᐸᐤ ᐊᑯ ᓇᒪ ᐅᒋ ᐛᐸᑎᒻ, ᐊᑯ ᑲ ᓇᓂᑐᒥᔅᑯᓇᑦ ᐊᐛᔪᐛ ᒐᒋ ᓯᔅᒋᓂᔅᒐᑕᐃᑯᑦ᙮

ᐊᑈᔅᑕᓇᒡ 13:11 Iomraidhean Croise

ᒐᓂᓯᔅ 19:11

ᐊᑯ ᒂ ᐃᑐᑐᐛᒡ ᒥᓯᐛ ᓱᑕᒻ ᓇᐸᐛ ᒐ ᐊᑲ ᐛᐸᑎᒥᔨᒋ ᒪᒃ ᒐ ᐊᑲ ᒋ ᒥᔅᑯᐛᔨᒋ ᔅᑐᐧᑭᓇ᙮

ᑎᐱᑦ ᐅᓂᑭᒧᐅᓇ 32:4

ᐛᔅ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᑎᒋᔾ ᓂ ᑯᓯᑯᔅᑲᑯᓐ: ᓂᑎᑈᓱᐅᓐ ᒧᔭᒻ ᐊ ᐸᔅᑕᒡ ᒪᒂᒡ ᐊ ᓂᐱᒡ᙮

ᑎᐱᑦ ᐅᓂᑭᒧᐅᓇ 38:2

ᐛᔅ ᒋᑦ ᐊᑭᔎᒡ ᓂ ᒥᒋᒥᔅᑲᑯᒡ, ᒋᑎᒋᔾ ᒪᒃ ᓂ ᐎᓴᒋᔅᑲᑯᓐ᙮

ᐊᒃᓱᑕᔅ 9:3

ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᐅᒡ ᒋᑭ ᐸᒋ ᐃᑎᓴᒻ ᒥᔅᑎ ᐊᐧᑯᓱᐅᓂᔪᐤ ᒐ ᐃᔭᒡ ᒋᑦ ᐊᐛᓯᓯᒧᐛᐅᒡ ᐊᓐᑕ ᑲ ᑕᒡ ᓂᑕᐅᒋᒋᑭᓂᒡ᙮ ᐊᓐᒡ ᑲᐸᐃᑭᔎᐅᒡ ᑭᔭ ᐅᐧᑲᓐᒡ ᑭᔭ ᑲ ᒥᔅᑎ ᐱᔎᐅᑯᓇᒡ ᐊᐛᓯᓯᒡ ᑭᔭ ᒥᔅᑐᓯᒡ, ᒪᔭᑕᓂᓯᒡ ᑭᔭ ᑲ ᐅᑦ ᐊᔅᑭᓂᓯᒡ᙮

ᒠᓐ 9:39

ᒋᓴᔅ ᒂ ᐃᑕᑦ, “ᓂᒋ ᐸᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᑎᐸᔅᑯᓂᒐᔭᓐ ᐊᓐᑕ ᒐᒋ ᐅᒋ ᐛᐸᑕᒡ ᐊᓐᒡ ᐊᑲ ᐛᐸᑕᒡ, ᐊᑯ ᐊᓐᒡ ᑲ ᐛᐸᑕᒡ ᒐ ᐊᑲ ᒋ ᐛᐸᑕᒡ᙮”

ᐊᑈᔅᑕᓇᒡ 9:17

ᐊᓇᓇᔭᔅ ᒪᒃ ᒋ ᐃᑐᑕᐤ ᐊᓐᑕ, ᒂ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ᑕᒋᓇᑦ ᐊ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ᐃᑎᓴᐅᒄ, ᐊᓐ ᑲ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ᐃᑐᑕᔨᓐ ᐅᑕ᙮ ᓂᒋ ᐸᒋ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ᐸᔭᒋᓯᑦ ᐊᒐᐧᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:25

ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮

ᐃᑉᕈᐛ 10:31

ᐃᔭᒂᒥᒄ᙮ ᑕᑈ ᑯᔅᑕᑕᔨᑕᑯᓂᔪᐤ ᒋᓴᒪᓂᑐᐤ, ᑲᒋᒡ ᑲ ᐱᒪᑎᓯᑦ, ᑕᓐ ᒐ ᐃᓯ ᐛᐛᓯᐊᑦ ᐊᐛᔪᐛ᙮

2 ᐱᑕᕐ 2:17

ᐅᒡ ᒪᒃ ᐊᐛᓐᒋ ᒧᔭᒻ ᐅᑕᐃᐸᓐ ᐊ ᐸᒂᐱᔨᒋ ᐃᑕᔨᑕᑯᓱᐅᒡ, ᑭᔭ ᒧᔭᒻ ᑭᔅᑯᐅᓂᔅᑯᒡ ᐊ ᐱᐸᒪᓯᒡ᙮ ᐊᓐᑕ ᒪᐅᒡ ᐊ ᐅᑲᔅᑕᔭᔨᒡ ᐊᑯᑕ ᐊ ᐊᔭᔅᑯᔍᑯᒡ ᒋᓴᒪᓂᑐᐛ ᒐᒋ ᑕᒡ᙮