ᐊᑈᔅᑕᓇᒡ 13:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᒂ ᐃᑕᑦ, “ᒧᔭᒻ ᒥᒋᒥᓂᑐᐤ ᐅᑦ ᐊᐛᓯᒪ ᐊ ᐃᑕᔨᑕᑯᓯᔨᓐ, ᐊ ᐛᐧᑲᑎᒥᓐ ᒥᓯᐛ ᑯᐃᔅᑯᑕᑎᓯᐅᓐ᙮ ᐊᑯᓐ ᐊᑯ ᐃᔅᐱᔅ ᐎᔭᓯᐃᐛ ᑭᔭ ᐳᓂ ᐊᑯ ᐊ ᐎ ᓂᓱᐅᓇᒋᑕᐅᑦ ᐊᓂᔭ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᑕᑎᓯᓇᓄᐎᒡ᙮

ᐊᑈᔅᑕᓇᒡ 13:10 Iomraidhean Croise

ᒐᓂᓯᔅ 18:19

ᐛᔅ ᐎᔾ ᓂᒋ ᐛᔭᐱᒪᐤ ᒐᒋ ᒋᔅᑯᑎᒧᐛᑦ ᐅᑦ ᐊᐛᓯᒪ ᑭᔭ ᒐ ᐊᓂᔅᒐ ᐱᒪᑎᓯᔨᒋ ᐅᑦ ᐊᓂᔅᑯᑕᐸᓇ ᒐᒋ ᓇᐊᔨᑎᒥᔨᒋ ᓂᑦ ᐃᑎᓱᐛᐅᓇ ᑭᔭ ᐃᑐᑎᒥᔨᒋ ᑯᐃᔅᑯᑐᑎᒧᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᑭᔭ ᐊᑯ ᒪᒃ ᒐ ᒥᔨᒃ ᐊᑉᕋᐊᒻ ᒥᓯᐛ ᒐᒂᔪᐤ ᑲ ᐃᓯ ᐊᓱᑎᒧᐅᒃ᙮”

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒪᑎᔪᐤ 13:38

ᐊᑯ ᐊᓐ ᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᐊᔅᒋᔾ, ᐊᓐ ᒪᒃ ᑲ ᒥᔪᓯᑦ ᓂᑕᐅᒋᑕᑭᓐ ᐊᐅᑯᓐᒡ ᐊᓐᒡ ᐃᔪᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᑲ ᐅᒋᒡ, ᐊᑯ ᐊᓐᒡ ᒥᒋ ᓂᑕᐅᒋᑕᑭᓐᒡ ᐊᐅᑯᓐᒡ ᐊᓐᒡ ᐃᔪᒡ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᑲ ᐅᒋᒡ᙮

ᒪᑎᔪᐤ 15:19

ᐛᔅ ᒥᑕᐃᒡ ᐅᒋᐱᔪᐤ ᒥᒋ ᒪᒥᑐᓇᔨᑎᒧᐅᓐ, ᓂᐸᐃᐛᐅᓐ, ᐱᓯᒂᑎᓯᐅᓐ, ᓂᑎᒥᒄ ᐃᑐᐅᓐ, ᑭᒐᒧᑐᐅᓐ, ᑭᑭᒋᔪᐅᓐ, ᑭᔭ ᐸᔅᑕᒧᐅᓐ᙮

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒪᑎᔪᐤ 3:7

ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?

ᓗᒃ 11:39

ᐊᑯ ᒋᓴᔅ ᒂ ᐃᑕᑦ, “ᒋᔨᐛᐤ ᐸᕆᓯᔨᒡ, ᓇᔅᒡ ᐃᔭᒂ ᐊ ᐃᑕᔨᑎᒥᐃᑯᔭᒄ ᒋᐎᔭᑭᓄᐛᐛ ᑭᔭ ᒋᒥᓂᒂᑭᓄᐛᐛ ᒐᒋ ᐸᔭᐧᑲᒋ᙮ ᒥᒄ ᒪᒃ ᐊᐅᑯᓐ ᒋᒋᐛ ᐊ ᐃᑕᔨᑕᑯᓯᔭᒄ ᓇᔅᒡ ᐊ ᒥᒐᑎᓯᔭᒄ ᑭᔭ ᓇᔅᒡ ᐊ ᒥᒋᑐᑎᒪᒄ᙮

ᓗᒃ 11:52

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᑲ ᒋᔅᑯᑎᒪᒐᔭᒄ ᐎᓱᐛᐅᓐ᙮ ᒋ ᓂᑲᐛᐛᐅᒡ ᐊᐛᓐᒋ ᒐᒋ ᒋᔅᒐᔨᒪᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮ ᒋᔨᐛᐤ ᓇᒪ ᒋ ᐎ ᐱᒐᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑭᔭ ᒋ ᓂᑲᐛᐛᐅᒡ ᐊᓐᒡ ᐊᐛᓐᒋ ᑲ ᐎ ᐱᒐᒡ᙮ ᒧᔭᒻ ᐊᐛᓐ ᐊ ᐅᑎᓇᐧᒃ ᐊᓂᔭ ᐊᐸᐃᑭᓂᔪᐤ ᒐ ᐊᑲ ᒋ ᐱᒐᔨᒋ ᐊᐛᔪᐛ ᐊᓐᑕ ᒋᓴᒪᓂᑐᐛ ᐊ ᐅᒋᒪᐎᔨᒋ ᐊᐅᒄ ᐊ ᐃᓯᓇᑯᓯᔭᒄ᙮”

ᒠᓐ 1:23

ᐊᑯ ᒠᓐ ᒂ ᐃᔅᒋᔄᑦ, “ᐊᐅᒄ ᐊᓐ ᓂᔾ ᑲᒋ ᑎᐸᒋᒥᑦ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ᙮ ᒋ ᐃᔅᒋᔄᐤ, ᒋᑭ ᑎᑯᓯᓄᐤ ᐊᐛᓐ ᐊᓐᑕ ᐸᐧᑯᑎᔅᑭᒥᑲᒡ ᐊ ᐅᑐᑕᑦ ᐊ ᐃᓯ ᑕᑈᑦ, ᐊᔭᔅᑯᐎᔅᑕᒺᐧᒄ ᐅᑎᐸᔨᒋᒐᐤ ᐅᒪᔅᑭᓇᒻ ᐊᓐᑕ ᒐ ᐱᒧᑕᑦ, ᑯᐃᔅᑯᒧᑕᐛᐧᒄ᙮”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᐊᑈᔅᑕᓇᒡ 20:30

ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ᑕᔭᒄ ᒋᑭ ᐅᒋ ᐎᔨᑲᐳᐅᒡ ᐊᐛᓐᒋ ᐊ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ᐃᒐᐱᑕᒡ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮

2 ᑯᕆᓐᑎᔭᓇ 11:3

ᓂ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ᑭᑭᒋᔭᒥᑯᑦ, ᓂ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ᓇᓴᐛᐛᐤ ᑭᔭ ᒥᒄ ᐎᔾ ᒋ ᓂᓇᑭᑐᐛᔨᒪᐛᐤ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

2 ᐱᑕᕐ 2:15

ᓴᔅ ᒋ ᓂᑭᑎᒧᒡ ᑯᐃᔅᒄ ᐊ ᐃᓯ ᐱᒧᑕᓄᐎᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋ ᐱᔅᒐᑕᐅᒡ ᒐᒋ ᓄᔅᐱᓇᑎᒧᐛᒡ ᑕᓐ ᑲ ᐃᓯ ᐱᒧᑕᔨᒋ ᐸᓚᒪ, ᐱᐅᕐ ᐅᑯᓯᓯᔪᐛ᙮ ᐅ ᐸᓚᒻ ᑲ ᐃᓯᓂᐧᑲᓱᑦ ᒋ ᐃᑕᔨᑎᒥᐃᑯᐤ ᒐᒂᔪᐤ ᒐᒋ ᐅᑎᓂᒪᓱᑦ ᐅᓂᑐᐅᓂᒡ ᐅᒡ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮