ᐊᑈᔅᑕᓇᒡ 12:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᐊᕈᑦ ᒂ ᐎᔭᔨᑕᐧᒃ ᐊᓂᔭ ᐊ ᒋᓯᑲᔨᒡ ᒐ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ᒋᓯᑲᔨᒡ ᒋ ᒋᓴᐅᒋᒪᐛᔅᐱᓱᐤ, ᐊᑯ ᒂ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ᙮

ᐊᑈᔅᑕᓇᒡ 12:21 Iomraidhean Croise

ᒪᑎᔪᐤ 27:19

ᒪᒂᒡ ᒪᒃ ᑈᓚᑦ ᐊ ᐊᐱᑦ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐎᐛ ᒋ ᐸᒋ ᐃᑎᓴᐛᔪᐛ ᐊᐛᔪᐛ ᒐᒋ ᐃᑎᑯᑦ, “ᐊᑲᐎᔾ ᐎᔭᔅᑐᑐᐤ ᐊᓐ ᑲ ᑯᐃᔅᑯᑕᑎᓯᑦ ᓇᐸᐤ᙮ ᐛᔅ ᐊᓐ ᓇᔅᒡ ᓂ ᒥᑯᔅᑲᑕᔨᑎᒥᐃᑯᐛᓐ ᑕᓐ ᑲ ᐃᓯ ᐳᐛᑎᒃ ᑕᐱᔅᑲᔨᒡ᙮”

ᐊᑈᔅᑕᓇᒡ 12:20

ᐊᕈᑦ ᒪᒃ ᓇᔅᒡ ᒋ ᒋᔄᐃᑯᐤ ᐊᓂᔭ ᐃᔪᐛ ᐊᓐᑕ ᑕᐃᕋᒡ ᑭᔭ ᓴᐃᑐᓂᒡ ᑲ ᑕᔨᒋ᙮ ᒪᒂᒡ ᒪᒃ ᐊᓐᑕ ᓯᓴᕆᔭᒡ ᑲ ᑕᑦ ᒋ ᑎᑯᓯᓂᔪᐛ ᐃᔪᐛ ᐊᓐᑕ ᑕᐃᕋ ᑭᔭ ᓴᐃᑐᓐ ᐊ ᐅᒋᔨᒋ ᐊᒋ ᐸᒋ ᐃᑎᓴᐛᑭᓄᔨᒂᓂ ᒐᒋ ᒥᔪᐱᔨᑕᔨᒋ ᑕᓐ ᑲ ᐃᓯ ᒥᒋᐱᔨᒡ ᐊᕈᑦ ᑭᔭ ᐊᓐᒡ ᐃᔪᒡ᙮ ᐛᔅ ᐊᑯᑕ ᐊᓐᑕ ᑲᒋ ᐅᑎᓇᒡ ᐅᒥᒋᒧᐛᐤ ᐊᓐᒡ ᐃᔪᒡ ᐊᓐᑕ ᐊᓂᔭ ᐊᔅᒋᔪᐤ ᐊᕈᑕ ᑲ ᒋᓴᐅᒋᒪᐅᑐᑎᒥᔨᒋ᙮ ᐎᔾ ᒪᒃ ᐊᕈᑦ ᒋ ᐱᔅᑎᓱᐛᑎᒻ ᐊᓂᔭ ᒥᒋᒥᔪᐤ᙮ ᒋ ᑕᔪᐛ ᒪᒃ ᒋᓴᐅᒋᒪᐤ ᐊᕈᑦ ᐅᑦ ᐊᐱᒋᐊᑭᓇ ᐱᓚᔅᑕᔅ ᐊ ᐃᓯᓂᐧᑲᓱᔨᒋ, ᐊ ᓂᓇᑭᑐᐛᔨᑎᒺᑦ ᐊᕈᑕ ᐎᒋᔪᐤ ᐊ ᐃᑕᐱᑎᓯᑦ᙮ ᐊᐅᒄ ᒪᒃ ᐊᓂᔭ ᑲ ᓴᐧᑯᒋᒪᒡ ᒐᒋ ᐎᒋᐃᑯᒡ, ᑭᔭ ᐃᔭᒄ ᑲ ᓂᑐᐛᐱᒪᒡ ᐊᕈᑕ ᐛᔅ ᓇᒪ ᐅᒋ ᓂᑐᐛᔨᒪᐅᒡ ᒐᒋ ᒋᔄᓯᔅᑕᑯᒡ᙮

ᐊᑈᔅᑕᓇᒡ 12:22

ᐊᓐᒡ ᒪᒃ ᐃᔪᒡ ᑲ ᐸᑐᐛᒡ ᒋ ᑕᑈᐅᒡ ᐊ ᐃᔅᒋᔄᒡ, “ᓇᒪᔭᐤ ᓇᐸᐤ ᑲ ᐃᔨᒥᑦ, ᒧᔭᒻ ᐊᐛᓐ ᐊ ᒋᓴᒪᓂᑐᐅᑦ ᐊᐅᑯᓐ ᐊ ᐃᑎᑕᑯᓯᑦ᙮”

ᐊᑈᔅᑕᓇᒡ 24:1

ᐱᑕᑕᒡ ᒋᓯᑲᐤ ᒪᒃ ᐃᔅᐱᔅ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ᐃᓯᓂᐧᑲᓱᑦ ᒋ ᑎᑯᓯᓄᐤ ᐊᓐᑕ ᓯᓴᕆᔭᒡ᙮ ᒋ ᐎᒐᐅᑯᐤ ᐱᔅᒐ ᐊᓂᔭ ᑲ ᓂᑲᓂᔅᑯᐛᔨᒋ ᒍᐤ ᐃᔪᐛ ᑭᔭ ᐊᓂᔭ ᑲᐃᔨᒥᑦ ᑐᕐᑐᓚᔅ ᑲ ᐃᓯᓂᐧᑲᓱᔨᒋ᙮ ᐊᑯ ᒂ ᓂᑐᐛᐱᒪᒡ ᐊᓂᔭ ᒋᓴᐅᒋᒪᐛ ᐱᓕᑭᓴ ᐊ ᐛᐎᑎᒧᐛᒡ ᑕᓐ ᑲ ᐃᑕᔨᒪᒡ ᑈᓚ ᐊ ᐃᓯ ᐅᓂᑐᑎᒥᔨᒋ᙮

ᐊᑈᔅᑕᓇᒡ 25:23

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᐊᒃᕆᐸ ᑭᔭ ᐊᓂᔭ ᐎᐧᑲᓂᓴ ᐳᕐᓂᓴ ᒋ ᑎᑯᓯᓄᐅᒡ ᐊᓐᑕ ᒐ ᐃᔨᒥᓇᓄᐎᒡ᙮ ᒋ ᐸᒋ ᐎᒐᐅᑯᒡ ᓂᑐᐱᔪᐅ-ᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᐊᓐᑕ ᐅᑕᓇᒡ᙮ ᓇᔅᒡ ᒋ ᒥᔽᔅᐱᓱᐅᒡ ᐃᔅᐱᔅ ᐱᔭᒋ ᐱᒐᒡ ᑭᔭ ᓇᔅᒡ ᐃᔭᒂ ᒋ ᐃᑎᓇᓄᐤ ᐊᓐ ᐊ ᐸᒋ ᐱᒐᓄᐅᒡ ᐊ ᐃᔅᐱᔅ ᒋᔅᑕᔨᒪᑭᓄᐅᒡ ᐊᓐᒡ ᐊᒃᕆᐸ ᑭᔭ ᐳᕐᓂᔅ᙮ ᐊᑯ ᒋᓴᐅᒋᒪᐤ ᐸᔅᑕᔅ ᒂ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮