ᐊᑈᔅᑕᓇᒡ 12:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒠᓐ ᐎᐧᑲᓂᓱᐛᐛ ᒋᒥᓴ ᐊᐅᑯᓐ ᐊᓂᔭ ᓂᔅᑎᒻ ᑲ ᐃᑎᓱᐛᑕᑦ ᒐ ᓂᐸᐊᑭᓄᔨᒋ, ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ᙮

ᐊᑈᔅᑕᓇᒡ 12:2 Iomraidhean Croise

ᒪᑎᔪᐤ 20:23

ᐊᑯ ᒋᓴᔅ ᒂ ᐃᑕᑦ, “ᓂᐦᐃ, ᑕᑈ, ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᔭᒄ᙮ ᒥᒄ ᒪᒃ ᓇᒪ ᓂᔾ ᓂᑭ ᒋ ᐅᑎᓇᐤ ᐊᐛᓐ ᒐ ᐎᑎᐱᒥᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ᙮ ᐛᔅ ᐎᔾ ᓄᑕᐎᔾ ᒋ ᐅᑎᓇᐤ ᐊᓂᔭ ᐊᐛᔪᐛ ᐊᓐᑕ ᒐ ᐊᐱᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:35

ᐃᔅᐱ ᐅᔭ ᑲ ᐃᔅᒋᔄᑦ ᒋᓴᔅ, ᒋ ᐸᒋ ᓇᑎᑯᐤ ᒋᒥᓴ ᑭᔭ ᒠᓇ, ᐊᓂᔭ ᓴᐱᑎᔨᒋ ᐅᑯᓯᔪᐛ ᐊᑯ ᒂ ᐃᑎᑯᑦ, “ᒋᔅᑯᑎᒪᒐᓱᐤ, ᒋ ᓂᑐᐛᔨᒥᑎᓇᓐ ᒐᒋ ᐃᑐᑎᒧᐅᔭᒡ ᑕᓐ ᐊ ᐃᓯ ᐱᑯᓴᔨᒥᑕᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:38

ᒥᒄ ᒪᒃ ᒋᓴᓴ ᒋ ᐃᑎᑯᐅᒡ, “ᓇᒪ ᒋ ᒋᔅᒐᔨᑕᓇᐛᐤ ᐅ ᒐᒂᓐ ᑲ ᓂᑐᐛᔨᑎᒪᒄ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᓯᑲᐃᑕᑯᐅᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᐅᔭᓐ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:39

ᒋ ᐃᑕᐅᒡ ᒪᒃ, “ᓂᑭ ᒋ ᐃᑎᓇᓐ᙮” ᐊᑯ ᒋᓴᓴ ᒂ ᐃᑎᑯᒡ, “ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᐅᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᐅᔭᒄ᙮

ᐊᑈᔅᑕᓇᒡ 12:1

ᐊᑯᑕ ᒪᒃ ᐊᓐᑕ ᓴᓯᑲᓐ ᒋᓴᐅᒋᒪᐤ ᐊᕈᑦ ᑲ ᒋᒋ ᓂᓇᐧᑲᒋᐊᑦ ᐱᔅᒐ ᐊᓂᔭ ᐅᒪᒧᐊᔭᒥᐊᐤ᙮

ᐃᑉᕈᐛ 11:37

ᐱᔅᒐ ᒋ ᓂᐸᐊᑭᓄᐎᒡ ᐊ ᐸᐱᐳᒧᓯᓇᑕᐛᑭᓄᐎᒡ, ᐱᔅᒐ ᐊᐱᑐᐎᔪᐤ ᒋ ᐃᓯ ᒋᒧᐳᔭᑭᓄᐎᒡ, ᐱᔅᒐ ᒋ ᓂᐸᐊᑭᓄᐎᒡ ᓂᑐᐱᔪᐅ-ᒧᐧᑯᒪᓇ ᐊ ᐊᐱᑎᓂᔨᒋ᙮ ᐱᔅᒐ ᐊᓐᒡ ᐃᔪᒡ ᒋ ᐃᑐᑐᐛᑭᓄᐎᒡ ᒐᒋ ᐱᐸᒥᑎᓱᒧᒡ᙮ ᒪᔭᑕᓂᓴ ᑭᔭ ᑲ ᐅᑦ ᐊᔅᑭᓂᓯᔨᒋ ᑲ ᐊᐱᓯᓯᔨᒋ ᐊᐛᓯᓴ ᐅᓯᑭᔪᐛ ᒋ ᐅᒋ ᐅᓯᑕᐅᒡ ᐅᑦ ᐊᐱᒋᑕᐅᓄᐛᐛ ᐊ ᒋᔅᑲᒡ, ᓇᒪ ᐅᒋ ᑎᑯᓂᔪᐤ ᑕᓐᑕ ᒐᒋ ᐎᒋᒡ, ᒥᓯᐛ ᒐᒂᔪᐤ ᒋ ᐃᓯ ᓄᑕᐱᔪᐅᒡ᙮ ᑭᔭ ᒋ ᒥᔅᑎ ᐛᐎᓯᒐᔨᑎᒥᐊᑭᓄᐎᒡ ᑭᔭ ᓇᔅᒡ ᒋ ᓂᓇᐧᑲᒋᐊᑭᓄᐎᒡ᙮